吞POT 雞煲火鍋.住家菜 (山林道) (已結業)

放工去完激安殿堂朝聖，就去左吞pot食雞煲。佢地雞煲都有成7款咁多，仲有女士恩物"螺片花膠雞煲”。我就叫左辣酒花螺雞煲！辣味既雞煲都可以走辣，所以食唔到辣既朋友都有好多選擇，有辣有唔辣，任君選擇🤗主角雞煲黎啦🤩男友唔係好食到辣既關係叫左BB辣，但辣度唔似BB辣，好刺激。煲裡面有唐芹、京蔥、洋蔥吸哂味，雞件數量好多，而且嫩滑、大件又厚肉。花螺係我最欣賞既，大大粒好入味又好爽口，必食！必食！必食！如果淨係想食螺可以單點辣酒花螺。🌟爆芝響鈴-未食過有芝士既響鈴，上網見到好多人推介，涮3秒剛剛好，咬到中間就會有芝士，完全冇比辣味蓋住。🌟牛柳粒($90)-粒粒肥瘦均一，煮耐左都唔韌，而且好有咬口，實在有驚喜。🌟手打蝦丸($85)-佢地既丸類都係手打既，夾既時候感覺到佢好結實唔會散開，十分真材實料，而且好鮮味。🌟薯粉($35)-薯粉吸哂d湯，開頭食雞煲既時候唔覺有酒味，點知最後食薯粉既時候竟然係啖啖濃厚既酒香。

今日工作好繁忙，返工冇得吞pot, 唯有放工去吞pot 呢間位於尖沙咀山林道既雞煲，環境好闊落坐得好舒服，menu 有好多唔同款式既食物，例如脆皮炸大腸、wasabi牛柳粒等特色小食。 醬料有多款選擇，而雞煲都有7款選擇，毫無懸念甘揀左佢地店既必食推介-辣酒花螺雞煲辣度分為四級，分別係BB、小辣、中辣及大辣，我就揀左BB辣半隻份量，雞非常入味，濃味得黎唔會太咸，而且都有好多件雞+都好大件，重點係螺，平時食螺多數冇咩味，但呢間店d螺煙韌得黎好入味，而且係完全冇沙，絕對重點推介呢款雞煲，自創爆芝響鈴-滾三秒定律配上芝心既響鈴，咬落去口入面滲出香濃既芝士，都係必食之選牛柳粒-油脂分佈非常平均，所以食落唔會太肥又唔會太韌，而且都幾有牛味手打蝦丸-真材實料，而且好有蝦味，很有水準，下次一定會再試呢間店既其他手打丸

識我嘅人都知我係火鍋控，任何天氣都適合食火鍋，最近聽朋友講呢間火鍋店嘅芝士炸響鈴好出色，於是禮拜日睇完戲就去食個early dinner!-先講環境，佢係喺山林道嘅一個美食商業大樓上面，鋪頭都幾大，枱同枱中間唔會好迫，同朋友傾計都可以舒舒服服唔使咁大聲講嘢。-我哋今次冇食到雞煲，揀咗鴛鴦湯底打邊爐，要左螺片濃湯雞鍋同蕃茄薯仔鍋。螺片濃湯雞鍋個雞湯好濃好creamy，仲有好多螺片！蕃茄薯仔鍋就比較清，係健康之選。我哋每人都飲咗兩碗湯先開始打邊爐！-自創爆芝響鈴$45（3件）有得叫細份，兩個人都唔怕食唔晒！熱辣辣即場炸起，放落湯煮兩至3秒就夠啦，一咬落去真係有爆芝的效果！芝士控不可錯過！-西班牙頂級黑豚豬梅肉$118厚薄適中，雪花勁似牛肉，一嚟本身以為佢上錯😂😂👍🏻一啲雪藏味都冇，好出色的豬肉！-牛柳粒$90牛柳粒唔似肥牛，要淥耐少少先食得，但係一啲都唔韌！-呢兩個湯底咁好味，我哋就再嗌左稻庭烏冬同埋娃娃菜去吸收湯底嘅精華👍🏻-下次會再嚟試吓佢嘅雞煲先！

