台蔡滷肉飯

營業中

休息中

第一次去食時覺得個爆葱滷肉飯同鹽酥雞好食。之後去過幾次發覺只有這兩味好食，其他的真係可以唔使試。今日芋泥燒排骨餐、花雕麻油雞湯麵和兩個小食。先講排骨，芋泥淋在排骨上不夠熱，排骨又硬又嚡；至於花雕雞，湯是夠熱的，但洒在上面的杞子則是凍的，像剛從雪櫃取出來，雞就同排骨一樣，又硬又嚡。總之排骨同雞都像是煲完湯的肉。在門外見到米芝蓮2024的poster, 心想本來味道不錯的餐廳，為阿會變得如此難食，還是只有滷肉飯和鹽酥雞ok,其他的都可以免了。

途經見到呢間台灣餐廳排晒長龍，又湊下熱鬧先~原來餐廳入選左《香港澳門米芝蓮指南2024》，咁要睇下佢咩料先🤭Menu主打唔同口味嘅滷肉飯，亦見到藥膳排骨、花雕麻油雞湯呢d香港市面上台灣餐廳較少有嘅茶式🧡✨花雕麻油雞湯麵 - 份量好足，肉眼睇已經見到好多雞同杞子😍湯底好入味，而且索左入個麵，味道融合左👍🏻麵質有質感，雞夠嫩滑，值得encore💯✨藥膳排骨湯餐 - 藥膳排骨湯色水好夠，味道比想像中溫和，好易入口，排骨超腍，一咬就好易脫骨🤭隨餐仲有碗滷肉飯，油香充分好惹味🤤✨肉鬆起司蛋餅 - 個皮用左比較厚身嘅捲餅整成，口感酥脆，裡面夾左滿滿肉鬆同拉絲芝士🧀 每啖都好滿足😋✨九層塔鹽酥雞 - 一上枱都聞到好香，個炸皮唔會太厚，調味剛好，雞肉仲keep到嫩身，果然係高質！✨黑芝麻奶茶 - 真材實料，飲到濃郁黑芝麻味，叫左少甜幾啱我🤩✨大紅袍仙草奶茶 - 茶味幾香醇，加埋仙草又幾爽🧋

呢間台灣菜由開張開始已經大受歡迎，主廚係台灣人，開業年幾就得到米芝連推介，作為街坊每次經過都見到條長長人龍，淨係見到呢點已經提升咗我對佢嘅期望🤫嚟到呢到一定要食佢哋嘅招牌爆蔥滷肉飯 ($58)，呢到嘅滷肉飯偏濕潤，走半肥瘦路線，加埋酸菜都幾夾，而且啲蔥真係舖滿成個滷肉飯，食落去勁香～藥燉排骨套餐 ($82) 都幾大份，排骨都有菜膳味道，仲可以搭配腐乳沾醬享用，最後一定要食埋嚿索晒菜膳精華嘅豆卜～主食可以加配唔同茶飲，大紅袍仙草奶茶 (+$18)同百香果鳳梨烏龍茶 (+$15)都幾正路，排完咁耐隊一嗌完即刻上咁滯，飲落去勁解暑🌬️呢到都有各款台式小食，自己覺得MVP一定係肉鬆起司蛋餅 ($40)，蛋餅個餅皮好香，入面內餡滿滿，肉鬆芝士都balance得幾好，涼拌黃金木耳 ($38) 蒜香味幾出，食完整體幾開胃！九廥塔鹽酥雞 ($42) 都炸得幾香口，唔會好乾，台灣蒜片香腸 ($35) 就不過不失～雖然呢間長期有人龍，不過當日觀察舖頭流轉都算快，上菜速度係貼近澳牛水平，所以都唔係真係等咗好耐，當日12:15排咗20分鐘就入到去，而店家都幾貼心，有提供遮畀客人晒個時擔下🤪 街坊想食下台灣菜都可

之前次次經過呢間台灣菜都見到排哂長龍，所以一直都未食過🥹星期日四五點睇完戲經過，見到居然冇人排隊🤔真係唔知係因為落雨☔️定係大家去哂北上消費😂以米芝蓮來講，呢間由台灣人主理嘅台菜店，都算幾抵食😌上菜快又唔洗加一，唔洗排隊嘅話真係值得一試😋🧀肉鬆起司蛋餅 ($40)蛋餅煎得香脆，足料又厚實🤤厚厚嘅芝士配埋肉鬆，加埋甜甜嘅醬汁，好味道😋🍛肉鬆滷肉飯配溏心蛋 ($58)成個滷肉飯上面都鋪滿哂肉鬆🤩不過肉鬆真係呢個飯嘅MVP，海量嘅肉鬆好好吸睛，味道幾濃，好啱撈飯🥰加埋半熟嘅糖心蛋，幾高質😚🍗九層塔鹽酥雞餐 ($73)炸雞炸得酥脆，唔覺油膩👍🏻份量都幾多幾足料🤭鹽酥雞跟餐配埋滷肉飯，滿滿嘅台灣風味😚🧋大紅袍珍珠奶茶 (跟餐價+$18)無特別叫少甜，但整體好似冇乜味，比較淡口，茶味同奶味都唔特別明顯😅珍珠正常發揮，都算煙靭😆

