名門讌客 (裝修中)

1。 叫咗香片，但係好失望，無味。2。 點心拼盤好失望， 啲點心同圖片不符，問咗侍應，佢話係因為廚師隨意配搭。3。 聲稱係必食流沙包，但係唔識得流沙。4。 蘿蔔糕同埋春捲都好失望，因為完全唔熱，係凍嘅。5。 雞扎都好失望因為佢用一個平價嘅假蟹柳，換走咗個火腿。總括嚟講都真係好失望，因為啲點心又唔好食又唔熱，服務態度又唔係特別好，而且啲嘢食同個圖片又唔同。絕對唔會推介希望大家唔好中伏!不過如果大家想有位坐，呢間係一個必定之選，因為雖然係公眾假期，但係都好容易有位，你明點解㗎啦~

星期日與家人茶聚，第一次到此，最深刻的劣食就是鼓汁煎鴛鴦椒。那四件椒竟以可以能夠只有一層外皮包着那些饀肉，那層表皮已被那些鼓汁浸至軟爛狀態。最令我奇怪的是侍應仍當正常地把它端上檯面，可以想像到這件食物在他們眼中是一件正常的產品。呢D態度又怎可以令酒家可以進歩！

今日去葵芳拉親戚食飯，佢帶左我地去E間酒樓，所有野食都好大碟，好有份量!!!!!我地8個人叫左4 樣野，不過都食到好飽，好滿足西蘭花龍躉魚肉超厚身大件，唔腥，夠味，又冇骨西蘭花都比較軟身，老人家慢慢食都ok貴妃雞一般，望落暗啞，味道一般肉有少少乾身不過雞唔肥，有肉地金銀蛋菠菜好岩老人家食，唔油，好清；仲有少少菇做配菜瑤柱蛋白炒飯就鑊氣又唔油，不過飯有點林，但又未至於變一pat野果D整體都唔錯，都幾抵食的!!!

入去已經冇人冇人問你幾多位 冇人招呼你 ，要自己搵位坐 坐低又完全唔理你坐低叫左茶又冇人俾及印點心卡 又冇俾特價下午餐點心紙，搵左好耐又冇下午茶點心紙 搞到焗住要劃正價點心，直到啲點心黎到都可以仲未有及印張卡，黎齊先俾特價下午茶點心紙，問個職員點搞又ee哦哦 十問九唔應，係要大聲喝佢先求其應下你 話入左機冇得搞又盛 根本冇心幫你，直到食完俾錢埋單都仲可以未收翻一開始洗杯洗碗個兜態度惡劣，錢又識收，不知所謂，以後都唔會再幫襯

今日去左葵芳名門食開年飯,我都明白呢啲時間係多人但唔代表待應既服務態度要去到不能接受既地步,係唔係唔比利是唔係熟客就可以唔理呢.我哋一共10個人入到去張枱得4張櫈咁諗住叫待應安排下啦…點知全部待應經過都好似睇唔到人咁架呢 迎面而過舉哂手叫都好似睇唔到我哋咁，攪到我哋向隔離枱自己亂咁拉櫈埋枱先有位坐,跟住我哋叫左好多次唔該都無人理有個經過同佢講無人理我哋啦…跟住啲茶就拎緊埋黎佢竟然大聲講句茶都黎喇仲話無人理到底係咩態度呢即係茶樓真係淨係有茶就叫服務對嗎…唔鐘意做前線服務就唔好做待應啦.真係差到一個點

一家人做冬，試下名門讌客，地方唔差，可惜員工不足，過節套餐三大款無咩可以揀，其他地方也如是，所以算吧，人齊開飯，D餸一早煮好，排山倒海出場，食物溫暖不夠熱，炸物已經過哂氣，一檯都係餸，最差第一道乳豬全體，凍冰冰，不脆口，仲要有火水煙燻味！全個餐味道溫度，垃圾到爆汁！無下次！

籠蝦餃爆曬都夠膽死照隊出嚟,真係當人傻定冇腦先?叫咗枝啤酒就咁隊埋嚟就算,酒都唔幫人斟嘅?咩服務態度先?反而遞紙落單就幾快手有人過嚟唔洗三催四請舉到手軟先落到單。

