合時餐廳小廚

營業中

休息中

一月初，天氣又回暖。今天跟兩位閨蜜下班後聚會，大家商議下決定到坑口邨吃大排擋。由於太餓的關係，先點兩份小菜，先上的是醬爆牛柳粒，其實是因為不想吃到骨頭，所以才點這道。牛柳粒切到一口，跟青紅椒爆炒後入味非常。我和其中一位愛吃田雞，所以後上的有薑蔥田雞，以瓦煲上桌，田雞火喉剛好，很惹味，不過蔥絲過多，相對之下田雞的份量有點不足。小吃過後，再點了蒜茸西蘭花，如果吃西蘭花通常我都不會點蒜茸炒，原因是本人吃得比較濃味，蒜茸炒的話再怎麼好吃也是很爽口很清淡。再加一份千層咕嚕肉，炒得很香，甜酸醬全掛在肉上，師傅的技術很不錯，不過咬一口以後發現肉的比例不多，其他部份全是筋或肥肉，這個實在太膩，吃兩顆已經不想再吃下去。不過整體來說，以大排檔的水準來講已經很不錯，而且香港的大排擋已經買少見少，偶爾光顧當做支持一下。

見天氣涼涼地又可以食羊腩煲喇喺屋企整都幾晒火老，出街食就啱晒叫左一個羊腩煲都等左至少十分鐘先出現假日太多單了吧羊腩煲是凍的，要在面前加熱至大滾羊腩都夠多，加上其他佐料有冬菇，馬蹄，支竹同荀味道夠濃，羊腩不羶但不夠淋冬菇好味！後來追加左西洋菜不過已經得返好少汁可以加湯繼續打邊爐當然味道淡一大截中途再加多碟椒鹽白飯魚至少等了二十分鐘先出現見到連埋隔離碟一齊上應該係夾埋單先整👎椒鹽白飯魚幾香脆但無椒鹽味

豉椒炒蜆：蜆好大隻，肉夠厚，沒有沙，還好吉殼比較少。白菜豆腐魚雲湯：四人份量夠五人飲，白菜洗得好乾淨，湯好甜，魚雲夠鮮。薑蔥田雞：田雞夠大隻肥美，薑蔥入哂味送飯一流。西蘭花鮮魷：魷魚與西蘭花爽脆，可惜魷魚份量少了點點。沙拉骨：肉排肉多骨小，爆得剛剛好，配上沙拉醬帶出肉的味道。三色蒸水蛋：蛋滑得來夠口感，咸蛋、皮蛋都足料。雖然在店外用膳，但有涼風，不會太熱。店員招呼尚算有禮，上菜時間平均4分鐘可接受。

🏃🏻博命完一輪既工作又系時候黎個午餐晚餐宵夜mix🍴哩間亦系之前老公朋友聚會最常去但系已經好耐好耐冇食喇想食大排檔宵夜就走左黎回味下結果…………失望蠔餅冇諗過系甘粉,食粉餅咸肉韭菜花唯一一樣仍然保持到水準既餸楊州炒飯飯炒得夠乾身但系個味道有d奇怪究竟系出左咩問題呢?炸豆腐哩樣系諗住實冇衰既一樣點知都系估吾到甘既味道最後meet哂面層皮淨食豆腐椒鹽鴨舌至愛食牛舌既我連鴨舌都吾放過點解可以又系同一鍋油就同一味道大家都知錯喇,,下次吾敢…………再黎喇!!

食要合時，與友人探望朋友後就在近處吃個晚餐。先來一碟西蘭花炒魷魚。炒魷魚不用忌諱，魷魚是確實的鮮，顆顆有味而爽；西蘭花亦腍中帶勁。西芹蝦仁亦是妙作，清中帶濃，最緊要是夠少油。椒鹽豆腐，炸到飛起！但當吃到中心的嫩，熱氣全消。男人的浪漫……豆腐火腩飯……友人怎都來一客。有時友人都未必錯，這煲豆腐火腩做得香濃味美，確屬佳作，友人更連吃不少飯！小菜之類，鑊氣至最……魚香茄子煲乃必勝之選。燙口的茄子加上粒粒肉末，下飯之最！完全豐滿。

