吉列牛忌廉烏冬專門店 (彌敦道) (已結業)

從未試過邊食邊打食評，因為實在令人失望。寫明是食吉列牛，可是，吉列牛一上檯已經8成熟，真心唔知仲可以燒什麼。即管照食，但明顯炸的油溫也有問題，滿口都是油，吉列皮亦不脆，很明顯是太多油所致。最後，牛的質素也明顯是平價貨，用野“拿”軟，食味很不好。失望。難頂到食唔曬。正打算要食過下一餐。

我本身想試個忌廉咖喱烏冬， 但諗諗吓我又好驚個烏冬好甜🥺最後就叫咗吉列牛定食。可以靠石板爐將牛扒燒熟至自己鍾意嘅生熟程度。燒過嘅牛扒可以鎖住肉汁，而肉質好鮮嫩，吉列皮微脆。定食除咗吉列牛，仲包埋白飯、 麵豉湯、麻醬豆腐同車厘茄。但性價比來講都覺得略嫌有啲貴。 不過牛肉份量我覺得唔係好多 之後再追加多咗份😂 下次會想試吓叫個烏冬！！

飛唔到唯有係香港搵晒想食既野之前見到啲人介紹個忌廉烏冬終於有機會試吓🎈吉列牛定食+咖哩忌廉牛肉烏冬+2汽水 $256吉列牛定食 有鐵板俾你喺上面燒 就算唔夠膽食咁生都唔怕起碼可以自己燒熟佢牛肉都重肉味 但份量比較少 唔夠喉咖喱忌廉牛肉烏冬我本身都好怕食忌廉點知撈勻咗之後其實都係咖喱味呢隻係唔辣嘅咖喱 加咗忌廉口感比較滑賣相比較特別用嚟打卡就啱晒見到佢有鹹蛋薯條但食到最後都有啲飽所以冇叫到 下次有機會就試吓先～～

我哋又喺旺角覓食😀自從上兩次都係打邊爐我哋今次終於試吓啲唔同嘅嘢💁🏻‍♂️🙉Foodie推介左一間好似都幾出名嘅吉列牛餐廳💁🏻‍♂️因為又唔係太貴嘅關係🙈咁所以我哋就去嗰度試一試啦😀咁佢哋一個二人套餐包一個吉列牛扒嘅定食同埋一個忌廉咖喱烏冬只不過係$250左右😀算係可以接受嘅價錢🤭首先講一講個吉列牛定食先啦🤪間餐廳呢佢會將三成熟嘅吉列牛放上餐枱度然後提供一個石板俾你去加熱佢嘅😀所以你想食生定係熟啲就任君選擇😌頭幾次呢我哋都係試咗比較生既吉列牛啦🙈雖然佢比較難咬開😀但係佢嘅牛肉味都幾出而且係食落去有一浸油香🤭咁之後我哋又試吓比較熟啦😀今次就比較軟熟同埋容易咬開🐣兩個生熟嘅程度我都鍾意嘅都各有佢哋嘅優勝之處🥰咁其實我都幾鍾意個定食嘅不過個價錢都唔平呀所以都係可能好耐先食一次都接受到👀然後我哋又試咗個忌廉咖喱烏冬😀呢個烏冬去上面係有一層好厚嘅忌廉🤣等你可以將佢同咖喱烏冬融合埋一齊🙈令到佢嘅口感比較柔滑啦而且食落去呢係好Creamy😀我都幾鍾意嘅不過就感覺有少少heavy🤪同埋我寫覺得佢嘅配料啦就比較少啲牛肉都係得嗰幾舊😀只不過呢一個配搭就真係幾新鮮所以我都覺得唔錯🤭總括依然呢間餐廳出名嘅嘢我都試

咖喱忌廉牛肉烏冬 $88個烏冬🍜加咗忌廉 令d 烏冬好滑 🥳咖喱🍛味 都算幾濃🤤好好食👍🏼牛肉🥩🐄亦都好霖 所有嘢加埋一齊好夾😋雖然相對上有啲貴💸 但都值得去食🤤😋好味程度：🌟🌟🌟🌟🌟（滿分）回頭度：🌟🌟🌟🌟============================

