君蘭冰室

營業中

休息中

今日去朗豪坊買野。 出邊落大雨呀，好彩係地鐵站直行就有飯食，唔怕落雨！ 我可以坐低慢慢嘆夠Chill！見到有2餸飯同3 餸餸飯外賣自取方便，餸菜夠晒家常，返工返學都啱食！兩餸飯見每日十款新鮮小菜，咩豬腳、肉餅、滷水雞翼、咖喱牛腩、炒時菜都有，任你配搭，佢側邊仲有好多新鮮麵包賣，可以買定第二做早餐或者下午茶！ 我叫左個常餐～ 椒鹽豬扒飯嘅豬扒外脆內嫩，椒鹽香辣惹味，飯粒吸哂肉汁，再配杯熱奶茶，滑順香濃，同埋食茶餐廳冰室一定要配杯港式奶茶啦～ ☕️

呢排返工真係好忙，唔想再喺屋企自己煮飯，於是今日喺旺角收工，就即刻同屋企人喺朗豪坊度食晚餐，為咗明早要買埋早餐，就決定嚟到君蘭冰室呢度，鍾意呢度夠方便，地鐵直到，而且價錢夠實惠，坐得都算舒服！今日我就要左個特餐，有羅宋湯牛肉通粉配炒滑蛋同多士再加雞肉腸，飲品方面就要龍鳳檸樂。龍鳳檸樂真係香港嘅特色，檸檬配鹹檸檬再加可樂，喺夏天咁熱嘅天氣真係好爽！呢度個羅宋湯牛肉通粉味道都好足夠，通粉唔會煮得太腍，口感剛剛好！滑蛋都真係做到冰室應有嘅水準，絕對冇馬虎！是日晚餐就要左豉汁涼瓜魚柳配埋白飯，魚柳好大塊，份量好足夠，男士都夠食，呢個完全食到屋企嘅味道！另外都叫多咗一個厚切午餐肉芫茜蛋治分享，超飽滿，滑蛋勁厚！午餐肉真係超厚切，好邪惡！

喺君蘭冰室食完個快餐，拍擋見到兩餸飯好吸引，心思思叫咗一個三餸飯外賣；諗住晏啲返公司兩份食。食肉獸我哋揀咗瑞士雞翼、醬油豬手同肉餅；三餸都係$44都算抵。瑞士雞翼夠入味，大大隻夠肥美；醬油豬手調味啱啱好，唔會太鹹又唔會太甜。肉同骨嘅比例啱啱好，至於肉餅肥瘦適中，送飯一流。下次趕時間喺le度叫個兩餸飯，可以返寫字樓慢慢嘆。

今日同拍檔去旺角做嘢，做晏咗又趕時間。喺旺角地鐵商場出口見到呢間君蘭冰室；之前都唔覺呢度開咗間餐廳，一於入去試吓佢嘅快餐。我哋兩個食肉獸；我揀咗一個柱侯牛腩飯；拍擋揀左椒鹽豬扒飯。牛腩飯牛腩一啲都唔少，唔會碎濕濕；咪道夠地道，我成碟食晒。拍檔個椒鹽豬扒夠乾身；切起細細舊，易入口。仲有幾條菜，夠曬健康。兩個凍飲：一個凍咖啡、一個凍檸茶；埋單唔使$150 蚊快靚正。

電視睇完賣廣告經過特登去試，叫左碟招牌沙嗲牛河，但炒唔暈，一啖無味一啖超咸最重要係堂食都要用紙餐具仲要冇飲管……冷氣好熱朗豪坊好多遊客行架，冇心做不如轉手俾人做啦，無謂影衰香港😤

諗住就腳，又未食過，就試下，點知出事。沙嗲牛肉出前一丁麵淡而無味，正常有味粉，麻油點都香，唔係！佢早餐有幾款有湯既選擇，但睇圖似係同一個湯底加唔同既配料；加$2要丹麥多士，令我懷疑究竟乜嘢係丹麥多士！佢只係一塊鬆軟少少少少既麵包！檸茶叫正常少少。最差係佢啲餐具，叉,刀,碗,杯，都係即棄，我唔係d咩環保人氏。但我食麵係用木叉，我覺得我係食緊沙嗲木叉牛肉麵！牛肉柴就唔特別講，好多茶仔都係咁。冷氣嚴重不足，不過呢個係朗豪坊問題，之前幾手餐廳都係咁。唯一優點:係朗豪坊B2

從來都唔寫食評，食得落肚中規中矩我都唔會專登寫，但今次真係不吐不快。用app落單叫左外賣送上門，黎到外賣員撳完門鐘直接將個外賣放喺地下已經覺得好唔衛生，不過呢個我唔怪佢因為外賣員唔係餐廳員工，呢樣嘢我已經直接同app反映咗。野食方面我叫左三個早餐，兩個沙嗲牛一個火腿通粉，其中一個沙嗲牛轉通粉，黎到見到餐廳冇睇清楚直接俾咗兩個公仔麵都算，諗住食得落肚唔好煩，點知另外一個火腿通粉原來未煮熟，硬既，杯咖啡冇咖啡味，奶茶冇奶茶味😑總之好難食，冇一樣野係ok，唔會再幫襯。

坐下才知道食物要自取，好無奈而且要坐open area，其實幾熱，所以打算叫凍飲，食物就要雞扒飯+煎蛋然後凍飲要加9蚊，飯要62，算啦，一次半次好啦，食物來到，拿餐具，發現全部即棄，然後說環保期間凍飲無飲管，我黑人問號唔環保都算啦，食物好麻麻最後埋單，店員話有折，63，不過都唔平應該無下次

