呂錦記手撕雞專門店 (皇后大道西)

營業中

休息中

早2日經過西營盤果頭～行緊途中見到一間手撕雞好似好好味咁😋而且手撕雞又係我至愛食🙂‍↔️咁啱當晚包餃子順便加餸😇所以就買左2人份量試吓～我叫左份川香手撕雞～微🌶️~細嫩多汁，肉質鮮美🙈鹹香適中🤗每一口都能感受到雞味的香濃😐不會有油膩感🤗好有風味感😍份量亦算多😂配白飯/煮麵食一流🙂我同朋友一齊開心share~佢哋個個都話食得津津有味😇會再幫襯過🤤店舖仲有多款雞選擇～亦有選擇套餐🤡

被內地譽為手撕雞天花板嘅❣︎呂錦記手撕雞❣︎喺香港開嘅分店越來越多🥳👍🏻西營盤又新開左一間啦，以40種中草藥🌿老湯熬煮，再以24小時冷鏈出貨保持新鮮，堅持用3分鐘現場手撕，之後再加入原湯確保做出最佳口感同調味👍🏻價錢相宜，所以深得街坊歡迎👏🏻分店亦越開越多。❣︎懷舊麻油手撕雞❣︎(半隻)$58手撕雞肉充滿彈性，淋上麻油同芝麻😋👍🏻香氣四溢，充滿鹹香，加餸一流。❣︎一人套餐❣︎$48會跟一人份量手撕雞飯，底部仲鋪滿大量青瓜絲，仲送埋一份小食同一罐飲品😋👍🏻一個人晚飯岩晒，小食我揀左花生🥜炒得超香脆。

呂錦記嘅分店開到嚟西營盤了，作為街坊，點都要Try Try🥰店舖地點就喺正街附近，都幾方便。懷舊麻油手撕雞即叫即撕，雞皮顏色金黃油亮，可以揀辣唔辣，Total有六種口味添。我哋揀咗芝麻味，淋上麻油和芝麻，香氣四溢。雞肉很有彈性，輕輕一撕便能分開，麻油潤滑感充滿了香氣。入口帶有一絲微微鹹香，很回甘。小食雞中翼入口凍冰冰，肉質紥實，有肉汁，鹹香適中。雞腎口感很爽脆，味道鮮美，配合特製醬汁，帶有一絲微辣，唔錯！

吕锦记终于开来了西环从此外卖回家多了一个选择麻油手撕鸡非常的香，在做的时候就闻到了，饿的不要不要鸡爪吃到停不下来！！！小菜微辣，搭配手撕鸡很不错！！建议不要隔夜吃！！会嫩很多

同朋友經過見到呢度新開咗間《呂錦記手撕雞專門店 》朋友話食過覺得唔錯咁我都買返屋企試吓先又可以煮少一餐🤭ღ香辣手撕雞 呢度半隻份量食落又香又麻😋雞味香濃ღ蟲草花水晶雞 係秋冬限定，仲要係人氣no.1！水晶雞用蟲草花蒸製，一打開錫紙，香噴噴～蟲草花獨有嘅菌菇香氣同雞嘅鮮香滿溢而出，雞肉嫩滑juicy，入口鹹香惹味見仲有好多小食選擇每款都係$18咋揀多幾款返屋企加餸先🤗揀咗爽脆雞腎、雞腿骨同惹味菜脯😋

今日去西營盤探一位長者，見附近新開一間呂錦記，於是外買了一盒手撕雞和兩盒小吃上去，和老人家啤一啤。.手撕雞真係名不虛傳，雞肉事先去皮去骨，入口嫩滑細膩，完全無半點多餘脂肪嘅油膩感。雞絲經過精心手撕，大小均勻，配搭少少辣嘅調味，唔會嗆喉，但又啱啱好帶出一點刺激嘅層次感。.青瓜絲同樣係一大亮點，清爽脆嫩，吸收晒雞絲嘅醬汁，食落清新解膩，而炸花生就增添咗一份香脆嘅口感，特別係當佢同雞絲一齊食嘅時候，層次好豐富。最後，嗌埋佢嘅中華沙律，酸甜開胃，完美平衡咗整個餐點嘅鹹香。.老人家食到眉開眼笑，仲話呢啲簡單但有心思嘅菜，先係最正宗嘅家鄉味道。

今日同屋但人係西營盤買海味，見到手撕雞專門店，有多種口味，吸引左我去幫襯。最特別係當場即撕雞肉🍗，大大隻雞即場撕出一絲絲雞肉，我就點左五香花生手撕雞半隻$58，西域孜然手撕雞半隻$60，雞腎一份$18，菜脯一份$18。呢度有中英對照餐牌好貼心既安排☺️五香花生手撕雞大大粒花生鋪係面，脆口入味，有五香味，亦有炒香過花生🥜個種味，濃濃的。呢款手撕雞唔辣，雞味好濃，雞肉質地好似走地雞個種口感，煙韌，有雞味，雞皮方面一啲唔肥，我通通都食曬，有咬口。鳳爪有一隻，意外驚喜煮得好嫩滑，一啲唔硬，雞皮係脆口，單單一隻鳳爪食到好乾淨😍😍如果小食有鳳爪賣我會買來食🤤🤤西域孜然手撕雞🌶️有陣陣孜然味，醬料方面份量岩岩好，1:1既份量，亦都唔會太咸，送飯一流，🌶️有一隻，有微辣，唔食得辣既人都食到，呢種味道好想令日再食🤤雞腎雞腎小食亦都有驚喜！脆口爽口，一啲都難咬😋唔會覺得腥，份量又多，超抵食！

