吉列牛忌廉烏冬專門店 (百樂中心) (已結業)

今日同友人去伯樂中心吃晚飯，這間吉列牛是我期待已久的餐廳，我們點了他們的招牌火焰吉列牛，見到佢哋嗰個鐵板已經覺得很有誠意，牛肉是半山熟的然後放在鐵板上邊看一看就會達到理想要求的成熟程度，我個人比較喜歡吃生一點因為比較生一點咁所以我喺上”行”大概20秒就覺得啱啱好，他們的忌廉烏冬亦都10分特別一開始係白雪雪然後你再混一混就會變咗黃色，因為佢係咖喱汁，最後點了兩杯嘢飲，我鍾意飲他們的rose garden,很有玫瑰味道，你們可以試一試。

為左食吉列牛而去，因為可以玩個石板，價錢、味道正常，另外有個忌廉烏冬，好少鋪頭有得食，所以都好出名，口感好正，烏冬亦好彈牙，亦有試一個饅魚飯，價錢中上，會有下次既一間餐廳！

今晚嚟到位於銅鑼灣百樂中心的「吉列牛忌廉烏冬專門店」品嚐日韓晚餐。顧名思義，餐廳主打咖哩忌廉烏冬及吉列牛，二人套餐二百幾蚊起，就可以一次過品嚐兩款餐廳招牌主打雞軟骨餃子另外單點左個小食～雞軟骨餃子一客有四隻，外皮金黃香脆，餡料係蔬菜同雞軟骨，啖啖肉，味道同口感都好豐富哦吉列牛定食牛肉先以吉列方式炸至大約3成熟，食客可以將吉列牛放上熱石自行加熱至自己想要嘅生熟程度～外層好酥脆，中間的牛肉頗軟嫩，肉味濃郁，沾上芥末後食用更加滋味！定食另外跟咗和風芝麻醬豆腐、車厘茄、白飯同麵豉湯，夠晒飽肚咖喱忌廉烏冬賣相吸引，一層厚厚的忌廉蓋頂，將忌廉同咖喱汁拌勻後，就能見到主角烏冬嚕～稻庭烏冬好滑溜，口感Q彈，每條都掛滿忌廉咖喱汁，充滿奶油香，同時帶微微咖哩辣，好好食哦！裏面仲有唔少牛肉粒、洋蔥、鮮菇等等配料呢Citrus Ocean入口唔會太甜，有橙香，冰涼解渴Passion Punch湖水藍顏色好搶眼，帶淡淡的熱情果香甜味

🐝吉列牛忌廉烏冬專門店 (銅鑼灣)🐝…成日有朋友喺story度打卡呢一間餐廳嘅忌廉烏冬已經好想試！😍😍今次同朋友嚟銅鑼灣行街，順便就嚟咗呢一間吉列牛🐮嘅專門店到食飯啦，一啲都冇失望呀！🤣🤣…✨套餐2 吉列牛定食+ 咖哩忌廉鳥冬 $284話到明係吉列牛忌廉烏冬專門店，梗係要嗌佢招牌嘅吉列牛同埋忌廉烏冬啦！😎個人覺得啲吉列牛都幾好食，一啲都唔韌，而且個炸皮都好正！份量好足😋。至於個咖喱忌廉烏冬，個人覺得咖喱味唔算好出，但忌廉加埋烏冬呢個組合就非常特別啦，值得一試！👍👍呢個套餐另外仲配左湯同飯，超足料！…✨ 雞軟骨餃子 $38呢個雞軟骨餃子非常特別，而個皮都好脆，食落好正！😍😍😍…✨ Passion Punch $18呢杯就係熱情果味嘅梳打，黃黃地色，都好靚，一啲都唔算好甜。👍😍…✨ Citrus Ocean $18呢杯藍色海洋顏色嘅梳打，唔單止打卡好靚，而且飲落都唔錯，係好酸酸甜甜嘅柚子味。🌊🌊…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍價錢：🤍🤍🤍🤍…📍銅鑼灣耀華街3號百樂中心22樓

