台北倆伴

在大圍圍方台北倆伴，餐點的選擇令人驚喜，特別是澎湖荔枝蝦球，外脆內嫩，蝦肉鮮甜，搭配荔枝的清香，讓人一試成主顧。九層塔起司培根蛋餅則是另一道必點之選，香濃的起司與培根融合，帶來濃厚的美味，讓下午茶瞬間變得奢華。紅燒牛肉麵的牛肉軟嫩，湯頭濃郁，彷彿每一口都能品味到肉質的鮮美。下午茶餐的牛肉麵還配滷肉飯，別具風味。牛肉麵的湯汁與滷肉飯的米飯相互融合，讓人感受到層次感的美味，既滿足又不油膩。此外，花蓮櫻花蝦甜不辣給人一種特別的口感，櫻花蝦的鮮香與甜不辣的滑順，為整體菜單增添了獨特風味。飲品方面，仙草奶茶清新消暑，仙草的香氣讓人心情愉悅，而珍珠奶茶則是經典選擇，Q彈的珍珠搭配奶茶的醇厚，令人回味無窮。整體而言，大圍圍方台北倆伴提供的菜式絕對值得一試，讓人滿足又愉悅。…查看更多

紅燒牛三寶麻辣拌麵（走辣）.一入口甜嘅？！🤯我比較中意吃咸嘅拌麵 所以一入口已經失去我歡心但個牛筋都算幾軟淋，牛肚幾彈牙，牛肉都好淋，牛三寶個汁同麵果個唔一樣，係類似咸味嘅滷水汁，我覺得可以接受的個麵身就正正常常，我覺得冇咩特別.店名：台北倆伴…查看更多

🎊非常低食的下午茶🤗今次叫咗以下食物😋✅逢甲肉鬆榨菜蛋餅 逢甲肉鬆榨菜蛋餅外酥內軟，肉鬆鹹香與榨菜微辣超搭。✅大腸麵線拼淡水烤肉刈包大腸麵線湯頭濃郁，麵線Q彈，搭配淡水烤肉刈包，醬汁甜鹹，再配上酸菜增添層次。✅花雕雞卷麻辣拌麵」配：紫菜貢丸湯及地瓜酥 花雕雞卷酒香濃郁，麻辣拌麵辣得過癮，紫菜貢丸湯清甜解膩，地瓜酥外脆內甜。✅黑糖薑母茶暖胃順口。✅桂圓紅棗茶甘甜療癒。好多紅棗。整體份量足，風味豐富，台式小吃精髓盡顯，值得再來。…查看更多

••尋日喺圍方兜咗幾個圈都諗唔到食乜，最後去咗4樓嘅「台北 倆伴」。之前有朋友話差評，所以就嚟食個究竟🤣➢ 🍝 宜蘭蟹肉蟹黃拌麵(限量) $𝟷𝟷𝟾每日限量供應的宜蘭蟹肉蟹黃拌麵，蟹肉好多，但食落有輕微腥🤏🏻可以接受嘅，麵質唔會過淋唔會過硬🤝🏻➢ 🍲 一品臭臭火鍋 $𝟷𝟺𝟾唔好睇佢細細兜，都好多料!!不過好多嘢都係得兩舊😆仲有小/中/大/特辣可以選擇，我唔太食得辣，所以就揀咗小辣，聽到隔離檯有人嗌中辣，個staff都同佢講「中辣好辣架喎！」😂本身都不以為意，心諗咁我嗌小辣實無死，上咗菜食咗幾啖都覺得「唔辣喎」，但原來只係未入味!! 到最尾落埋粉絲之後，個粉絲吸曬個湯底，辣到我哋係咁飲水🤣但整體幾好味，特別加埋粉絲🤤🤤➢ 🦀 士林夜市蟹蓋(3件) $𝟻𝟸以為蟹蓋入面會釀蟹肉，點知入面係一啲薯仔蓉、肉、蘿蔔咁樣😂少許失望，味道可以接受嘅，但下次就唔會再揀🙂‍↔️📍 台北倆伴 (大圍)大圍車公廟路18號圍方5樓528號舖#台北倆伴 #圍方 #大圍 #大圍美食 #hkfood…查看更多

