呼吸星球

營業中

休息中

火炙鹿兒島和牛超！好！食！切得好薄，真係入口即溶！咬落好似煙三文魚腩咁煙韌，好香牛味同煙薰味，名符其實唇齒留香，食完幾個鐘之後喉頭仲有陣香味（真係香嗰隻）。加埋個祕制汁，令個牛更加香+唔會膩。除咗嘢食之外，杯木星咖啡（沖繩黑糖海鹽latte）都好好。相比普通嘅咖啡，多咗一絲隱隱約約嘅甜味。飲到尾就開始飲到海鹽味，呈現出一個特別嘅層次。最後一啖，有少少似海鹽奶蓋嘅味，啱啱好做一個完美嘅收結。加埋店面裝潢，同埋啲餐具，係值得呢個價嘅。店內燈光稍暗，加上啲聖誕燈飾同擺滿成間鋪嘅古董，好有氣氛，適合任何重要場合。Btw呢個價其實食唔飽，不過真係太太太好食。非常推薦！

想嚟好耐的餐廳，今天終於有時間嚟我在open rice預先訂了位而且是平日十一點左右到所以沒有太多人店家預留了沙發位給我們 很開心不過其實其他位置都很美因為那天沒什麼人 所以我在店內各位置都能拍照而且店員都很歡迎很有禮貌食物方面 最低消費是一杯飲料我們那天點了 梅子蕃茄丼定食$128 和雜莓果手工雪糕伴自家製麻糬窩夫$128味道很不錯 麻糬窩夫 𥚃面嘅麻糬係果莓麻糬煙煙韌韌好特別好好食！飲品嚐了玫瑰咖啡和黑糖咖啡拉花很美 而且味道也很不錯是用心做的咖啡

Among all the old residential and industrial buildings in To Kwa Wan, there is a little café restaurant for you to take a break from the fast pace of living.Fullcup Planet Cafe is a vintage-themed cafe and restaurant providing lunch sets and featured coffee and dessert. There are full of vintage decorations hanging around the dining area, making you feel like you have escaped from the reality and traveled to the past.The price of Fullcup Planet is quite high for a regular restaurant. However, co

上次去呼吸星球就淨係飲野坐下hea下咁，同埋已經食左野，所以就無食到野。今次就再特登過黎食個午餐😛😛🔸京蔥手打漢堡定食 揀左個定食，定食包括有前菜漬物、小食、湯、五穀炊飯。個湯好有沖繩嘅感覺，有啲海藻😛手打漢堡係有50% 沖繩石垣島牛，調味都唔錯，好入味😋小食就係薯仔沙律，無咩特別，正常味道。🔸凍意式牛奶咖啡、熱朱古力咖啡牛奶咖啡就正常水平，不過杯朱古力咖啡就超濃朱古力味😋都真係幾鐘意呢到，好舒服，放假黎坐下都好唔錯！

因為屯馬線開通左之後，多左機會去土瓜灣覓食，今日就同友人去了位於土瓜灣既呼吸星球。其實餐廳位置都唔係太近地鐵站，反而係喺土瓜灣站同宋王臺站既中間。餐廳內布置好有特色，好多特別嘅擺設，好有去左沖繩既感覺。我同朋友起初被安排坐在比較入的位置，座位比較窄，燈光比較昏暗，好有壓迫感。好在之後可以轉番去坐在近窗的卡位，感覺比較良好。至於食物方面，我同友人分別叫左：兩款定食都好有水準，伴碟小菜都好好食。叫飲品時發生左一件小插曲，話說店內要求所有食客都一定要叫一杯飲品。我地就直接依我地對水果的喜好叫了2杯有「推介」既飲品，冇詳細去睇個飲品的全名，只係我地order時先好奇問侍應 「燒酎」點解，先知原來係酒精飲品，好在都有好多無酒精飲品選擇。

係土瓜灣住左咁耐最近先發現附近有咁有懷舊氣息既餐廳本身以為係茶餐廳或者港式扒飯係朋友ig不斷見到打卡post先發現原來專門食日本和牛料理既店就決定係openrice book位試一試一入到發現每一個角落都無分主題放左各式小玩意雖然無特別主題分類但感覺好似自己房間一樣咁隨意感覺唔錯每人最低消費係一杯飲品，想要消爽既野飲可以同我一樣飲乳酸系列開下胃餐牌上都好多酒類飲品可以同朋友happy hour當晚岩岩好遇到幾款熱門食品減價為左獎勵一下自己就order左火炙半熟鹿兒島和牛定食一上枱就好驚喜和牛被切到非常薄既一片片比平時機切既再為薄少少微微火炙燒出油香半肥瘦既平衡都掌握得直配上燒香既洋蔥同特製調味相當好滋味本身以為份量會唔夠但食到一半已經好飽朋友唔食肉都同和一齊黎打卡平時除左小食外都會有一款蔬菜/齋當日既係梅漬番茄定食

