君蘭冰室

今日同同事過海做嘢，行經朗豪坊竟然發現新開咗間「君蘭冰室」😍 平時係銅鑼灣買開麵包，開左新野梗係要一試，食物真係充滿驚喜！🍽️ 超豐富選擇，例如是日快餐、「菠蘿滑蛋油」——係佢哋經典同創新嘅完美結合，仲有「招牌爆芝西多士」🧀，邪惡又惹味，絕對係必食之選！😋唔止咁！佢哋仲有經濟實惠嘅兩餸飯，每日新鮮炮製十款唔同口味小菜，夜晚仲有精美晚餐🍛，真係由朝到晚都可以喺度搞掂三餐！☀️🌙 位置超方便，近地鐵站直達，落雨曬太陽都唔怕～🌂☀️ 快啲約埋朋友一齊試吓啦！👫💨🔆港式咖喱三寶 🌶️ 魷魚彈牙、魚蛋爽口，豬皮蘿蔔索滿濃郁咖喱汁，超惹味！🔆厚切午餐肉芫茜蛋治 🥪 午餐肉厚切香煎，滑蛋加埋夾滿芫茜煎香，香氣爆棚口感豐富！🔆菠蘿滑蛋油 🍍 熱辣辣菠蘿包夾住一層厚厚既牛油同一層香滑炒蛋，冰火口感鹹甜交織，超正！🔆蔥油雞中翼撈丁 🍗 雞翼香脆入味，勁多既香濃蔥油配上美味既一丁，真係食到停唔到口！🔆凍奶茶 ☕️ 港式經典風味，茶底濃滑而不澀，奶香比例剛剛好！🔆凍紅豆冰 ❄️ 紅豆起沙又大粒，奶冰甜度適中，清涼又解渴！🔆牛油皮蛋撻 🥧 牛油皮超酥化，蛋餡香滑微甜，真係好吸引！🔆葡撻 🇵🇹 外皮酥脆，蛋漿香濃軟嫩，焦香面令人回味無窮！…查看更多

🌟港鐵旺角站E1出口/C3出口🌟#朗豪坊 唔喺朗豪坊搵食都唔知 原來君蘭喺度開咗冰室下午茶時段去搵食 去咗朗豪坊地庫B2 層 猛太陽落雨都唔怕😅😅夠晒方便！君蘭冰室嘅規模都幾大 座位好多算係嘆茶嘅好地方有幾款下午茶餐🧡#厚切午餐肉芫荽蛋治- 本身都好鍾意食芫荽 但從未試過將芫荽加落蛋治入面 有好香嘅芫荽味 清新😛😛- 仲有午餐肉係預先煎過嘅 脆口- 整個蛋治都好惹味🧡#星洲炒米- 用料豐富 都幾大碟- 但略嫌炒得唔夠均勻 有部份好重咖喱味🧡#奶茶- 我覺得冰室或者茶餐廳 奶茶沖得好都幾緊要- 呢度嘅奶茶唔會太澀 但唔會好重奶味- 而且唔似有啲食肆用一個好厚身嘅杯 - 呢度冰室嘅奶茶都幾大杯- 就算係凍奶茶 都可以keep到質素👍🏻👍🏻嘆完下午茶 就係諗住走嘅時候 見到有兩餸飯三餸飯 就順便買埋做晚餐佢嘅價錢都親民 兩餸飯$38 三餸飯$44個價錢拍得住其他店 而且選擇都好多 有成10款咁多 份量比得好足我就揀咗兩個兩餸飯 總共有四個餸🧡#梅菜扣肉🧡#滷豬手🧡#泰式青咖喱雞🧡#咕嚕肉其實每個餸嘅味道都幾好 唔會太鹹 但醃得入味 呢個價錢嚟講絕對值得！…查看更多

