吉豚屋吉列豬扒專門店

營業中

休息中

「吉豚屋」（かつやCa-Tu-Ya）是一家日本吉列豬扒連鎖專門店，1998年於日本神奈川縣相模原市開設了原創店，發展至今在日本國內及全球已擁有超過300間分店。2012年吉豚屋首次進軍海外市場，而首選在香港的九龍灣淘大商場開設分店，現在香港區分店共有七間了。吉豚屋在日本走的是平價快餐路線，當地吉列豬扒定食賣690日圓，而相對在日本大部分有名的吉列豬扒定食約賣2000日圓啊！ 「吉豚屋」旺角分店環境簡簡單單，內堂裝修以柚木裝修為主調，乾淨企理。看看餐牌，以日式吉列套餐來說相當經濟抵食，由服務員帶位及點菜，最後結帳就要自己拿單到收銀處付款，像港式茶餐廳般運作。這裡沒有磨芝麻的部分，直接倒上自家製豬扒醬汁吃，醬汁比其他吉列豬扒專門店酸味重一點，然而炸功的確出色，脆口少油，也沒有皮肉分離的問題，是炸漿及炸爐兩者完美配合的結果。單論炸功個人認為可以和香港最好最有名的「とん吉」比較。至於伴碟的椰菜絲只配芝麻醬，沒有柚子醬供應。 ▲ (期間限定超值套餐) 吉列炸蝦雞扒定食 HK$69 跟白飯、野菜豚肉湯、凍或熱飲 〈定食白飯+野菜豚肉湯可以免費轉讚岐烏冬〉 此定食的正價同

今日行完街，6點鐘同女朋友經過 見到呢間餐廳餐牌幾吸引就入左去食。 然後我地叫左個鰻魚鍋配烏東同滑蛋吉列雞排飯，再跟一杯菊花密同巨峰乳酸飲品。 點知個鰻魚鍋黎到，入面所有配料都好咸，特別係d蛋，浸烏東個湯食都唔掂，個烏東湯底都係屬於咸既；而個吉列雞排飯就不過不失。 咁食完野就飲野啦，飲品都係普普通通，點知飲到落最底，發現個杯底有霉菌發哂黑，污糟到一個點，根本洗都無洗過，叫人無法接受，而當事人於飯後2小時亦肚痛肚柯，很有機會係呢樣野影響。（由於巨峰乳酸係紫色，未飲哂根本睇唔到） 只能 劣評呢間餐廳

滑蛋豬扒飯(竹) ($62) (跟餐$11檸樂)上菜既時候，豬扒熱辣辣，白飯底都出哂煙。豬扒肉質唔錯，唔鞋，正常質素。唐揚炸雞 ($22)有5件炸雞，炸得幾脆，熱辣辣，幾嫩口，有肉汁，配上沙律醬，好味整體而言，質素同價錢成正比，速食既選擇。埋單後送左張炸蝦雞扒定食coupon，唔知一個月內有冇機會用到呢。

太子一帶餐廳林立，大部分以快餐，茶餐廳為主，其實每次來呢一區，真係花多眼亂，有時真係會揀錯咗，今日入去呢間餐廳，唔可以話自己揀錯，但係佢竟然會有加一服務費，就真係令我有啲錯愕！店舖同一般嘅茶餐廳大同小異，都算光猛企理，坐得舒服！入嚟嘅時候正值下午茶時段，睇來睇去最後揀咗個日式滑蛋豬扒飯。份量OK大碗，滑蛋部分就熟左少少，並沒有滑蛋的效果，豬扒又比較鞋身，冇乜味，整體來講我比70分！最奇怪就係佢呢間餐廳，連下午茶時段，都需要收加一服務費，雖然都係幾蚊咁少數目，但係令到客人嘅感覺唔好囉⋯⋯

同朋友黎食，諗住可以叫啲鍋食，但可惜太晏已經售罄，於是就叫左2個餐鐵板咖喱吉列豬定食幾好味，日本咖喱唔太辣但香，日本蛋好香，唔會有腥味，Good！吉列豬好脆沾上咖喱汁就好惹味，不過要快食，唔係就會腍，配左$8提子乳酸飲品，但普普通通，個洋蔥湯都唔錯，不過不失，價錢都合理，豬排都好味，如果豬排再厚返少少就更好。吉列豬柳泡菜鍋烏冬，呢個比咖喱豬排定食好味，原因係豬柳再腍啲，而且冇汁會更脆，自己會覺得更好味，職員會拎燒汁同芝麻醬俾你點，我覺得燒汁好味啲，而泡菜烏冬嘅泡菜豐富，而且烏冬都係好味嘅，唔係好腍個種。總括，我覺得價錢合理，豬排真係好脆又熱又好味，可能薄啲所以乾左少少，但我覺得一分錢一分貨，所以都Good 如果厚多少少就更好啦

