吞POT 雞煲火鍋.住家菜 (山林道) (已結業)

😋 No.328 香港 | 吞pot 鸡煲🔹地址: 尖沙咀山林道38號銀座38 12樓🔹店铺不是很好找，里面到是比较宽敞，大众点评有优惠券🔹但是为什么这家鸡煲的评分这么高？我其实是不太理解的🔸喊得鸡汤汤底，但是不够浓稠，特别是加了几次汤之后就更稀啦。点的大部分都是蔬菜，爆芝响铃怎么芝士的味道没有那么浓稠呢？🔸想要冰草，但是当天又没有了，不过蘸料的芝麻酱真的要给好评，虾滑也很新鲜。🔹人均300-400，口味7/10，服务7/10，环境7/10

好耐冇食過雞煲，上網見喱間好似吾錯就同朋友約左食喱間，試試佢。我地大概8點倒到，吾算話好多人，吾洗排隊，直接有位。佢餐牌得一張紙(雙面)就自己tick自己想食既野。我就叫左一個重慶麻辣雞煲、炸支竹、肥牛、豬同一碟菜。見到張紙巾先發現原來佢同running燒係同一個集團之後就會比個有9格調味比你自己落去自己個豉油碟度~個雞煲都吾錯，好惹味，個辣度岩岩好。配埋碗白飯一流兩碟肉個肉質都吾錯，好新鮮，我比較推介牛肉。叫左咁多肉都有叫番菜平衡下，叫左支竹同菜都吾錯，可以叫下！

又黎到🥳 Eatigo 慳錢食好西系列🥳，如果唔係有5️⃣0️⃣%優惠應該唔會去試嘅吞pot雞煲火鍋🤪見人地個個都推介滋補螺片花膠雞煲🐓，偏偏就唔揀🤡，叫左自己鍾意嘅胡椒豬肚雞煲🐖（半價後$89），完全冇失望，夠曬濃郁重口味，未開始碌野已經飲左幾碗🤤🧀自創爆芝響鈴（半價後$23）🧀店員話係即刻炸起嘅🔥，同平時一盒盒嗰啲唔同，大件好多，第一啖咬落去有濃濃嘅芝士味，覺得好正，但食多幾啖就覺得有少少漏同濟🤢，唔怕飽可以叫🤧🍡十全大寶丸（半價後$79）🍡全部都係手打🤺，有五款（蟹粉墨魚、黑松露墨魚、海膽黑墨魚、香煎鵝肝蝦、芝心牛），真材實料，唔知點解佢地可以做到啲海膽唔會散曬😧，煮完都仲係一舊好健在🤗；不過就唔係好食倒黑松露味🥺🥩頂級安格斯牛小排（半價後$129）🥩對得住頂級安格斯個名，牛味偏重🐂，油脂分布平均，唔會切得太薄身，打邊爐一定要叫架啦🤗總括而言，如果冇半價埋單要七百幾就唔係好值得🤑，有半價就心理平衡好多，所以睇清楚幾點有優惠啊！好想再去試佢個重慶雞煲🥰🥰

個晚食左個花雕雞煲，湯底濃郁，d雞好滑完全唔鞋，一路打邊爐一路係咁飲d湯，超好飲，飲得出好鮮甜，後續加湯，都係加高湯，而唔係清水「打邊爐最緊要係d咩，係個湯底呀」全晚之後打邊爐落既料，都唔洗點豉油，完全夠味呀！其他火鍋料種類都好多，但可惜我同朋友得兩個女仔，試唔晒咁多，但叫左既料都十分新鮮，推薦叫紅薯粉，吸晒湯既精華，好好食！雖然價格中上，但遲d凍多d, 食呢個花雕雞一定好補身，有機會會再約多d朋友一齊去再試下。

