君蘭冰室

營業中

休息中

係附近趕住睇戲，想搵間近戲院嘅餐廳快食，印象中係附近食嘢都要一百幾二百先可以食到一餐，係門口望望餐牌價錢，價錢親民叫咗個羅宋湯牛肉米粉，本身好似係配通粉，但可以免費轉米粉或者即食麵，呢個幾好：） 出前一丁同其他冰室一樣要加幾蚊成個餐有麵有火腿有多士有蛋，仲跟餐飲，都只係用咗五十幾蚊好彩佢味道都唔差，份量適中，旁邊仲有麵包賣，最特別係竹炭班蘭蛋撻，本身遠睇綠色以為係綠茶或開心果，原來係班蘭，因為個餐有啲飽，下次有機會再試試

係旺角mtr 出經朗豪坊，穿過超市見到間酒紅色冰室原來係君蘭，行到攰就坐低食個tea. 估唔到好多選擇。 下午茶沙嗲牛肉炒河粉微辣，獲氣十足，牛肉嫩滑，炒河香氣四溢。河粉吸收了沙嗲醬的香味，每一口都讓人回味無窮。下午茶黑松露炒厚蛋多士配炸雞中翼厚蛋多士外脆內軟，好難得係黑松露踩好足！黑松露的香氣提升了整體的風味，搭配炸雞中翼香脆，肉質鮮嫩。是日快餐粟米魚柳飯魚柳外脆內嫩，搭配甜美的粟米，飯粒鬆軟，滋味十足。作為快餐選擇，既方便又美味，令人滿足。如果無時間煮飯，我下次會考慮係君蘭冰室買個二/三餸飯返屋企慢慢嘆😂

最近我同媽咪，囡囡去完朗豪坊買野，就去咗君蘭冰室食下午茶，環境舒服，裝修又新，行完坐下抖抖。佢哋嘅下午茶有粉麵亦有飽點小食類。我就揀左沙爹牛肉炒河粉同蛋撻。河粉嘅沙爹醬味道濃郁，比起港式豉油口味更濃郁。河粉滑順，炒得夠火喉夠香口，牛肉嫩滑份量又多，搭配埋一杯奶茶，好味！牛油曲奇皮蛋撻夠晒蛋香，焗得岩岩好，入面嫩嫩滑溜，撻底好香牛油味，酥脆好食!媽咪就食黑松露炒蛋厚多士配炸雞翼，再加個星星撻。厚多士外脆內軟，黑松露嘅香氣同埋炒蛋嘅滑口，非常之夾，黑松露份量好多，食落真係好香又滑lulu。炸雞翼嘅外皮金黃酥脆，入面嘅肉嫩嫩，邪惡好味。星星撻真係非常好味，大大件餡料滿滿，嫩嫩香甜，批底真係非常脆香。囡囡就食仿鮑魚絲火腿通粉，呢個佢最愛嘅冰室菜式🤣！通粉煮得剛好，唔會淋晒，仿鮑魚絲搭配火腿係經典搭配，佢仲盛讚呢到嘅仿鮑魚絲係切條，唔係一片片，岩晒佢而家甩牙都食到😅😅😅。除咗經典冰室菜式，君蘭冰室仲有兩餸飯同三餸飯選擇，望落都好吸引，見人買走，大大盒，價錢都唔貴。佢地嘅包點都相當吸引，新式創意同傳統口味都有。

週末在朗豪坊閒逛準備走向地鐵站回家之際發現在商場最底的一層有間裝修非常特別冰室細看之下原來是君蘭冰室冰室食物充滿驚喜，豐富食物選擇有經濟實惠兩餸飯︰十款不同口味小 菜，每日廚房新鮮炮製仲有是日快餐、「菠蘿滑蛋油」「招牌爆芝西多士」的得意之作等於是決定外賣回家一試...✔什扒腸仔煎蛋🥚飯 🍚 🍳腸仔香口又夠脆雞肉嫩滑多汁，豬扒煎得夠香煎蛋處於半熟狀態，軟嫩滑口配上黑椒汁，越食越醒胃口~~✔蔥油雞扒煎蛋🥚飯🍚 🍳我好鍾意食蔥油雞扒雞扒大件厚肉，肉質纖細易嚼肉汁豐滿，蔥油纏住飯粒，拌飯一流，好滿足 😌-飯再配上繽紛蔬菜入面有椰菜🥬番茄🍅粟米及紅蘿蔔新鮮蔬菜仲有半熟鷄蛋🥚真係好岩送飯也好滋味 😄✔菠蘿滑蛋油配紅豆冰🫘一大舊冰凍的牛油配上熱辣辣的滑蛋和皮脆鬆軟的菠蘿，真是非常夾雖然好邪惡，但是吃起上來非常滋味，絕對要一試之後來一杯冰凍的紅豆冰淡淡的花奶香配上香甜的紅豆也是一個絕配的組合，紅豆軟綿程度適中有咬口，令人食唔停口...地鐵站可直達，值得來一試...

