合時餐廳小廚

營業中

休息中

今日同朋友周圍去，去到坑口搵野食，搵下搵下就去到坑口村。見到好多人係度食飯，一枱一個煱，好多人都食緊羊腩煲，不過我地就無叫火煱，我地叫佐小菜。我地叫佐碟千層咕嚕肉同埋一碟蝦醬炒通菜。個碟千層咕嚕肉好夠味，我覺得醋味多佐少少，但佢比到驚喜我地。佢既咕嚕係真係千層ga，佢用半肥瘦豬肉卷埋，跟住先再炸。平時食既咕嚕肉都係淨豬肉，但呢個唔同，一層一層可以拉出黎，好有層次，要比個讚佢地，粒粒都好有心機整。仲有，佢地既啤酒小姐會記得我地係渣車黎，佢見有人黎炒牌，佢會特登黎同我地講，好多謝佢咁細心既照顧。