在MM上看到介紹才過來一嚐，結果在等候的時候已經感覺有點差，店內明明有空桌，可是店員一直都沒招呼進去，也沒詢問人數什麼的。而進去店內後，店員上餐或什麼的態度都有點糟糕，上餐時沒有先講一下準備上餐囉，就直接從旁邊放到桌子上。而在用餐的過程中，因為坐靠走廊的位置，需要讓其顧客進去，而在這過程中，店員剛好要出餐，可是過道的位置很窄，而我已在讓給其他客人過，剛好卡住店員，那店員就用一個奇怪的眼神看著我 。當時我想說又不是我刻意去擋你路的，怎麼像好像是我的問題一樣。最後想說，如果要吃正宗台灣料理，可以不用特意來台菜，來這邊用餐不會有一個很好的體驗，也不要對店員的素質和態度有期待。

台蔡滷肉飯 📍香港🇭🇰 荃灣.同朋友 系自己運動店鋪頭附近搵餐廳佢一直想試呢間 終於去到佢話夜晚排晒長龍～ 我哋晏晝唔係撞人哋lunch時間 所以唔使排隊.✨台式滷肉飯配溫泉蛋 滷肉飯味道 鹹度剛剛好 配溫泉蛋 濕濕地好好食 不過冇一樣餸 好似感覺就寡D✨大紅袍珍珠奶茶 個杯幾特別 不過封實晒睇唔到入邊 揀咗走糖 少冰 欣賞佢好鬼凍 出面熱辣辣岩哂 到我哋食完走嘅時候 啲冰都仲喺度未溶✨鹽酥雞滷肉飯 鹽酥雞有一浸好特別嘅味 可能係九層塔？ 餸 飯嘅份量都幾好 細細碗滷肉飯 多多肉 抵食.

呢間餐廳一直係網上都好多人介紹，見係附近搵緊野食依肚，價錢又吾算貴，一個人入去簡單食個滷肉飯。入到餐廳職員比咗個QR Code我自己掃code落單，食物款式唔係太多，今次我簡單叫咗一份爆葱滷肉飯食，可以揀溫泉蛋或者溏心蛋。我就揀咗溫泉蛋。價錢$58，唔洗加一，夜晚來講都算幾抵食又飽肚。啲葱真係爆多，仲多過啲滷肉，撈埋隻流心溫泉蛋一齊食幾好食，不過我覺得葱過多，食落比較「那」喉，下次可能叫返最正常個款滷肉飯就得。我見佢個餐牌仲有其他野食，見隔離枱個蛋餅幾吸引，下次可以同埋朋友一齊來食！

藥膳排骨滷肉飯套餐好重藥材味，但飲得舒服排骨軟腍但唔入味，所以有腐乳醬跟餐酸菜有驚喜，爽口夠辣，開胃消膩滷肉唔係煮到化口，係食到有點肉質有肥有瘦，滷汁都唔錯椒鹽甜不辣份量幾多，炸得脆香，有魚漿味椒鹽唔會過份重手，係我喜歡嘅範圍肉鬆起司蛋餅蔥，蛋，手抓餅，肉鬆，芝士，食材出色完美配搭即叫即做，熱辣辣，好大份，每一啖都係滿足暫時係香港食過高分嘅蛋餅每份食物都食得出心機同態度，讚！因為長期人氣店，所以繁忙時間要排隊等同坐得較逼

好難得地經過無人，所以諗都無諗親入去食啦店舖細細，簡單木系裝修環境都企理，QR cod落單，就等食物嚟啦九層塔鹽酥雞滷肉飯 之前睇youtube訪問，店主話要幾貴都要堅持放九層塔，因為咁先還原到台灣味，認真製作食物嘅人值得專敬鹽酥雞真係似台灣夜市食到果種，炸衣厚薄適中，咬開食到雞肉仲有肉汁好juicy，滷肉半肥瘦適合番香港人口味，飯粒分明唔會太軟爛仲吸晒D汁，推薦👍🏻大紅袍珍珠奶茶： 奶味較突出，珍珠煙韌唔會過甜，QQ口感，讚！堂食都係用外賣杯，飲唔晒可能拎走幾好

很普通的台灣菜叫了九層塔鹽酥雞跟芋泥排骨滷肉飯套餐九層塔鹽酥雞無乜椒鹽味又唔脆，雞肉間好多脂肪，食兩嚿已經覺得好膩，不過份量係多嘅芋泥排骨排骨好淋入味，但芋泥好少，可以忽略，同鹽酥雞比份量少得可憐🥺價錢仲要貴過鹽酥雞🫠滷肉飯好多汁但無乜味，反而面頭啲酸菜幾好食，有少少似梅菜的味道，爽口解膩飲品一般般，跟餐加十幾蚊算係咁環境舖頭好細，雖然樓底好高但都好嘈，唔算舒適總結好耐以前睇過呢間嘢的報道一直想試，今次咁啱見唔使排隊就試咗，食物質素同環境都很一般，價錢又唔平， 有點名過其實。路過可以食，要排隊就不了