今日在尖沙咀附近工作，晚餐時間又到，成日要諗食咩真係好頭痕，今晚想食好d，就想打邊爐啦。同事就介紹食吞pot，我食過旺角分店，印象唔錯，今次就試下尖沙咀分店。上到去，同其他分店裝修一樣，工業風為主，樓底好高，座位都好寬闊舒適。餐牌火鍋雞煲都可，另外仲有其他火鍋配料，不是放題，是散點的，所以質素有返甘上下。我們點了最愛的重慶辣雞煲，半隻。由BB辣到大辣都可以選擇，我們點了小辣，一打開煲蓋，真係幾香，每件雞色澤都好均勻，啖啖肉，好濃味。雞煲食到7788，店員就提醒可以點配料打邊爐，然後幫我們加湯。我們點了安格斯肥牛。好大碟啊，2個人食，份量有點多😂肥牛雪花紋好平均，色水好鮮紅，睇樣都好新鮮。另外點了四寶手打丸，分別有蝦丸，牛丸，墨魚丸，黑墨魚丸。手打丸好值得推薦，特別彈牙爽口，一分錢一分貨。食咗咁多肉要叫個蔬菜平衡下，菜菜藍，有生菜，白菜仔，冬菇，金針菇，份量都多。食完買單估下張單都應該有六百幾蚊，但係原來7:30前買單，配料有半價優惠，好抵食，我哋兩個食到咁飽，都係$450 ，店員話原來7:30前買單，或者晚上9:30後入座，配料都係半價，甘真係幾抵食👍

星期二晚市時間，同朋友嚟到尖沙咀山林道呢間樓上雞煲食嘢😋入到大廈㩒12樓，一出門口就見到。店內空間都幾大，可以見到有一個比較private嘅房間，我諗應該可以事前預約，安排一個地方比大家想一班人有d私人空間。其餘餐廳嘅空間都好足夠，平時食雞煲好驚個場又逼又焗，呢度d行人位就夠曬闊落舒服啦👍🏻點緊菜嘅同時waiter已經放好咗豐富嘅醬料set可以任你混醬👍🏻不過醬料並非免費，人頭加醬料係$12/1我同友人就先點咗一個辣酒花螺雞煲，半隻份量，兩個人都完全夠食。由於我哋兩個人都唔太食得辣，所以辣度方面我哋揀咗BB辣，不過我哋都仲係覺得有d辣🤣所以如果係完全唔食得辣嘅朋友，我哋建議你哋都係揀唔辣，但鐘意食辣嘅朋友就有福啦！👍🏻呢度嘅辣雞煲辣度十足，非常過癮👍🏻從相片都可以清楚見到，雖然份量係半隻雞煲，入面嘅內容都好足料架👍🏻我哋另外加咗$60就可以喺雞煲入面再加滷水大腸，另外值得一讚係雞煲入面嘅螺全部都大大隻勁多肉勁入味😋食完雞煲之後就可以加湯打邊爐，我哋order咗佢哋餐廳主打嘅呢款十全大寶丸，一嚟到就見到賣相非常了得👍🏻呢十粒丸全部都各有特色，入面各有唔同嘅餡料，手工打造，十份有心思👍🏻飲

香港人天氣熱都要打邊爐😂好少encore 非任食嘅打邊爐，但朋友突然癮起想打邊爐，我就提意黎吞pot 食，重點我想食芝士響鈴🤤🤤即日打電話去旺角油麻地都冇位 (平日炸！！），最後選擇去遠少少到尖沙咀 (最後一張！！)上次食過油麻地分店，啲料真係好新鮮，所以都滿有期望黎尖沙咀分店。其實相黎到食鷄煲，但兩個人好難食禁多肉，所以都叫左火煲湯底 -- 螺片濃鷄湯鍋 (冇雞肉的）。 個湯一上枱好creamy 好香，不過冇鷄件就失色左啲啲。但呢個鍋最正係好多好有咬口嘅螺片，同好多菇😍😍😍encore 的爆芝響鈴 😋😋超級脆，同有濃濃嘅芝士😋😋必食(三秒拎起，呢款響鈴好快淋）特級雪花牛肋片我想食牛，但上次食過牛小排，今日就食牛肋片 (雖然唔知咩黎😂😂) 禁大碟嘅，兩位女士食完都飽 (但我仲想食其他嘢）睇到雪花多，而且唔肥。岩唒唔鍾意食肥嘅女士 (同感覺食得好健康）冇奶油黎到淨食兩碟就走，叫多左碟鮮蝦雲吞。估唔到入面有隻禁大隻嘅蝦，正😍😍😍但下次要叫多啲人黎食先得，因為我太多料想食，食過兩次我都覺得好出色👍👍我後面有個角落專for 六位相聚，呢個間格好好😍😍 好有私人空間👍👍

