台北倆伴

營業中

休息中

去完車公廟就緊係要過附近嘅圍方食個下午茶順便休息一下。行經見到台北倆伴嘅台式餐廳，見佢地嘅下午茶餐個價錢都係親民價，而且入面個環境以木系設計為主，整體感覺都好舒服，所以就決定入去食啦。下午茶嘅套餐選擇多樣化，充滿台灣地道風味。先嚟三杯飲品，有套餐配嘅香濃荔枝烏龍冷泡茶，另外兩杯就加錢升級做芋香珍珠奶茶，佢個甜度適中芋香味夠特出，而珍珠嚼勁彈牙。仲有鮮鳳梨水果茶，淡淡嘅鳳梨味配上清甜果茶，飲嘅時候仲帶點點果蓉，飲落好清新。逢甲肉鬆榨菜蛋餅個蛋餅皮好薄，而且入面個餡料係有好多肉鬆同榨菜，加埋有少少甜嘅甜醬汁一齊食，非常香口。大腸麵線併淡水焢肉刈包，個大腸麵線嘅味道剛好，湯底嘅濃稠度做都剛剛好，啱啱好，而且入面嘅大腸夠稔又入味，好啱我口味。焢肉刈包都唔錯，鬆軟嘅包包入而有豐富餡料，焢肉滷得入味又多汁，加埋酸菜、芫茜等配料一齊食，整個配搭得令人食得好滋味。老阿嬤焢肉肉鬆滷肉飯配紫菜貢丸湯都好有驚喜，成碗飯都好豐富，焢肉同滷肉好入味又夠香口，再加埋肉鬆同埋半隻糖沁蛋隻同埋個醬汁，完全係撈飯之選。另外我地仲叫左份小食  鹹蛋黃芋泥酥，芋泥麻糬包住鹹蛋黃嚟炸，外脆內彈牙，而且佢個芋泥香真係令人依唔停

價格親民的台灣料理～回訪過幾次，但還有很多款式想試😋 ✿ 麻辣鴨血臭豆腐拌麵 配紫菜貢丸湯及地瓜酥 $56下午茶餐抵食豐富之餘，配搭吸引😝麻辣程度不高，對我來說剛剛好，伴上酸菜，有點酸菜魚的影子🤣拌麵質感偏軟，不過都ok，只是個人偏好al dente😂 + 四季春起司奶蓋 +$18加配價不貴，奶蓋層比例很足😳相對茶味偏淡，若更濃一點，配奶蓋更搭 ✿ 九層塔起司培根蛋餅 $62味道如名字組合一樣，穩陣好吃定價較進取，雖然賣相的確有高級昂貴feel😂

本身圍方都唔太多餐廳可以選擇，嗰日行經見到係台灣野諗住一試無妨，點知就真係一次都嫌多🤦🏿首先黎嘅@古祖起司芋泥肉鬆蛋餅有4件仔壽司size 嘅蛋餅🍣，個皮乾到好似做tacos嗰啲未烘嘅生餅皮🌮，芋泥係可以嘅肉鬆有少少，食食下發現冇蛋嘅？！問職員之下，從店長得到嘅大聲回應係「我地蛋餅係冇蛋嘅！係蛋漿搽喺入面」…😂😂😂😂😓😓😓好奇心驅使下我決定打開黎睇，請自己判斷。$62 你願意嗎？**再黎係@紅燒牛3寶手工麵金錢肚未腍湯又咸，麵中心未熟仲有粉我都忍住，但條牛筋咁樣👇🏽..鍾意食牛筋嘅人一睇就知咩事👇🏽完住冇心炆 硬過雞軟骨，仲要有腥味!!浪費食材。 盛惠$96大元可以親嘗失望的味道。真心想講，如果冇心煮，不如重新學習。I don’t think you guys respect the ingredients nor the Taiwan traditions.

諗住入去問有無位，收銀個位職員禮貌地話，暫時未有細枱叫我出襟飛等，襟了飛後我就行開咗，不過也只是在附近，因輪到我時沒有聽到，收銀那位職員竟走出來揾我，服務很好。餐廳環境不錯，也很舒服，枱與枱之間距離合理，唔會太貼，有2人枱，就算一人食都食得自在。見有四款套餐連飲品，要了這款豬軟骨便當，湯，鴨血和肉燥飯都好味，味道適中，豬軟骨有甜醋味也入味的，可惜軟骨和肉都唔夠淋要扣分，連加一和飲品共$101。叫了凍飲，員工很貼心主動地問我需要少甜少冰嗎？服務態度也很好吖。

