名煌金閣

營業中

休息中

屋企人追月夜補做節，特別訂了一台4-6人既只限為中秋而設既迎月宴，只做三日！雖然疫情下，又係長沙灣區，價錢好似偏貴，不過中秋屬於大節日，開開心心一家人食餐飯就開心架喇，四人食呢個餐真係飽到上心口！6時入座，不用等位，四人坐半圓型卡位，十分舒適寬敞，環境亦整潔乾淨！店員很有禮貌，服務周到，每見我地隻碟佈滿龍蝦殼或食物殘渣，就會馬上更換新既！套餐有五餸、一翅、一甜品。先上個翅…嘩！不得了…湯底用雞湯餚饌，極之濃郁。

第一晚放寬, 可以4人一桌,  我同老公路過見門面靚又新, 便入去試下,  6:45P.M. 還有大把位,  但原來好多人都一早訂座,  到7時多已差不多Full house.  我們只叫泰式醬海味粉絲煲 及 魚翅飯 (特價promote 中, 每桌限一碟), 好大碟, 食到飽飽, 免加一,  免茶介, 超值, hk$150 有找,  真係茶記價錢, 酒家享受。不過服務員人手不足,  全場只得兩名服務員。

未有第三輪限聚令之前趁機會同屋企人一齊出去食餐飯，真係好耐冇食過街外嘅飯啦，日日困係屋企就嚟悶到生菇。帶着爸爸媽媽當然係食中菜最穩陣啦，去咗附近新開嘅中菜館，裝修仲係好新，坐得好舒服。蜜桃京都骨$98酸酸美味超級開胃，蜜桃冇話煮到好淋，仲係有咬口，呢樣野幾好，京都骨炸完先至再落醬，外皮脆脆，沾上酸甜醬汁，送飯一流，裏面嘅肉都仲好有肉汁，完全冇乾嘅感覺。黑松露蝦球賽磅蟹$148真係好耐冇食過賽磅蟹，亦都唔係間間中菜館有做，呢度嘅賽磅蟹比起一般食到嘅多咗奶味，食落冇咁似蛋白，蝦球好大粒，非常之爽脆，新鮮，配上少少嘅黑松露，調出風味。風味醬鮑魚雞煲$168呢個雞煲非常之香口，裏面都有好幾舊鮑魚，而且鮑魚煮得一啲都唔銀，琳琳地但係保有咬口，我覺得個鮑魚煮得好出色，啲雞都煮得好嫩滑。百合雲耳炒勝瓜$78勝瓜炒得好爽脆，一咬落好多水分咇晒出嚟，而且食落唔算落咗好多油，配上百合同雲耳更加清新。魚米之鄉$398今晚嘅重頭戲當然係好耐冇食過嘅魚啦，呢個魚米之鄉嘅魚係成兩斤重嘅大沙巴龍躉，而米就係上面嘅米通，一嚟就見到奶白色嘅魚湯，陣陣嘅香氣聞到已經流晒口水，飲落亦都非常之creamy，真材實料，而魚肉蒸

來到長沙咁灣探朋友，當然要食飯聚一下，呢間中菜館幾有特式，裝修及環境有魚米風情風味鮑魚雞煲非常惹味，鮑魚爽口彈牙，而雞件滑嫩又香上湯浸菜苗好清香，沙底清甜用嚟浸菜苗好好食，菜苗好鮮嫩豉油王海蝦好大隻，豉油鹹香入味，蝦身爽口彈牙又鮮味魚米之鄉大沙巴躉就係主角了，大大條沙巴龍躉，用上這店特式魚米之鄉去煮，湯底奶白色浸住條魚，濃濃鮮魚味，魚肉新鮮清甜，面上仲有米通粒喺到好香口最後嘅生磨蛋白杏人茶都要必叫，杏人香到得了，配埋滑滑蛋白感覺好有美顏功效

