吉列牛忌廉烏冬專門店 (彌敦道) (已結業)

［旺角美食推介🍽 ] 吉列牛忌廉烏冬專門店🐮🥩🍜🍛等左禁耐，終於開反晚市啦😍😍，我地今次介紹既餐廳佢個環境都吾錯，可以嘆住城市景既日落⛅️另外，佢既位置都方便😚如果大家係旺角行到攰既，可以上去食小小野，休息完再去行過👍呢個價錢同埋位置可以嘆到靚景，建議大家可以去試一試👍#冬甩仔女_旺角 #冬甩仔女_牛魔王🍩冬甩女👧🏻🍩食評👅👧🏻 咖哩忌廉烏冬🥘🍜🐔(雞) (7/10) $78👀一上枱賣相睇超邪惡，成碗表面佈滿雪白的忌廉🤤😍如果早d尼，配埋出面既藍天白零，打卡真係冇得輸❤️另外，只睇圖既大家相信唔會估到佢係咖喱烏冬黎🧐利申我自己都未見過咖喱烏冬係白色，有小小驚喜👍質感方面，幾creamy，滑嘟嘟，烏冬Q彈。而味道非常入味，掛上香濃微辣的咖哩汁，又香又滑🤤加上雞肉和洋蔥作配搭。整體尼講，都算好食同埋非常特別🤣🍩冬甩仔👦🏻🍩食評👅👦🏻 吉列牛定食🐮🥩🍚 (6.8/10) $148 首先，吉列牛既份量都吾少🥰另外，佢炸得都唔錯，外面炸得香口，入面既肉差唔多5成熟🤤（冬甩仔小提示，如果食唔慣生牛肉既朋友可以放心，佢會提供埋小石板烤爐比客人，客人可以根據個人喜好煎自己想要既熟度😋)大家可以點埋佢既秘製

呢間嘅咖哩忌廉烏冬整得十分出色，味道濃郁唔會濟，份量亦都好足夠。反而紫薯latte就覺得麻麻地，紫薯味唔係好濃厚。牛里脊肉黑糯米炒飯頗特別，肉質鮮美嫩滑，同黑糯米飯融合得啱啱好。

嚟呢度，除咗係食吉列牛之外，我另外亦都特別鍾意食佢個蟹蓋味增配紫菜飯團同埋冰凍秋葵。通常一坐低之後，我就會手機落單，係要提一提，呢度係要手機落單，人手嘅話應該就唔會幫你落。第一樣嘢我一定唔會掂呢個味增蟹蓋配紫菜飯團， 50幾蚊，唔算特別貴，因為我成日都有一個印象就係我以前會去食黑夜壽司，而我一定會點嘅就係蟹膏嘅壽司，但而家人大咗，冇咗黑夜壽司，所以一見到同蟹蓋、蟹膏相關嘅產品，就一定會去食。佢個蟹膏溝咗味增，其實係好好食，再加埋飯團本身嘅飯都整得啱啱好，所以香口得黎亦都好濃。之後就係呢一個忌廉烏冬，忌廉烏冬佢本身係咖喱底，而我可以揀嘅，就係揀係乜嘢肉，我自己本身鍾意食牛肉， 70幾蚊，唔算特別貴，呢一個忌廉烏冬，我覺得成個特色在於佢係一層忌廉醬下面可以搵出一大片嘅咖喱烏冬，而當時間內阻，咖喱烏冬會同忌廉融為一體，成個烏冬會變得更加滑同埋更加香濃。秋葵同埋鰻魚都係我會叫嘅，秋葵嘅作用係在於食咗咁多龍尾野之後，係應該要食返啲清新啲嘅嘢嘅；而鰻魚嘅話，我就覺得呢度嘅鰻魚呢就比較多肌肉，幾彈牙，所以我都幾推薦。加埋杯signature飲品就Very good

呢一間吉列牛忌廉烏冬專門店之前都有聽過，今日同男朋友走咗過去食佢哋嘅套餐，有呢個吉列牛嘅定食，仲有咖喱忌廉烏冬！我想講呢度嘅吉列牛真係好玩同埋好食，自己控制火候同埋自己可以煮到幾多成熟都得！牛肉好好食，而且非常之香口！至於呢度嘅忌廉烏冬亦都係好高質的，烏冬非常之滑，配合埋㗎呢隻辣味真係好啱啱好！

喺彌敦道搵到間樓上韓式料理餐廳，價錢唔算貴味道okay，坐窗口卡位仲可以邊食邊望到高空街景、陽光充足好有feel！Rice Pot with Eel and Crab Roe原條鰻魚蟹子釜飯 Kobekyu Cheese Egg RollKobekyu 秘製蛋捲BBQ Beef Tongue Minced Chicken牛舌雞肉串Pumpkin Croquette南瓜薯餅 Purple Potato Latte紫薯拿鐵 >牛舌雞肉串味道有驚喜，個人覺得幾好食，牛舌個味道唔錯兼有啲雞軟骨，咬口卜卜脆。南瓜薯餅香口酥脆，南瓜餡軟糯又甜。秘製蛋捲啲蛋煎得幾香、除咗芝士仲有啲泡菜餡料，比我好快清碟！鰻魚蟹子釜飯擺盤吸睛，大大條鰻魚灣灣哋咁橫放在面好有氣勢，底下釜飯舖滿蟹子，如果有多少少汁撈飯仲正。紫薯拿鐵奶道濃郁，上面摻咗紫薯粉令杯凍飲有啲薯香

