吉豚屋吉列豬扒專門店

營業中

休息中

平日下午茶時段過來，當時就只有五六個客人，可是等餐時間挺長。柑桔檸檬特飲不太能喝出檸檬味，懷疑檸檬所指只是面頭一片點綴......柑桔味道也不太好，頗為人造，湊合着喝完算了，不過也不至於差到難喝。我挺喜歡吃滑蛋吉列豬扒飯，都是我喜歡的食材，但一直沒有遇到念念不忘的，大多都是不過不失而已。這個迷你滑蛋吉列豬扒飯可達七成飽，味道不俗，我覺得有比一般的做得好，不過離我的理想仍有距離。它比一般好的地方是豬扒仍留有少許脆，很多地方做出來一點都不脆，然而我覺得需要再加強才能稱之為好。此外，豬扒末端肥美，營造出彈牙的口感，油脂香突出，最後幾口吃得最過癮，若然整塊豬扒都能維持這種狀態，必然大大接近我的理想。米飯偏爽硬，軟一點會好些，有助加強抓汁能力。滑蛋與汁算是好吃，不過未見突出之處。

早排有次午餐食過呢一間吉豚屋吉列豬扒專門店, 揀左"吉列炸蝦黃金餅定食" ($59),  跟白飯和野菜豚肉湯(小), 仲送一杯飲品.  吉列炸蝦的實物比圖片細和幼, 除了吉列炸粉部份, 蝦身比較幼細..所以食落口感普普通通, 而且兩隻蝦都係暖而已, 不是剛炸起的. 黃金餅就還可以, 味道OK, 入面有啲豬肉咁, 不過食多兩啖唔知點解覺得有少少漏. 底下墊了一大堆椰菜絲, 可以沾少少麻醬食. 成個定食我比較喜歡野菜豚肉湯(小), 一碗細細碗既湯入面都幾足料, 有幾片薄薄的豚肉, 有薄薄的白蘿蔔片, 都幾好飲!飲品我揀左提子特飲, 呢杯應該係現成的飲品放杯, 亦都幾好飲, 唔係好甜.

旺角成日都唔知食咩好, 見到呢間價錢幾經濟就入左去睇下啦我就叫左一個鐵板吉列雞扒,  上檯熱辣辣新鮮炸起既雞扒, 加埋滑蛋, 醬汁送飯一流呀$52 旺角區都算係咁不過比較熱氣囉

之前試過個咋豬扒，覺得不錯所以再嚟，今次叫了炸蝦定食同試新嘢避風塘炸雞，個炸蝦就確實不錯，但個避風塘炸雞並非難食，只係咸到想喊，最終要叫侍應比碗滾水我，用滾水浸完先食倒，其實整體算尚可，個面史湯同啲米飯係我最like,希望有待改善😊

日圓係咁升，想去日本食好西都有難道😩唯有係香港食住滑蛋炸蝦飯解一解癮！雖然滑蛋既水準冇日本咁高，但都合格既😜蛋生熟度掌握都唔錯，蛋未至於太熟另外，主角炸蝦唔會有雪味，炸粉亦唔會太厚，$49值得一吃！

吉列蝦炸得好脆，蝦肉都算結實。黃金餅我開頭以為係蝦餅，點知食落似肉餅，一啲都唔彈牙，後尾先知我誤會咗。定食跟果碗雜菜豚肉湯好濃好好味，下次可以叫大碗，總括嚟講味道唔錯，不過我下次都係食返豬扒好啲，因為黃金餅麻麻。

決心唔食韓國野，點知比隔離枱吸引左嗌吉烈豬扒泡茶鍋定食。飯係珍珠飯，冇呃人。泡菜鍋太過冇野食，等啲蛋同泡菜同湯。不過吉烈豬扒好味，豬扒夠厚，外層又炸等脆卜卜，唔係炸定擺係到。野菜加埋芝麻醬超fresh 超好味！可能我本身好芝麻醬啩