🧨Topic：諗住食好野，點知食到預制地獄菜*同老婆有空行下大圍，見到OpenRice啲comment好似唔錯，心諗可能有驚喜，點知係一場災難。*等位：* 明明入面一堆空枱，職員就係死唔比入，搞到好似我哋係求佢咁。*入座：* 終於入到，話只可以坐一個鐘，呢個都算合理。*落單：* 去叫人落單，以為搞掂，等咗半個鐘連杯水都冇，問咗先知原來根本冇落到單。你話得一個鐘坐，40分鐘用嚟乾等，係咪玩我哋？之後職員話「冇問題，2分鐘就有得食」，我即刻心諗：咁快？唔通係微波爐叮出嚟？原來真係預制菜，唔係廚房煮，係工廠出品。---*🍜慢煮豬軟骨麻辣拌麵：⭐️ 1星（其實想比0星）*叫咗小辣，結果辣到好似食緊火鍋底。辣唔係問題，問題係個麵似公仔麵，冇口感冇味道，豬軟骨更加係災難級，硬、乾、冇肉味，兩蚊春都唔想買。兩分鐘出菜，真係唔使問，工廠貨。---*🥚逢甲肉鬆榨菜蛋餅：⭐️ 0星（如果有負分我會比 -5）*四舊蛋餅，食咗一舊已經想放棄人生。榨菜死鹹，肉鬆乾到似紙屑，蛋餅皮又厚又韌，咬落去好似食鞋底。完全唔知點解會有人食得落。---*🧋芋香珍珠奶茶：⭐️⭐️⭐️ 3星（唯一唔係毒藥）*正常水準，冇驚喜冇失望。芋香味有，但珍珠偏硬，唔係好啱口感。---*💸總結：比咗二百幾蚊買一肚氣，我食M記都開心過佢十倍。*OpenRice啲好評唔知係真心定水軍，但我就真心奉勸大家： *唔好中伏，遠離預制地獄。*…查看更多

我同阿仔去圍方食午餐，揀咗台北倆伴，呢間餐廳之前試過幾次，果然冇令我哋失望。呢度最吸引嘅就係佢哋嘅拌麵，特別係我的最愛——豬軟骨麻辣拌麵。我叫咗豬軟骨麻辣拌麵，豬軟骨非常入味，軟滑得嚟又唔會過於油膩，麻辣醬汁香濃，正好令整碗麵更加有層次。如果你唔太能接受辣味，可以同店員講，佢哋會幫你調整辣度，真係好人性化。而阿仔就揀咗老阿嫲焢肉肉鬆麻辣拌麵，佢覺得焢肉既嫩滑又唔油，肉鬆同埋麻辣醬搭配得非常好，食完真係意猶未盡。兩碗拌麵配搭咗一碗紫菜貢丸湯，湯底清淡可口，剛剛好中和咗拌麵嘅濃烈味道。雖然唔算話好貴，但個搭配非常享受，令我哋兩個食得心滿意足。餐廳入面嘅裝修是採用簡約風，環境十分舒適，坐得唔會覺得擠迫，令人好放鬆。總括來講，台北倆伴係一個值得再返去嘅好地方，強烈推介！台北倆伴 (大圍)大圍車公廟路18號圍方5樓528號舖#香港美食 #大圍 #大圍美食 #圍方 #thewai #台北倆伴 #台灣美食…查看更多

難得和男朋友一起放假，睡到自然醒是必須的。我們的「早餐/午餐」已經是旁人的下午茶🤣這裡的下午茶超多選擇，款款也吃的飽，但價錢相宜👍🏼花雕雞卷麻辣伴麵每款便當均配紫菜貢丸湯及地瓜酥。麻辣伴麵很惹味卻不會太辣，花雕雞卷酒香味頗突出，但不會有苦味。地瓜酥煙韌軟糯，甜甜的當飯後甜品非常不錯。沙茶牛肉鍋男朋友說很肚餓所以點了個超豐富的鍋，還加$10 升級至滷肉飯。滷肉飯材料超豐富，最意想不到的是有牛板鍵，相當有誠意。士林夜市蟹蓋我們還貪心地點了個沒試過的夜市小吃。這個感覺有點像炸蟹餅，頗有趣。…查看更多

要求分開豬扒另上又唔得，要求飲品少𣲙少甜又唔得，啲員工講嘢又冇乜禮貌，乜都話公司規矩， 個人唔係咁鍾意， 聽到隔籬枱有類似要求都好唔滿意。 唔知第二間分店係咪咁樣， 大圍就係。…查看更多

