吉豚屋吉列豬扒專門店

營業中

休息中

本來有間日本麵想吃來到旺角，卻不料已經關門大吉。唯有是但找間歺庁吃。看見這間歺庁在附近，走進去試試。本身不喜歡吃炸的，想著應該有不炸的食品吧！阿女叫了炸豬排蛋飯，我叫了生羌豬扒飯。想著我們分著來吃出付意料之外，兩樣都很好吃！很好吃！豬鬆脆不油膩，還是厚厚的一大片。只叫了最小的份量也吃不完！新鮮即炸，熱辣辣上台。我叫的生羌豬扒也很有生羌味。上菜速度很快。歺庁也很乾淨整潔。整體而言，性價比極高。已經記下分店地址，下次再來！

今日突然想食炸豬扒就係旺角搵左間吉列豬鋪頭食我叫左碗和風汁豬扒飯飯較少豬扒大小中等為左減少豬扒既肥膩感店家係飯同肉中間加左少少菜值得一讚醬汁也不錯吉列豬扒中算中等價錢不平也不貴如果行過都可以試下

烏冬既口感唔差，湯則可以改善，而系吉列豬排選料方面就唔夠好，我覺得佢炸塊豬排之前處理得唔夠，炸出黎個外皮冇想像中咁脆，搞到食嘅時候非常軟身仲冇咩口感，加上上菜果陣唔夠熱，放得耐左啲，而份量都唔多，但對比起其他店舖都算系唔錯，另外另叫既炸蝦都唔算太熱，而蝦隻選料比較幼身，幾彈牙，反而系炸到外層太厚，有啲掩蓋左蝦本身既味道，5蚊黎講都算係可以試下，整體黎講可以更好，但算係得過且過既一餐，而下次有機會都會再食既。

咁岩要去旺角金魚街買寵物野，所以今次來到呢間搵食，香港一共有7間分店，分別是九龍灣，旺角，將軍澳，炮台山，紅磡，深水埗，油麻地。門口已經好殺食好吸引，亦已經貼上下午茶的選擇，價錢吸引。鋪頭是長形簡單格局。下午茶之選，因為晏啲仲要食嘢，所以揀咗無咁飽肚的鳥冬，而現在很多日本已經加入港式奶茶，貼合香港人口味，很貼心。亦有小食推介。鐵鍋野菜豬肉咖喱烏冬+$8 有吉列炸蝦一隻明顯豬肉片份量真的有點小，但烏冬很彈牙，而且咖哩汁超香帶一點點香辣味！十分不錯👏🏻，但汁的分量有點太小了吧？🤦🏻‍♂️吉列炸蝦沒有配汁美中不足。留意到旁邊有芝麻醬，炸蝦只好點這個了！也很好吃。🤘🏻吉列黃金雙丸（墨魚丸+豬肉丸）味道不錯，但咬口有點硬身，但很足料，看到的全個形狀也是肉，外面的脆只是薄薄一層。👏🏻樓面一共四位員工，也是很有禮貌✨下次會叫朋友來食，同埋食埋佢哋最出名嘅吉列豬扒！

因為公司係附近，所以間唔時都會有一次買外賣。4月1號2點3買外賣，結果等到差唔多3點先有，一路追單一路話多人所以忙所以要等耐啲，但其實有啲人堂食遲過我嗌都已經有，算，因為已經餓到無野好講到今日，買外賣，企係門口等都無人拎外賣俾我，搞到我以為未得，過多陣先有個職員係收銀枱入邊拎出黎，其實都望住我拎住單企正門口，但啲職員都無反應囉，好啦買再一個吉豬梅，一個吉豬竹同一個吉列雞，點知拎到返公司兩盒唔同價錢既豬係一樣!我又拎落去問，點知人地聲稱話左手邊係竹，右手邊係梅，唔肯換唔肯退錢，離譜！！咁其實真係佢地講哂！！我唔會再幫襯！！！！

叫咗個豬柳定食，食過日本炸豬扒嘅，都會覺得級數差太遠。味道唔係差但豬肉太小，粉太厚。肉嘅份量我諗得正宗三分一左右。食落好熱氣。一分錢 一分貨，好似連鎖店嘅漢堡同餐廳漢堡嘅分別咁。講完喇，寫唔到八十字。俾我落評語啦唔該。你都數到我唔只八十字啦。