今日係我好想食烏冬，有同事就拎住呢度張coupon 話有$8現金券，所以我地就嚟左呢度啦~ 其實呢段日子都多得班同事，令我適應新公司嘅環境，可惜好快應該又有個同事走，真係有啲唔捨得啊。話說地點方面真係幾方便 ~ 由於係lunch嘅關係，其實都幾爆，我地一行5個人都等左一陣。最後獲安排坐卡位~ 其實由出面嘅宣傳品已經見到呢個好夏日嘅芒果吉列豬扒定食，由於本人對以水果入饌比較有興趣，所以我毫不猶豫就點左呢個~ 我特登加5蚊轉左個讚歧烏冬，份量適中，而且烏冬夠彈口，又唔易斷，煙煙韌韌~ 而主食香芒吉列豬扒賣相吸引，沙律菜有返咁上下份量，雖然沙律醬只提供芝麻醬，但係依然爽脆。我略嫌芒果味道不夠，返而芥茉醬就搶哂啲味道。不過以平時用普通豬扒醬汁嗰種漏嘅程度嚟講，呢一個已經算係開胃嘅小清新了。豬扒炸得唔算太乾身，而且表面看金黃色亦算吸引，肉質唔算老～　當然尚有少許進步空間。吉列蝦方面，其實長度係正常，唔會太細，而且加$5有多一條食，都算係幾低。食入口甜蝦有少少黏口，但也算新鮮，不錯。其實豬扒定食嚟講，呢個真係算唔錯，而且服務OK~ 特別係叫ZACK 嘅侍應生，我地成班都好鍾意啲咁有朝氣嘅人~ 老實

很久沒寫過食評了，工作實在過份地忙碌。前幾天用OPEN RICE 手機App 整頓一下相片就決定繼續寫下去，當日記又好，當工餘興趣也好。這天跟女友逛手工藝小店，剛好在這店面經過，見價格適中便入內試試。當時眼見差不多是下午茶時間，但我倆都甚感肚餓便索性點個正常Size定食。看上去最吸引的是最普通的滑蛋吉豬飯，Size 像日式鰻魚飯般分梅、竹和松三個豬扒的份量，分別是梅（一塊80g）、竹（一塊120g）和松（兩塊80g）。結果自己點了個滑蛋吉豬飯（竹），而女友就（理所當然地）點了個烏冬（吉蝦豬定食）。竹的Size 比想像大份，如果眼闊肚窄點了個松應該會吃不下，塊豬扒炸得幾好，火喉夠猛所以表面炸粉炸得幾鬆脆，裡面豬肉都有少少肉汁，沾上桌上唯一供應的醬汁令人食指大動，非常開胃。雖然肉質的味道上未必能比美吉列豚肉專門店，$79貨式難道你想要甚麼黑毛走地兼吃日本紫薯的豬麼？如果真的想，請移玉步去九州吃。女友的烏冬沒有吃，但炸蝦亦炸得相當不錯，只是略帶一點雪藏味。椰菜沒有醬汁奉上，吃落有點寡，所以吃了少許便沒有吃下去。服務方面發現聘請的有幾個都是上了年紀的姐姐，不是說跟較年輕的差，但態度上給我的感覺

2016.07.21之前放學行過見到一間以"吉列"為主題的餐廳本想說天口熱，食龍肉都冇味，仲食炸野會燥底的😨居然發現有一個期間限定 又幾吸引，就照衝啦😋本身我對煎炸類都沒太大喜好，吉列對於我來說來來去去咪都係🍤炸蝦🐖炸豬排🐥炸雞 但係啲度的吉列是令我喜出望外，有驚喜的寶寶說：我要食啲個😚香芒吉列豬排定食 $69 (讚岐烏冬加$5)啲個時候就要食返啲酸酸甜甜🍋的食物開下胃吉豚屋就同我的諗法一樣，推出期間限定的香芒口味我一見到已經睇都唔洗睇其他meal，決定要會一會佢先講賣相，份量十足，同meal上的是一樣吸引可以說是老實商人👏哈哈第一啖😏識食的當然係沾些少醬汁感受下香芒的熱情先啦酸甜酸甜 跟我想像的一樣可是接著落黎又有另一種熟悉的味道...原來是芥末😱因為我在點菜時沒有留意所以令我好驚喜吉列豬排火喉控制不錯，炸得金黃鬆脆而且不會太乾身，咬落尚有少少肉汁沾上醬汁，去掉油膩，十分惹味本想唧一點沙拉醬沾椰菜絲食😍點知原來以椰菜絲沾香芒醬，味道更加出奇的夾令我回味無窮香芒果粒乳酸 (跟餐價$10)本想說 食得芒果大餐當然要跟杯香芒特飲先叫完美🍹可是先不說外表不太好看 味道也是淡淡的有點失望了😢吉