小編鍾意食雞煲，但成日會好驚好鹹。但如果味道唔夠濃，又會覺得無味。今次就叫左重慶小辣雞煲黎試下😍而呢間雞煲味道可以話係啱啱好！！首先講賣相，一見隻雞已經覺得好肥美，d雞皮可以話係好厚。雖然小編平時都唔食雞皮，但見到咁香都忍唔住食一舊！點知發現廚師應該用左紹興酒掩左好耐！令到雞皮無咁油膩同爽口！雞煲份量都好大，兩個人最後都食唔曬d雞👅至於火鍋湯料，我地就叫左餐廳既招牌配料—自家製芝士炸響鈴、蟹子蝦滑、羊肉！芝士炸響鈴係必叫食物！因為佢即刻叫即刻炸，好新鮮，而且炸到金黃色！當溶左既芝士加索曬雞煲精華既響鈴，味蕾真係會相當衝擊！蟹子蝦滑就算滾左幾耐都唔會得一番pat，都保持一粒粒彈牙！至於羊肉，小編會覺得餐廳好有誠意😚😚因為火鍋配料既羊肉真係好少會切得咁厚，而且仲係$88呢個價錢！真係好抵！！

• 吞POT 雞煲火鍋.住家菜• 尖沙咀山林道38號銀座38 12樓當晚九點半後先去到食,全張點餐紙火鍋配料有半價優惠,認真抵食!!!呢度嘅食物種類選擇都算多仲有小食添!!! 服務細心,食食下跌咗隻筷子未舉手叫店員拎過隻,已經有店員拎住隻筷子行緊過嚟!!!自家製韭菜餃$68,粒粒都好飽滿好大粒,不過餃皮個尾位就厚咗少少所以要灼耐啲,個皮全透明先好食 !!!桂花蚌$115,好鮮甜,放落湯灼一灼已經食得啦,如果老咗就唔好食呀啦!!!生菜$38火鍋湯底選擇咗螺片花膠雞煲$208,有半隻雞同一隻雞選擇,如果一隻雞嘅話就$298,一般湯底啲料都覺得好少但係呢度好多料,花膠螺片都好夠食!!!啲雞肉質好嫩滑,放啲生菜落個湯度吸曬啲雞油精華條菜食落特別滑身!!!

朋友係要見既,大家就到時間就去左打邊爐,談天說地好開心,重要打完邊爐附近有好多酒吧,再戰下場飲過痛快,真開心講下依間火鍋先,我食過旺角分店呀啦,朋友就未食過,坐底點菜既時候就推介佢食花膠螺片雞煲!!!依間分店做得同樣美味,好好無令我失望,無介紹錯比朋友!!!!一坐底就有個自助醬油盤比客人自選調味,朋友笑我個放勁多辣椒問我食唔食到,不知辣得幾刺激幾過癮!!!餐牌大大個圖個煲就係我點個個,咁特出相信都係店裏面熱門推介野黎!!!就係唔係講笑,就咁講都未為可信,有圖有真相,真係好足料好有份量,就咁食個煲都飽啦,真係抵食!!!抵食得黎唔難食,可以用好食黎形容,湯味好郁濃,愈滾愈入味,不過就見意d雞快d食左先,因為初初剛好煮既時最嫩!!!d花膠好黏口,飲淡湯都黏口,好有膠質感,螺片鮮甜彈牙,重有配料菇咬下,依個煲好豐富!!!走個時的等電梯周圍望下,原來有做午市,重要定期轉款式,d款式都幾正!!!重有就係晚市火鍋19:30前結張及離坐或21:30後入座及星期六/日及公眾假期午市,點餐紙上所有火鍋配料及小食半價!!!

第一次來吞POT，目的來食飯慶祝下有人生日，十幾個仔仔多D。我地係一行人岩岩打完波又熱又餓嘅狀態來到，鋪面眼睇唔大，不過我地十幾個仔又多情況下都唔會坐得好逼，冷氣都算夠，唔會話好凍。打邊爐學滔滔話齋爐頭係緊要嘅，但煲底都唔可以執輸，我地嗌左兩個煲，胡椒豬肚雞同藥膳醉雞，最特別係一上煲staff就同我地講：D雞已經熟，食得咖啦。呢一點起廚房prepare好係真係幾貼心嘅，不過有fd起藥膳煲食到舊8成熟嘅雞件，我自己覺得prepare好嘅雞唔係話好hi，唔係滑啦。另外我覺得所有炸物都係現炸呢點真係抵讚，魚皮，芝士響鈴岩岩炸好熱辣辣上，係正嘅。另一點抵讚嘅係飲品，大大杯嘅一系列飲品，我地order左青瓜特飲，凍鹹檸7，檸樂等，岩曬我地咁多仔。總體係幾唔錯嘅火鍋店。

有同事生日想食火鍋，我請他去山林道銀座食火鍋，吞POT雞煲火鍋是樓上鋪，我好多朋友食過都說有水準，所以今天帶生日同事來試試！雞煲和火鍋都有。醬料整齊清潔，每款都有標註醬料名字。首先來個小食，炸魚片頭，即叫即炸，爽口彈牙！點些酸甜醬更好味招牌螺片濃雞湯鍋：真材實料的雞湯，鮮味十足，香甜可口，螺片爽口，是暖身保健，補氣養生的食材！鮮雞件(半隻)，半隻份量都好多，鮮雞好新鮮，沒有太多脂肪，皮爽肉質鮮嫩。同事生日，當然要啤一啤！