君蘭餅店原來仲開咗堂食，可以食香港經典茶餐廳嘅菜同兩餸飯。君蘭作為餅店果然麵包同撻做得相對更出色✨🍞，尤其”菠蘿滑蛋油”，菠蘿包嘅菠蘿皮酥脆內鬆軟，配埋滑蛋同厚厚嘅牛油真係好好食🤤蛋撻都好食，堂食會翻熱～沙嗲牛肉炒河粉份量好大，同茶餐廳嘅乾炒牛河味道完全一樣，略嫌冇咩沙嗲味，跟餐樽仔奶茶幾香茶味同奶味幾balance (๑ᵔ⤙ᵔ๑)🧾𝙞𝙩𝙚𝙢𝙨 𝙤𝙧𝙙𝙚𝙧𝙚𝙙:•沙嗲牛肉炒河粉 $77•菠蘿滑蛋油 $52•大紅袍樽仔奶茶$12 / 凍檸水(跟餐)•星星撻 $18•真流心孖芝士撻 $18📍君蘭冰室 旺角亞皆老街8號朗豪坊B2樓26-27號舖…查看更多

：之前知道君蘭開咗間茶餐廳係朗豪坊，今日捉埋個朋友一齊黎試下！選址係以前ms 嗰位，裝修偏新式同君蘭麵包裝修接近，座位都幾多坐得舒服🙆🏻‍♀️✨吉列魚柳炒滑蛋多士 $58老實講好少夜晚有得食通常去到下午茶後就冇得食！魚柳唔會好腥好散而且炸完外層唔會啖啖油！☀️大紅袍樽仔奶茶 $12奶味茶味比較平均如果茶底濃少少會更正甜度剛剛好💥☀️海鹽焦糖雲朵奶茶 $9加埋啲奶蓋飲再滑啲但估唔到唔係好甜！🔸港式西多士 $26如果花生醬多少少就好🥲蛋漿可以落多啲🍃🔸鹹蛋黃雞中翼 $36呢個有啲失望鹹 蛋 黃 唔 夠 重🥲🔸菠蘿油 $19好難會難食🤣外層菠蘿包夠脆身香甜配埋牛油食 好邪惡😆同朋友share食岩岩好🔸竹炭千層酥皮撻 $18夠蛋香 🤣竹炭味就唔夠突出蛋夠滑溜且甜而不漏😗選址夠好 超級近地鐵站，而且本身朗豪坊除咗food court都唔多平民實惠餐廳，呢度除咗有特餐常餐仲有雙餸飯，晚上仲有麵包特價優惠🛎️…查看更多

朗豪坊最近新開咗間君蘭冰室，地點超就腳，價錢又貼地，性價比真係冇得彈！除咗三餸飯外，仲有好多經典冰室招牌嘢食值得試。鹹蛋黃雞中翼咬落去已經一口鹹蛋黃醬，好香口！雞翼仲要炸到脆卜卜，食到停唔到口👍🏻招牌爆芝西多士傳統西多士加華田爆芝😍一切開啲醬好似火山咁爆出嚟，唔會太甜又邪惡到極點，但真係好好味。羅宋湯牛肉通粉個湯底好濃郁，牛肉夠淋，通粉索晒啲湯，正！咖喱什扒腸仔煎蛋飯份量十足，個咖喱好香，啲扒件件好大塊再加隻流心蛋，好抵食！…查看更多