天氣涼左少少，又係時候想打邊爐啦，今日同朋友去尖沙咀行街，就順便黎食依度嘅雞煲火鍋，因為食咗幾次，對依度的手打墨魚丸念念不忘😂我們6點就入座啦，時間尚早，都已經有兩台客人食緊，一坐低就點左重慶辣雞煲，中辣。食得辣的可以試吓大辣，依度的重慶辣味道不錯，隻雞好入味，打邊爐的時候加幾次水都唔會話變到好淡。兩個人食半隻雞，其實唔夠喉，所以在點了一份安格斯肥牛，牛肉食水好鮮紅，價錢二百幾，所以質素都有返咁上下。到我最鍾意食的手打四寶丸，全人手打的蝦丸，牛丸，墨魚丸，黑墨丸。夾起的時間軟綿綿的，放落湯煮好時變到好爽口彈牙，自己最鐘意黑墨丸，食落好甘香的墨魚味。依間火鍋店鋪面唔算大，但係裝修幾大方簡潔，好啱三五知己吹水食飯，食物質素都比較高，價錢中等啦，但係都值得再去

老婆想食雞煲，但雞煲多人叫多啲餸先好食，所以就叫埋姨媽姑姐四個人一齊食。我哋都食得辣不過又怕太辣。叫咗小辣，呢度嘅小辣等於譚仔嘅五小辣。鹹辣適中,香味恰到好處。雞煲裡的雞當然是主角，非常入味又滑潄，唔錯唔錯！ 比起任食， 依度用料新鮮上乘。我哋叫咗頂級安格斯牛小排， 雪花分布平均，入口即溶。正！ 萬勿錯過。然後當然要點的是手工響鈴。係我老婆的至愛。大大隻的響鈴入邊仲有芝士流出來，好正！ 蔬菜都好新鮮，不過留意這間店注重食材所以不時不食。新鮮時令菜係特別季節才會入貨，就好像我們想點的西洋菜及皇帝菜今天就沒有貨了。另外唔好睇小五花腩肉，雖然肥膏多少少但係超正又係入口即溶，加上麻辣嘅湯底，麻麻辣辣咁相當唔錯。

我地一行4人放工即刻去慰勞下心靈，去吃重慶麻辣雞煲🤣去到尖沙咀美食街山林道，接近最入的一棟大樓！大概由佐敦地鐵行10分鐘左右，就到，都算方便！！一上到去未有太多人，我地包左半邊場haha不過情況維持左30分鐘左右就無！開始多人！！一入到去侍應好快將混醬送到枱上比你慢慢調！都好齊全下，咩都有，口臭之選既garlic一啲都吾辣，好新鮮！由於不能吃太辣，唯有叫個小辣！開頭第一啖反而有小小甜，後尾吃第二粒雞，就開始黎料！吃到最後，我講吾到野haha不過都幾正個汁！！我地叫左碗飯，大到可以一分為三！雖然要$14，但係都大大碗，餸雞煲一流！我地叫左油麥菜同唐生菜！都好嫩好新鮮😎牛小排$258！好新鮮同好多，同普通火鍋店的肥牛有明顯分別，牛味重好多，吃左好耐都未吃哂haha!!!抵~自家製芝士響鈴$75 5條！！係新鮮即叫即炸㗎！上到枱仲係熱辣辣！啲芝士係中間係好濃，我估係cheddar cheese 🧀 好特別的配撘！不過會建議最後先吃，否則好快就飽🤣黑毛豬腩肉$128！好多，而且好好吃，一點都無梅同騷味，好新鮮！！雖然眼見好似好多肥肉，但一啲都吾油膩！吃完可以即刻繼續吃🤣推介！

天氣涼涼地同同事放工去食熱辣辣又香噴噴嘅雞煲，依度靜中帶旺，交通又方便就揀咗尖沙咀依間在山林道。搭lift上到去一開lift門就聞到香噴噴嘅味撲鼻而來。唔洗諗梗係叫麻辣雞煲。我哋四個女仔叫咗個小辣。第一件事，當然係叫左兩個靚仔(白飯）share ~ 送雞一絕。好大碗啊一碗可以分成三小碗了。這個雞煲個味好有層次，由起初的鹹香味，轉化成甜味，再慢慢浸出麻辣味。成個雞煲好像變奏曲一樣。最重要係無咩芫茜，唔鐘意芫茜味的朋友就啱哂你。整個雞煲感覺好天然，不會太濃味不會重味精，食完都唔會硬喉口乾。食完雞就加水，搖身一變變左麻辣湯底，最正就係咁一餸兩食繼續食。安格斯牛小排～ 雪花紋靚到呢～ 豬腩片也好正～ 推介👍🏼打邊爐點少得手工響鈴。這款有芝士流心～ 非常特別。烚完響鈴的油再用來烚菜令到菜烚完令笠笠，簡單一烚都有大廚炒菜的水準。座位舒適，不過特別留意醬料每位收$12，雞煲的香氣逼人已經非常好味，所以醬料都無咩用過。