之前有好多人拍片寫ig post推薦呢間vintage 嘅 cafe我見佢都幾靚又近就諗住去做下嘢不過係有時間限制㗎而且係有低消原本諗住去叫個飯 點知係唔得要再叫一杯野飲但佢個飯本身就貴過個杯野飲好多唔知點解我叫飯仲要我落多杯野飲先得如何大家想去打卡就可以去做野就唔推薦 食飯都唔推薦不過之後睇翻啲人話佢嘅飯都唔太好食不過我就未食過 大家自己執生我叫左杯梳打 就係普通我係711買到嗰啲有果梳打水 不過佢係decorate得幾好睇

近日工作繁忙，咁啱做完嘢路過，慕名而來，平日兩點walk in, 還有卡位。Cafe裝修以懷舊復古風格聞名，好多人特登嚟打卡。無可否認，裝修有別於一般餐廳，攞設咗好多舊擺設，但其實有啲雜亂😅食物方面，睇到餐牌大部分食材都係牛肉，對於唔食牛嘅我實在得很少選擇。待應哥哥好好，細心介紹非牛嘅選擇。諗咗一輪，最後叫咗梅子蕃茄丼定食，再加杯熱玫瑰牛奶咖啡。 等咗15分鐘，待應送上咖啡。個杯好靚，再加上拉花和玫瑰花瓣，好match! 咁靚當然不停影相，但杯咖啡好快凍，飲嘅時候已經係暖咋！味道唔錯！捱住肚餓再等多15分鐘，定食終於出現啦！梅子蕃茄酸酸哋，甜甜地，食落好開胃，送飯好啱，好快就食晒成碗飯！有兩碟前碟，有菇和菜，兩碟都好食，再飲埋個海鮮湯，正！其實，落單到食物上枱，等咗半個鐘太耐！雖然等待期間可以影吓相，打吓咭，但始終嚟食嘢嘛！食物質素幾好，定食好精緻，好有日本嘅感覺！而且，食材簡單到一個蕃茄就整到咁好味，真係impressed! 最後，價錢方面，定食$128，咖啡$39（原價$59，定食加配減$20），再加埋一，埋單$184。性價比一般，但係試吓無妨！走咗星球一轉，唞唞氣，义义電，食

【鹿兒島和牛燒肉定食🍱】 $289📍和牛味道濃郁，油脂味重，再加上部位係「沙朗」肉質唔會嚡口📍米飯偏軟身，部份牛脂已經溶入飯裏，再次享受到和牛所殘留既餘韻📍雖然煮法單調，但咁既食法就可以直接品嚐和牛既味道【小星球咖啡☕️】$29📍普通既鮮奶咖啡，味道不過不失試伏簡評🧐：雖然食物價錢偏貴，但店內裝橫充滿懷舊復古味道🎩，同朋友Chill 吓確實一流！再加上佢哋採用優質食材😋，所以唔伏！中伏指數：1/5好味指數：3/5性價比：1.5/5

Bookmark咗好耐嘅鋪頭，終於喺閒日嘅中午去咗試🪐 估唔到閒日兩點鋪頭都已經有一半人，呢度食物選擇唔多，特別係無咩輕食，主要食黑毛和牛🐮 因為朋友唔食牛，所以今次就只係試咗玉子燒同埋甜品🍨食落食物都正正常常，份量偏小同貴，不過餐具好靚～ 去得呢度，當然係食環境🤪 環境設計好有特色，10分我真係比滿分，唔知點解我諗起台中#宮原眼科～ 不過如果你要影到最靚果個位，就好睇運氣，但唔影相同朋友喺咁靚嘅環境嘆啡都唔錯嘅☕️ 📍呼吸星球地址︰土瓜灣馬頭角道91號地舖

其實我book mark左呢一間餐廳好耐不過遲遲未有機會去係今日一個平日嘅下午，終於有機會嚟食個午餐🙃餐廳環境係其中一個超級吸引我嘅地方可能由於食客唔多，相信應該係店長嘅男士，會同食客分享店內嘅裝修設計同珍藏感覺好好！服務員小姐好難得可以係一間餐廳裏面，成日聽到服務員小姐嘅笑聲，無論係同店內嘅同事，又或者係同食客嘅交流，不時都會聽到佢嘅笑聲，令到餐廳氣氛都好起來！食物無論係賣相定係味道，性價比都非常高！特別一提：非常欣賞佢… 「男子組添飯」！絕對唔係誇張，可以講話係接近完美嘅一餐午餐未必要去酒店/豪華嘅餐廳喺呢度我都有咁嘅感覺！🎈