如果一家人想出街食飯，推薦位於長沙灣嘅名煌金閣，餐廳裝修充滿古色古香嘅擺設，但又有現代感，環境舒適菜式選擇非常多，我地一家人都係選擇困難症患者，淨係點單都用左30分鐘風味醬鮑魚雞煲上枱個時仲係出緊白煙，即叫即整，用葱、蒜、薑等等配料爆香，雞肉嫩滑仲保留肉汁，鮑魚口感彈牙，非常惹味蜜桃京都骨京都骨平時食得多，但配蜜桃嘅真係第一次試，蜜桃香甜，京都骨吸收晒果香，無肥肉，配飯一流百合雲耳炒勝瓜媽媽要求嘅菜，好重鑊氣，夠哂火喉黑松露蝦球賽螃蟹蝦肉大大粒，非常彈牙爽口，加入黑松露嘅香味，成碟菜變得無咁單調，主角賽螃蟹口感嫩滑魚米之鄉必叫鎮店之菜，不枉加$60升級做兩斤嘅沙巴奶白色嘅魚湯好原汁原味，飲落鮮甜，魚肉嫩滑，配上脆口米脆增添口感，兩斤大魚瞬間就比我地一家四口清哂生磨蛋白杏仁茶本身我對杏仁嘅味道係非常抗拒，但店員非常推薦，杏仁味並唔強烈，試過發現店員無呃我有杏仁味但唔濃烈，仲食到蛋白

家住長沙灣的朋友，推介這家中菜館，說食物很有質素。吃中菜人多一點較易點菜，所以一行四人來吃晚飯。環境舒適，整潔雅緻，古色古香的擺設，吊燈綴如意結掛飾、水墨牆畫燈箱，現代設計帶中國風。座位除了卡座，有圓枱，還有半圓型沙發座，二人同行以至大夥親友相聚都適合。菜式選擇多， 琳瑯滿目，但分類清晰，易於挑選。很豐富的晚餐，龍躉及杏仁茶屬推介菜式，必選! 鮑魚雞煲賣相吸引，無法抗拒！鍾情杏汁燉白肺湯，因考功夫，家中不易做。還有老公最愛的咕噜肉，另外青菜當然不可少。杏汁燉白肺湯$298~材料有豬肺、螺頭、排骨、雞脚，用料足兼夠火喉。豬肺份量多，軟嫩幼滑。奶白色的湯底滲出杏汁香味，非常鮮甜，口感帶膠質，喝得出是用心熬製的靚湯，感覺非常潤肺養顏!風味醬鮑魚雞煲$168~鮑魚雞原煲上，冒著白煙熱騰騰香噴噴！鮑魚和雞件以葱、蒜、蕎頭、薑片、彩椒、香芹、和芫荽等爆香，即叫即炒，香氣四溢，非常惹味又滋味。鮑魚鮮甜嫩滑，雞件金黃香口，肉質細滑，超美味。鳳梨脆皮咕嚕肉$108~外面香口，脆薄輕盈，內裡嫩滑多汁，酸酸甜甜，配彩椒外，還有鮮菠蘿，特别清新醒胃。原籠蒸梅菜菜心$88~菜心配梅菜以原籠蒸，保存水份、味道和青

係一個車水馬龍嘅長沙灣中，竟有一間裝潢蘊含華夏風采嘅中餐館。店內感覺樸實而不奢華，店員亦非常有禮，顧客之道為上，氣氛十分融洽。小編自然對其菜式充滿期望，而由第一道菜上起我就知道果然不負眾望！首先我地就叫左個 花膠魚翅撈飯！聽落都好豪華！食落一樣令人驚喜！魚翅好滑又香！仲要最正係個炒飯底！跟住就係薑葱炒肉蟹！蟹肉好實淨，啖啖都係蟹肉，薑蔥味入曬隻蟹到，隻蟹仲要好大隻味道鮮甜，火氣又夠爆到配料味入曬蟹到，勁！仲有兩個最家常便飯既菜而又最考功架嘅肉鬆四季豆同埋椒絲炒通菜！四季豆顏色仲係好鮮綠，證明大廚十分用心保持菜式嘅鮮美程度！炒通菜又炒得好夠火侯，真係健康一流！最值得推介嘅真係呢個魚米之鄉！普通清蒸沙巴龍躉我相信大家食得多，但係用靚湯浸住再加上魚米去增加味道色彩同一點樂趣嘅沙巴龍躉我諗大家真係未試過！一邊食魚再一邊飲湯都得呀！ 魚肉非常滑嫩鮮甜，仲要好大條！真係要出力食先食得曬！最後當然唔少得嘅甜品就緊係 生磨蛋白杏仁露，杏仁露嘅味係送緊來嘅時候已經聞到，好香！飲落好滋潤好好味，仲有蛋白食！真係滿載而歸！