近日又心思思想吃台灣夜市小食，今次選擇朋輩介紹既圍方 "台北倆伴"，商場連貫大圍港鐵站，好方便。入到餐廳，以木系設計為主，牆壁貼上雀鳥圖案牆紙，自然風格裝潢，讓人舒適自在。套餐選擇多樣化，紅燒牛肉麵、滷肉飯、鍋物、麻辣鴨血拌麵、夜市小食、蛋餅等等台灣地道美食。古早起司芋泥肉鬆蛋餅     $62蛋餅皮煙煙韌韌，餡料咬落軟糯，拉絲溶溶嘅芝士，配合鹹香味既肉鬆及入口綿密既芋泥，鹹甜配搭更開胃。紅燒牛肉麵拼古早滷肉飯      $58紅燒牛肉係半筋半肉，好大件而且好入味，軟淋有咬口，麵條好煙韌，湯底濃郁，散發陣陣香氣。滷肉飯份量好足，滷肉與醬汁一齊拌飯，真滋味。一份下午茶餐有麵又有飯，價錢實惠。台南擔仔米粉      $52米粉幼細，湯底清清地唔會話好濃，米粉吸入清甜既湯，搭配蛋、蝦同牛丸之外，仲加左肉燥，味道唔錯，值得一試！芋泥三色芋圓 $46三色芋圓大粒又夠煙韌，份量都好多，可以食到原材料嘅味道，仙草凍好似涼粉，口感清爽，而中間有綿滑芋泥，好出色，依碗係好吃嘅芋圓糖水！愛文芒果起司奶蓋      (+$22)上層既濃厚芝士奶蓋，口感幼滑，帶點微鹹，下層係香甜既愛文芒果，濃濃芒果味

第一次踏足圍方行咗陣見肚餓見到有間叫台北倆伴嘅餐廳做緊下午茶餐而且望下menu, 價錢亦好親民就入去試吓啦✨古早滷肉飯拼大腸麵線🍛滷肉飯好香🍚啲肉仲係半肥瘦係正宗個隻滷肉滷水蛋係流心蛋🍳食飯撈埋蛋黃汁就最夾而且碗飯好大碗，碗底好深啖啖飯都伴隨住滷肉汁入口滷肉入口即溶，好重油香好好味🤟🏻大腸麵線份量多而且食得出大腸係有預先醃過兩者好夾✨紅燒牛肉麵拼古早滷肉飯🐮🍖牛肉煮到好淋而且啖啖肉，少肥膏牛肉仲好大舊湯底多葱好甜🌿🌿配埋湯面嘅酸菜又酸又甜咁幾得意湯麵仲好掛湯又大碗✨彰化花雕雞卷🐔🍗上菜時聞到陣陣花雕酒味🍶雞卷有層薄薄雞皮包住嫩口嘅雞肉食落啖啖肉冇咩肥膏👍🏻仲有陣淡淡嘅花雕酒味襯托酒味好入雞肉，明顯醃咗好耐，誠意之作🤟🏻✨珍珠奶茶🧋🧊珍珠好有咬口飲落少甜好解渴仲有陣淡淡茶香✨鮮鳳梨水果茶🧊🍍🍊餐廳好有誠意地加咗橙皮做裝飾🍊底部仲有果蓉墊底仲有淡淡鳳梨味道🍍飲落清甜好清新以下午茶而言呢個份量相當大份🤟🏻直頭可以當午餐咁看待餐廳環境整潔企理侍應好親切有禮上菜時會講菜式名稱同埋會放到客人面前唔係玩推銀機咁齋放枱邊👍🏻呢個價錢性價比高會繼續幫襯🥳

今日同frd行圍方入咗呢間裝修超靚嘅台式餐廳食下午茶，商場鋪來講價錢好親民，跟餐有台式飲品，份量亦都好夠。紅燒牛肉麵配古早滷肉飯牛肉麵味湯底濃郁惹味，麵身彈牙有口感，牛肉軟腍又入味，滷肉飯有肉鬆同半隻糖心蛋，肥美豬肉肉加埋香濃醬汁，撈埋肉鬆一齊食十分美味😋。鹽酥雞肉鬆滷肉飯配紫菜湯及地瓜酥另一款揀咗鹽酥雞配滷肉飯，鹽酥雞外層炸得夠酥脆唔厚粉，內層雞肉口感鮮嫩，配合埋鹽酥粉食落超惹味，地瓜酥口感煙煙韌韌咁帶香甜味道，最後飲埋碗清新紫菜湯，完美。逢甲肉鬆榨菜蛋餅外層蛋餅唔會過分厚身，中間餡料塞得好滿，一口一舊層次十足。台灣奶茶黑糖薑母茶荔枝烏龍冷泡茶跟餐仲有飲品跟，當中最出色係黑糖薑母茶，甜而不膩，有淡淡薑母獨特味道，飲完成個胃暖粒粒。台北倆伴 (大圍)大圍車公廟路18號圍方5樓528號舖

