吉列牛忌廉烏冬專門店 (彌敦道) (已結業)

同同事食lunch , 同事話食過呢間都ok,所以去試下秘製蛋捲 $68個蛋捲ok ge, 啲蛋都滑日式炸雞 $45呢個炸雞抵食，啲雞好大舊，啖啖肉,啲炸粉都算薄， $45 蚊絕對超值吉列牛定食 $ 148好少食吉列牛，望落去都唔錯，有個爐仔比你燒住食但係越食越覺得漏，可能之後食咗炸雞啲牛一跟燒，啲炸粉又冇咁脆Rose Garden $38 杯野好靚，好重花香味，但係就好甜，放得太多糖水呢間野啲吉列都比較油膩，食幾舊就已經好漏，lunch 套餐抵食啲，人手就唔夠既，得1、2 個人喺樓面

彌敦道726號有好多餐廳，其中吉列牛忌廉烏冬專門店都好值得試下，佢個忌廉咖哩的配搭好特別。餐廳位置好坐，景觀一流。吉列牛定食套餐，包麵豉湯，胡麻醬豆腐，蕃茄，加左飯素的白飯，很日式。吉列牛外層的炸粉很薄，帶有香蒜味，把牛肉放上熱石板上，熟度自己控制，我喜歡燒到近乎全熟，口感依舊嫩滑。咖哩忌廉烏冬，好味好邪惡，面層系淡忌廉，帶少少甜口感綿密，有特色。日式咖喱完全唔辣，烏冬爽滑Q彈。咖哩同忌廉的配搭原來可以咁正。芝士玉子燒，蛋包住芝士，芝士濃郁有拉絲，蛋味好出眾，很特別的玉子燒，值得一試。凍菊花茶，好岩夏天飲，消暑一流！

裝修同第一次去差唔多😚 主打當然係吉列牛同咖喱忌廉烏冬 依家仲有埋釜飯～ 點完餐好快就准備好了😆.▫️吉列牛定食 $148定食小碟有麻醬豆腐蕃茄仔味噌湯同味素飯 每枱已經會準備好一個爐 急不及待即刻燒了😛 吉列牛有層薄薄既炸衣 將兩邊微微燒熟 2-3秒就可以 如果唔係就會太韌🙈 口感帶點嚼勁 點埋wasabi同調料食 味道更香口😚.▫️咖喱忌廉牛肉烏冬 $78真係好耐無見佢了🥺🥺 依然係咁Q既旋風忌廉君😛 一夾原來係咖哩烏冬黎 麵條有筯道同綿密creamy😚 落左好多洋葱粒🧅調味 食到淡淡咖哩香 仲有啲軟嫩牛肉粒係入面 增加口感～.▫️牛油蜜糖單骨雞翼 $65雞翼仲有韓式甜辣同原味揀 單骨真係好方便🤭 蜜糖滿滿的 食落帶點甜🙆🏼‍♀️.▫️蜂蜜菊花蜜 $28▫️rose garden $38梳打系列可以打卡😛 飲落有淡淡花香味 解到渴係重點～.總結，價錢上覺得唔算好貴 有得玩下體驗下都唔錯😚 個忌廉烏冬真係幾特別 可以一試der～

成日係社交媒體見到哩間餐廳野食既身影想試佢個吉列牛同烏冬好耐今次六點零上完堂一於去試下佢本身驚要排隊 不過行到過去個時個場都係四分一滿 直入坐低——————————————————吉列牛定食 （$148）定食一上枱個下就覺得吉列牛個份量同賣相都劣左少少牛好薄身 無嘜牛肉味切左好多舊 營造到好似好多咁但每舊都係得好細舊肉質偏韌 口感麻麻炸皮雖然脆 但食落有浸萬年油味石板既作用有點雞肋望落明明好熱 滋滋聲但啲牛擺落去 燒左同無燒好似無分別咁熱都無話覺得有熱左同埋碗飯真係太乾身感覺係煲好左既飯擺左係度好耐無做保濕 表面啲水份扯乾哂咁忌廉咖啡烏冬 （$78）配料可以揀雞肉或者牛肉見已經嗌左吉列牛 所以就揀左雞肉 唔會成餐都係牛咁厭雞肉就係急凍雞脾肉既質感同味道份量得四五舊 忌廉好輕身 攪勻既話會變左泡沫狀本身以為會好膩 但食落唔覺烏冬彈性有咬牙咖喱則屬大路日式咖喱醬料既味道 無嘜驚喜———————————————————————-食物味道正常 無特別再試就唔會喇 不過要讚既係店員服務幾好坐低一嗌完野食就即刻送上兩杯水一開始係烏冬黎先 仲主動問我地要唔要兩個碗分食甚為貼心加分位