「吉列牛忌廉烏冬專門店」係OpenRice見到CP值幾高食店，今晚開完OT約咗朋友一齊試吓，食店有規定個半鐘用餐時間，QRcode落單，今晚好肚餓，所以Order 咗個套餐3 $354，好豐富😍😍吉列牛定食吉列牛放係石鍋上燒，滋滋聲，任你自己選擇生熟程度，肉質鮮嫩，外層脆脆，啱晒好牛人仕，配上白飯，麵豉湯，凍豆腐，蕃茄仔沙律🥗牛肉咖喱忌廉烏冬賣相特別吸👀，香滑忌廉泡沫蓋住牛肉粒咖喱烏冬，爽滑煙韌，咬勁十足，攪勻忌廉一齊食，入口滑到入喉嚨😍😍牛裡脊肉蓋飯有驚喜，原來黑糯米炒飯底，配合好多生菜絲，洋蔥，蝦仁🍤，腍滑牛裡脊肉，營養均衡又好味😋😋Rose Garden &Passion Punch+18/each玫瑰花梳打🥤熱情果梳打🥤，睇到都透心涼，解渴唔太甜😘😘

之前係IG見到一碗全白色既烏冬，等我search左之後，原來係【吉列牛忌廉烏冬專門店 Kobekyu】其中一樣招牌菜，所以揾一日得閑就去左銅鑼灣分店試下。吉列牛定食：一套定食包括味增湯、前菜（小食）、吉列牛同白飯。味增湯同小食都係正常發揮，不過值得一贊係味增湯好夠熱。牛肉分量都算ok，個炸皮唔算好熱氣，但好香蒜茸味！係個爐上加熱之後，熱辣辣好好食！咖喱忌廉烏冬（牛）：日式唔辣既咖喱加左一層忌廉泡沫。如果要打卡要快手，因爲好快就消。咖喱加忌廉變得好creamy，烏冬彈牙。整體都幾好食，係覺得牛肉少左D。 雞軟骨餃子：個皮炸得好脆，個餡調味都幾好，都有D汁，不過唔係好食得出有雞軟骨。蜂蜜菊花蜜：有D菊花茶feel，都係解渴之選。

吉列牛忌廉烏冬專門店 @銅鑼灣📍銅鑼灣耀華街3號百樂中心22樓▫️二人套餐：吉列牛定食配咖喱忌廉烏冬 $246呢間野話明叫吉列牛忌廉烏冬 梗係要試下呢2樣最signature既野啦～呢個2人set又幾抵 有2款嘢食仲包埋野飲✨定食包埋豆腐、蕃茄仔、麵豉湯做前菜🥗吉列牛外皮香脆 肉質粉嫩 肉味幾香 自己鐘意燒到幾熟都得👍🏻 有燒汁同蛋黃芥末醬可以點 兩款點牛都好夾🌟個烏冬睇落白雪雪 入面其實又好多咖喱🍛咖喱忌廉烏冬好creamy😍😍忌廉味冇咩味唔會好heavy 綿滑既口感好正🤤 咖喱烏冬好掛汁 較粗身 帶有嚼勁✨▫️雞軟骨餃子 $38本身麻麻雞軟骨 但食落去口感又幾特別幾爽脆唔會好多餡都係軟骨 餃子皮又香脆✨✨▫️紫薯latte $25仲有綿滑既紫薯蓉😋 整體甜度啱啱好👌🏼▫️綠茶latte $25 呢杯茶味唔係好出 整體偏甜～👅好味：4/5💲價錢：3.6/5🌟性價比：3.8/5👀環境：3.5/5👥服務：3.8/5