君蘭由20年老字號君蘭麵包廠到依加嘅君蘭冰室兼有埋兩餸飯 君蘭冰室就集齊曬以上嘅選擇 食物方面充滿驚喜 為打工仔慳錢慳時間之餘仲提供到一個咁好嘅商場舒適環境君蘭冰室有傳統蛋撻麵包 佢嘅菠蘿滑蛋油係必試嘅!!!係君蘭嘅經典與創新嘅完美結合 仲有得意之作招牌爆芝西多士冰室快餐價錢實惠味道唔錯 仲有經濟實惠嘅兩餸飯 每日廚房都新鮮製作 就正如我老闆平時成日同我講嘅要跟得住市場腳步 要肯變通 就會成為你嘅優勢可以見到君蘭的確係幾成功嘅牛油皮蛋撻 $9墨西哥包 $10蛋撻面包價錢優惠 味道唔錯招牌爆芝西多士 $32自家製作超過兩吋厚切多士 先煎至金黃 煎好之後淋上滿滿嘅芝士奶蓋同阿華田粉蔥油雞中亦撈丁 $58+炒滑蛋+多士+煙肉/腸仔+凍菠蘿茶$9 / 凍啡 $3味道ok 蔥油份量岩岩好 香氣撲鼻…查看更多

君蘭麵包食得多，原來依家都有君蘭冰室，開咗喺朗豪坊B2層，地鐵站一出就係，好方便，一樣有麵包呢度除咗茶餐、常餐之外，晚餐每日唔同，更有兩餸飯，好啱依家市場，經濟實惠，十款不同口味小 菜，每日廚房新鮮炮製快餐有菠蘿滑蛋油、招牌爆芝西多士😍經典創新結合🥚厚切午餐肉芫茜蛋治鐘意芫荽必食，芫荽勁香，熱辣辣好新鮮，配午餐肉🍴蔥油雞中翼撈丁惹味之作，雞翼入味香脆，丁麵彈牙🍚蔥油豬扒煎蛋飯豬扒好夠味，不會太鹹，蔥油非常香，撈蛋飯超正🫘紅豆冰🧋凍奶茶港式地道～好飲…查看更多

今日特登去咗君蘭冰室，呢間冰室一直都係街坊至愛，無論早餐、下午茶定晚餐都啱晒。今次試咗幾款人氣之選，真係有驚喜！😋🥪 西多士 + 兒童鴛鴦：經典不敗組合一坐低就叫咗西多士配兒童鴛鴦。西多士炸得金黃香脆，外層酥脆，內裡鬆軟，牛油香滲晒入去，每啖都好滿足 🧈🍞。配埋兒童鴛鴦，甜度啱啱好，唔會太濃，細細杯但好夠味 ☕🧃，啱晒鍾意華田同好立克嘅朋友或者小朋友。🍞 麵包櫃好吸引！款式多到眼花撩亂 👀冰室入面有個麵包櫃，款式超多，睇到都想全部買晒。今次精選咗幾款返屋企慢慢歎：- 🧀🥓 芝士火腿包：鹹香十足，芝士同火腿比例啱啱好，麵包鬆軟唔乾。- 🍫🧁 Oreo忌廉芝士包：甜而不膩，忌廉滑到漏，Oreo碎粒增添口感。- 🍰 蛋糕仔：細細件，口感綿密，唔會太甜，下午茶配杯奶茶一流。🍛 2餸飯：抵食又多選擇，份量十足！仲順手買埋兩個2餸飯返屋企，餸菜選擇多到眼花撩亂，今次揀咗以下兩款：1️⃣ 豉油雞翼 + 菜 + 肉餅 🍗 豉油雞翼滷得入味，色澤紅亮，雞皮微微黏口，雞肉嫩滑唔鞋口；🥬 配菜清新爽口，平衡油膩；🥩 肉餅厚身夠味，好有家常風味，一啖飯一啖肉餅，超滿足。2️⃣ 豉油雞翼 + 水蛋 + 雲耳蒸雞 🍗 雞翼同樣係豉油味，滷香濃郁；🥚 水蛋滑溜唔過鹹，好有媽媽手勢；🍄 雲耳蒸雞清淡健康，雞肉吸晒醬汁，雲耳爽口彈牙，整體味道層次豐富。🍚 每個飯盒都份量十足，飯粒分明，唔會濕笠笠！🧊 其他推介：見到隔離枱叫咗焗豬扒飯同凍奶茶，賣相好吸引 🍛🧋，下次一定要試埋。聽講佢哋嘅奶茶係用茶膽沖製，茶香濃郁，係冰室招牌之一。君蘭冰室食物選擇多，價錢合理 💰，份量足，無論係堂食定外賣都好方便。店員有禮貌，環境乾淨 🧼，係一個可以慢慢歎茶、食包、傾偈嘅好地方 🫖🥯🗣️。…查看更多