呢間餐廳以前食過好多次，不過已經冇食一排啦。今日約左朋友係旺角行街，唔使諗，當然要食呢間餐廳啦。呢度主打吉列牛，仲有一個菜式非常吸引我，就係忌廉咖喱烏冬，究竟忌廉溝咖喱會係咩嘢味呢？所以就叫左一個二人套餐，吉列牛加忌廉咖喱烏冬，一次試哂兩樣野。吉列牛套餐：套餐上有一份吉列牛，兩款前菜（胡麻蕃茄仔加胡麻豆腐），兩款醬料，一碗味㬝湯加一碗白飯，若然唔夠再可以額外加錢要多份吉列牛，燒熟既牛肉加上吉列皮，口感一流外脆內嫩，滿滿肉汁。另外一個邪惡既忌廉咖喱烏冬，滿滿既忌廉下係濃郁既咖哩牛肉烏冬，撈埋一齊時滿滿治癒感，忌廉加咖喱會令到咖喱更濃滑，更加掛面，每啖都有滿滿咖喱味。另外加了兩款小食，牛舌肉質嫩，連埋蔥和蒜片食，好惹味。即烤鯖魚，肉質實而彈牙，滿滿燒烤味。主餐非常出色，下次要再試埋其他。

係韓國出名嘅吉列牛🐮，黎到香港後，今晚終於有機會一嘗，呢度有好多款唔同嘅吉列牛定食套餐同小食 吉列牛定食🍱大大塊吉列牛🥩，還有小菜，麵鼓湯，白飯還有一個小火爐石板吉列牛肉質軟稔，脂肪平均將吉列牛輕輕放在熱辣辣嘅石板上，每邊燒幾秒，燒到3成熟就最好味😋 吉列牛🥩香香吉列脆皮，入面肉質幼嫩，肉味好香，可以配準備好嘅醬料一齊食多款選擇，有Wasabi 醬、鼓油同蒜味沙律醬 骨付豬肉腸🍖已醃製豬肉腸味道出色，肉質爽口又有肉香 紫薯 Latte🥔🍹紫薯大熱，做 Latte就最夾

呢間餐廳係食口感層次嘅享受雞肉忌廉咖哩烏冬食之前會驚好油膩，但食落咖哩香味夠濃得嚟，配上忌廉同事又中和番個辣味，夠曬creamy，略嫌烏冬煮得淋咗少少。牛油蜜糖單骨雞翼雞翼焗得夠香脆之餘咬落去雞肉仍然好滑，蜜糖亦唔會係死甜，再加上面層嘅蒜蓉粒粒，看似最普通的雞翼最有驚喜！吉列牛定食估唔到上枱大大份，即燒即食可以根據自己鍾意嘅生熟程度去燒，因為本身已經係吉列外層，燒完之後更加外脆內軟，好有層次口感！個人比較喜歡點上wasabi 醬，少少嘅辛味更突出肉味，又係另一個食法！值得一提，白飯面再加上飯素，完全可以食曬成碗飯，呢個位又再加分！

❤️吉列牛定食吉列牛大約已經三成熟，脆炸吉列外皮，奉上平板石爐仔比你煎返你想要嘅生熟程度，牛肉味濃，無筋，值得一讚係個他他醬，有少少蒜味，同吉列牛出奇地夾，定食非常抵食，已配有麵豉湯，飯，胡麻醬豆腐及胡麻醬蕃茄仔👍🏻❤️咖喱忌廉烏冬好creamy ,好掛汁，勁多特濃咖哩汁同滑滑忌廉撈埋落烏冬簡直係爽❤️kobekyu韓式醬油炸雞個汁有蒜味，有洋蔥好香嘅醬油配上炸雞唔會太熱氣，恰到好處，炸雞非常入味，必點！值得一讚嘅係呢度有一大塊落地玻璃，今日六點左右嚟到一邊睇住日落一邊食，淨係呢個景已經值回票價！吉列牛忌廉烏冬專門店 (彌敦道) (旺角)旺角彌敦道726號17樓