響九龍灣分店食過兩次 都印象唔錯是晚星期三九點來到旺角分店以往響對面搭車都會望到 呢間經常要響門口排隊今日都唔另外好采等左一個字左右就入得兩個人是要搭枱的叫左壽喜燒豚肉鍋 跟烏冬一如以往 砌到成座山咁 係好吸精 望到都覺得胃口大開而且入面好多芽菜 同菜 另外仲有雞肉烏冬好彈牙 值得一讚係 一上碟個烏冬已經係熱既 煮熟左既節省左放落煲再煮既時間 而且可以選擇就咁食又得 用匙羹將壽喜燒個湯加落去食又得或者將烏冬放一放落煲度 吸收下汁再食又得同埋叫左吉列豬 跟飯同豚肉湯既不過我就食烏冬 友人食飯 友人盛讚個飯好好味 珍珠米 我介紹佢撈壽喜燒個汁 撈飯都好正豬扒好鬆化 但又唔會覺得好油側邊既椰菜 加埋大量麻醬食 無得輸另外加八蚊有野飲我叫左菊花蜜 都唔錯 幾潤埋單 170 唔貴之餘 又好味 仲有coupon 送友人表示下次要食泡菜鍋

原本想去買行山用品, 點知上去某某用品店行左個圈都冇乜嘢啱, 好快就走左喇.行過呢間舖見要等位, 咪襯熱鬧咁又等下囉 等左3、4個字就有位喇. 入得黎吉列豬扒專門店唔知豬扒好似有D玩嘢, 咁啱又見到佢有個炸蝦+吉列豬扒 set 做優惠價, 好! 就食呢個啦.個 set 包括一碗野菜豚肉湯, 炸蝦+吉列豬扒+大量椰菜切絲, 仲有杯餐飲, 加埋一埋單$65唔算貴. 味道又如何呢?首先講下個湯先啦, 佢係白麵豉湯底, 加上紅蘿蔔片、冬瓜片、洋蔥片及豚肉片, 好清甜! 個白麵豉湯底淡淡地唔會搶左其他材料既味道. 唔錯!個炸蝦同豬扒用既係同一種炸醬, 炸得好鬆脆, 食落唔會成口油, 呢個要讚  但係有所不足既係豬扒唔夠 juicy 但又未係乾到 "鞋" 身既. 仲可以配合枱面放係度既芝麻醬、燒汁等等就更加野味. 一路食炸物一路食椰菜絲可以減低油膩感.杯餐茶又夠大杯, 食完個 set 都好夠飽.

吉列豬扒定食（$69）👅之前同男朋友發掘左呢間咁親民價既日式餐廳，今次係旺角知道有分店就一於試下正唔正先🙃🙃🙃呢個餐跟一個白飯同一碗野菜豚肉湯🤗🤗吉列豬扒炸醬夠薄，炸得好鬆脆👍🏻似係日本食既感覺☺️☺️而豬扒都算林，重肉味同唔會好乾🤓🤓隔離啲椰菜絲淋啲麻醬撈黎食，就可以解膩感😎😎😎啲白飯係珍珠米所以食落好有飯香😋😋吉列豬扒送飯一流😝呢個價錢有呢個質素好滿意😊仲有其他分店嫁🙆🏼

最鍾意就係見到老闆架喇～難得琴日老闆番公司，即係全公司上下又有口福喇～ 今日食乜？食吉豬做午餐囉～好大份既吉列豬柳+吉列蝦套餐。本來係飯跟湯，我轉左湯烏冬。烏冬係日本烏冬，勁有咬口！超鍾意食上台時仲係熱辣辣！個炸蝦好好食，都算實，唔算lup 口，只係有少少油。炸粉好薄身，食落唔會成口油。 個豬柳好滑，好林，好好食。 午餐70-80蚊一個餐，仲有野飲送。價錢好抵！味道都好味！ 值得食！唔怪得一到夜市時間，間鋪就大排長龍啦！

