吉列牛忌廉烏冬專門店 (彌敦道) (已結業)

今日過咗旺角行下，突然又好掛住吉列牛同忌廉烏冬🤣，所以又嚟咗食依到食晚餐。已經食過幾次，次次都好高質～套餐二 $246吉列牛定食定食有吉列牛、麻醬豆腐、麻醬車厘茄、麵鼓湯、飯同兩款醬汁，好豐盛。吉列牛份量算多，每件吉列牛嘅外圍都炸得香脆，入面嘅肉就未熟嘅，我地可以用細細座嘅烤爐自己煎，自行控制生熟度～食過幾次，我而家已經可以整到外脆內軟嘅狀態！豆腐好滑，車厘茄好新鮮。咖喱忌廉烏冬（牛肉）烏冬表面佈滿忌廉，仲有啲蔥花作點綴。忌廉好香好滑，但食落唔膩。烏冬配上忌廉汁就更加滑。咖喱帶少辣，都幾惹味。韓國柚子蜜 $13柚子蜜好潤，仲可以食啲柚子皮。Rose Garden $18Rose Garden係杯梳打飲品，好爽！飲品帶玫瑰香，甜甜地。Kobekyu滋味單骨雞翼 $65單骨雞翼非常方便進食。雞翼炸得幾脆，而且表面佈面味粉，鹹鹹地又有少少辣，啱曬送飯！

紅左勁耐終於來試出名嘅吉列牛同埋忌廉烏冬🐂🍜吉列牛外表炸到好酥脆，牛嘅質地偏向有彈性，同個忌廉烏冬好襯😚而忌廉烏冬就相當creamy，烏冬係幼身嗰種，每一啖都掛咗滿滿嘅忌廉汁，食落好有滿足感

記得多年前曾經食過一次，今日心血來潮在Openrice一search，竟然仍有營業，於是便book枱了。 🤩來到餐廳，最令人難忘的其實是店名，雖然是韓文，但Menu上的大多都是和食，很有趣。Menu上的選擇不多，這次點的都是以前曾經食過的菜式。 😝吉列牛定食🍱🥘賣相不錯，香脆的炸牛十分吸引，放在石板上燒得吱吱聲讓人食慾大增，不過始終是被炸粉包裹，本身的牛味被重重覆蓋，有點喧賓奪主。牛肉有點厚身，燒起來要點時間才有7成熟，除非很能吃生牛肉，不然還是乖乖的多等一會，不要被炸粉蒙蔽了。用來醮吉利牛的芥末醬很不錯呢。配菜也是正常水平。白飯比較濕，口感一般。 忌廉咖喱牛肉烏冬🍜🫕上菜時看到一大堆高高隆起的白色酸忌廉，絕對是視覺衝擊，打卡一流。不過把忌廉與咖哩撈起來之後，你不會想再拍照打卡，除非你想要另一個視覺衝擊。不過其實這些忌廉沒有甚麼味道，烏冬則夠入味，牛肉數量不多，不過味道也夠濃，忌廉雖然沒有甚麼味道，但卻能使整道食物口感變得濃厚，也很不錯，但這個價錢是否值得則見仁見智。總括而言，食物質素不是特別出色，但視覺效果不錯，但食過一次之後短時間內應該不會有動力再食呢。😊

好多年前食過呢間韓國過江龍餐廳近排又想再食返仍然對用石燒吉列牛有種新奇嘅感覺😆吉列牛定食$148見每枱都有叫 我地都係為左呢個而黎前菜有芝麻醬豆腐,車厘茄,定食配埋麵豉湯有11塊吉列牛 都幾多 兩個人share食石燒個火唔係好勁,要燒一陣先熱, 自己放吉列牛係石鍋燒～幾好玩幾得意🤣牛口感ok, 點埋wasabi 沙律醬幾好食!日式木魚秋葵$38冰鎮秋葵 唔錯 如果個豉油另上會更好 蕃茄濃湯黑豚肉$98鍋上, 個火比較慢,要比啲耐性個湯應該有用茄膏,都幾濃鍾意佢多菜,黑豚肉👍🏼熱韓國蜂蜜紅棗茶$28熱蜂蜜菊花蜜$28好大杯,叫左少甜,有幾大塊菊花,好潤喉,岩哂而家乾燥嘅天氣總括同上一次食既印象差唔多,就連menu好似都冇轉過🤣下次想試吓忌廉咖喱烏冬,見賣相幾得意～