下午茶套餐都有好多選擇，今次試咗呢一款有鹽酥雞肉鬆滷肉飯，又有紫菜貢丸湯同地瓜酥一齊！鹽酥雞味道唔錯，但係第一次雞肉鬆滷肉飯，我覺得個肉鬆好甜，滷肉偏稀，唔算係我最鍾意嘅！雖然細細碗，但係我覺得好夠食一個女仔係啱啱好！紫菜貢丸湯嘅貢丸係好細粒，應該係一粒切成小塊咁樣，地瓜酥煙煙韌韌，我就幾鍾意食！呢一個套餐可以包嘢飲，就加錢要咗大甲芋頭芋圓鮮奶，芋頭泥唔錯！芋泥三色芋圓，係我另外揀嘅甜品，佢唔似仙草，而係涼粉，偏凝固，三色芋圓味道差唔多，煙煙韌韌！…查看更多

很久前到訪過此台灣食肆，印象不錯，今日經過大圍，二話不說再次拜訪。這裡環境仍然是很開陽和清潔，值得一讚係服務員十分有禮貌，不停講唔該和謝謝，還送上溫水和牙籤， 非常貼心。餐牌食物沒有加價，仍然抵食。老阿嬷熔肉肉鬆配：滷肉飯紫菜貢丸湯上次食這個飯朋友讚口不絕，今次再嘗仍然滿意度很高，很高興它仍然保持水準！熔肉一樣肥瘦分明，肉質仍然軟腍，配菜有咸酸菜、肉鬆、滷肉和糖心蛋，加上出色滷肉汁和粒粒分明白飯，大滿足👍🏻鹽酥雞肉鬆滷肉飯配：紫菜貢丸湯地瓜酥雞肉大大粒，炸粉脆口，雞肉入味Juicy，地瓜味道甜蜜，酥炸得外脆內軟，口感煙靭彈牙，紫菜湯滿滿我喜歡的紫菜，同貢丸味道出奇地夾 。珍珠奶茶和紅棗茶雖然系餐茶，但十分大杯，用料十足，味道0 K，紅棗茶內加入杭菊、桂圓和杞子，不是很甜，女士養生之選。…查看更多

圍方開張後一直都好熱鬧特別成為屯馬線居民嘅揾食集中地新商場有唔少餐廳食肆價位普遍都大眾化鍾意食台灣菜就諗起呢間台北倆伴個名好有趣有食字嘅感覺餐廳裝潢設計簡約舒適午餐餐版都幾多元化價錢亦走大眾化路線特別欣賞有好多台式小食點咗個古早起司芋泥肉鬆蛋餅四大件份量十足餡料係多到爆出嚟另外澎湖荔枝蝦球賣相精緻好啱呃like 趁熱食味道唔錯好彈牙！仲有好掛住嘅麻辣鴨血臭豆腐！台灣夜市傳統美食好有feel最後主食再追加lunch menu 嘅紅燒牛肉麵配一小碗魯肉飯麵條彈表牙大滿足！…查看更多

圓方呢間台北兩年下午茶好抵食，$62有個肉鬆滷肉飯, 半隻滷蛋, 鹽酥雞肉, 紫菜貢丸湯, 仲有兩舊地瓜酥做甜品。套餐本身包嘢飲，加$22就可以轉粒粒藍莓芝士奶蓋。上枱嘅時候摸一摸下面竟然係熱嘅！飲一啖令我諗起羅便臣啫喱嘅黑加侖子口味！芝士奶蓋凍，下面熱，口感真係夠晒特別😂😂另外叫多個香菇滷肉台灣A菜, 原來食落好似香港嘅油麥菜加咗香咕嚕肉醬，咁嘅食法真係第一次.最尾食埋個地瓜酥，原來都有驚喜。本身以為係真地瓜，原來係好似地瓜球造成嘅一口酥。…查看更多

呢度下午茶餐6點先完，我地剛好趕上，侍應都好好，立刻幫我哋落單😆🐮紅燒牛肉麵拼古早滷肉飯一個餐食哂2款地道台灣主食，牛肉麵棉質QQ的，仔非常欣賞，好快就食晒。古早滷肉飯拼唐心蛋🥚，分量十足，味道都好夠台味👍🏻🐓花雕雞卷麻辣拌麵紫菜貢丸湯及地瓜酥麵嘅質地軟硬程度適中，可揀唔辣就有肉碎拌麵，汁量剛好包曬所有麵。醉雞充滿濃郁酒香，好適合配埋拌麵一齊食😋 紫菜貢丸湯都有有好多貢丸粒，不錯。地瓜酥好香蕃薯味，煙煙靭靭，口感不錯👍🏻下午茶餐配有飲品，都可加錢升級至 台式飲品🍵 荔枝烏龍茶：凍凍的，淡淡荔枝味👍🏻，無糖之選🍍鳳梨水果茶 （+$18）好多菠蘿，茶底清新解渴，可以叫微甜少冰來迎合我口味台式小食🍗 士林鹽酥雞外脆內軟，味道剛好，唔會太咸，台灣夜市風味，份量都唔少。🍤 澎湖荔枝蝦球一碟有6大粒，外面啲脆脆好香口，入面就係蝦滑，夠哂彈牙！…查看更多