朗豪坊原來開了君蘭冰室‼️之前食過君蘭麵包廠呢麵包好精緻好好食，估唔到除了可以食到堂食出名的➖菠蘿滑蛋油，仲有是日快餐同3餸飯，簡直係平民高質食堂。旺角出口就係，喺商場中庭，超級易搵，餐廳好大，分2邊座位，有專属麵包櫃位揀麵包。呢日經過特登買三餸飯返去做晚餐。有成十款不同口味小菜，新鮮炮製。兩餸飯$42，三餸飯$48，配飲品$7，可以飲到出名嘅樽裝奶茶，真係超級經濟實惠。两三餸飯份量超充足，飯又多，餸都超多超開心，味道食得唔會咸，調味剛剛好。下次試下堂食出名嘅菠蘿滑蛋油同埋是日快餐先得。

今日去朗豪坊行街，行到攰又肚餓，見到有間冰室，即刻入去醫肚，好大間環境好大好舒服好好坐，仲有兩餸飯可以買外賣，又有麵包。是日式晚餐B-涼瓜炒牛肉 @$63.0牛肉份量多，厚身爽口，涼瓜苦中帶甘，很有大排檔風味👍🏻配白飯是日式晚餐B-豉汁蒸黃花魚 (需時25分鐘)@$75.0蒸魚時間恰到好處，原條黃花鮮甜，有住家飯感覺😋配白飯檸蜜 @$6.0招牌爆芝西多士@$29.0很有特色，可以冠以signature，芝士🧀️花生🥜醬很匹配👍🏻牛油皮蛋撻@$9.0蛋香滑，撻底鬆化牛油香味😋

君蘭冰室今日放工喺旺角同朋友買完嘢，想搵啲好耐無食既野嘆下，於是搵咗呢間算老字號既港式冰室試試，除咗坊間茶餐廳既自家製麵包＆典型茶記食品，日間仲會賣埋兩餸飯，位置於朗豪坊地庫，直連旺角MTR通道。💫什扒腸仔煎蛋飯雞扒好大塊，咬落去肉質軟淋有肉汁。豬扒肥瘦適中；肉質細嫩鬆軟。 煙肉同腸仔唔會煎得太咸同乾身；仲有少量雜菜伴碟襯托～ 💫羅宋湯牛肉通粉蕃茄湯色澤上色濃味，見到落左唔少配料去煮，牛肉質感鮮嫩；份量算多。 💫港式西多士煎得幾金黃香脆，較大件厚身落埋牛油同蜜糖更加好味～ 💫雞批雞肉嫩滑有肉汁，餡料足夠牛油香味重，批皮酥脆～

行完朗豪坊諗住番屋企見到B2地庫開左間君蘭冰室😮🤩好多人幫襯 就決定買啲外賣番屋企食👅 食物好多元化 完全可以搞掂晒三餐 咩都有😋麵包、兩餸飯、茶餐等食品旁邊更有君蘭麵包、曲奇等出售😳兩餸飯更是近年黎香港既潮流🤭君蘭有幾十幾款不同口味既小菜🍛而且都只係$38兩餸/$44三餸😮每日都由廚房新鮮炮製✔️不過兩餸飯直至六點就會完 六點後會有精美晚餐供應 每晚既餐牌都不同今日我買左兩個是日快餐同咖喱飯•粟米魚柳飯 $60•豉椒雞柳炒河粉 $65•咖喱什扒腸仔煎蛋飯 $68朗豪坊黎講非常抵食👍🏻而且位於商場內 可直達地鐵站 完全唔怕落雨或者曬😄絕對係一個非常好既餐廳選擇🤭

