吉豚屋吉列豬扒專門店

營業中

休息中

炸豬扒定食（$69）上次食左炸豬柳，司令心思思仲好想食，就再去食個炸豬扒定食，今次就將飯同湯轉左做烏冬。炸豬扒好好食，肉幾好幾淋唔韌唔痴牙，又炸到脆卜卜，又冇一咬一口油，口感幾好。而且份量都幾大，如果要同炸豬柳比，當然炸豬柳更勝一籌，但炸豬扒都好好味！而且烏冬份量都好多，湯底係濃湯，惹味得嚟又覺得清清到，唔油膩！

好耐無去食丼，自從日本旅遊回來，覺得香港店一直都做得不甚好，好的就當然價錢反映，性價比底的情況下都好少搵丼食，但同事推介公司附近有一間，就好自然地去觀摩一下。店舖比較小，但樓底都幾高，感覺舒服。本來想食豬扒，但俾漂亮的吉列蝦吸引，所以叫了這個沒有做套餐的丼。香蔥辣味沙律醬吉列炸蝦雞扒飯($55)- 賣相絕對比吉列豬扒吸引，分量比較多外，更有多些沙律菜墊在炸物下，對於少飯多菜的飲食習慣絕對足夠。這個未似另一個豬扒飯有蔥在炸物上，而且食完都未覺有蔥味，所以懷疑這個丼無蔥。粉橙色的沙律醬辣味濃，我頗喜歡這配合，味道像蛋黃醬混合重量級七味粉，由於平時食丼都會落的調味料已早為我預備，我省下功夫，更喜歡刺激味蕾的辣。炸物整體都炸得鬆脆，但粉漿及麵包糠比較多，蝦和雞肉相對薄，肉質被蓋過。

吉豚屋係幾接近日本風味既炸豬扒，價錢比起好多炸身店平好多，特別係下午茶，三十幾就可以食左個飯。今次食下午茶既迷你咖喱炸豬扒飯，本身以為好細份先咁平，但D飯量比平時食定食仲多，豬扒有少少鞋，咖哩香，夠多汁，熱辣辣好快清曬，非常夠飽，抵食。

這店小小, 沒有大枱, 反而4人卡位有不少, 所以同同事剛好4人, 就試試。午市都有幾款精選套餐, 可配飲品或湯, 另外都有一些套餐, 但就要加$5有飲品或湯。呢間係食最厲害的吉列產品, 我見平平地, 就揀左滑蛋吉列豬扒飯餐滑蛋吉列豬扒飯- 炸得剛好, 麵包糠雖表明炸好後未有足夠時間隔油, 所以都泛出部分油, 但這可確保客人熱食炸物。豬扒有肉汁, 炸漿厚度適中而炸的時間又剛好, 豬肉嫩滑入口鬆軟, 配上嫩滑半熟的滑蛋, 減低油膩感。巨峰乳酸特飲- 乳酸味都多, 但無咩提子味, 而且太多冰, 味道非常淡。食一餐日式丼只需5X蚊, 都算便宜

幾個月前去過日本，食左好多地方d 野都好好食，唔駛要好特別既餐廳，只要簡單一個快餐店既食物都好正。之後一直都好掛住個到d 野食…黎到呢間舖頭，有店員professional 既招待，有日本般既食物水準，點會唔令人諗起日本？！我叫左個吉列定食，60 － 70 到，有飯有湯，佢d 炸物加埋d 日本咖喱唔會over 之餘仲啱啱好。加埋個hotpot，呢排凍凍地就真係啱哂。臨尾佢地仲送左張coupon 比我，下次一於返再食過

吉列豬柳定食（$75）通常想食正宗既日式炸豬扒，高質既二百蚊都走唔甩架。但吉豚屋既炸豬扒，簡直就係平民食堂。佢既下午茶可以三十幾蚊食到個豬扒飯架。司令食既係豬柳定食，有一大碗飯同湯。佢既湯出名夠足料，肉片、蘿蔔比得好多，個湯飲得出好香好濃，唔似有啲日本餐廳沖水既麵豉湯。豬柳有三大舊，比起豬扒肉質滑好多，而且唔知點解食落好脆好脆。枱面仲有豬扒醬、芝麻醬、七味粉等等既調味料，自己落，唔怕浸到啲豬扒。而且味道非常好，好似係日本食到既，咁既價錢冇得投訴啦～

黎開附近行街便諗起呢間咖哩店，下午時間原來都幾多野食，同夜晚無咩分別，有烏冬，飯，同三文治迷你吉列咖哩豬扒飯，$35總覺得咖哩配飯係絕配，而呢個迷你飯一啲都唔迷你，份量都有一碗飯，咖哩汁好足，夠晒伴飯，飯感都幾qq,似係用日本米，吉列豬扒外脆肉嫩,可能日本咖哩關係，咖哩唔夠辣，如果可以揀大，中，小辣就👍👍👍

「娃会再去」上星期四和朋友去午歺，好彩即刻有位，我叫了個和风汁吉列豬扒飯，我朋友叫滑蛋吉列豬扒飯。份量可以啦，味道不錯，想講的係吉列豬扒層皮沒有跟肉分離，而且又鬆軟。我朋友的豬扒和我一样。跟歺仲叫了一杯巨蜂乳酪飲品。所以我話「娃会再去」。

第一次食呢度既下午茶，夜晚仲要食飯所以揀左豬扒三文治，新鮮炸既吉豬加至match既椰菜絲，仲有吉烈醬，整體都幾好食，不過面包就稔左d,唔知旱底會唔會好d?😜整體都ok唔洗等又坐得舒服。