環境ok， 地點尖沙咀係好方便， 如果係佐敦下車，五分鐘路程就到。 我係第二次去幫襯， 但就第一次叫花螺雞煲，十全大寶丸， 個雞煲夠野味， 十全大寶丸係手打的，有別於一般味道。

話說香港人打邊爐真係不分季節 雖然炎熱嘅夏天就快過去 秋季又未正式來臨 但打邊爐嘅心思一直存在～🤣今次陪男朋友來食，係公司附近搵咗一間 諗住發掘一下新食肆 update下食店list~ 同好多火鍋店一樣 一埋檯會拎火鍋配料～ 我地order咗個辣酒花螺雞煲（半隻）小辣 睇個menu覺得好吸引～事實又真係好正 好好味～ 食曬雞再食花螺 最後加水加其他火鍋料理。雞🐔肉質鮮嫩 略有嚼頭 d花酒麻辣入曬味～ 熱辣辣 食落好爽～花螺食落麻煩d 要用竹籤篤 但難唔到我～ 唔洗用手👋都可以篤曬d螺肉呀再order咗 牛柏葉 粉絲 黑豚豬腩片 茶樹菇 生菜🥬～特別值得一提係 呢度有d特別 平時睇開多人邊爐都係圓檯 呢度有六人方檯～ 打邊爐唔洗驚手唔夠長🤣

今日早到七點來到都差不多爆場，幸好之前訂了桌，這裡冷氣十分好又有電視睇，等朋友期間我就叫了一個不辣雞煲再等朋友來吃東西吃，叫完食物九宮格的醬料就來到，當然就要了新鮮蒜加辣椒粒和豉油。朋友來到叫了幾款再加二杯大檸檬茶，沒想到份量的確十分大杯，剛好今晚食雞煲飲晒。雞煲好快就來到，已經可以即食，好香而且雞十分嫩滑，仲有吸晒醬汁的香茜，份量都不少，醬汁咸度剛好，差不多食完就加水打邊爐。開心樂園餐個名好得意就叫了一個，有腸仔，芝士腸，蟹柳，午餐肉全部二件岩我們一人一樣。朋友推介的芝士炸響鈴有分六件同三件，最後朋友選擇了六件，沒想到咁大件而且來的時候邊位已流出芝士十分吸引，我都是第一次見，原來是自家制仲可以即食或放入煲。牛肉的口感好軟熟又有牛肉味，一碟份量都不少，我們二人份都覺得十分多，質素比心目中好而份量足，朋友沒有介紹錯這間雞煲，可以下次再來試其他款式的雞煲同熱食。

由於我哋太肚餓所以即刻叫咗三款小食打下底先，【Fried Tofu with Spicy Salt椒鹽豆腐$62】、【Deep-fried Intestines脆皮炸大腸$75】、【Diced Beef with Wasabi牛柳粒$75】，全部都新鮮炸起熱辣辣，味道就普普通通。今次我哋冇食雞煲只係打邊爐，湯底叫咗雙拼鍋【Signature Snail and Chicken Soup mix Spicy Sichuan-Style Soup招牌螺片濃雞湯鍋拼四川麻辣鍋$98(雙拼+10)】奶白色嘅湯底裏面有唔少嘅螺片同秀珍菇，可惜味道偏淡。另一邊麻辣得個辣字一啲都唔香，對於好鍾意食辣🔥嘅我表示失望。我哋order咗3款牛【Premium Choice Local Sliced Beef Chuck極品本地手切牛頸脊$358】、【Premium Choice U.S. beef特級美國肥牛$198】、【Premium Choice Marbled Beef Brisket特級雪花牛肋片$198】最貴嘅牛頸脊肉質有啲稍硬，勝在牛味濃🐂【Top Choice Spanish Sliced

