吞POT 雞煲火鍋.住家菜 (山林道) (已結業)

繼上次在太和吃過滿足的雞煲火鍋之後，假期尋尋覓覓找到間好評食店，吞POT雞煲火鍋住家菜，油尖旺三間各有特色，今次就來到山林道分店試試真偽，分店處於大廈12 樓全層，地方清靜檯與檯間隔鬆動，比較平日街邊食雞煲起來這裡就是高尚地品嚐雞煲🤣👍開餐!超級推介! 炸魚皮，店員上檯強調這是新鮮即炸魚皮，堅脆堅大件👍 強烈建議食雞煲時盡點雞汁食盡佢😁 因為就算加湯後有第二種食法但也沒有第一種食法那般邪惡美味!香辣雞煲，選了BB辣剛剛好有麻辣味香料味將半隻雞的鮮味引出。湯底有洋蔥薑粒辣椒等愈煲愈濃味的材料，建議加湯後先加肉類等增加湯的鮮味讓湯底較濃。特級美國肥牛&稻庭烏冬，肥牛放得很美，肉質不肥較適合已出雞油的雞湯底做主菜😋 配上快熟烏冬滑溜吸味。日本廣島蠔&百福豆腐，兩款不宜煮太耐所以我們用了湯匙來慢煮較佳。大檸樂&蜂蜜綠茶，個人建議order大檸樂或者相似特飲，因為既然叫得罐裝支裝飲品何不叫杯由頭飲到尾夠飲的冰涼涷飲🤣注意：除了加一服務費外需要另收醬料費$12

今晚突然好想食雞煲天氣熱食雞煲一流呀🤣咁岩去開尖沙咀呢頭同老公去左呢間「吞pot」入到去職員遞上一盤醬料有9款選擇自行調制自己鐘意既醬料人頭醬料費每位$12我就整左：生蒜、炸蒜、指天椒、豉油最後加d蔥花我地揀左1. 香辣雞煲 半隻 價錢：$178 BB辣（走辣/BB辣/小/中/大辣）雞好滑 唔鞋「索」哂d汁好惹味我地食哂d雞職員就會幫我地加湯2. 炸魚皮價錢： $65職員話魚皮即炸要食左先炸魚皮真係無得輸👍🏻真心好好食又脆又鬆化個人覺得魚皮係加湯前食係好味dd汁濃d食到停唔到口3. 特級美國肥牛 價錢：$198真係超大碟呢隻牛少雪花口感就會濃d無咁肥牛味就更加出色4. 稻庭烏冬 價錢：$33烏冬放係雞煲既湯度煮零舍好味架5. 日本廣島蠔 （約6隻）價錢：$88蠔鮮味大大隻建議唔好煮咁耐會好味d6. 山水豆腐價錢：$45打邊爐或食雞煲我最鐘意就係食豆腐因為吸收哂湯既精華好好味呀飲品： 7. 蜂蜜綠茶（支）價錢：$248. 大檸樂（杯）價錢：$36真係超推介雞煲好惹味好好食職員服務很好地方坐得好舒服大滿足的一餐

放工跟同事食飯，建議到尖沙咀晚餐，方便大家食完飯回家。有人提議到山林道打邊爐，去到才知道原來這裡起了一棟全是餐廳的大廈。因為見到樓下的店員很落力派傳單，便決定到這裡一試。原來除了打邊爐，亦可以選擇雞煲。配料的選擇都幾豐富，不過湯底就比較少選擇。招牌螺片濃雞湯鍋拼四川麻辣鍋(小辣)($108)打邊爐可選擇以雞煲或湯煲，因為食雞的人不多，所以我們選擇了雙拼湯底(以價高者再加$10)。因為又想食辣，所以選擇了招牌螺片濃雞湯鍋拼四川麻辣鍋(小辣)。招牌螺片濃雞湯鍋好香好濃雞湯味，螺片已經煲到好軟身好淋，已經加入了大量菇類令整個湯底都好鮮甜。未開始打邊爐都已經飲了2碗湯了。另外的四川麻辣鍋(小辣)用上好多不同的香料﹑辣椒﹑花椒﹑八角等，所以味道好豐富，唔止有辣味，還有麻的感覺，但個人覺得八角味偏重，食落帶點微苦澀。十全大寶丸($158)其實是5款手打的特式丸，每款各兩粒。有生拆蟹粉墨魚丸﹑黑松露墨魚丸﹑黃金海膽黑墨丸﹑鵝肝蝦丸及芝心牛丸。價錢唔平不過用料夠晒特別，而且口感都好鮮彈牙，可以一試。蜂巢豆腐($55)吸收了湯底的精華，十分好食。午餐肉($55)打邊爐必點的。鮮腐竹($45)放到雞湯湯煲