星期日同女兒去尖沙咀做美容，之後女兒提議去附近的銀座食晚餐，選了吞POT雞煲火鍋.住家菜，女兒喜歡店內坐得舒適，食物又真材實料。入座就送上多款混醬配料。招牌螺片濃雞湯鍋：奶白色的湯底超濃郁，材料放有爽口的菇菌和螺片，啖啖雞湯精華，味道鮮甜。我們每人飲了2大碗才開始食火鍋配料。自制鮮蝦雲吞：自家包製，大大粒的雲吞皮薄餡飽滿，粒粒都包有鮮蝦，十分爽口。白鱔片：鱔片好新鮮，每片切雙飛，灼幾下就熟，爽口彈牙，鮮味十足。

週六日要在附近上課，動用腦袋力量之前必須先填飽肚子😋跟同學一起在山林道附近尋找美食，山林道出名多好嘢食，今次沒有令我們失望。由於我們都是養生的妹妹，選擇都有幾款，先來一個滋補螺片花膠湯底雞煲，半隻雞價錢是$208，雞煲上來 雞已經全熟，不用自己烹調或再等就可以直接享用，雞件質地夠滑不會老，螺片魚花膠很足料，絕對沒有揸流攤，飲落湯底奶白色，非常濃郁！夠晒甜，先自隊一碗湯底再說吧😋😋由於我哋兩個女生的關係，胃口不算太大食，就叫咗蟹子墨魚滑（$88），土豆片（$38），爆芝響鈴（$48：3件）墨魚滑非常彈牙，好有口感，食得出佢並非加粉真材實料。而土豆片爽口夠脆，同樣夾湯底。最後必試嘅就係呢個爆芝響鈴，響鈴點1秒湯底即可食用，食食吓面居然有芝士，又香又夠晒新意😋由於因為夏天熱辣辣嘅關係，一坐低我哋都令我叫咗一杯青瓜特飲，好fresh 好清新。總結，下次會再黎啊，今次因為兩個嘅關係食唔到太多，下次叫埋多啲朋友就可以食多幾樣野啦🤗

之前好幾次聽過友人提過「吞POT」這個大名，激讚佢既雞煲好好食、好正，令我都有D好奇，今日終於同朋友一齊去食啦！真係好期待呀！這間「吞POT」位於12樓，佔整個樓層，地方很寬敞，桌與桌之間有合適的距離，坐得很舒服，抽氣系統很好，冷氣感十足，打破了我固有以為雞煲就會很迫很熱的概念。招牌雞煲有很多選擇，即使小妹不吃辣，也有很多可以選，例如有「極品雞煲翅」、「花雕藥膳雞煲」、「胡椒豬肚雞煲」等等。因為見到牆上有這個推介，那就選「滋補螺片花膠雞煲」啦！這個雞煲一上場，我感到很驚喜，忍不住影相，因為材料實在太足料吧！隨手一舀，都是滿滿的花膠、雞肉、螺片、秀珍菇！名副其實的「滋補螺片花膠雞煲」！侍應細心地交帶，雞已是熟透，可放心即吃。每塊雞都是有均勻的雞肉，並不似坊間的雞煲得個骨。而且雞肉嫩滑，真是好好吃！上來一定要點佢出名的「自創爆芝響鈴」！因為佢係即叫即整的響鈴，新鮮炸起，直接即食又得，過湯吃又得，裡面既芝士簡直在嘴裡融化，十分好食！好想食多幾舊呀！眼見附近食客幾乎個個都有叫佢既手打丸，是出名的自家製丸，那麼我也叫「手打生拆蟹粉墨魚丸」來試下先！果然夠特別！內裡的蟹粉是真的會爆汁，吃到蟹粉的味

食過返尋味指數：🌕🌕🌕🌕🌑 山林道樓上鋪，一上門就感覺係一間高質而且用心製作嘅local邊爐舖頭。打掃得好乾淨，而且牆上有貼滿手製同自家製食材嘅poster，一睇就覺得好吸引。好少係香港食胡椒豬肚雞煲，今次就試左下，真係好香濃。一上菜D雞就係熟嘅，唔洗等即刻可以食，好幸福。而且飲左好多碗胡椒豬肚湯。雞肉嫩滑，啱啱好。牛肉香濃，而且冇咩肥肉，真係好難得。青菜係咁正嘅湯底陸完，真係可以食一打。