受Ck Ian噴血打卡位同Sogo感謝祭吸引下出咗嚟cwb，記得附近有間石燒牛好特別就嚟食下套餐有齊以下餐廳必食a+ba🌟#吉列牛定食外皮炸到酥脆嘅牛扒，內裡仲係粉紅色，自己根據生熟喜好程度再係石板上燒，呢到採用美國熟成牛肩脊，食落肉汁豐腴同軟腍定食仲有胡麻醬豆腐、芝麻醬小蕃茄、飯、麵豉湯、醬油同wasabi +蒜蓉特製嘅沙律醬，食到後面用牛蘸呢個沙律醬食，另有一番新滋味！b🌟#忌廉咖喱烏冬滿滿嘅白色忌廉覆蓋係咖喱烏冬之上，將忌廉同咖喱烏冬撈勻，口感濃厚creamy，好特別嘅口味🌟#雞軟骨餃子 $38外皮唔厚炸到脆身，雞肉同雞軟骨比例幾好🌟#Passion punch +$18呢杯好飲，熱情果香味濃，微酸帶甜仲有少少果籽，好真材實料🌟#韓國蜂蜜紅棗茶 （熱）+$8正常水平，有淡淡紅棗味總結🌸吉列牛最推薦，第一次嚟唔知食乜好嘅😆揀呢款啦

平淡中的不平淡🎈Kobekyu 吉列牛/相信自己 然後有一天 你回頭 便發現當初訂立的挑戰 自己一步步走過了 便發覺自己可以走得更遠更高更快/ 🍜咖喱忌廉烏冬(牛) Creamy Curry Udon with Beef ($78)白色泡沫 諗起天上一片片雲層☁️想像唔到加上咖喱烏冬嘅味道會點忌廉嘅質感好似蛋白霜咁 比較輕盈帶出混合左洋蔥同牛肉 咖喱烏冬嘅甜味🧅🍚吉列牛定食Beef Cutlet Set ($148)一客大約十二件嘅吉列牛自己烹調返返佢嘅熟度🐮點上淡淡嘅燒汁已經好夠味配上落左飯素嘅日本飯 麵豉湯 同其他小食平淡中嘅不平淡😌

係銅鑼灣想搵間性價比高既餐廳唔容易，呢間係我最愛🤣好好食又平既吉烈牛。有好多唔同既套餐定食叫，我叫左套餐2，有最出名既吉列牛定食同埋咖喱忌廉烏冬👍可以將啲牛肉放上鐵板上燒，熱熱地食更入味更香口。 之後飯有d類似日本既調味粉好好食😋仲有其他side desk細細碟好開胃。重頭戲係咖哩忌廉烏冬，兩人份量岩岩好。入口滑入味！唔會好膩。仲有雞軟骨餃子點醬食超正！不得不提既仲有d special drink都幾好飲！叫左passion punch同 citrus ocean. 好有夏日既感覺🤣重點係叫左咁多野，埋單都只係$300幾蚊，人均先百幾蚊。超級平啊，仲要係好味道😂 坐得又舒服，所以我成日encore 呢間😋

終於有機會食呢間！前幾年已經聽朋友推薦佢既吉列牛，最近係港島返工，就決定去銅鑼灣分店試下。一入餐廳就見到差唔多每枱都叫左吉列牛！睇黎真係唔試唔得🤣我地叫左個set, 有一份吉列牛定食、一碗忌廉咖哩烏冬同埋兩杯野飲，仲額外叫左一份雞軟骨餃子🥟首先上菜既係雞軟骨餃子🥟一份有4件餃子，配一個酸酸地既汁。餃子煎得好脆，放入口既時候仲熱辣辣！有時怕雞軟骨太硬好難咬，但呢個餃子既雞軟骨完全唔硬！之後就食重頭戲——吉列牛定食！上菜時牛大約3成熟，放上石版燒一燒，燒到5成岩岩好。好中意配酸甜既沙律醬，突顯出牛既鮮味💕外面既吉列好脆！牛肉好新鮮，而且好淋好入味！非常推薦！食完吉列牛就食左忌廉咖哩烏冬。上面有一層好厚好厚既忌廉，而且花紋好靚，岩晒打卡。因為佢係甜咖哩，所以一啲都唔辣，每條烏冬都被忌廉包裹住，好creamy!最後介紹兩款punch——rose garden同passion fruit。兩款都好清新好開胃，特別中意rose garden，玫瑰香味好天然清香，唔會太甜，而且上面加左玫瑰花乾，想打卡既朋友一定要order!