經過幾次見佢都排長龍，所以引左我入去食晚飯，食物既味道ok既，不過員工服務真係有問題，激到我噴火！👎👎👎👎👎👎👎👎初頭有個男店員算幾好，點餐同上食物都好快，不過係落錯order上錯食物，之後個店員即刻話換返比我，順便話想我地幫忙轉枱坐，我都覺得ok既，因為晚市係難啲砌到位。不幸係換左位先知隔離坐左一個家庭，包括2個細路，全程2個細路同佢爸爸媽媽都嘈到煩死人，又掉玩具，行出行入…ok find，我當我唔好彩坐中佢地隔離。之後我食淨左啲烏冬同少少吉列豬扒，又未飲曬杯飲品(無影相)，諗住比我另一半幫手食埋唔好浪費，點知有個女店員走過黎問要唔要，我有禮貌咁同佢講要既，點知呢個女店員個樣就變面啦！我睇住佢走去同初頭服務我地個男店員身邊手指指望住我地張枱係度呻，全程西口西面，我一望就知咩事啦，咪諗住快快食多2啖就閃人，點知就出現另一個店員特登同我地講“留意返我地餐廳用餐時間係50分鐘”我個下真係火都噴埋出黎！隔離枱仲早過我地入黎食都仲未走，又嘈之巴閉影響食客，點解店員唔提佢地，淨係提我地？而且我地又用左啲時間幫你地餐廳轉枱，講真，係咪見我地善良就好蝦d先？正一垃圾服務！唔會再黎！BLACKLIST

星期六要返工😭😭😭返工前決定對自己好啲，所以去左吉豚屋食早餐。早餐餐牌都幾豐富，和風早餐望落好吸引，又三文魚扒又飯團咁，食完可能真係lunch都唔駛食！可惜我唔鐘意食魚，最後叫左個雞扒烏冬，估唔到咁大份！之前食過正價，早餐呢個烏冬同正價既烏冬係一樣份量架！即刻覺得好抵食！烏冬煮得岩岩好，唔硬唔淋，食落彈牙；雞扒熱辣辣，即叫即炸係唔同啲！食落口好脆，肉質都幾嫩，唔會炸到過晒龍！跟餐送杯熱飲，凍飲加$2，叫左杯熱奶茶，正常奶茶一杯，無咩特別。一個高質雞扒烏冬加杯熱奶茶都只係$29，仲要免加一！呢個價真係好良心，相信呢度會成為我既早餐飯堂

唔止一次講過我都幾鐘意黎呢度食晏嘅，因為本身lunch time已經過左3點後，所以每次黎都已經有下午餐牌。有興趣都可以睇番之前嘅食評，我最鐘意呢度夠自由，意思係如果你想cheap cheap地食個飯又得；驚下午茶太細份唔夠飽又可以點正常份量嘅午餐。滑蛋豬扒飯 $27都係果句，男士可能會覺得唔夠，不過我就覺得啱啱好，加埋一都係三十幾蚊~豬扒就唔係極級好食，但至少唔會老鬼到死~吉列雞扒烏冬 $32不嬲都覺得呢度嘅吉列雞好食啲，雞扒冇咁容易韌，亦都冇豬扒咁乾身。烏冬都幾大碗~而且烏冬質感都算唔錯啦，湯底唔會過鹹~加$5有杯飲品~

放假行街買買買，差不多時見到呢間滑蛋飯廣告好靚仔！入內都幾爆場，所以要搭枱，唔算迫，地方乾淨！好快叫個餐！食物好快到！滑蛋豬扒飯（梅）細細個，份量剛好！豬扒外脆內有肉汁！滑蛋唔多，同豬扒好夾！飯係珍珠米，脹卜卜索晒醬油，好味！麵豉湯：湯夠熱，有紅白蘿蔔片加洋蔥！唔會過鹹！好味鮮檸茶：茶底唔濃，鮮檸新鮮，唔過甜，清爽好味！三個店員好忙，好爽手！不過無乜交流！八達通比錢，仲有優惠劵下次用！果然專門店，吉列好味！可以一試！

香蔥辣味醬炸蝦雞扒飯 $55 配飲品兩隻大蝦，兩件雞扒，加辣醬大蝦都幾大隻，唔會空有炸粉。呢度嘅吉列當然就唔夠丼吉勝博殿呢啲好食，但勝在平得黎味道又唔錯。唔會整啲港式吉列，塊皮又硬又乾，舉個例就係附近嘅#宮葉 吉列豬扒定食 $45 配野菜豚肉湯熱食嘅野一定要夠熱，野菜豚肉湯夠哂熱，個湯都唔算hea，起碼唔是開水沖，仲有幾塊豚肉食下。個人認為吉列雞扒會比豬扒好食，豬扒唔多唔少肉會有啲實。由於係正常餐，所以飯嘅份量都係足夠的。滑蛋雞扒飯 $27下午茶餐，所以三十蚊唔洗食到個飯真係仲想點。飯嘅份量就係比較少，所以男士會唔夠，女仔食就還好。 喺度食晏冇伏過，唔係推介咁嚴重，不過不失為一個食lunch嘅選擇。