同朋友走去朗豪坊買衫，夠鐘食飯，見到君蘭係度有間冰室，冰室有好豐富嘅食物選擇，例如有是日快餐、常餐、特餐等等。 餐廳都有名物，「菠蘿滑蛋油」是經典與創新的結晶、而「招牌爆芝西多士」是另一款得意之作等等。冰室當然唔少得經濟實惠兩餸飯，餸菜多元化，有十款不同口味小菜，每日由廚房新鮮炮製，仲有精美晚餐，三餐都可以喺度搞掂添！真係同場入面嘅抵食之選吉列魚柳配炒滑蛋多士 $58首先叫咗款吉列魚柳配炒滑蛋多士，滑蛋改咗做太陽蛋，配料叫咗雞肉腸，仲有雜果沙律。 吉列魚柳有兩片，炸得外脆內軟，有兩粒太陽蛋，多士正好點蛋汁，再加埋牛油一齊食，美味又邪惡嘢飲叫咗熱杏仁霜，多奶味道順滑是日晚餐$85另一個主食就叫咗是日晚餐，係蛋白蟹肉扒時梳配白飯。蛋白蟹肉汁淋係芥蘭上面，芥蘭簡單烚熟，味道清淡，蛋白蟹肉扒明顯見到一絲絲蟹肉，帶淡淡鮮味，呢道菜式係健康之選飲品就加錢叫咗一支大紅袍樽仔奶茶，奶茶味濃，好有港式風味真流心孖芝撻 $36飯後甜品就叫咗流心孖芝撻， 入面嘅內餡係用咗巴馬臣芝士同奶油芝士，比起芝士鹹香，更加有一陣奶香味…查看更多

假日行下MK順便食飯，唔係好肚餓又唔知食咩好只係想嘆冷氣，原地係朗豪坊搵下有咩食，見有間君蘭冰室，而加先發現佢有開冰室即試下了。餐廳係開放式設計，去到差唔多18:00唔太多人，都係手機落單。要了個特餐-蔥油雞中翼撈丁，$58。凍奶茶紅豆冰，跟餐+$9。紅豆份量少，奶茶又唔夠香滑好淡味，最慘係支飲管咁細吸唔到紅豆，不停用匙羹𢳂，好Hea又唔好食。配太陽蛋腸仔及多士，冇乜特別正常水準。蔥油雞中翼撈丁，有隻雞中翼，味道正常發揮，因為好多蔥油食落香口惹味，撈丁偏少許鹹。食物味道普通，價格算正常，服務都冇乜但算係幾好禮貌，Hea下系列。…查看更多

🍽️ 特別餐點推薦：1️⃣ 【兩餸／三餸飯】（$38 起）✅ 每日提供約 10 款家常小菜，選擇多樣，味道有「住家飯」感覺。💡 性價比極高！⚠️ 只限外賣，但對附近上班族或學生來說超方便！2️⃣ 【菠蘿滑蛋油 + 雲朵奶茶】（$52）🍍 邪惡之選！厚切冰牛油 + 即炒滑蛋，蛋香濃郁、嫩滑順口牛油鹹香 + 菠蘿包甜香 = 完美平衡配上雲朵奶茶，綿密奶蓋 + 港式奶茶，打卡一流！📸 吃完感覺肥咗幾kg，但超滿足！3️⃣ 【港式咖喱三寶】（$48）🍛 回憶滋味之選！魚蛋、豬皮、魷魚三寶經典組合咖喱汁係靈魂：香濃微辣，超惹味💭 食到一半會忍唔住想加碗白飯！4️⃣ 【羅宋湯牛肉通粉 + 炒滑蛋 + 丹麥多士】（$61）🍅 湯底酸甜濃郁，帶微辣（可能係黑胡椒）🥚 炒蛋滑到不得了，蛋汁拌通粉一流🍞 丹麥多士外脆內軟，真係比一般多士好食好多！📍 小總結：君蘭冰室將「港式茶餐廳」與「創意麵包點心」完美融合，無論你係懷舊派定打卡派，都搵到心水之選！…查看更多

