名煌金閣

今天下午，原本想叫 龍躉飯，客飯同雞煲翅，坐低後同侍應講，前面卡位客人如果走，我想轉過去坐，嗰個 ‘’著白衫收銀兼侍應‘’嘅女人 講 , 話有人訂咗，仲話坐低咗唔能夠轉位，咁ok，於是嗌咗個 龍躉飯 就算喇，飯黎到 肉得四嚿，其他都係骨， 味道差，食完之後 同返 嗰個侍應講，我哋系第二次嚟， 但係你服務，我哋吾會再幫襯喇， 跟住呢個 侍應 就好似 ‘’跳制‘’ 咁，對住我哋 ‘’聲大夾惡‘’，‘’語無倫次‘’， 仲話你幫唔幫襯，有冇生意，我都冇所謂，絕對係趕客，佢老細請著佢，真係慘。…查看更多

今日路經長沙灣，特然想食中菜見佢環境唔錯，所以入去試下😬服務唔錯，會主動二次分湯同提醒要趁熱食。老闆娘都會主動傾偈，睇下客人對今日菜式既意見。不過兩個人食唔到好多野，下次約埋朋友一齊嚟…查看更多

叫咗個雞湯翅 啲湯又淡 啲翅又假而且服務態度又差 一定唔會再去食 價錢又唔係平 同個餐廳職員講 佢態度完全唔理顧客感受仲要話 服務態度係咁 好似唔想做生意 食物質素又差， 價錢仲唔平 完全唔會再介紹俾朋友 千祈唔好試 職員仲要鬧人 話顧客麻煩真係絕對唔係香港要嘅餐廳 …查看更多

今日叫咗豉油王魷魚鬚炒麵，絕對是值得一試。麵條煮得剛好，彈牙有勁，搭配彈牙的魷魚鬚，口感鮮嫩，有鑊氣。讓人一口接一口。豉油唔會太咸，麵份量夠多。而客飯叫咗咕嚕肉，味道不錯，外酥內嫩的豬肉球，裹著酸甜的醬汁，幾好送飯。 兩個餐都送小食（雲耳）。 午市免茶免加一，餐廳的環境舒適，適合與朋友聚餐或家庭聚會。Very nice dining environment. Place was 80-90% full during lunch time. The sweet and sour pork is delicious, crispy on the outside, tender on the inside. The sauce was not too sweet and was just right. Also order friend noodles with squid tentacles. Not too salty though a bit oily, quite yummy as well. …查看更多

夜晚同屋企人食晚飯要食中式菜，揀呢間都幾多人叫咗去酒樓通常會叫的餸，呢間餐廳都好多餸菜揀 。配味偏重， 味道唔錯因為人多，餐廳唔大，成個環境氛圍似茶記，而圓枱就保留咗酒樓的元素…查看更多

蛋炒飯底係加分，但個花膠魚翅撈飯水到乜咁，食落去似調味料溝水 花膠係預製花膠，口感奇怪唔知食左啲咩 難食到食唔落個例湯仲正常啲 仲等個外賣等左差唔多半個鐘啲呀姐仲要拎錯單比我 …查看更多

中式餐廳鑊氣之選，食過起碼5次以上。下午選餐有魚翅撈飯，不過本人鐘情於小炒。每次都係散嗌小菜。今次就嗌咗👇🏻🔸薑蔥爆魚鰾唔係個個都接受到食魚鰾（魚卜）。處理得唔好會無味甚至腥，呢間餐廳用薑蔥爆香，夠入味又有咬口。🔸鹹蛋黃金沙骨咸蛋黃均勻地鋪滿每條豬肉排骨，每一口都充滿鹹香味，送飯一流，就咁食會太重口味🔸原籠梅菜蒸菜心個人鐘意食食物本身的鮮味，梅菜襯托出菜心的甜味，簡單得來又好味🔸原籠荷香金銀蒜蒸龍躉球飯魚無腥味啖啖肉，加埋蒜頭豉油令人欲罷不能…查看更多

首要推介一定要試金銀蒜蒸蝦荷葉飯！飯食落好清香，仲甜甜地，非常惹味。燉湯足料，不錯！另外叫了一個炒飯，亦都唔錯。午飯食最抵食，免加一茶位。環境又大又舒服。午市嚟講唔算多人，唔駛等位就入得。…查看更多

極級難食 佢有個海皇湯撈烏冬 一d 海鮮味都無 剩係得芫荽味 仲要收成90蚊一個 另外佢叫左個蒜蓉龍躉蒸飯 極唔新鮮 d 魚有霉味 唔怪得d 香港人上大陸食 如果無心做唔好浪費食材 番屋企啦…查看更多