我今日去左西營盤找朋友，經過位於皇后大道西263號地舖，原來開左間呂錦記手撕雞專門店，朋友之前有提過，今日路過，剛好買2個手撕雞套餐 $96。我點左個 原味手撕雞套餐 $48，有原味手撕雞配白飯、小食係原味雞腎、和罐裝可口可樂；朋友點左個 小辣手撕雞套餐 $48，有小辣手撕雞配白飯、小食係小辣雞腎、和罐裝忌廉梳打。我食唔到辣，都係食原味手撕雞啦，份量十足，雞肉嫩滑，好味又好食；少辣手撕雞好惹味，尤其是少辣雞腎，朋友俾我試少少，我都可以食到呀！

呢間手撕雞專門店遍佈多區最近經過西營盤見到呢區都開咗新店吸引不少附近街坊原本打算買返屋企今晚加餸點知拎到返屋企．未開飯已經當下午茶食咗一半✨手撕雞多款不同口味．有辣有唔辣揀咗西域孜然．非常香口撕開啖啖肉．另外仲有雞脾同雞爪滿滿一盒．份量充足✨蟲草花水晶雞除咗手撕雞之外．水晶雞都好正加入蟲草花．吸收哂湯汁精華用錫紙包裹著．保留肉汁Keep住溫度秋冬必食另外揀咗幾款小食作下午茶 / 宵夜伴酒嘅最佳選擇✨雞腎✨雞翼✨雞腿骨

之前住西環嘅我已經好耐冇返過西環～今晚今日約咗朋友拎嘢重回舊地～咁啱經過見到呢間手撕雞新開張無耐，忍唔住買返啲嚟試吓😂之前食過嘅手撕雞，多數都係得一種口味但今次呢數有好多種口味選擇。我都係揀返最普通嘅麻油口味🤤$58已經有半隻雞份糧👍🏻除咗手撕雞之外，見佢仲有其他小食😁套餐都只係$48有手撕雞飯+小食+野飲~都幾抵食🤤

【中西區】【呂錦記手撕雞專門店】喺港島想買啲嘢返公司食，但係喺條街度揀嚟揀去都唔知食咩好，當時我個人就喺西營盤。上網 search 吓先發現原來之前喺西灣河食過覺得唔錯嘅「呂錦記手撕雞專門店」居然開到過嚟西營盤，仲喺我當時身處位置嘅附近，咁就即刻衝過去，試吓呢間啦。一直令我念念不忘嘅係佢哋嘅手撕雞，所以點都試佢哋 $58 嘅半隻「原味手撕雞」，一打開就聞到好香嘅雞味，所謂食雞要有雞味，就係講緊呢種。佢哋雞皮同雞肉嘅比例都混搭得好好，唔會話太肥，亦都唔會話太瘦，文字描述都難以形容佢有幾好食。跟住就試啲小食，一款 $18，我揀咗三款嚟試，包括「雞腎」啦，「雞中翼」啦，同埋「五香花生」。第一段講過我拎咗返公司食，公司啲同事見到啲嘢咁靚都即刻問咗好多資料。係呀，呢度加埋 $112，我一個人食啱啱好，佢哋抽咗一兩嚿嚟試，都話好食。。。（地址：西營盤皇后大道西263號地舖）@lvguodong668呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：東區：1am1090#1amfoodie #foodie #hkfoodie #thatfood

呂錦記手撕專門店喺各區都有分店，之前都有買外賣食過，覺得都真係幾好食，而且價錢仲非常大眾化，真係平靚正！今次見到佢喺上環都開咗分店啦！真係方便好多!今日我買咗一個lunch⭐手撕雞套餐(手撕雞飯+小食+飲品)$48- 我就揀香辣手撕雞+雞中翼同罐裝橙汁- 仲叫多咗個小食雞腎$18手撕雞份量十足，而且皮嫩肉滑，少少辣好惹味，一陣已經食曬成個飯！而且佢嘅雞翼雞腎都好好味，無論送飯或者做小食都係一流!😋以後係屋企就可以成日落嚟加餸啦！

這家的手撕雞真的是太好吃了！上次在西灣河時候app上面點過香辣口味手撕雞，戀戀不忘，沒想到這次開在了家門口喔它家的雞肉非常新鮮，肉質緊實而不柴，每一口都能感受到鮮美的滋味。調味恰到好處，既有淡淡的香料味，又不會搶奪雞肉本身的鮮美。最讓人驚喜的是那獨特的手撕工藝，讓雞肉更加入味，吃起來更加細膩多汁。搭配的醬料也是一絕，完美地襯托了雞肉的美味。無論是作為家常菜還是宴客佳肴，這道手撕雞都絕對能讓你的餐桌增色不少。強烈推薦給所有喜歡美食的朋友！