名門讌客 (裝修中)

經常同屋企人飲開呢間，價錢同食物都正常，難得放假再嚟飲茶！次次都點蝦餃、燒賣，今次就試吓啲新嘢🤣🤣見佢有新菜式，試吓呢個沙律雲吞個樣幾靚，食嘅時候唔會好易跌落啲沙律落嚟，加上沙律同個雲吞幾夾，唔錯，好味👍🏻呢個就一般，味道無咩特別。講到創意，鍾意食流沙包嘅我，第一次見到咁嘅流沙包，好搞笑，師傅好有創意，個包一粒粒咁🤣🤣鳳爪係好食😋入味乳鴿嚟到嘅時候就暖暖地，唔脆口，食落冇咩味，有啲失望🥲

葵芳港鐵站旁，地點很方便就腳，午餐套餐平日$148，星期六或日及紅日就加多10蚊，有冷盤叉燒拼雲耳，點心拼盤有蝦餃，叉燒包和姜汁紅棗糕各兩件，還有一碟福建炒飯，兩個人食份量剛剛好，味道亦唔錯。

傳統酒樓黎講，呢一間都算光猛闊落，環境乾淨，檯與檯之間距離充足，同埋都幾好食。點心質素ok, 最欣賞係所有食物都係新鮮熱辣。以下呢兩樣係比較特別：炸多春魚：酥脆香口第一次飲茶有煎蝦碌，都幾惹味整體來講，都係一次令人滿意嘅飲茶😋

好日唔黎呢間食，一黎就把幾火問阿姐野好似問佢攞錢咁，晨早流流受佢氣，其實我都係問佢張枱坐唔坐得姐，佢勁悔氣話冇人呀，你自己搵，9唔搭8咁樣樣好啦，坐低左，起碼十分鐘，條友走黎問飲唔飲普洱話沖多左，我話我要香片，佢唔出聲，飛左張卡喺枱面，張點心紙都唔收我，之後等左一陣，有另一位職員收點心紙，之後送點心嘅姐姐態度都ok野食方面一般啦，係低食塞飽個肚咁囉，個炒米粉個米粉應該浸唔夠水就炒所以係硬嘅，個菜乾粥淡嘅，燒賣唔錯，蝦餃叫做合格，蘿蔔糕最好食。總括然而就一定冇下次，我唔係要咩五星服務亦唔係要蔗渣價錢燒鵝味道，只係放假想同屋企人食個早餐而唔係食氣囉

之從大左，就越嚟越珍惜同屋企人飲茶時間。由細到大都係呢頭飲開茶，酒樓不停轉手又翻新，喺葵芳來講，呢間算平民價，野食又ok!!燒賣大大粒唔錯鳳爪好食有啲茶樓奶皇包個餡就已經係實曬，個人中意食奶皇包會熱辣辣流出嚟，呢間有！正！見平時成日嗌燒賣、蝦餃，見到張Menu有新野，一於就試吓，個人鍾意食椰絲，見到張相都幾吸引，嚟到嘅時候，即刻好想知道入面係包咗啲咩，原來係花生粒同椰絲，有少少甜，不過飲完茶當甜品食都幾得意，新嘗試唔錯。

我都明白香港食肆有小強唔出奇基本上眼不見為乾淨大家都會隻眼開隻眼閉但俾小強跌落食物再俾客真係搞唔掂 我仲已經唔小心食咗幾啖了你明唔明白嗰種驚嚇同崩潰本來諗住同家人開開心心飲餐茶俾佢搞到咩心情都冇晒……

服務台態度差 惡劣 一啲禮貌都無 問佢問題 仲要勁大聲喝住咁答 大聲都算 態度差先係問題！ 因為我岩岩拎完張票 佢又無個電視比我睇叫到去邊 之後就叫左我後面嘅number 咁我就去問佢 係咪過左號 佢竟然勁大聲喝住咁答 態度仲要勁差 ！只限两位答枱呀😇

午市3件咸水角軟身凹左是冷的,甘仲出比客食,我叫待應取消点心吾要,轉1个(儀)部長來,看完咸水角,她 仲活咸水角好靚冇問題,凹左軟身好呀,霖身仲好食😠,服務態度真差,其他點心都好咸,以後都不來,比個佢🤐

價錢合理與家人常到啲酒樓， 原因？交通方便，價錢合理。名門讌客飲食集團由成立至今，一向秉承「以客為先，以心為心」 之宗旨。多年以來，他們的團隊堅持採用上乘之食材，用心為賓客製作各式啲佳餚。的確， 各方面他們都維持得好好。今年在此店都食過好多次， 今次係為了同幾位家人慶祝生日， 點選了套餐， 其中芝士龍蝦焗伊麵，芝士味道好濃郁好滑，同埋啲龍蝦一齊焗， 真係好正。另外奇妙拔絲骨係名門讌客嘅招牌菜， 幫襯咗咁多年每次必定點呢個菜。

