名門讌客 (裝修中)

今日放假，瞓到自然醒就搵間酒樓食個下午茶，平時無乜幾何㗎嘛，上到去230pm, 門口知客無招待，咁就自己入去搵位啦，可能午市剛完，十張吉檯，九張無人執，去到房位有執好的吉檯，我都醒啦，問咗佢仲開唔開先坐，估到佢話唔開㗎啦。好不容易見出面有張未執的細檯個部長執緊，咁我咪問坐唔坐得啦，部長回應係，你要出去攞票，好，我忍你呀，咁我就出去攞，之後知客話你直接入啦，比咗張點心紙我，入到去又係要自己搵位，搵返頭先張檯，結果條部長都係唔比我坐，要去張12人大檯搭檯，我明，地方問題，但有位有檯唔開比客就係你的問題，我係來真金白銀付出買你的服務，食品，你有加一服務費，唔係茶餐廳，大x樂，又要自己搵位，搵到又唔比坐，葵芳得你有茶飲咩。結果唔食走人1