❄️Kobekyu❄️旺角❄️日本菜之前都去過這間餐廳係銅鑼灣的分店，一直都覺得佢價錢實惠而且味道都叫唔錯，而且啲菜式都幾特別😉咁我當然都會叫返佢哋最出名嘅吉列牛定食啦，可以自己燒都幾熟都得，我試過半年熟同7成，結論係7成個牛味濃郁啲，大家都可以試下。另外餐廳幾特別嘅係香辣忌廉雞肉炒麵，不過今次食就覺得銅鑼灣店煮得忌廉味重啲，旺角店好似得個辣字，相對冇咁特別。最後我仲叫咗牛油蜜糖單骨雞翼，雖然個菜式比較普通，但係我覺得佢唔會好似好多餐廳咁整得太甜。

之前喺銅鑼灣試過嘅吉列牛忌廉烏冬原來喺旺角都有分店呢間分店感覺好開揚大大面玻璃牆可以居高臨下咁望下旺角嘅景色今日本來想回味下個忌廉烏冬嘅點知俾個香辣忌廉雞肉炒麵吸引左😂另外叫多個kobekyu 秘製蛋餅同kobekyu滋味單骨雞翼一樣係滿滿嘅忌廉今次呢款淡黃色望落已經好滑溜🤤🤤🤤香辣雞肉炒麵都幾辣但撈匀忌廉食就有少少減辣作用又會更滑正！好味！Kobekyu秘製蛋餅蛋餅係偏濕效果仲可以有拉絲！最喜歡就係佢配上個芥末沙律醬好香芥末味Kobekyu單骨雞翼呢款雞翼係乾身雞翼沾滿味粉嘅雞翼偏香甜雞翼自己本身香嫩軟滑單骨又易食好快就清晒了日式燒雞釜飯用蠟燭為釜飯保溫一直食都係熱辣辣嘅但又唔會好似煲仔飯咁煲到出飯焦燒雞都保持到嫩口又有好多蛋絲係另類親子丼呢～

套餐2) 吉列牛定食 咖哩忌廉烏冬（牛肉） $256🐮用上美國熟成牛，先塗上一層麻油，再配上薄薄炸粉，快炸牛扒60秒，🔥將表面麵衣炸至酥脆金黃，內裡更加可以維持著三成熟的鮮嫩熟度🤤再運用桌上石板加熱牛扒，牛肉非常鮮嫩，juicy多汁。搭配上定食提供不同的調料，😉DIY創造出獨特個人化吃法，包括醬油、沙律醬、咖哩、日式芥末，層次豐富。咖哩忌廉topping超級滿，🤤好誘惑，白色Cream超治愈，撈埋一齊，除了有忌廉香滑的口感，更加有烏冬爽口，彈牙質感，🥩配上最中意嘅牛肉，好好味。 Kobekyu 牛油蜜糖單骨雞翼 $68 🐤單骨食落更加方便，鷄翼炸起金黃色，新鮮熱辣。香脆，軟熟，🥢嫩滑非常。Honey帶有少少香甜的感覺，濃密吸引。 🍯(熱)韓國蜂蜜紅棗茶 +$8熱飲超養生，補血紅棗，🐝滋潤蜂蜜，清潤滋補。 🍵綠茶Latte +25牛奶質感香滑，配上綠茶清香，口感綿密。 Dinner慢慢傾計，好舒服寫意。  

🐳之前來過這店試過吉列牛和忌廉烏冬，覺得可以再來試下其他東西，所以和老公再來光顧。🐳吉列牛定食💰148餐牌看完又看，還是喜歡吉列牛😅，因為可以自己燒控制生熟程度，又好味😋😋 點這個餐絕對沒有令我們失望，仍然維持高水準，吉列牛外脆，肉裡保留肉汁，配上不同醬料，真的一試再試。🐳帶子蜆肉蟹籽釜飯💰128這個份量比我預期的多，用木盤再放上大碗，木盤下還有加熱器，一邊加熱一邊吃。有四件肥肥厚厚帶子，半生熟，蜆肉也很多，配上已提供的醬汁，不夠濃味，可以自己加豉油。🐳Passion Punch💰38 🍹🐳Citrus Ocean💰38🍹兩個飲品也好喝，酸甜適中，顏色非常吸引。我是因為顏色漂亮所以才點的，沒想到味道也不錯的。🔎 旺角彌敦道726號17樓