屋企人生日，近近地附近食餐飯，呢間位置方便，地鐵站隔離，環境又夠大，放bb車都得。散叫左幾個餸，份量都幾大碟燒乳豬，皮夠脆！炸子雞👍碟伊麵好快清曬😋魚夠大條，蒸得剛剛好，唔會太老上餸速度好快，食物ok！

這天到葵芳陪婆婆辦點事，完成後一起去吃下午茶，按婆婆意願到葵芳港鐵站旁的名門讌客。原來婆婆是這裡的常客，進門已經被招呼並安排坐在寬闊的卡位，開位、上茶甚為殷勤。婆婆熟練地點選喜愛的點心，再加一個燒鵝湯米。 平常婆婆自個兒到來，限於胃納，祇能點一至兩個點心，今天可以多吃幾款，非常開心，活像個小孩。燒鵝湯米 $26.80鵝肉肉質軟腍，肉味濃郁，配有青菜，米粉口感不錯。海蜇手拍青瓜$38海蜇爽脆，而青瓜新鮮脆口，調味亦到位，好吃。貴妃鳳爪$35鳳爪皮爽有嚼勁，不會很硬，味道清香微辣，不錯吃。咖哩蒸土魷$15.80咖哩汁非常香濃惹味，味道滲透土魷中，土魷口感軟中帶勁，有嚼頭，好味道！豉汁煎釀鴛鴦椒$22.80婆婆至愛的一個點心，鯪魚肉釀在紅椒和青椒內，兩面煎香，然後淋上豉汁，十分惹味！上湯灼時菜 $14.80生菜新鮮爽脆，不錯吃。三色馬拉卷 $22.80馬拉卷質感鬆軟，可惜過甜。店員送我們兩碗糖水，一碗是紫米露，另一碗是紅豆沙，不錯吃。

今天是外婆生日，本人推介了一家中式酒家為她慶祝生辰，名稱卻十分特別，名門宴客。顧名思義，它是一家舉行婚禮及喜慶菜餚為主的餐廳。菜式全是精挑細選新鮮海鮮食材，用料十分講究。大門口旁邊設有一個專門製作燒味的工場，可同時外賣及堂食。內裡裝飾非常奢華，正面牆上是用多片金色閃爍的玻璃片砌成的。上面加上餐廳名稱的金漆招牌，兩種深淺色的冷熱混合在燈光的照射下別具光芒，有點吸客的感覺。再進去整間酒家也是以白色為主調，沒有多少特別的裝飾品，只是部份牆身加上金線及近舞台位置的大吊燈而已。餐牌也有不少生猛海鮮及特價小菜可供選擇，大部份也是以套餐為主。部份更可以優惠價一個價錢品嚐兩道不同味道的菜餚，如燒鵝加龍蝦，一冷一熱可說是絕配。我們一家人點選了四菜一湯的套餐，包括奇妙拔絲骨、西檸軟雞、海味粉絲雜菜鍋、燒味拼盤及金湯海皇更，價廉物美，每人只須少於$100即可享受「升級」盛宴。最前者的一道最具特色，以香甜的麥芽糖漿配合甜酸醬一起把醃排骨球炒，一拿起可清楚看到醬汁變成一絲絲幼細紅色的針線，製作手法與眾不同;  依次把雞肉去皮，再跟日式天婦羅製法再表面塗上一團白色粉末極速以滾油炸至金黃色。它的肉嫩多汁，油而不膩，

今早我和阿媽去葵芳名門買雞半隻和燒腩仔拜神買番去發覺隻白切雞全部都黑色都食不到燒腩仔得幾個其他全部都係骨好過份好離譜好過份個師傅第1次買好失望！………………………………………………………………………………

之所以黎名門食飯，原因是位於葵芳，系巴士同地鐡站附近，過時過節請長輩，又或者就住得較偏遠地方既人，等大家都容易揾到呢度，同可睇時間走，叫左個燒味同龍躉兩食套餐，坦白講味道麻麻，但都見好多人系度舉辦百日宴，只可以講搞飯聚既地方。

今日放假，瞓到自然醒就搵間酒樓食個下午茶，平時無乜幾何㗎嘛，上到去230pm, 門口知客無招待，咁就自己入去搵位啦，可能午市剛完，十張吉檯，九張無人執，去到房位有執好的吉檯，我都醒啦，問咗佢仲開唔開先坐，估到佢話唔開㗎啦。好不容易見出面有張未執的細檯個部長執緊，咁我咪問坐唔坐得啦，部長回應係，你要出去攞票，好，我忍你呀，咁我就出去攞，之後知客話你直接入啦，比咗張點心紙我，入到去又係要自己搵位，搵返頭先張檯，結果條部長都係唔比我坐，要去張12人大檯搭檯，我明，地方問題，但有位有檯唔開比客就係你的問題，我係來真金白銀付出買你的服務，食品，你有加一服務費，唔係茶餐廳，大x樂，又要自己搵位，搵到又唔比坐，葵芳得你有茶飲咩。結果唔食走人1