如果唔係同事話去山林道打邊爐，我真的不知道原來山林道開了一棟新的大廈，成座都係餐廳，以後尖沙咀覓食又多一個地方選擇了。哩度除左打邊，仲可以選擇雞煲，火鍋同雞煲的湯底選擇大致都差不多，不過我地唔係食好多肉，所以選擇了普通打邊爐。招牌螺片濃雞湯鍋拼四川麻辣鍋(小辣)($108)因為唔係每個人都食辣，所以揀左雙拼湯底。雙拼係以兩個湯底中較貴的價錢再加$10。我地揀左招牌螺片濃雞湯鍋拼四川麻辣鍋(小辣)。怪不得螺片濃雞湯鍋是招牌湯底，因為真係好香濃好好味，未開始打邊爐時我地每人都飲了1-2碗，未開始食就已經要先湯了。湯底味道好濃好香雞味，但唔會太咸，飲完完全唔口渴。可能加左大量螺片同菇菌類，所以成個湯都好清甜，無論配菜定肉都好適合。四川麻辣鍋(小辣)用上好多不同的香料﹑辣椒﹑花椒﹑八角等，所以味道好多層次，而唔會一味只有死辣的感覺。而且麻味唔算太重，唔會食到成個口都麻痺左。十全大寶丸($158)每款手打特式丸都想試下，所以揀左哩個十全大寶丸。有生拆蟹粉墨魚丸﹑黑松露墨魚丸﹑黃金海膽黑墨丸﹑鵝肝蝦丸及芝心牛丸。都算係幾少見的丸類配搭，個人幾鍾意鵝肝蝦丸同生拆蟹粉墨魚丸。黑松露墨魚丸的黑松露味唔算

今晚同朋友行開尖沙咀，途經山林道，山林道一向多高質食店。發現有間叫吞pot雞煲火鍋。剛好又係食飯時段，就當然要食下啦。店內冷氣充足，食雞煲火鍋最怕是環境熱。坐位又夠多和大。環境清潔乾淨。醬料配材也十分多。店員很有禮貌。首先講雞煲，份量又多，雞好入味道，雞煲好香，雞肉好嫩滑，令人胃口大開。食完雞煲，即時點食材打邊爐。叫咗午餐肉，食材新鲜，份量又足。又叫咗爆芝響鈴，包住芝士，芝士味好出，個人認為是必食的食物。水鱿又很新鮮，滑滑地，好感一流。皮蛋非常入味，份量好多。又有冰菜選擇，新鮮冰菜，好好食。炸魚皮也是必食的，又脆又新鲜。再叫杯Asahi beer。一邊享受beer 酒之餘，一邊打邊爐，跟三五知己聊聊天。絕對是很開心的。綜合各方面，食材質料，價錢，環境和服務。絕對值得在此一讚。

呢幾日又涼番，同朋友又去左打邊爐環境開陽坐得非常舒適，食物質素也真的唔錯樓底算幾高同通風幾好，唔會焗係D油煙味，食完個身都唔會好大陣打邊爐既味調味架一應俱全，自己自由配搭想要嘅醬料，醬料可以自由配搭我既配搭中意食辣，但又唔係好食得辣既我，呢個麻辣bb辣就岩曬雞肉份量都幾多，茶實我地只係點左半隻，但好足料，肉好多，呢個真係好香，食落無雪藏味，肉質又諗又滑，個雞仲有少少酒香幾吸引，個汁辣辣地夠惹味必點之選雲吞，又爽口又索到湯汁 ，大大粒好飽滿呢個係真心推介！見到差唔多台台都會叫，而且好大份即叫即炸，上枱個時熱辣辣響鈴卷真係要食，即炸本身好脆口，但個人建議要放落雞煲到，滾一滾就食得，真係滾一滾就扲起，入口仲係好脆，口感非常有層次必食！炸魚皮值得點，都係即叫即炸，又薄又脆，薄脆程度比起食薯片多陣層次冰菜又係必點，唔係成日食到，亦都唔係好多邊爐點有得點黎係，好脆身又索到湯汁，入口即溶唔使點O趙水魷份量都夠晒厚切，好大方點少得吔腸呢朋友每次打邊都例點既骨髓飲酒好抵，同點凍飲價錢相若真係好大杯，係正常杯既兩倍量好食好飽又滿足，正價都唔係特別貴，但係食得好滿足我地食9半呢轉真係好抵，D配料有半價優惠飽