平時好少去長沙灣，所以完全無留意有乜好嘅食肆在這區，今晚的飯局由C安排，她揀了位於長沙灣區的名煌金閣，C揀得的，我絕對有信心。店子裝修優雅脫俗，光潔明亮，座位舒適，不錯。菜牌選擇豐富，有前菜，鮑參翅肚、湯類、深海龍躉、豬、牛、家禽、 蔬菜、粉麵飯、生猛海鮮 、還有必食推介和精品小菜。今晚我們四人叫了一湯四餸一甜品，好期待呀!杏汁燉白肺湯$298~杏汁味不算濃郁，但充滿杏仁香味，湯頭好清好甜好滑，火喉十足，好好味呀!配料有雞脚，螺頭，排骨和豬肺，豬肺的份量十分多，咬口軟腍，蘸少少豉油已很美味，正呀!鳳梨脆皮咕嚕肉$108~肉質軟腍，肉汁豐富，表層微脆，配料有青紅黄椒和新鮮菠蘿， 酸甜度剛剛好，好味。風味醬鮑魚雞煲$168~ 鮑魚雞煲的配料非常豐富，有原粒蒜頭，蔥頭，芹菜，芫茜，薑片，青黄椒和蕎頭，即叫即爆炒，所以好香好惹味。鮑魚不是原隻上，切開一半爆炒令鮑魚易熟和肉質更嫩滑和鮮味。雞件外層微焦入味，肉質非常嫩滑，好正。魚米之鄉$398~ 大沙巴龍躉約兩斤，切為一段段加入魚湯，雲耳和新鮮淮山一起蒸，火喉剛剛好，魚湯呈奶白色，魚味非常濃郁，好美味。沙巴龍躉肉質結實嫩滑，魚皮膠質好黏好有彈性，

今日難得一家人出去食飯，當然去爸爸媽媽做愛的中菜館！之前屋企人已經好想去名煌金閣度試試，因爲他們身邊的朋友去過都讚不絕口。首先，餐廳環境非常雅致，整潔，設計有中國風之餘不會感覺老土！而且座位非常舒適。花膠魚翅撈飯：這個撈飯非常足料，基本上每一口都能吃到花膠魚翅，上湯醬汁味道濃郁鮮味道，而且一點都不腥,重點餐廳優惠價錢只是$58蚊！相當抵食。魚米之鄉：屋企人最中意食魚，餐廳推介我們食大沙巴龍躉！最後我們叫了這個魚米之鄉。上菜時我們都不禁哇了一聲，巴龍躉非常大條而且非常厚肉!!!餐廳將魚肉去骨並切片令顧客食用起上黎好方便。魚肉鮮甜肥美，内含豐富的膠完蛋白！加上奶白的魚湯一起食用簡直令我家人讚不絕口。薑葱炒肉蟹：薑葱配蟹是最好的配搭，一上菜已經鮮香撲鼻令人忍不住食指大動。肉蟹肉質飽滿細嫩，蟹肉結實清甜配上薑葱惹味之餘非常下飯。最後我們還叫了甜品生磨蛋白杏仁露做結尾，媽媽非常喜歡這個甜品，因爲杏仁露味道夠香又夠滑。