今天到君蘭冰室吃下午茶，點了蛋撻餐和羅宋湯牛肉湯粉，但整體用餐體驗有點失望。蛋撻等了 15分鐘，追問說要焗熱，但到手時面層內層都是不熱的，不明白15分鐘做了什麼。 相反宋湯牛肉湯粉比蛋撻早來很多，但一上桌就已經看到湯量極少，好像一早煮好放了很久，米粉吸收了湯汁，變成像是撈米粉，完全沒有喝湯的感覺。湯底亦較鹹，吃了幾口已經不想吃。 另外，提供的木造湯匙設計過於淺，舀湯時相當不便，舀不起來。環境唔覺有冷氣，座位太迫，無位放隨身物，要攬住食，服務是零，餐具也是即棄，衰過普通茶餐廳連鎖快餐店。

居然堂食都全部俾外賣膠餐具、膠碗、膠碟、膠杯，有冇搞錯，極唔環保，睇住成個場啲人全部用緊即棄膠餐具，為咗慳錢唔請洗碗？個地球第時會點？啲膠用幾多年先至分解？對人類嚟講，食落肚嘅全部都係microplastic，會溶出嚟去食物度，第時生癌唔好問點解，影響生殖唔好問點解。極差嘅商業道德。👎🏻Even for dine-in services, only disposable plastic tableware is provided, including plastic bowls, plates, and cups. This is highly inappropriate and utterly unsustainable. Observing the entire establishment, it is evident that all customers are using single-use plastic utensils. Is this an attempt to cut costs by avoiding the employment of dishwashing s

我都幾肯定呢間野係我食過最難食既茶記🙄🙄叫左個羅宋湯牛肉米粉（特餐），D牛肉乾到隔夜咁有陣臭味🤮個羅宋湯米粉又完全冇味，一pat 野。叫左兩個福建炒飯，D料係三色豆火腿片，個汁咸到嘔😞成個飯又咸 又勁濕🫠🫠好心啦！香港出名茶記，仲要開係朗豪坊都做到咁差😮‍💨做衰晒冇下次！真係極少打食評，差到咁！忍唔住！🙄🙄

之前食過幾次，今日去發現原來轉左模式，要自己取餐同轉晒即棄餐具， 價錢就九折⋯新模式體驗好差，去茶餐廳竟然要自己攞餐，咁場內咁多個侍應做咩？淨係收餐？而且用晒即棄餐具，好似去左快餐店，但你九折都比快餐店貴一截喎，味道都好似差左，有陣木餐具既木味，又唔環保，我諗都無下次了

👧🏻😋👅🍽✨朗豪坊住家飯😌-🥢 12月進駐朗豪坊地庫既君蘭冰室有茶記早餐常餐/麵包同撻/兩餸飯/是日晚餐, 開朝8晚10滿足你全日需要🤭🥢是日晚餐每日轉menu, 款款吸引冇雞肋之選, 仲食得出冇乜味精好出色🤤 ▪️是日晚餐E🐷 南乳芋頭燜腩仔 $65 有南乳香但唔鹹, 腩仔唔算太肥但就算瘦既位置都唔柴; 芋頭夠晒粉, 好食!🐮 涼瓜炒牛肉 $63 涼瓜甘甜爽口, 用少少辣醬炒令味道更有層次好好送飯, 牛肉片偏大塊但好腍又有肉汁▫鹹蛋黃雞中翼（4件） $36 🐥 鹹蛋黃醬雖然只係鋪上面, 但炸雞翼脆皮爆汁都好易merge到, 啲醬多左仲可以拎去撈飯😂▪️星星撻 $18🌟 厚身好香蛋味! 只可話比名牌星星撻都唔輸蝕🤭 仲有勁多款撻

多人熟悉嘅君蘭．原來唔單只係麵包糕點最近喺朗豪坊地庫．見到君蘭冰室估唔到呢度都有兩餸 / 三餸飯．價格仲好貼地菜式都幾多選擇快餐同下午茶都好抵食✨沙嗲牛肉炒河粉沙嗲牛肉唔一定配湯麵配炒河粉原來仲正味道夠濃郁惹味✨白汁雞皇飯白汁撈飯真係好正雞肉嫩滑啖啖肉下午茶都好有份量✨豉汁涼瓜牛肉飯豉汁好惹味涼瓜同牛肉係完美嘅配搭✨雞批雞批熱辣辣．外皮酥脆裡面雞肉好足料麵包批撻賣相吸引．仲好多選擇其他菜式都好有水準👍🏻

係附近趕住睇戲，想搵間近戲院嘅餐廳快食，印象中係附近食嘢都要一百幾二百先可以食到一餐，係門口望望餐牌價錢，價錢親民叫咗個羅宋湯牛肉米粉，本身好似係配通粉，但可以免費轉米粉或者即食麵，呢個幾好：） 出前一丁同其他冰室一樣要加幾蚊成個餐有麵有火腿有多士有蛋，仲跟餐飲，都只係用咗五十幾蚊好彩佢味道都唔差，份量適中，旁邊仲有麵包賣，最特別係竹炭班蘭蛋撻，本身遠睇綠色以為係綠茶或開心果，原來係班蘭，因為個餐有啲飽，下次有機會再試試