估唔到幾年之後再黎食過🥳想當年嘅間超出名😎專登走過來食吉列牛同埋忌廉烏冬！今日嚟咗食二人套餐🤓我就緊係食吉列牛定食😍除咗厚切吉列牛燒得越耐就越好味，欣賞連個湯都係熱嘅😋有小食，個飯配飯素，成件事都幾日式至於牛油蜜糖單骨雞翼，親甜甜地，就最啱陪咖喱烏冬食，鹹鹹哋配甜甜地上面白白地既係忌廉，好似奶蓋咁，沾上咖喱汁嘅彈牙烏冬就匿埋咗喺下面紫薯latte同埋綠茶latte，兩個同樣上面都係有忌廉

🐝吉列牛忌廉烏冬專門店 (彌敦道) (旺角)🐝…😆今日同friend去左旺角，好想食吉列牛，所以就嚟左呢到！🤪🤪…✨套餐2 吉列牛定食+ 咖哩忌廉鳥冬 $284話到明係吉列牛忌廉烏冬專門店，梗係要嗌佢招牌嘅吉列牛同埋忌廉烏冬啦！🤙🏻個人覺得啲吉列牛都幾好食，一啲都唔韌，而且個皮都好正！份量好足😋。🤙🏻至於個咖喱忌廉烏冬，個人覺得咖喱味唔算好出，但忌廉加埋烏冬呢個組合就非常特別啦，值得一試！👍👍🤙🏻呢個套餐另外仲配左定食，非常豐富，會有吉列牛、胡麻醬豆腐、麵豉湯、沙律菜，同埋白飯😚…✨綠茶latte+$25唔錯，加埋cream都幾滑！又唔會好粉，偏甜！🥰❤️…✨kobekyu 牛油蜜糖單骨雞翼 ($68)單骨雞翼食落超方便，女仔都唔驚無儀態啦😵‍💫份量都幾多，好抵食👍🥹…整體評分食物：🤍🤍🤍🤍🤍服務：🤍🤍🤍🤍環境：🤍🤍🤍🤍🤍價錢：🤍🤍🤍🤍…📍旺角彌敦道726號17樓

今日去開旺角未食飯就去左呢間好耐冇黎嘅吉列牛忌廉烏冬專門店食返餐，咁耐冇黎，落單轉左用QR code。餐牌分幾大類，有主食，套餐，釜飯，涮涮鍋，小食，飲品同其他。之前次次都食招牌菜，今日不如試吓新野，叫左Shabu Shabu同幾款小食分享。咖哩牛肉Shabu Shabu $98 另加一咖哩牛肉Shabu Shabu成個鍋連個爐一齊上，服務員幫手點火，可以滾住咁食。肥牛有7塊，非常極之肥。蔬菜配料有嫩口娃娃菜，洋蔥同菇片，個咖哩湯味道夠濃之餘又唔會太過火。加$12追加左芝士， 芝士加左喺湯上面，非常邪惡。追加黑豚肉 加$28 另加一黑豚肉一客5片，上面灑上蔥花。黑豚肉非常脆口有豬味，我覺得好食過肥牛喎。蒲燒原條鰻魚 $98 另加一蒲燒原條鰻魚上面加左白芝麻粒同木魚碎。雖然較為細條，不過味道唔錯，夠汁，而肉質彈牙。Kobekyu秘製蛋卷 $68 另加一Kobekyu秘製蛋卷一條切開六份，上面灑上七味粉，蛋卷食得出有層次而外乾內濕潤，入面原來有勁多芝士拉絲，好邪惡，伴有好多蒜蓉沙律醬同胡麻醬椰菜絲沙律。呢個蛋卷果然秘製。蒜片牛舌芯 $58 另加一蒜片牛舌芯一客五片，細細片同薄薄哋，上面灑上

中午黎食午餐，黎到依到，緊係食返佢既吉列牛同忌廉烏冬，索性就點了個套餐，配埋兩罐汽水=)吉列牛：除了主角外，還有胡麻豆腐跟車厘茄，兩個開胃菜也不錯，主角 吉列牛，自己動手再加熱，再幾熟自己揀😁咖哩忌廉烏冬 (牛) 烏冬有好香濃咖哩味，小小辣之餘配埋忌廉拌和一齊，入口味道剛剛好。另外，加多左 韓式甜辣醬單骨雞翼單骨雞翼食落更方便，新鮮整好熱辣辣，配埋甜辣醬，小小辣又帶點甜，醬汁味道挺配的👍骨付豬肉腸簡單調味，但食落也不錯。