將軍澳難得有特色大排檔！要知呢到大多數都係商場為主，價錢同一般大排檔相約，每人50 -70.我鐘意呢到夠地道，同交通都還好的。有直到小巴去彩虹地鐵站，從坑口地鐵站過去都係15 分鐘左右，呢到的金菇肥牛煲好好食的，冬天食一流！

大排檔小炒。。係有別一番風味坑口。我覺得係以商場連鎖餐廳為主。今日有朋友帶我地去坑口村覓食！坑口村我諗係一個好舊既地方，朋友話坑口村大排檔好好食！要帶我地幾個去試下。甘我地一行5人就相約6點半出發去晚餐。坑口地鐵站行過去大概都要10-15分鐘。一入到去有大牌坊寫住坑口村，感覺好懷舊（天都黑哂，忘了影相）同係山旁邊。我都有啲怕怕😖。朋友帶我地去入少少既大排檔。即係今次既餐廳，因為我見到有2間既！朋友話呢間食開好味啲。由於好肚餓。我地就一人一個小菜再加一碟炒菜。。招牌豬手：個沙律醬有芥末味，應該係店主自製。但豬手就覺得一般。好似煲過湯甘，無大驚喜覇王雞：普通菜色，毫無特別，不試也擺燒豬肋骨：覺得有點燶，黏牙，醃得不夠入味，外面既蜜糖汁好食。四川麻辣雞亦：呢個幾特別，好食。雞亦好嫩滑有汁，夠大隻雜錦炒菜（抱歉忘記了菜名）：炒得幾好食，夠鑊氣，有魷魚，豬潤，白菜仔。牛肉通菜：好味，夠香夠鑊氣。但有點油整體來說。不俗，可以接受，想食大排擋既朋友仔可以試下。店舖應該係家庭生意，所以有人情味，但晚市都算旺，我地食到一半就有人係隔離等位。吹下水都吾可以，要俾位人啦😞好多人都飲酒吹水，所以夜啲泥食就應該

今日同朋友周圍去，去到坑口搵野食，搵下搵下就去到坑口村。見到好多人係度食飯，一枱一個煱，好多人都食緊羊腩煲，不過我地就無叫火煱，我地叫佐小菜。我地叫佐碟千層咕嚕肉同埋一碟蝦醬炒通菜。個碟千層咕嚕肉好夠味，我覺得醋味多佐少少，但佢比到驚喜我地。佢既咕嚕係真係千層ga，佢用半肥瘦豬肉卷埋，跟住先再炸。平時食既咕嚕肉都係淨豬肉，但呢個唔同，一層一層可以拉出黎，好有層次，要比個讚佢地，粒粒都好有心機整。仲有，佢地既啤酒小姐會記得我地係渣車黎，佢見有人黎炒牌，佢會特登黎同我地講，好多謝佢咁細心既照顧。

大熱天時都想去大排擋食，好彩星期日大概七點到都仍然有室內座位，兩個人食所以唔敢叫太多，有蠔仔泡飯（大），醬爆黃膳球同埋燒豬手。之前食好多時都係宵夜時段，今次正餐當主食，好足料，配埋肚瘦豬肉，好香口，兩個人食每人都有四至五碗，非常之飽肚。哩個豬手都的確好有份量，豬手皮雖然有唔少脂肪，不過燒得好脆，肉都好嫩，而佢係切片上，所以就算好大份，兩個人都食得晒。雖然黃膳係醬爆不過唔會太濃味，加上爆得好脆口，黃膳都好多，唔會配菜多過主角。