同朋友傾完野，諗住搵個地方食下飯。原來我地兩個都好耐無食雞煲，見附近有呢間，一於去回味下！🤤晚巿時間，都大部分滿座，不過都仲有位俾我入去🙈。來坐低，奉上左醬料俾我地落。個麻辣醬又幾夠辣，落少少已經好夠辣，正！除左基本牛吖丸吖菜吖果啲，我見佢仲有芝士響聆，仲要係即炸😍😍😍。點都要叫翻一份先！雞煲要左BB辣重慶雞煲，個煲一來到就食得，非常好唔使我等🙈。個雞汁好香濃，件件雞都好入味。雞件本身又啖啖肉，一舊一舊都無停口。食哂啲雞就加湯打邊爐。牛肉無叫到貴果啲，但呢隻已經好重牛肉又好食。佢自家制既手工水餃都好正，餡料又足，塊皮又唔怕打邊爐打到爛左。🤗🤗🤗另一樣自家制既就係啲丸，我叫左芝士牛丸。一咬落去勁爆芝士汁❤️❤️，個味道好似食芝士漢堡咁，好好味。到個即炸芝士嚮聆，炸到好鬆脆，入面芝士又夠多。我就咁食一舊都好好食。配埋個湯汁，又脆又多汁！唔係已經好飽既話我應該叫多碟🙈🙈🙈。

最近發現山林道埋藏了很多隱世美食，身為火鍋熊(控)的熊貓，又係山林道發現一間好好食嘅火鍋和雞煲，很想推介給各位🐼👍🏽佢哋呢度有雞煲或者火鍋嘅選擇，可以揀嘅款式亦都很多，而我今次就選擇咗火鍋。火鍋最緊要梗係湯底啦，今次我哋選擇了 1/滋補螺片花膠雞湯 并 2/ 蕃茄薯仔湯。兩個湯底都好正👍🏽👍🏽尤其係呢個雞湯，湯底非常濃郁，而且非常足料，只需要喝一啖湯，就可以看得出店家對火鍋湯底的認真追求和心思。如果大家第一次來這間店，我很推薦大家選擇這個湯底。湯底固然重要，我對食物質素的要求也很高。我們一行兩人點了幾款食物，首先介紹是即炸芝士響鈴。新鮮即炸的響鈴不是每間火鍋店有，而且這款響鈴更加入芝士，是很特別的菜式。即炸的芝士響鈴，配上濃厚的雞湯，是一個非常合適的組合。來這裏打邊爐必點👍🏽👍🏽小貼士，因為響鈴是即炸，建議大家一定要馬上吃，這樣就最好食。令一個很出色的菜色，就是黑毛豬，也是火鍋必點的。打邊爐點可以少得牛，因為我哋有蕃茄薯仔湯的關係，今次我地特別點左牛仔粒。牛仔粒肥瘦均勻，配上濃厚的蕃茄薯仔湯，簡直絕配。總括而言，這裏環境很舒適，坐得非常舒服。而且這裏的火鍋湯底和配料都非常出色，一定會有

行入靜靜地既山林道上左幢樓去食火鍋呢頭平時都係酒吧多黎食野都係少 好彩有朋友帶路8點鐘入座 都好多人最正係場入面有兩部電視食野等水滾都無咁悶食物選擇多 而且大部分丸類都係手打丸值回票價先上左麻辣雞煲雞汁夠濃同夠’傑‘雞肉亦好滑 一上枱就食得 唔駛再滾呢個係特級雪花牛肋片夠肉味 唔會太肥 肉又唔會鞋芝士響鈴即叫即炸起 咬落芝士半融 有咸香味芝士牛肉丸大大粒 牛肉同芝士好夾一咬就爆芝士 薯粉索埋雞汁 完全無浪費啲精華 粉夠韌唔易斷油麥菜新鮮 洗得好乾淨韮菜餃粒粒飽滿 亦很juicy打邊邊一定要飲汽水 即刻爽晒呢度環境唔錯 食物值回票價 係一個打邊爐既好地方