去開荃灣就去咗呢一間入選米芝蓮嘅台菜滷肉飯試吓啦~據聞平時都要排隊，我哋去果陣落雨冇人排隊就唔洗等🤭九層塔鹽酥雞滷肉飯🐥炸粉薄身，外層脆口但唔會好硬。內裏肉質好鮮嫩，仲有好多肉汁🤤而且整體調味係惹味但唔會太濃~C先生都大讚👍🏻滷肉飯有好多滷肉之餘，仲有好多酸菜，可以平衡返個油膩感。不過我就略嫌啲飯太濕，少咗啲口感。肉鬆起司蛋餅🫔同平時食嘅蛋餅有啲唔一樣，好多時蛋餅都會落咗地瓜粉會有煙韌口感，而呢一款就偏向脆身，類似蔥油餅嗰種質感😋肉鬆好多，成件都好厚身。$40嚟講，份量真係算多，好抵食👍🏻珍珠烏龍奶茶🧋跟餐嗌咗烏龍奶茶，奶味比較濃，茶味就有啲太淡，呢個一般~*･゜ﾟ･*:.｡･☆･*｡.:*･゜ﾟ･*#荃灣美食 #荃灣打卡 #荃灣餐廳#荃灣台灣菜 #香港台灣菜 #米之蓮 #滷肉飯

吃過台蔡滷肉飯念念不忘，Happy Friday二訪，約六點半前到達就能免排隊直入(✌︎˙˘˙✌︎)🌟九層塔鹽酥雞餐+白桃烏龍茶 $88鹽酥雞外皮香脆不油膩，帶胡椒鹽和獨特的九層塔香氣，肉質軟嫩又多汁，必食推介😋套餐配滷肉飯一小碗，肥肥的滷肉和甜醬油撈飯一流；特別喜歡它微辣的酸菜，開胃又惹味ჱ̒⸝⸝•̀֊•́⸝⸝)白桃烏龍茶味道清新香甜，絕不藥水！⭐️藥燉排骨套餐+百香果芒果冰茶 $97排骨湯的藥材味唔算好重，亦不是我不喜歡重胡椒的那種味道🫶🏻排骨燉到好腍，所以啲味道去晒啲湯入面，配返個辣辣地嘅腐乳醬就好惹味喇.ᐟ.ᐟ🌟玉米起司蛋餅 $38這裡的蛋餅是香港🥇餅皮酥脆，內餡有美味的煎蛋和邪惡的拉絲芝士，配粟米更適合唔鍾意食肉鬆嘅我，亦都感覺上冇咁heavy(๑•̀∀- )و/二人消費免加一合共$223，性價比高，食剩半碗飯都飽到捧住個肚離開🙈離開門口大約19:15，發現人龍已去到街尾轉彎位，慶幸我們早來一步✌︎·͜·

上次路過見到排曬長龍，見間鋪頭得好少位，唔想排隊嘅我，放棄左佢。今次路過荃灣，突然醒起被遺忘左嘅佢。終於食到la，要食真係要揀啱時間，今次直入。第一啖滷肉飯就已經好有台灣嘅感覺，鹽酥雞太出色la，比台灣夜市更好食🤤朋友揀左爆蔥滷肉飯，li個配搭好新鮮，第一次見。偷偷地試左朋友個飯，隻蛋同d蔥同個飯撈埋一齊好fresh, 好juicy, 完全冇違和感，反而仲好夾添跟餐加錢嘅飲品揀左百香果鳳梨烏龍茶配寒天，唔會好甜，d寒天好好味今次得兩個人唔食得多野，下次可以試埋佢d小食，其他小食都好吸引咁

每逢收工時間，路德圍呢度就會有一條長長嘅人龍。原來就係排緊呢間台菜滷肉飯，入邊座位唔多，似係家庭式經營。今次我就試咗幾樣最經典嘅台灣嘢食，包括九層塔鹽酥雞，滷肉飯，玉米芝士蛋餅，肉骨茶同大紅袍奶茶。鹽酥雞嘅炸粉太厚，完全唔特別～粟米蛋餅就正常發揮 價錢亦都唔係特別吸引反而有驚喜小小係個肉骨茶，藥材味好重，但入面啲肉好鞋，可惜可惜……一句概括，不是太值得排半個鐘黎試呢間仲要都唔平 人均$100起跳if叫埋小食🤧🤧

與朋友Gathering，2訪台蔡。聽講台蔡奧海城開新舖，唔知會唔會影響食物品質。試完之後覺得食物質素依然keep得好好，同年半前食味道差唔多。我地order左黃金木耳，個人認為係台蔡隱藏既美食，食落去係酸酸甜甜辣辣好開胃，似足台灣泡菜隻味。除左鹹酥雞，台蔡蛋餅抵食又好食，所以趁人多order左2份🤲🏻開心開心認真雖然地方係細左少少，用餐時間得60分鐘又要排隊，但對於本地小店提供到好既食物質素，呢啲都要包容下，好過北上地方大有服務但食物質素好一般。