人氣老字號餅店，創立副線開冰室，將廿多年港式烘焙手藝和冰室美食融合，店內裝修時尚中帶點懷舊氣氛。提供多款食物，充滿驚喜，是日快餐、菠蘿滑蛋油、招牌爆芝西多士、還有經濟實惠的兩餸飯，十款不同口味小菜，每日廚房新鮮炮製。先試這裡的烘焙，星星撻及斑蘭咖央撻，出自前東方文華酒店餅師之手，外層酥皮以法國牛油作主調，再逐層人手疊加，令口感鬆脆，蛋味濃郁、極之香滑。雞肉批同樣吸引，熱辣辣好香口，餡料豐富，滑嫩雞肉加上白汁，滿滿香港本地茶記風味。沙嗲牛肉公仔麵也是茶餐廳必叫之選，秘製自家沙嗲醬，混合了花生粒，香味撲鼻，吃落香濃而不膩。雞扒牛扒煎得香脆多汁，大大塊味道濃郁，淋上香濃咖喱汁，飽肚惹味。…查看更多

入座下午茶時間，無講限時入座，個scan code 落單又係指示不清。叫左個檸檬茶蛋撻下午茶，食到尾聲有員工話夠鐘，有人等位。咁我都要執拾好的野先走得架嘛。之後又有個員工好惡咁再度趕人。唯有加快手腳啦。 埋單個時睇下係咪好多人排隊，原來先得一個人排。今次真係貼錢買難受，服務垃圾，下次請都唔嚟。唔怪得話飲食難做啦，內地的餐廳都不會咁樣，諗住撐下本土餐廳，點知都係的服務質素有問題，個女員工要再培訓。希望呢間公司的負責人正視問題啦。…查看更多

呢間都嚟食過幾次，不過次次都係晚餐嚟，估唔到下午茶都真係幾正，而家食下午茶就要咗個是日快餐連飲品，呢度嘅菠蘿滑蛋油真係好澎湃，見到都即刻流晒口水！菠蘿包外面好脆，甜甜地真係好啱食，入面夾住口口嘅一層牛油，真係超邪惡！紅豆冰係香港人嘅經典品，呢度都做得好出色，唔會太甜，紅豆口感超正！沙嗲牛肉炒河粉超級好食，沙嗲味剛剛好，夠濃郁，炒得有鑊氣！蒲燒鰻魚炒珍珠飯比我想像中更加出色，鰻魚肥美，米飯就粒粒分明，熱兒童鴛鴦都係我第一次飲，唔會太甜，幾特別…查看更多

估唔到呢間君蘭冰室充滿晒地道香港特色！位於朗豪坊嘅底層，地鐵站C出口直出過咗market place就見到啦！佢瘋狂嘅下午茶餐！唔單止有邪惡嘅西多士，仲要係有開心果口味！最瘋癲嘅菠蘿油！都有唔同口味嘅菠蘿油！我叫咗個菠蘿油蛋塊牛油大嚿到不得了！仲有炒蛋喺入邊！加埋個鬆軟新鮮嘅菠蘿包！好食到黐線！成件事好滿足，發現呢度仲有兩餸飯價錢都幾抵～下次可以喺度買兩餸飯食，呢度空間比較大，又唔擔心冇位坐，服務員態度都好好呀唔怕肥嘅一定要嚟食！邪惡滿滿！…查看更多