單點式雞煲打邊爐都食過好幾間，但呢度既雞煲都算係我食過最足料又好味既，所以再度番兜位置坐得幾舒服，唔會迫到手撞手，坐到迫埋晒，四人坐六人枱，枱坐得好鬆動調番個醬先四個人其實應該點一隻雞但因為我地想打邊爐食多D，所以只叫左半隻雞雞斬得大小剛好，啖啖肉，無咩脂肪個汁好香，雞肉好嫩同D醬好浸到入味魚皮和響鈴卷都係即炸上枱仲係熱既，就咁食都好正魚皮唔使浸即食都好香口脆，油味唔重亦都無浸晒油，就咁食都好正響鈴卷一定要放落雞煲浸3秒索到D湯汁，手起刀落要快，撈番上黎食，會食到兩極滋味，又有湯汁&仲有卷既脆口感打邊爐唔少得芝士腸、芋絲、午餐肉，都係必點既手打墨魚滑夠彈牙，基本上係打邊爐必備佳雲吞一定要點，浸熟左好大粒，好足料，入面食到大大隻打邊爐又點少得整番個菜菜子呢打邊爐加皮蛋，我發現左呢個真食法幾好味點左大檸樂，大大杯，相片反映唔到實物既巨大，就好似7仔既大杯大咁上下SIZE再=多少少，呢餐邊爐真係由頭飲到落尾下次再試埋其他大檸系列發現酒幾抵飲，同其他凍飲差唔多價錢，ASAHI抵飲，打邊爐飲下啤先夠暢快我地係衝住個優惠黎既，反正放假早d食完仲可以去隊番個糖水，我地7點半前交枱埋單，打邊爐既配料有

今晚同媽咪去食雞煲去咗山林道一間同事介紹既餐廳食，依度裝修特別，座位寬敞，感覺舒服食雞煲前先叫個吞pot招牌沙律好多料ar~底層係沙律菜，中間有切絲蘋果，上面有蟹柳絲&蟹籽，加上芝麻醬，口感豐富又開胃，味道都啱啱好餐廳都有好幾款雞煲選擇，最後我地揀咗花雕藥膳雞煲上枱時已經嗅到好濃郁藥膳味，好足料!!雞肉入味，嫩滑，下次一定要叫一隻雞半隻唔夠喉依度仲有個出名既爆芝響鈴響鈴入面包住芝士除此之外，我地仲叫咗手打香煎鵝肝蝦丸真係有一大粒鵝肝係入面嫁@@ 蝦丸夠彈牙

如果唔想諗食咩 其實打邊鍋呀 雞煲都係一個唔錯既選擇 今晚食左個雞煲火鍋 🍲 湯底叫滋補螺片花膠雞煲 湯底既雞味好濃郁 花膠好幾片 好足料咁 飲一飲頭啖湯 就覺得好正 令到個雞味好好好出 雞肉都岩岩好 煮過時都唔會話好老 係有水準既雞肉不得不提碟丸 一碟十粒 有幾隻味 每隻味都好好食 要再encore 特別係芝士個粒丸 個芝士好濃 好重芝味 中意既芝士既 真係會瘋狂 而肥牛都厚身 好有口感 都正 其他飲料就無咩特別 打邊鍋當然要配可樂啦 總括而言食物唔錯 但個價錢就比較貴 大時大節去食一次半次都可以既🤣

今次已經係第二次食吞pot, 食得回頭草，就顯示呢個火鍋店係好野！！不過今次去到另一間分店，呢間尖沙咀分店係岩岩開，在山林道寧靜的一角，要上到大廈樓上，一去到見到裝潢好靚，驚喜既係見到佢有露台，可以book坐出面，見到少少維港景色，星期日晚上仲睇到幻彩詠香江！一如既往，一坐底店員就送上九格醬料盤，自己隨意製作自己的醬料，唔使行出去，方向我呢d懶人！今次都係encore胡椒豬肚雞煲，原因好簡單，因為真係好好食，本身去酒樓我已經好鐘意食胡椒豬肚，奶白色既湯底，濃郁但不刺鼻既胡椒味，唔似其他傳統雞煲咁肥膩，雞件又嫩滑，粟米粒粒都好咬口，食完都已經飽飽地！個人特別鐘意枝竹，特登叫多一盤加落去，正！菜菜籃亦係焦點之一，冇諗過會咁大盤，條條菜都好新鮮靚正。朋友唔食牛，特意叫左羊肉片，羊羶味出，唔太肥，又係好快清哂！