Cafe 入面每一個都係打卡既位📸 除左打卡, Cafe 入面仲擺左好多店主收藏既古舊玩具同擺設, 可以一邊嘆住美食一邊欣賞店主既收藏懷緬一下兒時既美好回憶🤓 為左去到唔會摸門釘, 所以一早上Openrice訂好位, 好好彩今次仲要俾我reserve到全間餐Cafe最靚既位😍 真心好滿足, 因為店主confirm booking 既時候都話未必留到, 所以都有心理準備坐唔到, 今次呢個係一個Bouns黎既🤩 呢個位係全間Cafe最角落既一個位, 成個conrner 都放滿左唔同既懷舊玩意, 仲有兩張靚梳化, 連啲窗簾都好配合主題嫁, 真係可以無死角打卡😂 因為呢個位自成一角, 所以可以瘋狂影相都唔會騷擾到其他人👍🏽 不過如果坐唔到呢個位都唔洗灰心, 因為Cafe 基本上每一個角落都排掛滿左裝置飾, 所以唔同角度影都唔錯嫁😎 野食方面呢度都係食啲充滿日式風情既食物, 例如和牛定食, 漬物, 清酒, 鐘意飲特別啲既可以些試下燒酒梳打🍶 不過今次因為去左其他Cafe食到有啲飽飽地, 所以就每人叫左杯飲品同埋一個甜品🍭雜莓果手工雪糕伴自家麻糬窩夫🧇 ($128)呢個Waffle 真係不得了,

以前既白宮冰室係一間舊式茶記mix粉麵舖, 之後曾經係一間懷舊酒吧, 間中借場拍戲, 至到而家估唔到係做日式食物既懷舊風cafe~假日係呢度歎下杯啡坐下休閒enjoy~欣賞舊古物時, 都不忘係要醫肚既~講到食, 佢既主打日本鹿兒島和牛燒肉值得一試, 質素高, 牛肉軟身及多肉汁而且保留到肉汁香味, 口感好唔同, 而且牛肉份量多, 可以落海鹽mix牛肉去食好滋味! 飯食哂都未食哂啲牛肉呀~呢份定食旁邊重有前菜沙律及湯, 味道唔錯架~加埋歎住杯拉花好靚, 好香咖啡味既mint latte, 整體食物好喜歡! 下次再黎要試佢既日本石垣和牛先得！之後重要叫埋甜品先滿足, 窩夫暖暖地, 微脆加上朱古力雪糕&香蕉, 2個無得停口la!特選鹿兒島和牛燒肉碗盛飯 $198Pluto (Mint Latte) $64Venus (Rose Latte) $64香蕉朱古力雪糕窩夫 $49

由於冇訂位 等了差不多一個鐘先入到去 職員都知我地又熱又攰 都親切地話安排個靚位比我地一坐低 我地大家到被裝飾靚到哇一聲 係餐廳嘅角落位置 布滿左各式各樣「古董」仿似回到過去一樣 裝飾亦起了屏風嘅作用 好似自成一角京蔥燒汁手打漢堡定食 $188漢堡扒係由50%和牛加50%石垣牛打成 油香十足 配起飯來唔會膩極上石垣牛燒肉定食 $298第一次試石垣牛 十分推薦 份量唔孤寒 唔會話好薄 因為冇太多嘅調味 好能夠食到石垣牛香嘅牛味 又唔會有和牛個種油膩嘅感覺 真係唔想咁快食哂Pluto $64薄荷有啲蓋過了咖啡味 下次可能要問下可唔可以少syrupVenus $64呢杯好好飲 唔太甜 面頭啲玫瑰花打卡一流Deluxe chocolate $59朋友見到cream嘅份量已經好開心

呢間懷舊裝修咖啡店，無論店內嘅擺設，枱櫈都一樣充滿懷舊嘅冰室色彩。✨當入到黎呢間咖啡店嘅時候，會令到自己目不暇給，周圍望吓，感受吓以前香港情懷，擺設各具特色。✨✨嚟到當然係要叫打卡嘅花花杯咖啡，好襯呢個環境，啱哂影相打卡😍✨(´▽｀)，咖啡味道都不錯，會再到訪。❤️❤️