吞POT 雞煲火鍋.住家菜 (山林道) (已結業)

前一晚元朗西鐵站搞到好大件事，第二日大家都人心惶惶！大家大西北朋友都唔敢出門口，所以我都無留係屋企，同老婆出九龍行下。老婆大人話佢有個朋友介紹過一間雞煲好好食，所以就順利去試試la。餐廳唔算大，不過座位大大張，坐得好舒服。看似有室外位置，如果冬天一住打邊爐，一住睇夜景，都幾特別呀！坐低後職員禮物地放低左個配料盒，可以選配自己鐘意的醬料。餐廳可以選食雞煲 亦可以選打邊爐，不過既然朋友介紹食雞煲，當然要試試。本身我以為雞煲一定又係d 好濃咪ge野，餐廳原來有得選滋補螺片花膠雞煲，因為我們都係兩個人食，所以只叫了半隻雞（＄208）。好快滋補螺片花膠雞煲就到，雖然只係叫左半隻雞，但煲內雞肉有好多舊呢！ 而且花膠螺片都有好多塊。雞肉嫩滑，雞味豐富。花膠果d我呢個大男人就唔識欣賞，但偷飲左個湯就真係feel到好滋潤，一d味精都無！正除左雞煲都叫左少少配菜，有唐生菜（＄38）、手打生拆蟹粉墨魚丸（＄102）同自創爆芝響鈴 （3件）（＄45）。尸手打蟹粉墨魚丸新鮮彈牙，而個自創爆芝響鈴真係好正，大家一定要試下。個響鈴係即炸出黎，你落一落鍋拎上黎，芝士會晌個響玲入面流出黎，好香濃的芝士味，好特別好好味。

日日返工真係忙到癲左，今日要放肆一下，準時收工去吞下pot。早收工去吞pot, 餐廳無乜人（因為d人都未收工🤣），真係爽。有雞煲或者火鍋湯底揀，雞煲都有幾款可以揀。最後同朋友仔左揀右揀決定左叫火鍋湯底。火鍋配料選擇都有唔少，我地就叫左牛脊肉、十寶丸、四寶餃、嚮鈴、芋絲等等。。。本黎諗住叫皇帝菜，但待應妹妹話而家唔當造，無貨。咁唯有叫過第二樣啦。因為有朋友係唔食辣，就叫左紅白湯底。湯底入面都分別有菇。麻辣湯湯底都有d辣（利申平時有食開辣）。等左一陣，d火鍋配料已經拿拿臨上哂菜。我就like d餃子同丸，朋友就鍾意牛脊肉。鍾意d丸都夾心饀，尤其喜歡有鵝肝果款。呢度飲品都係大大杯，所以係餐單上見到大檸樂、大檸茶，係代表左杯飲品係大杯裝。放工輕鬆一下吞下pot真係幾開心。

難得今日可以早放，相約埋老公去吞下pot先🤣🤣🤣。我地六點半已經去到佐敦mtr站，行左大概5mins就到。因為我地好早就到，都唔係好多人。佢係有雞煲或者齋打邊爐，我地就揀左鴛鴦湯底打邊爐，揀左麻辣同雞湯湯底。打邊爐既材料都有唔少，選擇困難症既我唔知揀咩食好呢🤣🤣🤣個湯底拎出黎已經係滾（有d打邊爐係要等佢慢慢滾起）。牛肉同魷魚 - 牛肉肥瘦適中，夠牛味餃餃震 - 叫左個四寶餃，有雲吞、九菜、魚皮、仲有一個唔記得係咩餃。我自己就喜歡九菜餃🤤十寶丸 - 最欣賞既一道菜。全部都有餡係入面，例如芝士牛丸、鵝肝墨丸等等。。當然仲有我喜歡既嚮鈴🤤我地打到七點幾八點左右，開始多人黎食。早收工打邊爐吞pot真係爽

果日家庭樂係尖沙咀行完就覺得開始肚餓既時候就諗起依間都係食雞煲地方。果度每層都係獨立店舖，好高級。一入到去就見到間店既裝潢好闊落，就算有bb車入去都唔覺得窄。我老公一打開個餐牌就指定要個招牌重慶雞煲，再加配茶同叫左一大杯檸樂一齊飲。落單後店員為我送上調味架，雖然食雞煲好夠味，但對於重口味既我一定唔會放過其他調味料，所以我都略為加左。然而食物好快就送上，我見到半隻雞都已經好多，而加埋配菜已經有一大煲咁多。某些店舖既雞煲上到黎仲有煲一陣，但依間店既雞一送上黎就可以熱辣辣咁夾黎食，一入口就感覺到舊雞既醬汁好濃郁，食一舊想兩舊。我老公話太肚餓所以另外叫左碗白飯同粉絲，因為雞煲送飯真係一流，而且再加入粉絲吸收埋雞煲既汁真係冇得彈。總括而言，依間係一間既高級又可以食到美味既雞煲地方。