吉列牛喺香港應該都已經唔係新鮮事，主推比自己郁手去慢慢燒，啲肉滋滋聲份外開心，流晒口水🤭。今次去咗韓國過江龍店試吓。吉列牛定食：外皮非常香脆可口，肉質都算嫩滑而且食落去唔會好似外面啲吉列炸物咁好油同重油膱味。千祈唔好燒到太熟，咁樣先保留到個肉汁。加埋定食配埋嘅醬汁，成個set都好滿意。帶子蜆肉蟹籽釜飯：帶子，蜆肉同蟹籽，份量都非常足夠，撈埋一齊食啖啖都十分滿足。三款食材嘅配搭都好match ，海鮮控一定要食！秘製蛋卷：去到邊都要食個蛋料理，傳統嘅韓國蛋卷，一啖放落去，非常濃郁同creamy.不過，個人覺得就唔算話非常出色。如果同出面啲蛋卷比

吉列牛忌廉烏冬放咗喺我個wish list 好耐，終於有機會食到喇😍 好彩今日早早地人唔算多，一嚟到就有位坐😙 用QR Code 落單幾方便😌，即刻嚟個吉列牛定食！ 牛肉嘅外層沾滿麵包糠再油炸，切片後再端給客人自己烤熟。想要幾成熟自己控制，滿滿嘅肉汁再點一下wasabi，爽鼻得嚟好juicy ，少少🤏油脂用嚟送飯絕配。再來了一個非常暖和嘅帶子蜆肉蟹籽釜飯♨️，一邊燒熱一邊食飯。入面嘅料好多下，有幾片新鮮嘅刺身帶子，大大啖肉好滿足🥹。仲有蟹子同蜆肉，用嚟送飯一流🤤。另外叫左個小食，炸芝士薯仔年糕。年糕好軟熟，外層香脆，咬一口有芝士緩緩流出，再配合紫菜同七味粉，份外惹味食到熱熱地叫返杯蜂蜜菊花蜜潤下喉，甜甜地生津止渴，好啱食完煎炸野後飲🍹

吉列牛忌廉烏冬專門店諗返起以前去日本食過吉列牛有啲意猶未盡，喺香港試吓搵一間就呢間主打吉列牛嘅餐廳。餐廳環境唔錯，左手邊卡位望到旺角彌敦道街景，好有氣氛。選擇左一個吉列牛定食、香辣忌廉雞肉炒麵同牛裡脊肉蓋飯。吉列牛肉質好淰，有油香，佢嘅吉列外皮好香脆，有特別嘅調味。用嚟煎吉列牛嘅爐仔好快熱，唔駛等好耐就可以放上去燒，等嘅期間可以享受下精美嘅沙律同足料既麵豉湯。一啖牛肉一啖飯，牛肉油香送飯一流。香辣忌廉雞肉炒麵好有特色，一開始見佢成碗野白濛濛咁，得幾粒蔥花喺上面，原來辣麵係隱藏喺忌廉下面，辣麵加埋忌廉汁真係食到停唔到口，完全唔覺得忌廉好肥膩好濟，反而越食越上癮，必叫之選。牛裡脊肉蓋飯係用紫米紅米糙米加上燒牛肉汁嘅炒飯底，非常惹味，蓋飯面有大量嘅沙律菜，有健康嘅感覺，牛肉嘅質素同吉列牛一樣都非常之好，嫩口油油香。飲品叫咗passion punch,係熱情果、檸檬加薄荷葉嘅梳打，食咗咁多油膩嘢，飲番杯清新啲嘅嘢飲解油膩，非常推薦。