今日經過旺角，見到呢間連鎖店，上網搵下有關它的資料，知道它有超過210間分店，便走入去試下。由於以前响澳洲 Sydney 住近 Bondi Junction，果度有好多日本食店，而吉列豬扒定食都係我大部分時間會點的食物之一。所以呢次都唔例外，都點左呢個。而太太就點左吉列三重奏烏冬，因為她喜歡烏東多過飯。雖然說它是連鎖店，但不像麥當勞、吉野家、肯德基、大家樂…咁，要先排隊買票再自取，反而它像連鎖茶餐廳，先座下，有waiter服務的。個吉列豬扒d粉麻麻地，又缺醬汁，d飯ok。吉列三重奏烏冬，多左吉列蝦和吉列雞，但係都係d粉麻麻地。由於d炸粉麻麻地，完全影響晒成件吉野乜乜的口感。不過以連鎖店來說，不過不失。如果要响香港搵間好食點的吉列豬扒，通常都要$150至$200，所以呢個價錢算ok，無得要求咁高的。唯一有點失望係，居然要加一服務費，有點唔習慣。

成日經過見到呢間餐廳, 見列佢門口介紹既炸豬扒好似幾吸引, 今次就試一試佢~Menu上有好多唔同炸物, 真係睇到花多眼亂呀!吉列豬柳泡菜烏冬鍋豬柳大大塊, 仲要炸到熱辣辣啖啖肉, 而個泡菜烏冬唔會好辣, 加上有個鍋熱住, 烏冬唔會好快就凍哂同埋淋哂, 我覺得如果撈飯食都會好好味吉列豬扒定食呢個吉列豬扒一樣都唔差, 炸粉唔會太厚, 配埋豬扒汁一齊食好開胃, 同埋食左都唔會覺得好油而本身個set包左碗野菜豚肉湯, 我地就加錢加大碗湯, 因為好甜好好飲

說來慚愧，這是我第一次到這家連鎖店。朋友介紹了這裏的豚肉火鍋，我們選擇了最基本的壽喜燒鍋。($69) 想不到便宜的一人火鍋也是似模似樣呢，足料豚肉片，也有金菇豆腐生菜和日本雞蛋😋 一人鍋可以選配白飯或烏冬，我們就要了後者。當然不會是高級彈牙的口感，但以這價錢來說也算還可以吧。湯不夠的時候，職員也有主動表示加壽喜燒湯底，不錯👍🏻這個炸蝦丼飯只要$49，想不到這個價錢也能吃到滿意的炸蝦🍤 下面的白飯混有醬汁洋蔥雞蛋，挺惹味👍🏻 這個丼飯性價比很高。至於鐵板鰻魚雞蛋飯，大概$70。這個價錢，鰻魚肉質當然算不上好，醬汁也有點太咸，還有完全沒有鐵板應有的滋滋聲！可能下次在這裡還是該叫它擅長的炸物或火鍋吧。總括而言，以這個價位來說，食物也算是不錯了。👍🏻

友人一直話依間日式餐廳好出名 一直話要帶我去食為食既我 一定乜都試啦係旺角區特別多人排隊好彩排左20分鍾就有得入座用餐時間定左係50分鍾因為人流太多 通常都食完走想傾計就唔太適合啦餐廳內面日式 職員都好忙碌但如果有需要 都會即時協助餐牌有好多選擇 但最吸引我既都係豚肉鍋我叫左蕃茄豚肉鍋定食 加芝士飲品就係白桃乳酸特飲友人就食咖哩吉列豬扒飯食物同餐飲好快送上所有食物同飲品都好滿足份量足夠 味道脆口回頭率好高下次黎都會再食返