揀呢個酒樓就係貪佢方便!!葵芳地鐵站一出就到叫咗 芝士龍蝦焗伊麵 每次出去食飯慶祝必定點呢個!!因為係我嘅最愛 加咗20蚊叫芝士,芝士好濃好滑 ，同埋啲龍蝦一齊焗， 真係好正奇妙拔絲骨係名門讌客嘅招牌菜 幫襯咗咁多年,今次係第一次嗌果然冇令我失望 炸得很脆很香口，加上鮮酸甜甜嘅汁，好開胃，用嚟送飯一流不過服務態度就真係麻麻啦 就好似好唔耐煩咁唔知係咪因為太忙 希望可以改善下

前兩日約了大學同學飲茶，同學介紹去名門讌客。因為他在附近返工經常到此午餐，大部份都是由他發板。第一個點了叉燒王瀨粉窩，我問得三個人會否太大份? 他說不會，份量好細，結果一上台，大家都O了嘴，份量絕對是三個壯男都夠食，而我們是三個女子。$118一份，不算貴，味道都好，我們縑肥肉多了一點，如果本身鐘意半肥瘦的，應該好欣賞。馬拉糕中規中矩，牛柏葉算是幾好，好爽。平日食飯時間搵位算容易，上菜都快，係侍應人數不足，有時要搵佢地都要少少耐性。

該酒樓位於葵芳地鐵出口商場一樓，但因商場樓下並無招牌，所以如果是第一次來光顧，希望很順利找到其位置實有點難度。該酒樓這一兩年曾經裝修，故看起來頗為簇新及光猛，枱與枱之間距離充足，為客人提供一個難得舒適的環境。酒樓禮堂裝備超大電視，方便婚讌主人家播放喜慶相關影片。是晚與8位好友光顧，隨意叫了兩個套餐，共八餸兩湯。餐單仍印上3月28的日期，相信是多月來內容未有改變。燒味拼盤賣相頗佳，燒肉皮脆且肥瘦均勻，叉燒醃製得宜，烤焗亦見功夫，肉嫰多汁。配上紅腸及西蘭花，實屬相得益彰。貴妃鷄味道尚可，但肉質偏韌，咬落有渣且欠香口，做不到皮滑肉嫰的效果。不知何故，節瓜煲名不符實，找不到節瓜的踪影，但配材尚算中規中矩，蔬菜份量亦足，能予人一種頗為健康的觀感。這個胡椒豬肚浸花蛤上枱賣相亦佳，各種食材配搭得宜且份量充足。豬肚彈牙爽口，花蛤肉質新鮮，惜胡椒味稍嫌不足。四季豆炒牛柳粒尚算有水準，牛柳粒烹調時間控制得宜，能保留肉質的鮮嫰感覺，食落不韌且有咬口。四季豆炒得清爽入味，調味尚佳。這個腐竹浸時蔬可用一個清字來形容，腐竹舖蓋時蔬，賣相頗為討好。軟軟的腐竹配合爽口的蔬菜，加上上湯做媒介，入口更覺濕潤。這個温公齋煲

垃圾到爆😡😡😡😡😡😡第一 寫點心，有漏單，同埋個點心拼盆45分鐘都未到，搵個男部長睇話就快到，頂~係咪要個客等成個鐘先得，追左兩次，結果梗係唔要走啦，唔食會食咩。入單時間13：17pm至14：47都未到。妖~D野已經唔係好食，我仲要俾錢架，正百佳。終於明點解北京樓同潮庭咩時候去都咁多人，係有原因的，以後學精左早D襟潮庭飛。超碼唔使自己俾錢人，仲要咁受氣。第二明明攞位時已講明不搭檯，坐坐下個女部長帶個人坐，我地話攞位時講左不搭檯，但個女部長話佢一個人咋嘛，我地話唔係幾多個人問題，係攞飛等位時已講左不搭檯，但個女部長係咁叫佢個熟客坐低，不知所謂。