台北倆伴今次係我第二次回訪呢間台灣菜餐廳叫「台北倆伴」，呢間台灣菜餐廳係位於圍方商場5樓，佢哋下午茶好抵食，套餐$46起，仲配埋指定熱飲品，亦都可以加錢轉其他飲品！1.紅燒牛肉麵拼古早滷肉飯$58+芋香珍珠奶茶$12（9.5/10）呢個套餐有一碗紅燒牛肉麵+古早滷肉飯，牛肉麵個牛肉好軟淋，個麵好煙韌彈牙，似寬條麵窄身少少。個滷肉飯隻流心蛋有少少咸，滷肉啱香港人口味，唔會太甜，肥瘦適中。飲品加咗$12叫芋香珍珠奶茶，芋頭香都幾濃，珍珠煙韌唔會硬心，成杯唔會好甜！2.鹽酥雞肉鬆滷肉飯 配紫菜貢丸湯及地瓜酥$62+黑糖珍珠奶茶$12（8.5/10）鹽酥雞肉粉太多，味道有少少咸，一共有五舊鹽酥雞。個滷肉飯隻流心蛋有少少咸，滷肉啱香港人口味，唔會太甜，肥瘦適中。紫菜貢丸湯好咸，貢丸係切開有4小粒。飲品加咗$12叫黑糖珍珠奶茶，珍珠煙韌唔會硬心，甜度有少少甜！3.澎湖荔枝蝦球（6粒）$62（9.5/10）一咬開好脆，造型似荔枝，入面係蝦膠，一共有6粒荔枝蝦球，唔錯！4.咸蛋黃芋泥酥（3件）$46（10/10）一咬開非常熱，證明即叫即炸，咸蛋嘅香同芋泥嘅香味道夾到非常好，一共有3件咸蛋黃芋泥酥，必叫之選！5.愛文芒果綠茶$19（6/10）叫小食飲品可以半價，原本一杯愛文芒果綠茶要$38，不過呢杯飲品無芒果味，又無綠茶味，唔值咁貴！2人總共價錢$298，其他有加一服務費！個人口味總評分：8.7/10  @thewaimall 地址：大圍車公廟路18號圍方5樓528號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#台北倆伴 #台灣菜 #圍方 #大圍美食 #大圍好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

有一排冇去台灣，其實都幾掛住台灣菜。今日嚟咗圍方嘅台北倆伴食下午茶，下午茶選擇好豐富，有10幾個set，又有多款小食、飲品同甜品選擇。用餐環境光猛座位服務，坐得好舒服。T06 古早滷肉飯 大腸麵線 $52我叫咗個滷肉飯配大腸麵線套餐。迷你版嘅滷肉飯都好多飯，份量足夠，滷肉肥瘦分佈平均，質感黏黏地，好滿足。旁邊有肉鬆同糖心蛋，肉鬆好香口，糖心蛋非常流心，帶有醬油味。大腸麵線都好大碗，湯底帶有香菇同芫荽味，麵線幼身，大腸洗得好乾淨～炭培烏龍起司奶蓋 +$18每個下午茶套餐都配有飲品，我加錢用咗個奶蓋烏龍茶。奶蓋份量非常多，質地好厚，芝士味好濃。烏龍茶無糖，正好中和咗奶蓋嘅膩。T04 老阿嫲焢肉肉鬆滷肉飯 $56下午茶嘅滷肉飯都好大碗，一樣有肉鬆同糖心蛋作配料，仲多左啲酸菜～ 焢肉大大舊，食落軟淋，炆得好入味，味道甜甜地。套餐仲配有一碗紫菜湯，裡面有啲貢丸，輕輕地，唔錯。鮮鳳梨水果茶 +$18水果茶好fresh，仲見到啲新鮮橙粒，好解渴。鹹蛋黃芋泥酥 $46芋泥酥即叫即炸，熱辣辣，食落外皮非常酥脆，內裡帶點煙韌感。芋泥份量多，食落甜甜地，質地綿密。最中間仲有鹹蛋黃，鹹鹹甜甜，好好味！芋泥肉鬆蛋餅 $62蛋餅餡料好多，滿滿的～ 裡面有芋泥、肉鬆同芝士，係甜口味嘅蛋餅。…查看更多