影片
更多
2020-09-02
817 瀏覽
未有第三輪限聚令之前趁機會同屋企人一齊出去食餐飯，真係好耐冇食過街外嘅飯啦，日日困係屋企就嚟悶到生菇。帶着爸爸媽媽當然係食中菜最穩陣啦，去咗附近新開嘅中菜館，裝修仲係好新，坐得好舒服。蜜桃京都骨$98酸酸美味超級開胃，蜜桃冇話煮到好淋，仲係有咬口，呢樣野幾好，京都骨炸完先至再落醬，外皮脆脆，沾上酸甜醬汁，送飯一流，裏面嘅肉都仲好有肉汁，完全冇乾嘅感覺。黑松露蝦球賽磅蟹$148真係好耐冇食過賽磅蟹，亦都唔係間間中菜館有做，呢度嘅賽磅蟹比起一般食到嘅多咗奶味，食落冇咁似蛋白，蝦球好大粒，非常之爽脆，新鮮，配上少少嘅黑松露，調出風味。風味醬鮑魚雞煲$168呢個雞煲非常之香口，裏面都有好幾舊鮑魚，而且鮑魚煮得一啲都唔銀，琳琳地但係保有咬口，我覺得個鮑魚煮得好出色，啲雞都煮得好嫩滑。百合雲耳炒勝瓜$78勝瓜炒得好爽脆，一咬落好多水分咇晒出嚟，而且食落唔算落咗好多油，配上百合同雲耳更加清新。魚米之鄉$398今晚嘅重頭戲當然係好耐冇食過嘅魚啦，呢個魚米之鄉嘅魚係成兩斤重嘅大沙巴龍躉，而米就係上面嘅米通，一嚟就見到奶白色嘅魚湯，陣陣嘅香氣聞到已經流晒口水，飲落亦都非常之creamy，真材實料，而魚肉蒸
帶着爸爸媽媽當然係食中菜最穩陣啦，去咗附近新開嘅中菜館，裝修仲係好新，坐得好舒服。
蜜桃京都骨$98
酸酸美味超級開胃，蜜桃冇話煮到好淋，仲係有咬口，呢樣野幾好，京都骨炸完先至再落醬，外皮脆脆，沾上酸甜醬汁，送飯一流，裏面嘅肉都仲好有肉汁，完全冇乾嘅感覺。
黑松露蝦球賽磅蟹$148
真係好耐冇食過賽磅蟹，亦都唔係間間中菜館有做，呢度嘅賽磅蟹比起一般食到嘅多咗奶味，食落冇咁似蛋白，蝦球好大粒，非常之爽脆，新鮮，配上少少嘅黑松露，調出風味。
風味醬鮑魚雞煲$168
呢個雞煲非常之香口，裏面都有好幾舊鮑魚，而且鮑魚煮得一啲都唔銀，琳琳地但係保有咬口，我覺得個鮑魚煮得好出色，啲雞都煮得好嫩滑。
百合雲耳炒勝瓜$78
勝瓜炒得好爽脆，一咬落好多水分咇晒出嚟，而且食落唔算落咗好多油，配上百合同雲耳更加清新。
魚米之鄉$398
今晚嘅重頭戲當然係好耐冇食過嘅魚啦，呢個魚米之鄉嘅魚係成兩斤重嘅大沙巴龍躉，而米就係上面嘅米通，一嚟就見到奶白色嘅魚湯，陣陣嘅香氣聞到已經流晒口水，飲落亦都非常之creamy，真材實料，而魚肉蒸到啱啱好，爽脆彈牙，沙巴唔算多骨，啖啖肉食到好過癮。
蛋白杏仁茶$28
杏仁茶嘅杏仁味都唔算好濃，平時唔飲杏仁茶嘅我都接受到，聽講係呢度嘅甜品首選。
張貼