位於旺角地鐵站C出口直通朗豪坊B2層，唔怕日曬雨林，地庫新開左一個冰室，君蘭餅店估唔到開到君蘭冰室，放假行街經過去試下先餐廳用上掃碼落單，方便快捷我地好鐘意食常餐，所以叫左幾個常餐食A)蔥油雞中翼丁B)羅宋湯牛肉通粉C)沙嗲牛肉出前一丁全部配上腸仔、雞蛋和多士味道出眾加上經濟實惠，大商場有呢個價錢質素，真心來香港旅行的遊客可以一試食物好快黎到，效率超高，走的係平價之選，中午仲有經濟實惠兩餸飯︰十款不同口味小菜，每日廚房新鮮炮製，仲有精美晚餐，超多元化, 可搞掂三餐，咩都有（面包，兩餸，茶餐食品)#朗豪坊 #平價之選 #香港旅行 #旺角站 #常餐 #多元化 #兩餸飯 #旺角兩餸飯 #精美晚餐 #經濟實惠 #君蘭冰室

旺角又多一樣平民食的地方啦! 係朗豪坊地庫2樓有新開的君蘭冰室！佢有早餐, 下午餐，今次我吃左常餐呢! 哩間冰室食物充滿驚喜，豐富嘅食物選擇, 例如是日快餐、「菠蘿滑蛋油」是君蘭經典與創新的完美結晶、「招牌爆芝西多士」是另一款「君蘭冰室」的得意之作等！福建炒飯🌟 每一粒米都炒至金黃，粒粒分明，搭配豐富的配料，如蝦仁、雞蛋、青菜和香腸，口感層次豐富。 🍤🥚調味恰到好處，既能感受到米飯的香氣，又能享受到各種配料的鮮美✨ 福建炒飯的色彩搭配也非常好看!滑奶茶💖 以其濃鬱的茶香和絲滑的奶香喝上一口瞬間讓人感受到舒適與滿足。細膩的奶泡與茶葉的香氣交織在一起，既有茶的清新，又有奶的醇厚🍵🥛

主打麵包店既君蘭，今次做埋兩餸飯同冰室，食物質素比想像中好，係呢個商場黎講非常抵食。今次晚餐時段去，除左有6款晚餐，仲有其他套餐選擇，用QR code 落單，注意兩餸飯係中午時段提供。餐廳係商場底層連接地鐵出口，剛好當日落雨唔怕淋濕，好方便，位置係電梯底，空間感大。✨鹹蛋黃雞中翼 (4隻) $36炸到表面金黃色，仲有肉汁唔乾身，表面舖上鹹蛋黃醬，鹹香適中。✨港式西多士 $26 👍🏻👍🏻👍🏻非常厚身，表面炸到酥脆，食到蛋香味，仲保留到內層麵包鬆軟，最滿意係成塊麵包連邊位都搽滿花生醬，配合牛油同糖漿無得輸，呢個價錢好抵食，必定會再次黎食。✨沙嗲牛肉炒河粉 連飲品 $71分量多大碟，沙嗲醬惹味，香氣適中，略帶少辣，牛肉不少，炒得均勻，有鑊氣，配料有紅椒、青椒同洋蔥增添口感同色彩，整體味道唔錯。有自助飲水位斟，仲有賣麵包，夜晚有優惠買二送一，款式唔少，但太飽無買到黎試。

📍🇭🇰 君蘭冰室 Orchid Padaria Cafe.一講起「君蘭」呢個名，就會聯想到麵包舖，估唔到呢個老字號而家仲有係旺角朗豪坊開了冰室，結合多元化的烘焙及傳統冰室的概念！.我們兩個來到朗豪坊商場，發現君蘭冰室食物充滿驚喜😍，又有很豐富嘅食物選擇，包括茶餐廳必備的是日快餐、經典與創意之作系列、經濟實惠兩餸飯及精美晚餐！大家都可以選擇堂食/外賣帶走都無問題👍🏻.我們今次被是日快餐系列吸引了🤩，點左以下外賣拎走：📌 菠蘿泰式雞汁魚柳飯 {HK$68}配凍檸茶 {+HK$3}- 呢個最有驚喜🤩，估唔到泰式汁似咕嚕肉的汁但帶點酸辣，再配上魚柳就似我們叫開的班腩，整得好出色，撈飯，食得津津有味！.📌 星洲炒米 {HK$62}配熱咖啡- 星洲炒米都炒得剛好，唔會好似食過其他餐廳會炒到好濕，好帶鑊氣又香口！.📌 菠蘿油 {HK$19}- 加個飯後甜品-菠蘿油！外脆內真的很軟熟，加埋片牛油🧈！真係好好味🤤！.原來他們的經典兩餸飯有十款不同口味小菜，仲要每日廚房新鮮炮製！下次來到呢個商場又再試下先！