上次同朋友去過銅鑼灣分店食過覺得唔錯！阿囝係烏冬控，當然要帶佢嚟試試吉列牛定食 $256定食有芝麻醬豆腐、麵豉湯、車厘茄、沙律菜同白飯，吉列牛既有鬆脆嘅外層，肉質又夠粉嫩，可以放上熱石板燒至自己鍾意嘅生熟度，食落脆口又juicy🥢咖喱忌廉雞肉烏冬面頭滿滿白雪雪嘅忌廉🤩，將忌廉同咖喱烏冬撈勻，烏冬好彈牙，雞肉份量都幾多，食完好滿足！另外叫多個小食雞軟骨餃子🥟 $48長長薄薄嘅餃子皮包住口感脆脆嘅雞軟骨同菜肉，好有咬口Rose garden +$18韓國蜂蜜紅棗茶+$8

同朋友叫左個餐有吉列牛定食 + 指定烏冬/炒麵 + 2飲品 ($256)，我地兩個女仔share都好夠飽。🥩隨定食會跟個熱石鍋，比你烤熱吉列牛肉，烤嘅時間同牛肉熟度都可以自己控制。牛肉熱辣辣，軟綿綿，入口溶化，食到好幸福🤤💕🥣定食跟嘅豆腐好香濃，麵豉湯唔會太鹹，兩樣味道都不錯。🍜咖喱忌廉烏冬 (小辣)面層滿滿忌廉，超邪惡😈同下層咖喱撈勻先食。味道ok但無想像中咁香濃。🍯韓國蜂蜜紅棗茶 +$8🍯蜂蜜菊花蜜 +$8飲品正常味道。

好幾年前已經好鍾意食呢間個吉列牛，嗰陣時都未有咁多間有得食吉列牛，不過就算而家多咗好多選擇，都仍然會記得依間！叫左個二人餐($256)，包吉列牛定食，咖喱忌廉烏冬/香辣忌廉雞肉炒麵同兩杯汽水！好豐富。吉列牛外層有薄薄嘅麵包糠，燒完口感酥脆。自己控制牛嘅生熟，燒到岩岩熟就食好juicy，特別讚一讚呢度嘅wasabi醬，幾清新，配牛一齊食感覺冇咁油。咖喱忌廉烏冬聽落好似好怪，但原來好好食！味道好似合味道杯麵咖喱味，口感亦非常滑。野飲+$18轉rose garden，其實係玫瑰梳打，賣相靚，飲落唔會太甜，有淡淡嘅玫瑰味。依間真係繼續無令我失望，keep到質素！

早前朋友帶我來到日本風味的吉列牛餐廳，在鬧市區可以坐得舒服又品嚐到美味食物，不錯的。今次我們點選了公司吉列牛定食和原條鰻魚釜飯！吉列牛定食 廚師已細心地預先把日本吉列牛準備至3成熟，店員把熱乎乎的熱石板爐送上，我把吉列牛牛兩邊慢慢燒，燒至自己個人口味的熟度便可以啦！吉列牛外皮炸得黃金色，咬下香脆可口，內裏肉質十分之鮮嫩多汁！點些附上醬料更滋味呀！原條鰻魚釜飯 鰻魚超大塊，配以蛋絲紫菜口感更有層次和豐富，釜飯下一樣有火坐熱著，格外溫暖入味！吉列牛忌廉烏冬專門店 旺角彌敦道726號17樓

都想食一段日子，終於搵到機會試。入面位置寬躺。我叫了Set2，HKD 256。吉列牛定食 加 咖哩忌廉牛烏冬賣相擺設得好靚吉列牛上枱時是生的，可以根據自己喜好，而燒到幾成熟。定食有一碗飯，一碗麵豉湯，小蕃茄、芝麻醬豆腐。醬汁有牛肉汁同埋芥末沙律醬。放上去燒大概十秒已經有咁熟。忌廉烏冬有超級無敵多忌廉。一入口好有咖哩味，唔辣。不過食習慣左就唔覺得有咖哩味。可以選牛/雞烏冬，入面仲有少許洋蔥、西蘭花、菇等等。

🍜🥩SET 2($256)Set2 有吉列牛定食、咖喱忌廉烏冬或香辣忌廉雞肉炒麵，同埋兩杯嘢飲。🥩吉列牛定食吉列牛係間舖頭嘅招牌！定食非常豐富，會有吉列牛、胡麻醬豆腐、麵豉湯🫕、沙律菜🥗，同埋白飯。吉列牛嘅外層有麵包糠，超級酥脆，內層肉質鮮嫩，上菜嘅時候大概三成熟，我哋可以自己去石烤爐燒一陣，去到自己鍾意嘅生熟度！👍🏻🍜咖哩忌廉烏冬咖喱忌廉烏冬可以揀牛肉或者雞肉，我哋今次就揀咗雞肉。咖喱有少少辣，撈埋忌廉一齊食口感超級滑，但食晒成碗會膩，share食就啱啱好喇！🥰🍠🍵紫薯Latte & 綠茶Latte (+$25, +$25)兩個latte都唔會好甜，但係綠茶就濃味啲，推介！🍗kobekyu 牛油蜜糖單骨雞翼牛油蜜糖味勁香，單骨雞翼識落超方便，不知不覺就食晒！🤤