呼吸星球

營業中

休息中

火炙鹿兒島和牛超！好！食！切得好薄，真係入口即溶！咬落好似煙三文魚腩咁煙韌，好香牛味同煙薰味，名符其實唇齒留香，食完幾個鐘之後喉頭仲有陣香味（真係香嗰隻）。加埋個祕制汁，令個牛更加香+唔會膩。除咗嘢食之外，杯木星咖啡（沖繩黑糖海鹽latte）都好好。相比普通嘅咖啡，多咗一絲隱隱約約嘅甜味。飲到尾就開始飲到海鹽味，呈現出一個特別嘅層次。最後一啖，有少少似海鹽奶蓋嘅味，啱啱好做一個完美嘅收結。加埋店面裝潢，同埋啲餐具，係值得呢個價嘅。店內燈光稍暗，加上啲聖誕燈飾同擺滿成間鋪嘅古董，好有氣氛，適合任何重要場合。Btw呢個價其實食唔飽，不過真係太太太好食。非常推薦！