山林道向來食店多銀座38呢棟新食厦都係第一次黎book了吞pot雞煲火鍋.住家菜因為見佢食評唔錯好多人都讚雞煲好食即管來試一試電梯一開就即刻見到門面入口裝潢簡簡單單感覺都幾寬敞入座前未夠七點沒太多食客一到七點就有唔少人入座職員首先遞上調味料炸蒜蔥花麻辣芝麻醬樣樣有不過提一提如果想飲啖水要主動問職員攞先會俾雞煲有好幾款口味鍾意食辣既可以點辣酒花螺或重慶麻辣但我哋今次先試一試滋補螺片花膠雞煲雞煲一上場就可以即刻食不用等兩個人食半隻雞份量已經好足夠而且材料十足花膠都幾大塊食一啖已經感受到個種豐富膠原蛋白既滋潤雞肉亦又嫩又滑重要的是湯底好好味幾乎每人都飲了四五碗雞湯然後才叫職員幫我們加清湯變火鍋再點了西班牙頂級黑豚豬梅肉油麥菜及自創爆芝響鈴豬肉肉質較稔所以就算滾得耐一點熟一點食入口亦不會太乾食火鍋一定要食響鈴呢間店自創芝士響鈴都算夠噱頭浸一浸即刻撈起一咬雖然不會爆芝但都好似流心芝士咁流出來夠新意，味道亦好夾，都算係必食之選最後食埋油麥菜，解解火鍋的油膩買單都不用五百又雞煲又火鍋呢個價錢都算值

平時諗唔到食乜，打邊爐都係一個好選擇今晚約左友人係佐敦附近食飯，山林道出名多野食，但一直都未試過呢間邊爐，於是就決定去試下喇。一上到去就覺得環境幾舒服，燈光唔會太光或太暗，我地兩個人食，餐廳安排左我地坐圓枱，枱同枱之間都唔會太迫，坐得幾舒服。一坐低已經俾咗一盤好多配菜嘅調味盆俾我地自己混醬，唔使自己出去「針」，用完就有人同你收返，都幾貼心～我地揀左沙爹同螺片雞湯兩款湯底，湯底黎到本身已經好足料，有各種菇菌呀芽菜呀，就算野食未黎都可以食住先～沙爹湯底夠濃味，岩晒我呢D重口味一族；雞湯都清甜呀呢度野食選擇都幾多呀，我地兩條友叫唔到太多野食，所以都係叫D打邊爐基本野，再加多個四寶丸，可以一次過試多幾款丸丫嘛。價錢唔算特別平，好在D料都真係幾新鮮，特別推介豬頸肉片，四寶丸都唔錯，尤其係手打墨魚丸堅正最最最想推介既反而係杯大咸檸七，你知啦打邊爐實頸渴架，呢杯Jumbo size野飲真係飲到勁「gur」，搞到忍唔住encore左杯不過兩個人黎試唔到太多野食，如果一大班Fd約gathering呢度都應該係一個唔錯既選擇！

星期日老豆休息諗住同佢食餐好既，佢份人好傳統，唔中意西餐又麻麻地日本野，穩穩陣陣帶左佢去打邊爐實冇死約左老豆係尖沙咀等，驚星期日會多人特登提早六點幾去食，仲book埋位，間餐廳係正尖沙咀同佐敦交界，不過要係主街再行入一陣去到街尾雖然雞煲幾吸引而且係招牌，但我又突然好想打下邊爐所以叫左個蕃茄薯仔煲，蕃茄薯仔絕對係我最愛既搭配都幾多醬料可以揀，感覺幾新鮮，應該唔係放好耐個d個煲好快上左，好濃好多蕃茄啊仲加左菇提升鮮味，有驚喜，飲左幾啖就知應該真材實料冇乜落味精，事後返屋企都證實唔會口渴為左健康著想要左一個蔬菜籃，發現好抵，有勁多菜，而且仲有金菇東茹等等見到有羊肉叫左一碟，都幾大碟，而且羊味好重，不過切得好薄放落好快熟都幾多海鮮可以揀，要左象拔蚌，不過有小小un，老豆表示d牙咬唔郁，的確係厚身過平時食既，如果薄少少會更快熟更爽口牛仔粒一樣太un，叫肥牛應該好好多，起碼一滾就熟環境幾好，每張枱之間空間都好夠，唔會好似其他食雞煲既地方咁逼