朗豪坊地庫新開的君蘭冰室！襯今日放假去試試經典早餐，早餐有五香肉丁面、沙嗲牛肉麵、雪菜肉絲米、同仿鮑絲火腿通4個套餐我地揀既都係火腿通粉 炒蛋 多士 食物好快黎到炒滑蛋好凍 應該整定沒有保溫 無牛奶質感一舊舊多士無得轉奶油多 味道普通 一般面包火腿通粉唔係忌廉雞湯 普通湯底 無咩特別熱奶茶出色，茶味較淡，但同花奶好夾成個質感好順滑，我諗奶茶係最值得外賣會叫嘅產品整體食物都係非常一般 講返呢間開喺朗豪坊嘅君蘭冰室佢走嘅唔係高檔路線因為一個早餐係$42 ，午餐會有雙餸飯可供選擇走嘅係平民路線，但都係其他冰室都會好食啲 😝

君蘭又有新嘢玩，今次做茶記。之前做新派口味傳統麵包已經好鍾意，依家做茶記原來咩都有得食，輕鬆搞掂三餐，除左起家嘅包，仲有各種餸菜同茶餐食品。呢度都係商場比較抵食嘅選擇。就係地鐵站嗰層，唔怕落雨／曬。等食嘅時間，睇下舖頭環境是日晚餐 $63XO醬翠肉瓜炒雞柳、 白飯有無試過茶記有兩餸飯食呢？聽講十款不同口味小菜，每日廚房新鮮炮製。原來夜晚無得叫，但可以叫即炒餸菜，一樣跟一碗白飯。翠玉瓜或者西芹炒肉嘅配搭，好多茶餐廳都有，為免太清，都會加入XO醬。呢度嘅XO醬，好香濃，蝦米幾大，同埋瑤柱都有幾粒。平時應該爭食雞，不過今次竟然爭食翠玉瓜，證明味道好足夠。醬汁咁香濃，但完全唔辣，非常易入口。鹹蛋黃雞中翼（4件） $36鹹蛋黃醬汁好濃，原來都適合送飯。下面係茶記嘅乾炸雞翼，本身乾身香脆，加鹹蛋原來又幾夾。招牌爆芝西多士 $29本身做麵包，麵包類食品應該會好正。呢款#招牌爆芝西多，係君蘭冰室 其中一款得意之作。君蘭自家製作的超過 2 吋厚切多士，先煎至金黃，最後再裹上蛋漿油炸，炸好之後淋上滿滿的芝士奶蓋和阿華田粉就大功告成。多士炸得外脆內軟，我地放一塊牛油上去。切開時，白色芝士奶蓋像岩漿般緩緩流下

Happy Friday當然要同同事食餐好慶祝吓🥳估唔到而家有咁多Crossover食店，君蘭餅店就成日聽，係大個商場竟然俾我地發現呢間君蘭冰室，有雙餸飯外賣同埋茶餐廳套餐，即刻試一試佢哋嘅是日套餐咩料子😊🍽️ 川式辣子燴雞頭飯 + 熱咖啡商場入邊嘅茶餐廳乾淨得來又舒服，我哋叫咗川式辣子燴雞頭飯，啲雞炸到脆卜卜，再配埋啲辣醬，甜甜地又辣辣地好惹味，食到停唔到口，最正係杯熱咖啡，好厚底，好有風味☕️🍽️ 咖喱薯仔牛腩飯 + 奶茶紅豆冰另一個是日套餐我哋叫咗香港特色咖喱牛腩😍特別夠晒香港風味，平靚正，啲牛腩炆到好腍，咖喱汁撈飯一流，最正係個奶茶紅豆冰🧋原來係奶茶同冰打埋一齊，食緊奶茶綿綿冰配紅豆咁樣😋夠晒特別🥰是日套餐$60起估唔到都幾有質素😝雙餸飯可能仲平，環境仲唔錯添！