去完廣華探人，諗住番屋企附近食野，點知行行下見到間吉豬專門店，忍唔住入去試下。入到去地方唔算好大，新年期間都唔洗等位，滿心歡喜。侍應帶咗我去一張四人枱（我當時一個人），不過拎住好多野，隔黎有位先生食緊野，坐底點咗個吉豬餐，侍應就叫嗰位先生坐我對面，就入咗兩位客人入黎坐我隔離，之後對面位先生走咗，唔夠兩分鐘，又拍埋我右手面張枱，入3個客，俾人左右夾住咗其實仲有其他空枱，不過講聲都無，咁既態度就不願評論了。不過當中有一位侍應見我攬住咁多野，即刻攞張摺椅俾我放，就真係要讚下個餐黎到，見到個湯我呆了，有紅蘿蔔，洋蔥，半肥瘦豬肉既麵豉湯，真係第一次飲淡而無味，好失望，豬扒唔算大，望落去都幾靚，一啖咬若去唔油，都幾脆，不過無肉味，亦無味，同埋豬扒好似食渣咁真係好失望，服務態度差很多仲要收加一，我唔會再去食

第一次試呢間店寒冬食火鍋係不錯的選擇！夜晚7點幾要等約10分鐘場內裝修光猛比較和式設計風配有背景音樂日文歌曲今次選了一款喜燒鍋定食一款炸物定食個人覺得喜燒鍋較為出眾豚肉壽喜燒鍋定食 $69晚市跟餐鮮檸樂+$11gas爐加熱全程熱辣辣享用！豚肉份量多配料豐富大蔥津白芽菜墊底壽喜燒湯底清甜配而跟餐白飯送飯一流不錯的選擇！吉列炸蝦豬柳定食 $72晚市跟餐咸檸碧+$13炸蝦豬柳份量大性價比高炸粉不太厚但略嫌偏硬豬柳鬆軟腍滑蝦就中規中矩略嫌不夠鮮味配沙律醬

有朋友話過要食好豬緊係黎吉豚屋，我就緊係唔信，有無吹到咁大呀咁呢日黎開呢頭夜晚上堂，終於半推半就黎左啦，其實唔止半推半就，仲半信半疑，不過實踐係檢驗真理嘅唯一方法朋友就叫豚肉壽喜燒鍋鳥冬，我今日就因為遲左收工妟左過黎唔唔夠時間，就唔食呢個住啦於是就揀樣最終於嘅豬嘅飯黎食，就係呢個吉列黃金豚肉餅定食，$65如果呢個PASS唔到就真係唔駛講野結果一食落，真係好惦，口感鬆化，肉質嫩滑，外脆內軟，真係好頂級嘅吉列豬扒堅係好食，下次ENCORE試埋個朋友，同埋我地另一FD今日大讚嘅豚肉壽喜燒鍋鳥冬先

吉豚屋下午茶既下午茶係比較抵，平均價格都在$30-50,今次我就試左野菜豬肉咖哩烏冬&巨峰乳酸（跟餐+$5），杯乳酸好味，主食買相吾差，咖哩味道濃郁，但豬肉既份量較少，烏冬係一人份量。如果大家係大食，建議打左底再黎食下午茶，聽聞炸豬扒幾好食，下次會再去食下！ 提提大家佢地會收加一服務費😂佢啲服務吾錯，可能果時（大約5點幾）冇咩客人，所以我舉手佢地就即到即落單。環境衛生：8/10食物味道：7/10雖然味道吾太差，配菜有居多，豬肉好薄同好細份。食物價錢：6/10

香口吉列食物都幾喜歡食，一口咬落去聽到‘咔嚓’聲，多麼暢快！呢間吉列專門店人客都幾多，今晚點了呢客吉列鷄排定食，炸雞嘅吉列脆漿唔太厚，鷄肉炸完唔乾身，但要快食，凍左d油會滲出黎！另外送呢容麵豉湯，有豬肉片及蘿蔔片，味道唔錯，佐飯ok!食完成個定食，飽到一個點！

吃過美味的吉列牛之後，小人一直回味著，念念不忘。是日經過吉豚屋，吉列癮再度發作，決定在此就餐是也。套餐的吉列蝦不算大隻，兼且數量不多，不太夠喉；可幸炸粉未為太厚，不會過份的油淋淋，脆口指數高。蝦肉結實而爽，未去到彈口的程度，尚有幾分蝦味。椰菜絲未到極端鮮爽，而且不夠凍，猶幸沒有水，僅僅合格。湯烏冬的湯有色無味，很淡很淡。兩片薄如蟬翼的魚蛋片形同虛設，可有可無。烏冬則不過爾爾，未會糊成一堆，但亦不特別煙靭，普通湯烏冬一碗。可能之前食的吉列牛太精彩，這餐難免比了下去。