下雨天經過吉豚屋就入左去食下午茶順便避雨, 見到有新出既鐵鍋野菜豬肉咖哩烏冬就試下啦! 過一陣就到了, 賣相不俗, 湯底都頗香濃的, 不會稀流流, 由於是日式咖哩所以辣度很小. 一片片薄片的豬肉份量不少, 湯底中還有白蘿蔔和紅蘿蔔片, 令湯底多了一份甜味. 烏冬彈牙煙韧, 下午茶來說份量剛剛好. $32 都算抵食, 可惜下午茶都要加一..另外加了一杯巨峰提子乳酸特飲, 原價$8, 依家$5就OK, 都算抵飲.

我們2人一桌，各點了1個餐，1杯特飲。時間大概9點。朋友點了芒果豬扒＋1碗湯＋白飯我點了泡菜湯鍋＋豬扒＋白飯2人共付大概178元其間每當我們一停下手按手機一次就會有1個職員來問可以替我們收拾？？朋友的湯全碗未動也被問。我的豬扒還剩一塊也被問。需要這麼趕嗎？我明白外邊還有人在排隊。但不要忘記我們也排隊了30分鐘。只想好好的吃完一餐，而且這餐價錢也不特別便宜。這樣像要極速趕客，坐得提心吊膽，像隨時要答未食完，像隨時有人出現搶走我們的食物這樣。最後一次見我們已放下餐具，那職員問：食完啦係咪？？我收返D野去。﹣﹣這時我們在找銀包，讓我們坐多一會會死？總之服務態度感覺很不舒服。

今日掛了三號強風信號，同朋友來到這間吉豚屋。一坐下只見台上沒有餐牌。我不段揮手，樓面7位侍應都沒人看到。他們圍在bar台不知道在發什麼夢。有位侍應更只顧收拾我隔離的客人台面，都不愿理會我們。本人和朋友感到十分不滿。但是食物質素還是好味，希望下次光顧有改善。

夜晚10點多，旺角雖然旺，但好多鋪都已經關門，我地是旦入左呢間食個don。可能本身都無咩期望，又真係好好好好好餓，我覺得自己果日食既都好好味。滑蛋雞排飯係晚市最平既＄39，加一＄45。其他都好貴，都80up咁，係香港食個炸物飯，總係覺得唔太抵。都差唔多10點半啦，諗住廚房會hea整，點知一上碟，係熱辣辣。係好吸引既滑蛋雞排飯呀！雞排好滑，另外枱上面有個燒汁，我倒左少少落d雞度，個汁係超好味！同件雞夾唔夾就見人見志，但我自己就覺得個汁好正，點咩野食都會變極品。白飯係用左日本米，邊到日本地區出品就唔知啦，八掛可以問下佢地，唔知d店員會唔會答，哈哈！但總結黎講＄39 係好抵食好好味，不過佢環境似茶記，唔知點解會收加一，加一果度係有d唔抵。都係果句，可能係我果陣太餓，誇張左。有機會會再去試下佢地個下午茶，見到d牌好似寫到幾抵食，＄2x咁又免加一，到時再試下係咪真係咁好食，定係我今次太餓，雞排都變女神啦。ps 我眼見入面全部都係賣炸物，唔食熱氣野就唔洗試喇，全場都係賣炸物don

又到晚飯時間啦，身在人來人往ge地方旺角，食市多不勝數，想食乜都有，今晚就選左呢間~吉豚屋~吉列朱扒尃門店，糸門口等左約15分鐘，如果假期可能再等耐D，不過好食等耐D都值得， 哈哈， 一吉列炸鷄扒定食 金黃色ge外皮入口香醇不油，內里保持肉爽脆，肉好新鮮，總有炸鷄扒咬落肉質㜜滑，師傅控制D火喉時間好到家，滑旦吉列炸飯鷄旦ge香味配吉列炸good呀，好有口感白桃乳酸特飲飲品有D失望，味道太淡.乳味吾夠濃，舖位吾算大，有幾張4人卡位枱算濶落，但生動坐位枱好細，每個位衹可容納一個餐，總有D茶杯覺得好污糟，原因糸用左淨色膠杯，當D膠杯用耐左就會變啞色睇落似污糟，其實建議改用玻璃杯或有顔色ge膠杯，1