覺得呢間同沙田嗰間初遇好似一模一樣集團不過搵唔到數據款式一樣，但係價錢就貴好多！好似滷水牛三寶咁就要128 ，但係沙田嗰間只係要$78貴成$50不過原來佢份量大好多！牛腱多兩片 其實如果係Double份量嘅話，呢度係抵嘅味道都唔錯，撈得幾好味，呢度嘅牛肉同牛肉麵嘅唔同，嗰啲係直徑粗啲，而且係長長的 呢度就係牛腱一片片硬口啲 各有千秋滷水蜂巢豆腐幾特別下午茶跟餐又得要紅棗水幾天然而且好香 $58份量好多！仲有好多蟹肉同埋蟹黃下午茶超正超多配搭，譬如嗌牛肉妹又可以配個好細嘅滷肉飯，變咗咩都有得豉油平啲啲呢個海鮮煲材料麻麻，但係款式真係同沙田食嗰間一樣，不過多咗豬血膏！台灣食嗰啲唔好食呢度OK啵！用餐時間得90分鐘，不過都夠時間食佢哋平日都好繁忙，服務態度唔算好好，不過不過不失

今天和朋友行過大圍圍方有D肚餓，特意試吓這間台式餐廳，這餐廳用半開放式設計，環境闊落舒適，tea time 午飯人潮開始散去，所以很快巳有坐位，服務員很有禮貌地介紹下午茶餐種類給我們選擇。古早滷肉飯大腸麵線雖然是茶餐，但飯和麵份量也不少，大腸洗得很乾淨而且很肥美，麵線質地十分幼滑，還併上一碟醋，加入湯麵吃非常和味，最後我連湯也差不多喝清。滷肉飯每粒飯都粒粒分明，飯質黏口有飯香，滷肉肉粒肥瘦適中，肉味香濃，配上特別滷汁和醬油，還有糖心蛋和肉鬆，多重口感👍🏻。黑糖珍珠奶茶這杯奶茶飲落奶滑而且茶味香濃，不會太甜，黑珍珠入口Q彈，感覺幾得意，茶餐另加＄12，值得推介。老阿嬤焢肉肉鬆滷肉飯飯面放著2件大大的焢肉非常吸引，食落似食東波肉，肉質軟腍不會黐牙！滷汁味道十分出色！整碗飯份量很大，食得很飽。紫菜貢丸湯清甜可口，紫菜不少，貢丸彈牙，朋友讚不絕口。

有個friend話試過幾好食，咁嚟試吓囉入座嗌咗個排骨便當同豬軟骨便當隔咗唔夠5分鐘就嚟排骨賣相好奇怪，一忽一忽咁慢煮豬軟骨一定要配飯食如果唔係食落完全唔熱鴨血質量麻麻，冇乜味道兩個便當最好食係個湯，其他質素麻麻埋單收+1完全唔值呢個價，冇下次

事先係GULU拎定飛，今次終於試到，呢間餐廳都受歡迎，用餐時間係一小時，時間都幾趕🤣我地揀左老阿嬤焢肉麻辣拌麵，紅燒牛三寶手工麵，黑糖珍珠奶茶，鮮鳳梨水果茶(少甜)老阿嬤焢肉麻辣拌麵，拌麵係呢幾樣之中最好食，味道幾惹味，麵質幾煙韌，不過麵條太長，食用嗰陣有少少麻煩🤣老阿嬤焢肉就太肥，食落去無入口即化，所以就覺得太膩了紅燒牛三寶手工麵，湯底唔夠濃，牛肚和牛筋就麻麻地，手工麵無拌麵咁入味，整體普普通通黑糖珍珠奶茶，珍珠好淋，唔夠咬口鮮鳳梨水果茶(少甜)，真係唔係好甜，鳳梨味好淡總括而言，拌麵係值得試，不過如果要等位等好耐，就唔係咁值得🤣