一行8人於星期五幫朋友慶生， 不敢說是專家， 但我們全部人都很喜歡hotpot, 所以每星期都最少打1至2次。吞pot 火鍋環境非常好，當天替我們安排了房間，還可直出露台，環境和服務絕對值滿分perfect!但食物方面有點失望，招牌雞煲還好，夠辣。但推介的最貴2款牛，完全唔掂，比一般任食的好，但比起專門火鍋店就真的不入流。 有一個$120/$110 的雜錦餃，味道不錯，但只有8粒，略嫌貴。其實食物份量vs價錢，絕對唔平，但如果他們能改善食物質素，以他們環境及服務，我會再來的。

今日同朋友行開尖沙咀，行到夜既肚餓去覓食，上網介紹依間啲雞煲好好食，於是就嚟咗。依間店位置好方便，喺美麗華商場同新開嗰間激安殿堂隔離，啱啱好行完街就可以過嚟醫肚。好易搵，係銀座38大廈搭lift上去就到。入到去環境好乾淨闊落，而且裝修都幾高級，有電視睇，仲有個露台可以出去食，chill🥂。我哋7:30到咗，唔使等位。入到去啲職員好有禮貌，好快幫我地ready好，餐牌都有好多食物種類：我哋兩個人食唔到咁多，於是叫咗一個香辣雞煲BB辣（半隻$178），兩碗白飯，兩罐可樂。嘢食好快就黎到，等左5分鐘左右，啱晒好趕急嘅香港人😆雞煲嚟到之後有驚喜，啲雞好入味，而且好足料，落左芫荽、指天椒... 超正超正！我覺得嚟到必定要食！推介依間嘅雞煲，離到尖咀必吃！性價比好高，而且職員都全程好快手好有禮貌，愉快嘅晚餐體驗，以後嚟到尖沙咀都會食依間👍🏻

今日約左好耐無見嘅朋友食飯，為隆重其事，一定要食好啲😂揀左呢間風評幾好，但要單點嘅尖沙咀邊爐店，以前喺MK食過，雖然少貴但非常唔錯。卜左8點，但入面啲客未走，要等10幾分中先入到去，其實我地無所謂，但店員好殷勤招呼好周到，為表歉意仲free左2杯飲品比我地！服務一流！一入去枱面就放上調味料，選擇好多，不過我都係照舊辣豉油、生蒜、葱湯底方面，之前喺MK已試過佢主打嘅螺片花膠雞煲，今次試沙嗲同螺片濃雞鍋湯底好快送到，濃雞湯不愧係招牌，奶白色湯見到都流哂口水🤤湯底都好足料，好多菇同螺片！而沙嗲嗰邊，真係好濃郁沙嗲味！係愈滾愈岀味嗰隻😱😱😱真心有驚喜！嘢食方面，我地唔算叫左多，因為碟碟份量都好多！花枝片好鮮甜極力推介手打四寶丸，手打真係好食好多😭😭好煙靭彈牙！牛丸配沙嗲湯底真係一流！係牛肉球味😂墨魚丸勁鮮甜，用雞湯烚完更提鮮！我地唔食牛，所以叫左豬頸肉，絕對唔係放題冰鮮拎岀嚟嗰隻，肉質嫩軟，好食！無呃人，真係啖啖螺片！埋單每人300幾，比起仼食係貴啲，但人大左真係寧願比多少少食好西，對自己好啲

朋友介紹下同寶寶嚟食呢一間花螺雞煲。平日雞煲就得雞，呢一間勝在有辣酒花螺搞搞新意思😎作為一個超級鍾意食花螺嘅人，新鮮、入味、冇乜沙，好味啊！🤤雞件就冇太大驚喜，勝在份量夠多🤘🏻兩個人食完個煲都飽飽地，叫多咗份羊肉片：好重蘇味👏🏻；滑嘟嘟（蝦滑、墨魚滑、鯪魚滑）：三種都有手打嘅感覺，整到大概12粒左右，唔錯唔錯🤤最後叫多咗個唐山菜清下腸胃，開心仔🥳環境坐得都幾舒服，唔會太迫又唔會趕人走，正呀🤪-辣酒花螺雞煲 | $208滑嘟嘟 | $120羊肉片 | $88唐生菜 | $38-

山林道其實是臥虎藏龍的地方，今次到了一間雞煲火鍋店吃晚飯。店內環境舒適，挺適合與朋友聚會吃飯的。點餐後，侍應會奉上一盤醬汁盤給客人自行調製自己喜愛的口味，很貼心。雞煲終於到了，因為只有兩個人所得點了半隻雞，半隻雞的份量其實已經十分足夠。吃起來味道確實不錯，很入味。還點了杯咸檸七，清爽一下。吃了大部分的雞後，之前點的火鍋材料都差不多到齊了。芝士炸響鈴可說是這間店自製的，首先它是熱上的，吃起來熱辣辣，香脆的，咬了一口，芝士亦隨之流了出來，無論在味覺或是視覺都提供了衝擊。牛肉份量挺多，夠新鮮。這間店的丸類都是自家製，下次要試試先。這間店的肉類及海鮮類都有很多選擇。小食看起來都挺吸引。這間店整體感覺舒適，店員服務周到，下次要約更多朋友來吃，哈哈。