✨Citrus Ocean似係藍柑橘加梳打水淡淡柑橘味 幾清爽✨紫薯Latte面層有忌廉 紫薯味都算濃味道唔會好甜✨吉烈牛定食吉烈牛 炸皮薄 肉質偏瘦 唔會好油膩飯 飯粒分明 有咬口麵豉湯 調味適中 唔會過鹹其他配菜正常水平✨咖哩忌廉烏冬咖哩忌廉烏冬 揀左牛肉面層 泡沫忌廉 令到成個烏冬更滑咖哩微辣幾惹味 烏冬彈牙牛肉粒好有咬口 同咖喱好夾整體唔錯✨Kobekyu牛油蜜糖單骨雞翼單骨雞翼 外層微脆 肉質都可以牛油味淡淡 蜜糖味相對突出好香甜呢個雞翼小熊維尼實鐘意 鐘意蜜糖嘅我都鐘意但唔好甜嘅就未必會鐘意食物唔錯環境唔錯 卡位坐得相當舒適服務正常 價錢合理

今日同朋友黎到旺角726號「吉列牛忌廉烏冬專門店」食晚餐。黎到我地叫咗炸芝士薯仔年糕，一碟有兩舊，出面有塊紫菜包住，年糕食落煙煙韌韌，配合埋入面啲芝士同薯仔又估唔到咁夾。之後就叫咗Kobekyu滋味單骨，就即係單骨雞翼黎，食落好方便，而且雞翼上灑滿醬料同芝士粉，真係好惹味。我地仲叫咗煙三文魚沙律，一共有四朵三文魚花，而且啲菜既份量都唔少。主食方面，我地就叫咗吉列牛定食，牛既外圍沾滿炸粉，令食起黎有啲脆口，而且餐廳會提供鐵板給客人反熱啲牛肉，可以熱辣辣咁食落口，而且呢個餐仲附有飯、湯、前菜，真係食完感到好滿足。

吉列牛忌廉烏冬專門店，都食過5次銅鑼灣嗰間，星期日夜晚，去開MK行街，順便上嚟食飯，預先book咗 🕖 7pm.咖喱忌廉雞烏冬，呢個真係好好食😋，必叫，每次嚟都食🥰，依然保持高水準，忌廉味掛係烏冬到😚加上淡淡嘅咖喱，好有層次感，烏冬煙銀👍🏼，又熱又大碗，性價比極高。秋天好適合😻小食：南瓜🎃薯餅，香脆可口，軟綿綿的南瓜容，外脆內軟，而且炸粉薄薄地，煎到外層金香色😻吉列牛定食😍❤️ ，兩個人叫一份唔夠㗎，追加一份牛 + $98 ，呢個係名副其實，鎮店之寶😃，連個舖頭名都係吉列牛為名喎😙。真係好好食😋👍🏼，跟餐會有小碟盤點，凍豆腐，蕃茄仔。同埋有碗湯。吉列牛嘅份量唔多，比你自己先返香脆，因應個人想食牛嘅生熟程度，而自己調教，熱辣辣，有得玩，又有得食。牛嘅質素呢，大致上都非常好，9成肉，呢都係高質素，吉列牛加熱之後，非常鮮嫩，入口即溶，不過老實講，牛嘅部份，好難控制每一件都係優質，都有一兩件筋位嘅牛肉，比較咬得耐，整體係好好食嘅，評價好高，我哋會重複再嚟嘅，一個夠飽肚嘅食堂。