咖喱忌廉牛肉烏冬對呢碗烏冬期待已久😂睇樣想像唔到係咩味道。首先就試左啖忌廉，咦原來係唔甜嘅。再撈下啲烏冬，熱辣辣嘅咖喱烏冬出現了🤤 忌廉會慢慢溶左係咖喱湯，口感滑溜，但食晒成碗都唔會膩，好味！重口味的我覺得咖喱可以再濃味啲。吉列牛定食吉列牛炸得脆脆，輕輕燒下兩面就食得，有個芥末醬比你點，所以係唔會覺得膩。邊位嘅牛肉會易咬啲，中間位有小小筋，但都可以接受。定食有飯、麵豉湯同小食，幾豐富，男仔都食得飽。另外兩杯飲品都唔錯，大大杯。

【旺角•吉列牛忌廉烏冬專門店】—————————————————————話說本身去呢棟大廈另一餐廳 可惜休息無意中隨意㩒一層樓入咗呢間韓國過江龍餐廳🙊晏就時段陽光透過玻璃打入嚟 窗口位影相確係靚不過要承受陽光曬住咁樣食野 ✔️吉列牛定食 HKD148呢個定食有幾碟配菜 小蕃茄.麻醬凍豆腐.麵䜴湯吉列牛炸得剛剛好 再由自己用石板燒選擇熟度好欣賞佢炸粉個量 就係剛剛好食落外皮酥脆 仲有陣陣油香係口 唔會好韌 配上wasabi沙律醬超級少食吉列嘅我 食咗J先生三嚿🤪證明真心好食囉(翻到最後相片就可以聽聲🥰)✔️香辣忌廉雞肉炒麵 HKD78有驚喜 超級濃厚忌廉 配上韓式香辣軟麵雞肉入味 軟熟嫩滑 略嫌雞肉少 得三嚿 如果有一碟香辣忌廉雞肉 我會叫👍🏻個麵少少辣 令人食完一啖又一啖 (食唔到辣最好叫其他)但個忌廉超厚 所以好快食到漏 多人開心share 相對可試多啲野食✔️Kobekyu秘製蛋卷 HKD68第一見望實物見到好細碟 價錢略貴味道不過不失 配上吉列牛的wasabi沙律醬總結係叫一次就ok✔️綠茶Latte HKD45有得選擇冰量 甜度 奶量 茶濃度 仲可以加薑😵揀咗少甜少冰少奶🤣啱哂我 食完

晏左食午餐，我就手機 Open Rice App 落左個外賣，一個忌廉咖哩雞肉烏冬。餐廳在17樓，一出𨋢就見到整間餐廳，佢地有窗邊卡位。我早左去到，去到等左5分鐘先拎到。等既期間睇到佢地lunch既menu, 好似同外賣既唔同，我外賣呢個忌廉咖哩雞肉烏冬在果度既menu就揾唔到。成個烏冬，咖哩係微辣，烏冬滑嘟嘟，又煙韌又好食，😋😋 我覺得唔錯，而整個忌廉咖哩雞肉烏冬基本沒有汁可說，是比較稠，而比較可惜既係份量比較少，唔太夠喉。

見到好評多於壞評 本住不死的心來試吉列牛定食一上枱 有點無語😓 可能碟太大了 肉的分量顯得可憐🥺 而且牛都好薄吉列皮好明顯overcook 可能係晚餐 個底應該係萬年油先炸到咁既色 跟餐冷盤 如圖所見 亦如你所想嘅味道 芝麻醬嘅味道香辣忌廉雞肉炒麵賣相係頗為特別 但就係火雞麵鋪一層忌廉😂呢個唔會唔好食嘅 但7,80蚊 就有點小貴環境 黎得既都會想試燒吉列牛 所以間鋪就好煙好熱 而且枱與枱之間真係好近 近到有啲尷尬😳 因為正正遇上隔離一對情侶嘈交🙈總之未食完都已經想走 希望店主會努力改緊👍🏻