中午同朋友諗住慢慢食個火鍋，再去睇戲。我地12:30左右黎到，應該剛剛開沒多久所以人唔多，而且我見大部分人都係食小菜飯，只有我地這個時間就來食雞煲。其實我見佢地的中午餐都好像不錯，下次都可以再黎試下。佢地都有好幾款雞煲的，個辣酒花螺都好吸引，不過今次就先試個花雕藥膳雞煲。不吃雞煲也可以直接叫火鍋湯底打邊爐。一去到佢地就俾個九格醬料你們任君選擇，基本火鍋配料齊全的。我見他們還有些小食供應。我地叫左半隻雞，之後我後悔了，好想叫一隻haha 是我太大食？佢花雕味都出，真的不錯，反而藥膳無花雕咁重。雞件肉質都好嫩滑，仲好有雞肉味。而且仲有啲秀珍菇，粟米仔等配料，湯味好香。除左雞煲之外，我們還叫了一份魚和菜。材料都很新鮮👍🏻兩個人三百幾，差不多了。😆然後唔知點解個膳片和菜有5折，更抵了。整體來說中午來人不會太多，所以坐得好舒服，可以慢慢食。食物又真係新鮮又幾好吃，員工也friendly.

雞煲控必試😋！高質雞煲打邊爐！這間雞煲位於尖沙咀山林道，十分就腳。一打開鍋蓋，已經嗅到濃烈的雞肉味，雞肉頗嫩滑，而且辣度適中，而且螺肉十分鮮甜野味，又麻又辣的口感，一個字爽😆另外，餐廳牛肉選用韓牛，入口香軟；丸類及餃類都是手包，最為驚喜的莫過於芥末一口和牛牛肉入口即溶化，超多牛肉汁呀！我們四人同行埋單 $1500 價錢都算合理。吞POT 雞煲火鍋.住家菜 (尖沙咀)📍尖沙咀山林道38號銀座38 12樓

近排翻工多野做，總想食啲好野慰勞下自己。之前同事有推介過呑pot雞煲好食，今日就決定放工去試一試。餐廳環境雖然大，但好多枱都爆滿。我地8點入去淨翻嘅空枱唔多。呢道晚市最出名就係雞煲同邊爐，雞煲嘅選擇都幾多，有辣有唔辣，全部都可以揀半隻或者一隻雞。我同事有推介我食花膠雞煲，但係今次我就揀左胡椒豬肚雞煲。胡椒豬肚雞煲 全隻 （$258）個雞湯真心好入味，今次叫左全隻雞，份量都幾多。而雞煲嘅配料都唔少，有支竹，豬肚，菇，雞同粟米。豬肚咬落煙韌，雞淥得嫩口唔老，支竹同菇浸到最後食吸哂湯嘅精華，十級入味。而作為粟米控，我最鐘意呢道嘅粟米，超甜粟加上湯一齊食，係唔錯嘅配搭。啤酒 （$24）除左炸雞配啤酒，其實雞煲配啤酒都唔錯。本身諗隻住食完雞煲再叫啲野食淥，冇諗過雞煲咁足料，份量都幾多，兩個人食到好飽先食得哂。建議下次食可以叫半隻雞雞煲加其他邊爐料，可以試多啲唔同野食。每個人除翻開都係168，以晚餐雞煲嚟講都算抵食又好食。

難得等到happyFriday，專登同朋友搵咗個可以坐得耐食到野又傾到計嘅地方，喺尖沙咀山林道嘅呢間吞pot，要行到街尾好入先搵到，係旺中帶靜嘅地方。入到餐廳，地方唔算特別大，不過有VIP嘅房，有10幾個人嘅話就可以有獨立房間，係一個唔錯嘅選擇。坐低冇耐，侍應就拎咗一大個九宮格調味盤俾我哋，醬料選擇好多，啱晒每個人唔同嘅口味。食物方面，選擇有好多，而且睇Menu都見到賣相好精緻，由於每款份量唔算太多，建議大家可以點多幾樣餸。至於雞煲嘅湯底，我哋就揀咗醉雞花螺雞煲，都幾有驚喜，拎黎打邊爐夠晒特別。配料方面，第一樣打頭炮嘅係自家製芝士響鈴，落單後先製作，非常之新鮮，熱辣辣之餘仲好脆，的確好高質，係喺其他餐廳好少食到咁新鮮。其次必定要推介嘅係牛三郎，淨係睇相都知道好吸引，而肉嘅質素亦都好高，同一個拼盤有三款選擇，滿足晒我哋今晚想食牛嘅慾望。另外仲有蟹子蝦滑同埋蟹子墨魚滑，係每次打邊爐必點嘅菜式，兩款都好彈牙好足料，只係略嫌份量少左啲。我哋四個人食只係啱啱夠分。蔬菜方面，估唔到呢度可以有得點萵筍，好鮮甜好新鮮，我同朋友都非常鍾意。嘢飲方面，打邊爐食到咁口渴，但係要叫番杯野飲先食得更爽啦，我就揀