18年5月6日，我係哩間葵芳讌客擺咗幾圍百日宴。菜色名好吸引，賣相都唔錯，但味道簡直只可以用一個字形容----「差」！聽返啲親戚朋友講，菜多過肉，啲菜汁一舊舊，一pat pat 😡，4000蚊一圍酒席味道居然仲差過大排擋。但係令我最嬲嘅係服務，8點半開席，上菜上得勁快，搞到張台都唔夠位擺，一碟菜未食到一半已經俾人拎去轉細碟，什至連細碟都冇轉就直接拎走。10點都未夠，已經趕住執枱，就算有人慢慢離場，但基本每圍都仲有人食緊，但都已經收得7788，趕客都唔係咁㗎？！10點半左右，朋友叫影大合照，順便傾咗陣計，當時啲枱、圍板已經清拆9成，企係旁邊有個類似部長嘅人講咗一聲：「阻住曬，要傾就落樓下傾啦。」哇～頂你個肺啊，乜嘢服務態度啊？11點都未夠你就已經開口趕客，態度仲要差到冇人有，我擺酒席㗎，一般酒樓都唔會係11點未到就趕客啦，之前係荃灣果間讌客到擺百日都唔會咁。葵芳哩間讌客真係可一不可再，莫講話擺酒，一般飲茶食飯我都唔會再嚟，更加唔會向朋友推薦，真係火都嚟埋，離曬大譜！！！

2018年5月13日。天晴。母親節今日小妹家同堂姐一家一齊慶祝兩個媽媽嘅節日。我地兩家人八個人就揀左2188八位用嘅套餐，睇落得七樣野食好似好少？上菜個下就知並唔簡單原隻燒鵝，有脾，有頭又有尾。點一點甜酸醬，好味岀晒黎。兩斤重沙巴躉，食魚要連葱食，鮮味更岀。鵝掌炆得好入味，配上鮑片仲點會有得輸。母親節錯過左唔緊要，下個月就係父親節，帶埋你一家老小同爸爸慶祝喇。茶錢。花生。三個白飯。加一HKD2600埋單

難得平日可跟舅父母和表弟妹午餐，於是相約於地鐵站附近的酒樓聚會。聽聞葵芳站附近的名門讌客出名一品燒鵝，地點又方便大家，就這樣決定在此聚餐。酒樓地點就在葵芳地鐵站A出口步行1-2分鐘便可到達。由於預早已訂了位，所以立即可安排入座。剛坐下便叫了名門一品燒鵝，味道香濃，皮薄肉嫩，大家都稱讚這道菜真的不錯。中式飲茶當然少不了那些點心啦，長長的點心紙真的不知如何選擇，我們叫了蝦餃皇、醬皇蒸鳳爪、潮州蒸粉果、蘿蔔千絲酥、鹹水角、燒汁釀茄子等等，點心沒什麼特別但還是可以的。不得不提的是下午兩點前結賬可送一隻雞，我們又怎可放過呢！但相比燒鵝，雞味變得一般了。

最細姪仔在澳洲回來探親，當然要盡地主之讌請一圍酒席！大家互相問候及寒暄一番，同時關心各人近況和香港近期發生的新聞，我們同樣感到悲觀及無奈感，香港是個飲食天堂，但現在租貴物昂，好的廚師都收山，退休老去，年青的廚師要努力勤奮才可以保持香港美食天堂的讚頌，此間名門讌客酒家，以前的出品美食都令青衣，葵涌，葵芳及荃灣居民都時常光顧，有時其菜色一般，而毫無特色，經過一番改革，其酒家廚藝出眾而有水準，食物夠大碟份量，服務到位，地方企理，熱辣辣的菜式，感到味道鮮美，可口清新，出菜快捷及用料新鮮，經濟惠顧！一家人聊聊天，食物鮮美可口，就是最好的味道，滿足五臟廟！全體鴻運乳豬，皮脆肉滑，爽口質感，焦香脆口，香氣迫人，有種邪惡香味，熏香濃郁味道非常滋味肉香！沙律海皇卷製法簡單，但要香脆柔軟，外脆內香，藚相精緻，炸物少油，加上沙拉汁就美味滋味可口！上湯焗龍蝦伊麵底當然矜貴菜式，細嚐滋味，蝦肉味鮮，肉質爽滑，湯汁味稠，而份量足夠，雅味精美，彈牙香潤非常，充滿口感怡人！碧綠扒雙寶蚌片，口感煙膩，蚌片味道，又鮮甜香，美味配搭西蘭花就是綠色味道，口味特別濃郁宜人！名門一品燒鵝，有種既濃且香的嚼口，醬汁鹹香味鮮，香熏炭