想穩抵食又分量十足的美食，很多香港人都知道在長沙灣深水埗附近的這一帶，多不勝數。今次我又尾隨會找正野食的朋友來吃一大餐，他告訴我這餐廳除了大份量，又非常有鍋氣~食完之後的整體感覺很不錯，果然不負衆望^^ 今次我們幾個人就order了招牌手撕雞+ 3小炒，食到很滿足。麻辣手撕雞(半隻) 這款我個人覺得是這餐廳必點的菜式，辣度我們是適中，偏比較辣的~怕辣人士記住order 小辣哦。每一口手撕雞都配不同配菜一起進食才是最高享受^^要辣夠麻辣，要香也很多配分量又足夠。半隻雞已經很多肉，我們幾個大胃王的人 都覺得很夠料啊！雞肉偏嫩滑的，咬起來很順口~~有很多新鮮的蔥絲、花生等等作配菜，使到有多重口感金磚豆腐粒一上擡香噴噴的，外表看是淺金黃色外層的皮很是香脆，非常惹人喜歡。相反，內裡有如鮮奶般的滑溜，配上適量的七味粉，更加惹味。泰式醬海味粉絲煲泰國配料炒的醬料很香，風味十足這個粉絲直接可以當主糧，但食落卻無麵條那麽高卡路里^^是女生減糖分之選呀~分量多到要裝5小碗以上，絕對可以share的小炒。。咸蛋黃金沙骨💕愛蛋黃味道的人士之選呀！因為外層沾滿了濃濃的醬料～透過炸鍋的方式烹飪，夠曬邪惡！啤酒送小

長沙灣呢區我比較少嚟，今日經朋友極力推介之下，一齊嚟到呢間商場地下嘅中菜館，店內裝修雅致，座位亦幾舒適。天氣咁熱當然想食啲涼菜，朋友見到麻辣手撕雞雞就心心眼，當然要點！再望下呢度嘅MENU，發覺都好有特色，好多款都想試呀，可惜我哋人太少，今日就叫住個生迫斑頭腩同埋陳皮欖角骨食住先～麻辣手撕雞-只係得半隻都非常大碟，我地聞到麻辣味已經不停流口水。將青瓜、扎肉絲同手撕雞撈勻，入口麻香味極重，但唔會太辣，平日較少食辣嘅我都食到耳仔郁啦！惹味陳皮欖角骨——排骨size剛好做成一口，入口先有酥脆嘅感覺，肉質鬆軟，口中徘徊著欖菜同肉香 ，一件又一件送入口，白飯未到已經食咗接近半碟！生迫斑頭腩- 上枱時見到魚肉剛熟，我地就輕輕將薑蔥同魚肉稍微兜勻一下，再放一陣，就見到魚肉變成吸晴嘅金黃色。魚肉非常非常之嫩滑，加上薑蔥伴炒，雖然係生迫，但一啲都唔腥，連少少魚皮食更加美味，而且呢個菜都唔係間間餐廳有得食㗎！從來不好杏仁茶嘅我，喺朋友大力推介之下，亦都叫返一碗。令我意外嘅係，杏仁茶入口順滑，口腔中杏香不斷，同我以前飲親都有一種兀突嘅味道完全唔同！連朋友都好驚訝我竟然俾佢飲得咁快！！果然係好介紹！下次要再黎

講到想食小炒又坐得舒服，一般都會選擇私房菜、但近來長沙灣就開了一間食物質素一流、仲要價錢親民，好彩當日早到，唔係都有排排隊了。店內環境優雅，以簡約而傳統的中式設計，給人一種舒適的感覺。名煌金閣的小菜菜式都只需$98 - $150，想食豪點？海鮮(炒蟹、賴尿蝦、蟶子皇等...都只係$250 - $400，識食既你都知呢個價錢，邊度會食到呀？舟山海蜇花 - $68天氣熱到不得了，總會令人無胃口，所以都會想吃點香辣食物，醒醒胃口。海蜇口感爽脆，惹味又醒胃。麻辣手撕雞 - $148吃過惹味既海蜇後，總對其香辣情有獨鍾，所以再下了這麻辣手撕雞。來到時非常吸引，而且份量更不少，那手撕雞肉吃起來啖啖肉，那麻辣惹味的味道再次重現，而今次換上嫩滑的雞肉，更令到我一食上癮，不能回頭。其實當中還有扎肉條和青瓜條，令口感更豐富更有層次，真係叫多幾碗靚仔(白飯)都無問題。西蘭花炒帶子 - $148西蘭花爽脆清甜，帶子外香內脆，真想不到這吃到這簡單而美味的小菜。生磨蛋白杏仁茶 - $28食完正餐總想吃甜點，這生磨杏仁茶香滑幼細，杏香味濃，配上蛋白後，更有助美白潤膚，即時想食多兩碗啦。