烏冬控見到有吸引的烏冬就忍唔住要去試試，結果真係冇失望，超級好食。D烏冬好入味，面層果浸CREAM都好特別，不過如果係卡邦尼果種CREAM會更好。另外點左一客牛肉定食，即燒即食都好正，而且價錢合理，性價比高，LUNCH來講真心超高質，下次一定會再食

吉列牛忌廉烏冬專門店 (彌敦道) (旺角)睇個名就知佢哋嘅招牌菜係咩，除咗旺角有分店，銅鑼灣都有一間分店。我哋平日夜晚6:30食唔算好多人，唔使等位就入得。吉列牛定食 & 香辣忌廉雞肉炒麵 $246梗係要試吓佢哋嘅招牌，套餐可以揀忌廉烏冬或者忌廉雞肉炒麵，因為想食辣最後就揀咗炒麵。吉列牛係一set咁上，有兩個前菜、麵豉湯同一個飯。牛嘅外面裏咗麵包糠炸到有啲脆，但裏面都仍然係未熟嘅，所以可以用枱上面嘅爐，燒到鍾意嘅熟度再食。味道都唔錯，份量都算多，不過有幾舊食到有啲筋，整體來講都算幾抵食。忌廉雞肉炒麵比想像中辣，忌廉可以撈勻中和下啲辣。除咗有雞肉都有唔少蔬菜，賣相真係好啱打卡，而且味道都幾好。韓式甜辣醬單骨雞翼 $65如果覺得出街食雞翼唔方便嘅話，單骨雞翼都係個幾好嘅選擇。有十件單骨雞翼，有略略炸過，外皮即使撈左醬汁之後食都仲幾脆。個醬汁食落唔算好辣，偏向甜味多。紫薯Latte $25綠茶Latte $25兩杯嘅賣相都幾靚，上面仲有一圈嘅忌廉。唔算好甜，兩款入面綠茶嘅味道重啲。📍旺角彌敦道726號17樓

一黎到睇menu，就見到個二人餐($246)，好多嘢食，好多選擇🤩🤩🔸吉列牛定食($148)🐂🐂一送到黎枱面就忍唔住講: 嘩！好豐富😘😘😃本身嘅吉列牛只得三成熟，想食熟少少嘅就可以自己調教個熟度，燒緊啲牛嘅時候仲聽到滋滋聲，好正，突然之間仲燒到有火焰，好爽，呢個肉質唔會好銀，好好味😄😄🔸咖喱忌廉烏冬(牛肉)($78)🧁🧁外表見到好似平平無奇，成兜忌廉咁。撈匀之後，即刻聞到好香嘅咖喱味，食落去就好滑，好正，口感一流，烏冬嘅質感煙煙銀銀，仲有少少辣，好嘢味😌😌🔸 Kobekyu 單骨雞翼($65)🐤🐤一開始仲擔心唔夠食，就嗌多個小食，招牌單骨雞翼，好正。如果有杯啤酒，就正啦，好似置身於韓國咁，吹吓水，食下雞😝😝🔸綠茶latte(+$25)🍵🍵因為叫咗二人套餐，包咗飲品，咁就加錢嗌特飲，超級香濃綠茶，滿足晒我呢啲綠茶控，味道清新，而且好清甜，推介😚😚🔸韓國蜂蜜紅棗茶(+$8)☕️☕️今晚天氣開始轉涼，呢度嘅紅棗茶超級好好飲，甜甜地，絕對唔會抗拒，一飲落去仲好暖胃，好補身，啱晒啲女仔☺️☺️🤫🤫細細聲話你聽，個度仲有一個樓景，睇到少少日落🌄🌄

