吞POT 雞煲火鍋.住家菜 (山林道) (已結業)

同朋友傾完野，諗住搵個地方食下飯。原來我地兩個都好耐無食雞煲，見附近有呢間，一於去回味下！🤤晚巿時間，都大部分滿座，不過都仲有位俾我入去🙈。來坐低，奉上左醬料俾我地落。個麻辣醬又幾夠辣，落少少已經好夠辣，正！除左基本牛吖丸吖菜吖果啲，我見佢仲有芝士響聆，仲要係即炸😍😍😍。點都要叫翻一份先！雞煲要左BB辣重慶雞煲，個煲一來到就食得，非常好唔使我等🙈。個雞汁好香濃，件件雞都好入味。雞件本身又啖啖肉，一舊一舊都無停口。食哂啲雞就加湯打邊爐。牛肉無叫到貴果啲，但呢隻已經好重牛肉又好食。佢自家制既手工水餃都好正，餡料又足，塊皮又唔怕打邊爐打到爛左。🤗🤗🤗另一樣自家制既就係啲丸，我叫左芝士牛丸。一咬落去勁爆芝士汁❤️❤️，個味道好似食芝士漢堡咁，好好味。到個即炸芝士嚮聆，炸到好鬆脆，入面芝士又夠多。我就咁食一舊都好好食。配埋個湯汁，又脆又多汁！唔係已經好飽既話我應該叫多碟🙈🙈🙈。