今晚同朋友專程過嚟食吉列牛！😋我地2個人各自叫左份吉列牛定食$148，唔算太貴，有飯素飯、沙律、麵豉湯、吉列牛，質素算唔錯！吉列牛份量不少，有9-10舊，送黎枱既時候，牛肉依然嫩紅。放上石燒至心目中既熟度就可以食啦！😋😋炸皮幾香脆，牛肉幾嫩、易咬，除咗有2舊有少少根位之外，但牛既油脂味不算重。將吉列牛點上醬料再送飯，一流！好滿足！☺️另外叫左份蒜片牛舌芯，蒜片幾香，牛舌芯幾彈牙，好有咬口。😀

相約左朋友食飯，係我地都無乜諗法食乜嘅時候，上網睇到其他人推薦呢間吉列牛，所以就決定去試下。我地大約夜晚8點去到，唔洗等位，order左一份吉列牛定食，一碗咖哩忌廉烏冬，同埋一份牛舌雞肉串。吉列牛定食入面包括左芝麻醬蕃茄仔，芝麻醬凍豆腐，麵豉湯，一碗米飯，同埋主角吉列牛，牛嘅表面炸得好脆，擺落石爐到再燒一燒，唔點醬食好有牛味都已經好好食，再點埋佢配嘅芥末醬又係另一種風味。咖喱忌廉雞肉烏冬一上枱見到成碗烏冬係一兜白色忌廉有啲嚇一嚇，以為會好膩，撈起之後其實只係面頭有一層薄薄嘅忌廉，裏面就係滿滿嘅咖喱汁，對於完全唔食得辣嘅我黎講，佢係無辣味嘅，反而係好香嘅咖喱味，配搭住忌廉撈匀食，岀乎意料地好食。牛舌雞肉串相反呢個牛舌雞肉串就失色少少，無乜點食到牛舌嘅味道，似普通雞肉串唔算太特別。總括黎講，佢兩樣招牌食品我都覺得值得一試，而我會再去食嘅。

Kobekyu吉列牛吉列牛相信好多朋友都食過，原來除咗最signature嘅吉列牛同忌廉烏冬之外，其他食物都相當有水準！❤️原條鰻魚蟹籽釜飯嘩嘩嘩！鰻魚大條到個煲都裝唔晒，視覺效果一流！釜飯嘅飯底係紫菜飯，唔需要再加醬汁都已經好有層次，好味👍🏼❤️味噌蟹蓋紫菜飯糰蟹蓋表面燒到好乾身咁，其實食落好creamy好有鮮味，鍾意佢可以俾客人自己包個飯糰，食得更加滋味呢🙌🏼❤️kobekyu 秘製蛋卷蛋卷旁邊有特製沙律醬，酸酸甜甜好開胃。裡面芝士份量十足，拉晒絲咁，芝士控必點！❤️咸蛋薯條非常惹味，兩樣邪惡到極致嘅食物加埋一齊，點忍到口呀🤤Kobekyu吉列牛銅鑼灣耀華街3號百樂中心22

放工約左朋友係銅鑼灣最後揀左呢間專食吉列牛忌廉烏冬落左單野食都快送到首先係吉列牛定食有前菜蕃茄仔、凍豆腐同味噌湯吉列牛係鐵板上燒一陣就食得牛肉都幾軟身，味道唔錯另外配埋咖哩忌廉烏冬，感覺好新穎加左忌廉creamy啲，都幾match烏冬入面都有啲牛肉粒烏冬唔會太淋，有少少彈牙叫左款雞軟骨餃子，餃子炸得幾香食炸野就叫左啤酒配吓呢到有手工啤揀添叫左枝龍王柚啤同孫悟空琥珀啤有淡淡嘅柚子味同水蜜香味，唔錯另外餐廳限時食75分鐘，要注意用餐時間