行完花墟，妹妹提議去備受好評的吉列牛忌廉烏冬專門店吃晚餐。上到去被安排坐卡位，很舒服，又可欣賞窗外的景色，頓覺食欲大增。餐牌除了馳名的吉列牛和忌廉烏冬，還有小食，涮涮鍋，釜飯等。天氣轉凉，我們叫了吉列牛定食，釜飯和涮涮鍋。吉列牛定食必食，好食。吉列牛大大塊切成數大片，肉優質，味美無筋有口感。約三成熟的吉列牛可隨意放在熱爐上燒，由你控制生熟度，慢慢燒細意品嘗，好滿足，不點醬油都好食。定食的飯加了少許飯素，好味。熱呼呼的麵豉湯，芝麻醬豆腐和小蕃茄沙律都好吃。帶子蜆肉蟹籽釜飯新鮮熱辣，米飯香甜有咬口。蜆肉帶子蟹籽有鮮味不腥，加埋蛋絲，好味而熱量適中。番茄濃湯黑䐁肉涮涮鍋可轉咖喱或番茄濃湯湯底。我們選的番茄濃湯湯底酸甜開胃，黑䐁肉肥瘦適中有肉味，好食到禁不住追加多一份黑䐁肉吃過夠。番茄，鮮冬菇，洋葱，金菇等配菜都新鮮。兩個人吃得又飽又滿足，平均每人消費$220，物有所值。店服務佳，員工勤快有禮。推介!

套餐: 吉列牛定食+ 咖哩忌廉烏冬+ 汽水x2吉列牛一上枱大約三成熟，再自行放上火爐鐵板上燒至想要嘅熟度，火爐燃料非常足夠，燒到最後火候都仲係好大！牛肉柔軟，牛味濃 加上吉列外層，好有口感。咖哩忌廉烏冬-非常推介！輕盈嘅忌廉泡泡下係好香濃嘅咖哩，加上煙韌嘅烏冬同惹味嘅牛肉，食完好滿足！

自從有一次喺韓國同埋日本食過呢一隻忌廉烏冬之後真係對佢念念不忘😆😆有一日上上下網突然見到呢間餐廳竟然有忌廉烏冬，咁就當然要黎拜訪下啦🥰🥰🥰//呢間餐廳除咗忌廉烏冬出名之外，仲有吉列牛都好出名，我見到隔離枱每一台都有叫到😆🤤不過因為我哋真係好鍾意食忌廉烏冬，所以最尾都係決定每人嗌左一個忌廉烏冬就夠🤣//今次揀咗忌廉雞肉烏冬，面頭嘅忌廉好滑身，下面嘅忌廉有淡淡的咖喱香味，加埋雞肉，成個烏冬都好creamy，拍得住日本嘅感覺

《吉列牛忌廉烏冬專門店》成日見到呢碗白雪雪既嘢！覺得好少見同好得意！引到好奇心重既我想去試下係咩味道😆 🍭吉列牛定食 (set, $246)吉列牛外皮好脆，再加埋用石板燒一燒口感就啱啱好，同埋有芥辣醬同wasabi可以點黎食，更加惹味！🍭咖喱忌廉烏冬 (set, $246)個烏冬好食，日本咖喱味道，加埋忌廉令到口感好順滑，烏冬口感比較軟熟同好滑！🍭 蒜片牛舌心($58)牛舌就比較薄，但都食到牛舌應有的咬口～ 🍭Citrus Ocean ($38)一飲以為係soda, 但原來底部是柚子，所以飲之前要搞一搞個底，如果唔係就無咩味😆

最近比好多朋友仔洗版，個個都食吉列牛、忌廉烏冬。我同朋友都係飯桶，所以今次食釜飯🤤再加啲小食咁。原條鰻魚蟹籽釜飯真係比足成條鰻魚，影都影唔晒全相😹鰻魚冇乜骨，撈埋紫菜絲同蛋絲，好滿足。醬燒黑豚肉釜飯朋友大贊呀，豚肉薄薄一塊好入味，又好軟身，份量超多！南瓜薯餅炸得好好👍🏻完全唔油，南瓜好甜好綿。個人覺得好食過Mos burger個款。日式炸雞依個小食同想像有啲唔同，外皮係硬啲個隻脆，有小小界口，但入面又幾juicy。wasabi醬好好味，希望餐廳會換一款脆漿😇下次會黎試埋個忌廉烏冬😙