一行7人去打完波,黎到寶琳又唔想食連鎖店,結果就行去坑口村合時餐廳小廚食個人未食過,不過聽朋友中有人係街坊所以推介話食去到大約7點左右,門口都好多人,入面就FULL左朋友們就唔想熱要坐入面有冷氣,等左一陣有人走結果就入去坐睇下睇下就ORDER以下+鵝片,韭菜豬紅,南乳蓮藕咸肉,豉椒炒蜆,鯪魚炒油麥菜,椒鹽九肚魚鵝片--唔算太肥,都入味,OK的韭菜豬紅--我有睇食神,豬紅係唔可以一夾就散,佢就冇這個問題..夾埋個韭菜係正既南乳蓮藕咸肉--夠晒熱呀,個味都幾好,一個字掂豉椒炒蜆--食炒蜆最驚就係有沙,好彩佢無,都算大隻,如果辣D就FIT晒鯪魚炒油麥菜--個人唔好食鯪魚所以冇咩意見,係唔算油椒鹽九肚魚--超正,熱辣辣咁,外脆內滑食完唔多夠咁見人地碟野好正咁,原來係沙拉骨心動不如行動再叫3樣肉碎蠔仔粥,蝦醬通菜,沙拉骨肉碎蠔仔粥--不過不失蝦醬通菜--唔太香口不過都唔算油,都OK沙拉骨--熱呀,係幾好食既....味都OK

之前入坑口村都係食牛扒多, 今次因為媽媽想食小菜, 所以我地一行六人就試下坑口村村口呢間小菜出名嘅餐廳😀d小菜果然好好味👍不過我地眼闊肚窄, 6個人叫左8個菜, 食到個個肚脹住走😂另外用餐環境好熱鬧, 可能因為近消防學院, 好多消防員係呢度開餐, 氣氛好好👍牛仔骨好惹味😋粉絲煲味道都好濃👍豬手好味, 不過皮唔夠脆, 有d美中不足😔椒鹽鮮魷好好味👍👍👍千層咕嚕肉係呢度招牌菜, 無骨啖啖肉👍👍食太多肉要食返多d菜🙈鵝片夠入味, 不過d豆腐麻麻

話說呀媽話成家人一齊食飯, 諗左陣就決定黎合時叫左 椒鹽鮮魷 乳鴿 XO醬茄子牛仔骨 薑蔥蠔 糯米飯 蒜蓉炒白菜仔 咕嚕肉係乳鴿一般左啲咕嚕肉係用豬肉片卷成 冇骨啖啖肉XO醬牛仔骨就冇乜XO醬食到🙈薑蔥蠔係半煎炸 少少脆口又有蠔味糯米飯好好食 有臘腸臘肉同冬菇😍😍😍其實個羊腩煲都好食嫁 不過叫得太多野都食唔到唯有下次再去啦

落單叫野食好快到，價錢都算合理，唔會催人交台不過試過叫炸野食，食到有陣油益味！但其他小菜個d都算幾大碟，味道都唔錯加上尼到可以搵到位泊到車，所以都會成日利食，都值得利食

一年一度的情人節，我倆選擇本土風味的大排檔歡度佳節。寒冬下品嘗支竹茄子班腩煲，熱烘烘的煲仔菜不只能消除寒意，材料兼備蔬菜和魚腩，可算是均衡饍食之選。獻汁不是太濃，配合白飯，倍添暖意。蒜香二度骨，夠脆身，也沒有過多油脂，蒜味香濃，由於肉排本身肥瘦適中，油炸後也不會感到堅硬，或肥膩感。白菜豆腐魚頭湯，材料充足，份量足以供四人分享。為便浪費，我們也有打包魚湯。奶白的濃湯，入口柔滑，還有陣陣的黑椒及魚頭香味。最值得推介。

呢日同朋友喺將軍澳單車館公園附近踩完單車，我地由有太陽踩到冇太陽，7點幾還車後，時間剛剛好接住食飯。我地都好肚餓，兩個女仔叫左3個菜，2個飯。我地竟然食曬，因為太好味!先講千層咕嚕肉，係用豬肉片卷成肉塊再去炸，啖啖肉。肉好嫩好q，香豬肉味，冇俾咕嚕汁蓋過肉香。再黎椒鹽鮮魷，好夠獲氣! 一咬落去，外面層炸皮香，薄，脆。而面嘅鮮魷依然保持鮮嫩。最後金銀蛋煮覓菜，一個字，香。大家都知道呢度菜，個芡汁好重要，而呢度既芡汁係做到起沙，咸蛋黃既香好濃郁，好正。雖然菜式只係平凡既香港小炒，但味道口感絕不平凡。