今晚同幾位朋友去左「呑pop」.........☺️食火鍋。這間火鍋在山林道，只要見到山林道路牌一直行就無錯啦⋯⋯沿途有好多食市雲集，包羅萬有。行行下，當見到一個長方形大大LD 銀幕，就到達目的地。一開門，一陣陣魚香味已撲入我味蕾。原來這個是它們出名湯底，招牌鮮魚湯鍋，當然要試。牛肉材料已經不是雪花，肥牛咁簡單，還有牛頸脊。這個牛頸去脊可以食到廚師刀法和牛質素。嘩嘩....無論放在魚湯湯底，亦或麻辣湯底。五秒，記住這個步驟，那種牛味，入口溶化，湯底並沒有遮蓋牛本身味道👍👍⋯⋯而另一款又是必叫，自創爆芝嚮鈴👍👍⋯⋯無得輸，用了成片芝士做餡！一啖一啖咬下去，三秒放落湯底，外脆內熱，芝士發燒友必食恩物。其他食物都有質素，我喜歡它用心去製造不同食物名稱，不是千篇一律，開心樂園餐（午餐肉，腸仔，蟹柳），菜菜籃（什菜，冬菇等等）. 以後大家可以名正言順呑pop 啦！

山林道一向多嘢食，剩係銀座都好多選擇，位置好易搵，彌敦道入口直行兩分鐘左右就會見到銀座出面個大銀幕。咁難得同幾個朋友見面，好多嘢要update, 當然要搵間可以坐耐d而又舒服嘅餐廳啦。睇OpenRice 見到有得食最愛嘅火鍋又可以坐得舒服咁，唸都吾唸book左先🤣Book 左7:45，7:30已到，staff 好好，好快就安排左張枱比我地，仲有張六人枱，好闊落。呢度地方一d都吾窄，幾舒服。一坐底就叫左個鴛鴦鍋，鮮魚湯底同埋四川麻辣湯底，麻辣嗰邊一開始一啲都唔覺得佢辣，點知食下食下，辣到噴火，但我好鍾意嗰種刺激嘅感覺（本身唔係好食得辣，今次叫咗BB辣），另外魚湯嗰邊都做得非常唔錯，有好濃郁嘅魚味，仲有好多滑豆腐，煲到超入味。牛頸脊，勁鮮嫩，口感好滑，無筋。配合埋麻辣湯底，超夾。😋爆芝響鈴，第一次食，個響鈴炸到好脆，入邊夾左塊士，竟然有驚喜，好好味，放入鍋三秒，芝士即刻溶化，原來芝士同響鈴嘅味道可以好夾。不過因為有塊芝士係中間，比較易飽，我地4人叫一份大嘅(6件)就啱啱好啦。叫左個手打四寶丸，個人比較鐘意打邊爐食手打丸，覺得口感好食d同鮮味d。西柚特飲，出街食飯好鐘意叫有氣飲品，見佢係汽水

晚上約左好朋友聚會晚餐，當然要搵一間坐得舒服， 又有美食既餐廳，大家都想打邊爐，話烚下烚下先happy, 所以就book左吞pop1行4人，預約左晚上7點45分，雖然我地早到左， 但侍應都即刻安排到坐位比我地。 Good 可能今日係閒日， 人流不算多餐廳空間都好寛躺， 坐得好舒服朋友當中有好辣同唔好辣，所以就叫左2款湯底招牌鮮魚刷鍋 + 四川麻辣鍋個鍋一滾，未落任何材料前飲啖湯先， 發現個湯勁鮮甜，有香濃既魚味，飲得出湯底係用鮮魚煲製麻辣湯底都同樣香料十足推介~爆芝響鈴非常推介，因為係即炸，上枱熱燙燙。 浸麻辣燙1秒再食， 響鈴吸收左麻辣湯底香，入面又有溶左既芝士， 勁正呢！入面既芝土係勁多。 另一推介，本地牛頸脊， 侍應話放湯5秒就食得入口即溶，又有牛味， 又係另1個超級推介之選 萵荀新解大大件，小妹對萵荀情有獨鍾打邊邊點少得一杯凍飲， 呢杯青瓜特飲好清新，用黎解辣勁夾而且好大杯。 今餐仲有叫其他配料，但朋友仔太肚餓，一黎就放哂落鍋lu ~ 大家都食得飽飽， 途中侍應都會為我地主動加湯呢！讚今晚又有1個happy dinner 既回憶啦