台北倆伴大圍車公廟路18號圍方5樓528號舖食物推介：T03 逢甲肉鬆榨菜蛋餅 $48，T07 大腸麵線拼淡水焢肉刈包 $52，T05 紅燒牛肉麵拼古早滷肉飯 $58，T10鹽酥雞肉鬆滷肉飯 配:紫菜貢丸湯及地瓜酥 $62逢甲肉鬆榨菜蛋餅：蛋餅的底部是用蛋液煎烤而成，口感酥脆，裡面則搭配上肉鬆和榨菜，肉鬆具有香氣濃郁的煙燻味道，榨菜既咸香和脆嫩，值得一試！😄😄😄大腸麵線拼淡水焢肉刈包：豬大腸口感鮮美，麵線滑嫩軟綿，加上麻油和醬油等調味料，味道一流！焢肉刈包的豬腩肉肥美多汁，肉質鮮嫩，配上炸菜和香茜，美味可口！👍👍👍紅燒牛肉麵拼古早滷肉飯：紅燒牛肉醃製得非常入味，骨肉均勻，肉味濃郁，加上鮮甜的湯汁和煙靭的麵條，令人滿足！滷肉飯肉味香濃，肉粒肥瘦適中，淋上滷汁和醬油後香氣四溢，值得推介！😍😍😍鹽酥雞肉鬆滷肉飯 配:紫菜貢丸湯及地瓜酥：鹽酥雞外酥內嫩，吃起來口感非常脆嫩，每一口都能感受到肉汁的滋味！滷肉飯入口即化，配上鹹香的鬆肉，讓人欲罷不能！紫菜貢丸湯清爽可口，貢丸彈牙！地瓜酥炸至香脆，香甜滋味！😋😋😋

當晚同屋企人去到圍坊唔知食咩好。。見到呢間台灣餐廳，餐牌嘅圖片好似唔錯，就排隊試吓啦，排咗大半個鐘，終於有位。嗌咗個花雕雞卷麵，排骨肉燥飯。首先，花雕雞的味道有點苦，係苦到澀口。我們就向一位員工（KoXX）提問，並向該位員工提出讓廚房同事檢查一下有冇壞到。員工表示味道就係咁。好啦，可能係我唔啱食啦⋯跟住個排骨就係甜嘅，唔係甜咁簡單。食啲嘢食咗幾啖就走人。跟住到第二朝早，我同屋企人都肚痛，嚴重肚痾，最後要睇醫生同埋休息兩日先好返。提醒一下大家，腸胃唔好嘅人士，唔好輕易嘗試！！！

食物推介：大腸麵線拼淡水焢肉刈包 $52，鹽酥雞肉鬆滷肉飯 配:紫菜貢丸湯及地瓜酥 $62，愛文芒果起司奶蓋 +$22，黑糖薑母茶 +$0大腸麵線拼淡水焢肉刈包：大腸麵線的湯底濃郁香醇，麵線滑順，大腸滷得軟嫩入味。淡水焢肉刈包的刈包蓬鬆柔軟，焢肉肥瘦相間，而且香噴噴，好好味！😄😄😄鹽酥雞肉鬆滷肉飯 配:紫菜貢丸湯及地瓜酥：鹽酥雞金黃酥脆，雞肉很嫩滑。滷肉飯的滷肉肥而不膩，滷香撲鼻，入口很軟嫩。紫菜貢丸湯清淡鮮美，貢丸很彈牙。地瓜酥金黃酥脆，讓人食指大動！👍👍👍愛文芒果起司奶蓋：愛文芒果鮮甜好味，果味十足，起司奶蓋芝士味濃郁，口感滑順，啖啖滋味！😍😍😍黑糖薑母茶：黑糖味十分香咁好味，薑母茶薑味濃郁，加上玫瑰花、枸杞、紅棗、桂圓等配料，味道一流！😋😋😋

我今日約同好友去大圍行街，順道去位於大圍車公廟路18號圍方5樓528號舖的台北倆伴食台式下午茶，環境舒適，坐得舒服。我點左個 T05 紅燒牛肉麵拼古早滷肉飯$58，好友點左個 T04 老阿嬤焢肉肉鬆滷肉飯配紫菜貢丸湯 $56， 小食就點左 T03 逢甲肉鬆榨菜蛋餅 $48，A03 古早烤台灣香腸$56，A04 彰化花雕雞卷 $62；餐飲係熱黑糖薑母茶，熱桂圓紅棗茶。紅燒牛肉好軟腍入味，牛味濃郁，滷肉飯好味；老阿嬤焢肉好淋好食；蛋餅好味道，台灣香腸烤得香口，雞卷有咬口又好香花雕酒味👍，兩款熱飲好潤喉。