之前食過銅鑼灣分店 食完之後一直念念不忘今次嚟到旺角呢間分店搵番當時嘅味道一場嚟到 梗係要試吓佢哋最出名嘅兩樣嘢啦所以直接嗌咗個set吉列牛定食份量都幾多 外面嗰層炸粉唔會包得太口放上去個鐵板到燒 聽到啲汥汥聲 好療癒On side仲有三款醬 等大家可以按照自己嘅口味去點咖哩忌廉烏冬咁耐冇食 一樣咁邪惡個咖哩因為係日式咖喱咁所以唔會太辣配埋上面甜甜地 好邪惡嘅淡忌廉更惹味雞軟骨餃子外皮煎得好香脆皮薄 而啲餡都好多好足料一咬落去爆哂啲肉汁出嚟鹽燒牛舌牛舌肉質好 連啲蒜片一齊食 好惹味

之前喺其他地方食過吉列牛唔錯，所以就想試下其他餐廳😙。其中一個吸引我黎既原因係個忌廉烏冬，我最鍾意嘅兩樣嘢加埋一齊，一定好好食😆。吉列牛定食+咖哩忌廉烏冬 $246吉列牛肉肉質唔錯，我哋分別試左燒到半生熟同熟晒。就算燒到熟晒都唔會好韌，肉味算幾濃😏。兩個人食啱啱好。除左肉以外仲有一碗飯，不過飯有少少過熟，食落好淋🤔。上面啲飯素好食，如果多啲就更好啦！我專程嚟食個忌廉烏冬，一如所料咁正😍。首先份量好大，我哋食完一碗飯再食一碗烏冬，真係好飽😂。忌廉下有咖喱，所以唔會話好膩，如果咖喱可以辣少少更好🤔。Kobekyu滋味單骨雞翼 $65單骨雞翼呀🤩。我覺得似係新鮮炸，因為食落個炸皮同啲肉係黐埋嘅，唔會話出現兩層炸皮咁🤪。味道唔錯，不過略嫌個鹹味只流於表面，雞翼肉質okay，只係有少少淡味🤨。勝在份量夠多，我哋兩個人食唔晒。蜂蜜菊花蜜 $28Passion Punch $38呢度既飲品都幾多元化，中西式飲品都有。Passion Punch好飲過個菊花蜜。因為個菊花蜜好足料，所以飲每啖都飲到成口花瓣😂。埋單$415（包加一）

石燒吉列牛一向大受年輕人歡迎，而家唔洗去日本，係香港都有得食喇！餐牌除左招牌菜式吉列牛同忌廉烏冬之外仲有冷麵、炒飯、韓式牛肉飯，各款主食同小食等，好多選擇👍🏻吉列牛定食 - 除左主角吉列牛之外，定食包兩款前菜：車厘茄加同和風豆腐，兩款都加左胡麻醬。另有一碗撒滿飯素嘅白飯同一碗味噌湯。份量十足之餘味道亦唔錯！吉列粉包住三成熟左右嘅牛肉，客人可按照個人喜好將牛肉放在爐上石燒，烤至自己鍾意嘅熟度。醬汁方面，有蒜蓉沙律醬同醬油wasabi。兩種醬汁各有特色各有特別風味。另一招牌咖哩忌廉烏冬 - 大大碗烏冬上舖左一層厚厚嘅白色忌廉同蔥花，忌廉口感香滑，配咖哩食味道出奇地夾！烏冬較粗身而且口感非常煙韌。另外加入左牛肉、西蘭花同洋蔥等配料，美味又邪惡！蜜糖單骨雞翼 - 雞翼炸到卜卜脆，每一件都包住香甜嘅蜜糖汁，吱埋檸檬🍋味道酸酸甜甜幾開胃。配埋兩杯解渴特飲，大滿足！😋👏🏻👏🏻