想同男友試好耐要去嘅時候先發現係726號男友話全棟嘅餐廳都岀咗名係唔好食😂明明係open rice係中文名但上到去間餐廳係韓文名😂以為自己去錯地址😂😂.✧MAIN✧～吉列牛定食+咖哩忌廉牛肉烏冬+2汽水 $256～見個個都食吉列牛定食好似幾吸引但食落普通無乜牛味，又有牛筋唔切走得個樣靚，真係燒下食個feel就算.拌食只得一粒車厘茄切半，一小舊豆腐醬汁係現貨蒜茸芥末醬/柚子醋/wasabi完全唔需要自己調製嘅即食產品.味噌湯仲衰過即沖，唔咸唔淡得幾片昆布仔啲飯⋯首先唔係其他食評寫嘅珍珠米而且煲得係爛到好有黏性夾唔起嗰種似幼稚園miss教你用白飯整漿糊嘅質地唔知係特別煮法定點，唔識欣賞.咖哩忌廉牛肉烏冬幾好食不過咁大pat忌廉食落去都無乜特別係啲咖哩變得沾麵啲，但無乜奶油感牛肉條仲要有啲韌同嚡口✧SNACKS✧～味噌蟹蓋配紫菜飯糰 $58～白飯小偷係幾好食但只有三舊係普通蟹膏所以無乜特別好講✧DRINK✧～Citrus Ocean 套餐+$18～得一小匙柚子茶醬藍色應該係Monin藍柑橘糖水+梳打水飲落得前期有小小甜味攪勻同啲冰溶咗啲之後完全無味～綠茶Latte 套餐+$25～就是普通抹茶

📍#吉列牛忌廉烏冬專門店 (#彌敦道) (#旺角)旺角彌敦道726號17樓♡推薦程度: 🌕🌕🌕🌗🌑🔺🔺🔺🔺🔺🔺🔺🔺🔺🔺🔺🔺🔺❣️#吉列牛定食 💰 $148整體上較為好既一個定食吉列牛外皮煎香左都帶有脆脆既口感牛味都ok 唔韌既 旁邊亦有兩款醬料 芥茉醬幾好食！旁邊亦有芝麻醬配豆腐、車厘茄等常見配料。❣#咖喱忌廉烏冬💰 $88上枱白雪雪既忌廉係面 係幾吸晴可惜 咖喱味道較淡 烏冬唔太彈牙 亦無咩咬口感覺煮左好耐•••• ❣#味噌蟹蓋紫菜飯團💰 $58上枱後好快影左張相就即刻食但紫菜一拎上手就知....好冧😥 味噌蟹蓋味道都還可以既 ~ 紫菜扣分❣#紫薯latte💰 $45上枱都係靚靚仔仔 味道都係偏淡 有淡淡既紫薯味•••❣#蜂蜜菊花蜜💰 $28熱飲係ok既！ 同行朋友都覺得幾好飲唔算太甜 帶有蜂蜜同菊花味咁🤓🔺🔺🔺🔺🔺🔺🔺🔺🔺🔺🔺🔺🔺

旺角實在太多嘢食，今日試咗新嘢。在彌敦道726號全幢都是食肆的17樓，有間食吉列牛和忌廉烏冬的專門店，兩樣都少食，就上去看看。上到去見地方都頗大，有臨窗的卡座，光猛明亮。坐下見人人枱面有個小火爐，當時已決定要食這個。餐牌主要是吉列牛、釜飯、麵食和小食等。第一次，就叫了餐廳的招牌菜。～～吉列牛定食+咖哩忌廉烏冬+汽水2罐（$256）雪冰冷麵（$68）牛舌雞肉串（$40）～～吉列牛定食有牛肉、前菜（麻醬豆腐和番茄）、味噌湯和白飯。牛肉來到時已包裏炸粉油炸至約3成熟，我們自己把牛肉放在小火爐上燒熱的石板上，每邊燒至合適的程度。開頭的兩片我就燒得太耐了，咬落去較韌，之後的只燒不足10秒，肉質軟腍有牛味。炸衣已有調味，也可蘸wasabi和豉油。整個過程都幾有趣。咖哩忌廉烏冬表面鋪滿厚厚忌廉，賣相很特別。把忌廉和咖哩湯拌勻後，湯底香濃有少少辣，很惹味，而且完全沒有忌廉的油膩感。烏冬麵條煙韌有口感，湯中還有嫩滑雞肉。這個烏冬很好吃，到最後剩下的湯，還可以用來撈吉列牛的白飯，變成咖哩忌廉飯。雪冰冷麵最啱夏天食，冰涼清爽。配料是椰菜絲和兩件魚卷。我本來期待的韓式冷麵會是用韓國素麵或蕎麥麵，現在有點失望。