尋晚經過天悅廣場見到有新店開張，睇到佢啲食物照片都幾吸引， 菜式有幾啱屋企人，就約埋佢哋去食晚飯。芋泥香酥鴨$98從小到大都好鍾意食香芋，尤其是磨好咗嘅芋泥，所以好多時食前收嘢都會點呢一款嚟食，依道做得幾好，見到佢層次分明上下兩層， 上層就係芋泥蓉，下層係南瓜蓉加首先鴨肉條， 加上外面薄薄嘅炸漿,外面鬆脆裏面軟軟的，而且整體都散發不同嘅香味，食物同賣相都很好。 大沙巴龍躉（魚米之鄉版）$398點解我要列明係魚米之鄉，因為佢有好多唔同嘅煮法，配合唔同食客嘅需要。 知道嘅店員十分推介呢個食法，所以要試下，佢話嗰湯充滿著魚嘅精華，湯呈奶白色，算係濃郁,  最鍾意就係佢將成條魚肉起片上，唔使夾到一忽忽咁，而且每片都好厚，而且廚師將魚片技巧地煮得好彈牙，更可與脆米一起食，更添口感！另外，濃郁嘅魚湯內更有養身之寶：鮮淮山同木耳，明這道菜除咗鮮味十足之餘更顯健康！最後當然要點返個糖水食啦！見到隔離枱食緊杏仁茶幾正咁，所以叫返個試～真係好香杏仁味，唔太甜，食到一粒粒杏仁粒，有少少蛋白，盡顯滋補養顏之甜品！

耐不耐都會係呢區食飯，知道呢到附近有間新開酒樓，門面望落好光猛，見座位大部份卡位幾舒適，吃後更覺這是一個非常不錯的好地方⋯⋯👍👍👍👍👍————————食物：招牌之選：🟢麻辣手撕🐔雞——港式口味，適合大眾化香港人喜歡的味道，麻辣香而不太辣，麻辣秘製醬汁手撕雞，開胃的感覺⋯⋯配菜比其他一般的手撕雞特別，配有扎肉較新穎，其餘有青瓜、蔥絲、紅椒.........等等，惹昧又滋味的醬汁，出色的好味😋————————新鮮必吃：🟤薑蔥爆魚🐟卜——-大大個又新鮮的魚🐟卜，一條🐟就只有一個🐟魚卜，這𥚃有十多個那麼多👍👍⋯⋯不是太多地方可以吃到，薄薄的煎一煎再用薑蔥爆香，吃下有口感，味道出色股香味一上枱已經被吸引著的味道，魚🐟卜在鍋內沸騰熱辣辣㴘起的香氣四溢。確實難以抵抗的......味......力😋😋—————————健康之選：🟠豉汁帶子蒸豆腐——-蒸的時間不會過火，豆腐滑渭的配搭著鮮甜的帶子，健康有益，吃不膩又吃不厭的一個餸菜😋😋————————-出色煲仔菜：🟣椰汁香芋金瓜排骨煲——椰汁香滑⋯⋯芹菜的飄香在芋泥𥚃的香芋味道飄出，引人的昧道，南瓜🎃的鮮甜流在香芋鍋𥚃，排骨滲透了鍋𥚃的汁更加鮮甜美味😋😋

今日長沙灣開完會, 之後和朋友往名煌金閣食晚飯, 我們點了椒鹽鮮魷, 原籠荷葉金銀蒸龍疐球炒飯、金絲夠薑雞和可樂。；椒鹽鮮魷炸得金黃而不油膩, 鮮魷大大件, 食落爽脆彈牙, 配上椒鹽食落惹味, 口感不會太鹹, 佐酒一流；原籠荷葉金銀蒸龍疐球炒飯賣相吸引, 龍疐食落新鮮, 而且龍疐肉選了肥美的部分,肉質鮮甜味美, 炒飯炒得乾身, 飯粒分明, 魚汁滲入飯內, 蛋味香滑、雲耳和炸蒜食落爽口, 提昇層次；最後金絲夠薑雞雞肉肉質鮮嫩, 食落口感十足。餐廳座位舒適闊落, 食物美味有鑊氣, 份量十足, 價錢合理, 好味有鑊氣晚餐。