上文說過一間讓人吃後甚氣結的日式吉列店。邊吃著時令我想起另一間同類型的店子，但不同之處是，這兒的吉列產物的收費是更大眾化之餘卻又美味得多，可堪稱是真正的價廉物美....和兩母子一同享受三個吉列餐，份量都不可謂不少。有點吃驚的是偌大一碗的滑蛋豬扒飯，小友竟然可以馬上便把它幹掉，確實始料不及....說實話這裡的蛋並非算是很滑溜甚至可是有些老，不過好處則是炒過的洋蔥是沒有吝嗇地下，甜度自然就突出；而下來伴飯的醬汁甜甜的極惹人好感；豬扒儘管有被醬汁浸透但仍能維持適當的脆度。最難得是肉吃下去不會十分柴嚡....和前述的那所貴價店不一樣，這兒的野菜麵豉豚肉湯可是能喝得出菜蔬的甜香而不一味的死鹹。怪不得這湯是被稱為本店的名物，小弟點了一碗加大的，轉眼間便喝至碗底朝天了....這裡不時也會有新產品推出，好像太太的這個他他醬吉列雞扒，一大堆的sauce放在炸雞扒上，炸物應有的油膩適量地被帶酸味的他他醬抵消了，對最愛此醬的太太來說，這才是屬主角來的；雞肉是蠻juicy的.....小弟最貪心，點了一個配材料最多的吉列三重奏....吉列看上去造型賣相超工整的沒有甩皮甩骨的情況出現。麵包糠包裹的外皮金黃脆而不油

I by-passed this restaurant during my shopping trip at Fa Yuen Street. What attracted me the most was the emptiness of the restaurant during the busy lunch time. Only a few customers were in the restaurant so I was seated immediately after I entered the restaurant. I’ve never heard of this restaurant before, but it claims to have over 300 stores around the world.The menu was filled with deep-fried pork cutlets and it took me some time to choose my lunch (as they all looked similar). In the end,

某天下午茶選到吉豚屋素聞係平民版嘅勝博殿反正兩店都未嚐就吃吃入門版先啦^0^下午茶由14:30-18:00低至$25已有個迷你滑蛋吉列雞扒飯而我當然揀我大愛嘅吉列豬扒定食啦檯上已放上豬扒汁,胡麻醬和七味粉等調味料,不過有一點要提醒各位店方供應的木筷子有好大朕怪味嚇得我即時要用匙羹進食~下午茶的吉列豬扒定$45跟有野菜豚肉湯(小)白飯及80g的吉列豬扒,正常份量係$120g不差太多價錢平$20~吉列豬扒肉味須不夠但炸得都酥脆肉質頗鬆化這價位收貨有突,不過有點失望嘅係白飯不是珍珠米呢~伴有不少椰菜絲跟上胡麻醬同吃清爽解膩,個野菜豚肉湯竟然不錯配有很多大蔥我愛喝啊~

我記得係尖沙嘴有一間專食吉列既日本餐廳價錢都好貴，一個炸物餐就差不多$200+雖然好多朋友仔都話好好食但我實在了解唔到得三舊炸蝦+碗白飯會有幾味囉所以我終究都係無試到直至最近這間『平價版』出現我地分別點了『他他醬炸雞排飯』及最基本『吉列豬排飯』出奇地我覺得『雞』和『豬』既口感完全無分別肉質都算OK不會很乾身我覺得他他醬好好食但同平時係西餐廳食個種有好大分別店鋪有提供無限量『芝麻醬』『吉烈醬』使用個人不停加添芝麻醬到伴菜中但個人最欣賞的係店中既『白飯』綿口，我最愛我只可以講齋食白飯都覺得好滿足我竟然可以食晒一碗，但可以再添…

久唔久又會想嚟食下佢嘅經濟日式炸豬扒，今次係第三次嚟食，又係下午茶時間，見佢又有新產品出，但我都係叫左個下午茶餐吉烈豬扒定食$45+一隻吉烈炸蝦$8，女友叫左咖喱吉烈雞扒飯$27，吉烈蝦非常香脆我連個尾都食埋，而佢個麵豉湯依然多料，佢個炸豬扒因為不太厚肉嘅關係反而好，因為太厚肉反而容易鞋口，而依個豬扒絕對冇依個問題！到佢個咖喱飯，咖喱味濃而不太辣，雞扒亦炸到外脆內滑，最緊要佢仲係用珍珠米去做！都係嗰句，依個價錢依個品質冇乜嘢所以彈！

第一次係餐廳破口大罵第一次食一半嬲到走人呢間叫吉田既店完全做到晒老實講，我自己都做過餐飲所以好明白做侍應生係好辛苦既一件事平時無大問題都唔會麻煩佢地今次呢間真係嬲到火滾小店一間，得3個員工其中一個有戴眼鏡的男員工一開始無論上水或是落單已經應該到滿滿的不耐煩，頹廢感本來並不在意，但上菜後就出事了因為這間店的豬扒，豬柳，豚肉餅樣子都差不多本來男友點的是豬扒拼豚肉餅結果上菜時，兩份都是豚肉餅找了其中一個店員問，確認兩份豚肉餅不知道係咪個員工落錯單本來我地都不介意，結果我見到個員工問番落單果個戴眼鏡男佢居然就企係我地附近，大大聲咁話：佢指（餐牌）既，我都無落錯我自己做侍應生都知，你可以係個客背後罵佢，都無理由係個客面前講仲要係我地向其他員工投訴既時候走過黎話我地明明係指下面果個當時火到黎埋，表演左一次罵街我諗聰明既人係這個時候都會暫避風頭或者say sorry偏偏佢仲出黎火上加油最後聽我地投訴果個都話俾今餐取消俾我地走人（因為我地只係食左兩啖）