朋友介紹呢間粵式嘅餐館，所以今日晚餐時間過嚟呢邊試一試。可以睇得出有細心裝修過，環境優美，坐得舒服，適合一家大細或者同幾個朋友坐喺度慢慢食。🔖鹹蛋黃金沙骨（$128）鹹蛋黃嘅味道係好夠，不過覺得有啲炸得火候太過，所以感覺有啲嫌棄，連裏面嘅肉都炸得好乾，呢個價錢嚟講六舊金沙骨，唔算太抵，同埋食得多都會覺得太重口味，好想食返啲菜嚟中和返個味道😅🔖黑椒薯仔牛仔骨（$168）牛仔骨上嚟係熱辣辣嘅，仲聽到吱吱聲，入面嘅薯仔好腍亦都入味，牛仔骨都好重牛香味，不過都係醃製得太耐，所以偏重口味，如果口味可以改善返更加好另外茗茶費每人$12如果過時過節想食得舒服可以過嚟一試👍🏻…查看更多

去咗間人氣餐廳，食咗四樣菜，每樣都係勁開胃。蒜片燒汁安格斯牛仔粒😋，肉質嫩滑，咬落去juicy爆汁，蒜香撲鼻，勁夠哂口味。鹹蛋金沙骨🤤充滿咸蛋香，啖啖肉，食落去唔覺油膩，骨酥肉香真係痴緊口。大澳蝦膏肉片蒸豆腐，望落簡單，但蝦膏鹹香惹味，配上滑嫩豆腐，真係撈飯神器！長沙灣區通常小店多，但今次呢間，實在係有驚喜，裝修讚，服務靚。當然唔少得提下港人最愛嘅龍躉魚米之鄉，實行新鮮肥美，炒米添咗口感，好正；同杏仁茶就真係飲好飲滿，微微杏仁香，滋潤得嚟又唔甜膩。今次食得開心又滿足，下次仲要黎呢！👍👍👍…查看更多

--舟山海哲-- $68爽口前菜--金磚豆腐-- $58外脆內軟，一口一粒--鳳梨脆吱咕嚕肉-- $168豬肉質不錯，啖啖肉，酸味適中，再加上鲜菠蘿--原籠荷香金銀蒜蒸龍躉球飯-- $168份量足，魚鲜味混和著荷葉清香，味道完全滲透在飯中--黃金蝦多士(六件)-- $138蝦肉口感鲜而彈，多士脆炸上枱，再配小小沙律醬入口--脆皮吊燒雞-- $168外皮薄而脆，肉質鮮嫩--荔芋香酥鴨-- $138這款傳統菜不是很多粵菜餐廳有得食，見到一定要捧場，否則買小見小。內涵藏著芋頭溶再夾著碎鴨肉在底，外皮係芋角皮包圍住…查看更多

很久之前已經想來食，久仰大名，但一直抽不到時間，今日中午終於抽空來食，12:40入場不用排隊，但不久已經差不多滿座。我是平日來吃，有午市套餐，真的不貴，而且不用茶位加一。點了海皇魚翅撈飯（$78）和金銀蒜蒸龍躉飯（$88），兩樣都送燉湯食了一半才記得影，海皇包括帶子和蝦，和少量魚翅，芡汁好食，飯底有蛋夠香，調味剛好，濃厚得來不膩也不過鹹。當然帶子和蝦是冰鮮的，但沒有明顯腥味，性價比極高。龍躉應該是新鮮的，加蒜蓉味道剛好，魚肉爽滑，魚油都香，雲耳略鹹，飯底都是加蛋炒過，$88誠意滿滿，沒有什麼好挑剔。燉湯飲到一半才影相，味道清甜，以送的來說極高質！中式餐廳來說，菜式特別又有心思，性價比又高，個人認為此價難逢敵手！…查看更多

爸爸生日飯，一行四人，當日中午訂位6:30冰鎮鮑魚剛好合我口味，覺得唔錯鴨舌少少鹹雞煲翅好足料好好味，每人有兩碗花膠白菜仔正常西蘭花炒帶子，煎得剛剛好好香魚米之鄉沙巴龍躉仔好有驚喜，加上鮮淮山養生之選，魚湯好鮮甜，每人都有一碗最後甜品棗皇糕不太甜，暖暖地煙煙靭靭店員好有禮貌，食飯其間有客walk in 都無位，想食要預早訂定位，今日原本有另一間心水餐廳同名煌金閣二選一，但另一間的店員惡評如潮，一家人食個開心飯，好彩我哋無揀錯…查看更多

點左個金銀蒜蒸龍躉荷葉飯同海皇西施龍蝦湯泡飯。個金銀蒜蒸龍躉荷葉飯好出色，首先一到已經覺得好大份，飯係炒飯底唔係白飯，粒粒分離粒粒有蛋香味，就咁食都覺得好好食，仲有大大舊魚肉係上面，啲魚肉口感好爽口，啖啖肉好正~個人覺得如果細食啲，兩人share食都得海皇西施龍蝦湯泡飯相比之下就失色左，但其實都唔錯，係龍蝦湯比我預期無咁濃味，不過呢個價錢，其實都好合理哈哈~食落唔會覺得係味精湯，好甜，同材料都足夠~總體我覺得性價比高，好足料，會有下次~朋友話魚翅飯都好出色，下次試下~…查看更多