只 (已結業)

今日上網睇見到d人話呢間綠茶好正 收工即刻過黎試下 都搵左一陣先搵到呢間鋪 細細間 都幾舒服咁 一坐低其實都冇人招呼 好似自助形式咁 不過明明有三個樓面 叫左好耐先問到佢拎個menu黎睇 再用左一段時間先落到單 我係叫左兩個套餐 先黎既係南瓜湯雖然好有南瓜味 不過好甜 甜到好似食糖水咁 好古怪 蒜容包加兩蚊轉佢返黎食 點知黎到燶過我塊面 真係唔想食佢 係好脆口 脆到爽爽聲 有好多牛油 不過冇咩蒜容味 野飲我簡我至愛既綠茶 佢呢隻冇落奶好香濃既綠茶味 好好飲 好有一種點甘既香口感覺 可惜太細杯 要慢慢飲先得 等左成差唔多十五分鐘先有野食 先黎既係主菜有牛肉意粉 好香既鮮蕃茄汁 味道偏酸同略痛甜 牛肉好林 不過冇乜牛肉味 好似香灼完冇晒味既感覺 加上蕃茄味太重已經遮蓋左 意粉佢煮到7成熟 我食我就覺得岩岩好 都可以接受 我朋友覺得太硬唔鍾意 佢既配料只冇數之不盡既紅蘿蔔條 真係好一般 食食下 先黎我既前菜菇菇 我望第一眼好油 好肥 佢既黑松露放係個碟到多過係個菇到 我都唔知點筆黎食 我食落口 已經唔知係成口油既juicy定真係菇菇會咁juicy 雞脾菇佢

12月25日普世歡騰既日子，約了菜特們去留倩影！晏就就同芷小姐，LuLu，羅小姐去做文青少女！芷小姐同LuLu之前食過只，一致好評！所以今次帶我地去食！下午1時許到達，當時只有1枱客人，可能聖誕節大家都選些較有節日氣氛既餐廳吧！但偏偏我最愛這種寧靜既餐廳，令人可以靜下來享受！點了全日早餐$80， 野菌松露闊條麵$68，伏特加芝士吞拿魚長通粉$74 及焦糖Latte！全日早餐，不過不失，沒大驚喜！野菌松露闊條麵，松露香氣四溢！而闊條麵口感軟硬適中，值得一試！伏特加芝士吞拿魚長通粉較為特別，酒味非常濃，可以僻去吞拿魚既腥味，配上芝士及茄汁，味道很夾很開胃！而最為驚喜的是焦糖Latte, 拉花拉得很美，奶泡打得十分幼細！而且焦糖份量剛好，Like!食物質素雖然不算很好，但配上環境及咖啡，實在令人放鬆，可以姐妹淘，偽文青一番！

同老友記想做偽文青....所以揀左呢一間.....一直話黎又冇黎到既CAFE其實間野都幾文青架.....所有傢俱都係木製....但無奈..真係好無奈...美中不足...我唔明白佢點解要播容祖兒果D歌...攪到自己間野好似變左做仙跡岩咁....=.=坐低睇睇MENU見到有抹茶....我都係唔放過...我嗌左宇治抹茶（無奶）黎飲...HEHE好重宇治抹茶味..好喜歡一上黎熱辣辣....仲喜歡...因為熱飲的宇治抹茶先至係最好味....味道濃而不甘....亦都唔會帶出苦味.....最重要杯野飲好滑身啊~!!!之後再嗌左個是日甜點食完真係心心眼...同我係台灣食果件抹茶蛋糕係一模一樣的....好喜歡首先...蛋糕好好好鬆軟....好喜歡食到抹茶味濃...但牛油味亦不重...最怕食到重味牛油蛋糕.....之後佢地將個蛋糕焗到微暖的....而餅底更烘到鬆脆的...........這個超級有驚喜....好喜歡啊...再配以佢地手打CREAM.....肥死了...

食物上其實唔錯咖，不過可惜人手有啲唔夠，所以上菜好慢，最後碟意粉我地等左差不多45分鐘先有，再加上凳又唔係坐得幾舒服，令到中間等既時間更長咁⋯我相信下午茶時間去，唔打算坐好耐既，呢間只會不錯，但如果三五成群朋友好好聚既話，可以有更多選擇另外朋友想比驚喜我訂左一個waffles ，可惜溝通有啲問題？（我唔肯定因為唔係我訂）所以佢不斷走過黎問訂左邊款，咩味等等⋯咁就無哂驚喜，希望佢地同事之間可以溝通多啲，唔使大家咁尷尬啦～

最近有一家新開的cafe，在網上被她木的裝修吸引，和朋友去試。cafe也有提供意粉，和少量甜品的輕食。因為都飽，所以點了一個抹茶鮮奶 ($56) 和磅蛋糕。($18)抹茶鮮奶都幾大杯，抹茶好香濃，不過覺得定價有點少貴。另外，磅蛋糕我們都很欣賞，上枱前已經烘熱，蛋糕邊脆脆的，而且軟熟，不至乾身，蛋糕也有抹蛋的回甘味，加埋忌廉和紅豆十分夾，不會過甜。雖然定價有點高，不過用來消磨時間也十分不錯的。

常常好羨慕台灣，日本或是韓國都有好多好有特色的咖啡店。特別在電影中，電視劇集中，MV中…女主角都會坐在大大塊落地玻璃窗前的座位旁，享受一杯咖，真是浪漫到不行。但是在香港這樣高地價的城市中，這樣的大落地玻璃咖啡店，多數都是連鎖店。所以，香港的小店為了節省租金，才會搬到了樓上。而「只」也正是一間樓上舖。若果你問我，喜歡望街境的咖啡店還是樓上的？我會回答說是可以望街境的。但如果樓上café 是用心到令人滿意的，就另當別論。說真的，我大大話話去過很多間樓上café 了。唯有這次的食物是最令人滿意的。因為之前的樓上café 食物都不能說得上是好好味。而「只」的食物，真的做得非常好。當天聖誕日 25號到這裡吃一個簡便的午餐。以為會無位，怎料T小姐幫我們訂位時，回覆有位！真是太驚喜！「只」位於加連威老道的九龍華美達酒店的後面的威華大廈，好易搵得到。走入一幢舊式樓宇，跟管理員叔叔說要到四樓的，就可以乘電梯到四樓的「只」。一出電梯門，就是「只」了。外面看是沒有甚麼特別，但café 內是真的是一個文青的家。不論是任何的擺設都見落足心機，就連檯面上的一些小乾花，都可以令整個環境加分。杯墊也印有café 的名

今日我一個人食LUNCH! 因為比人放飛機上網搵下有咩食啦! 其實係是但揀一間又唔洗等位!上到黎覺得好靚! 好有文青feel, 裝修簡約! 每張枱上都有小擺設!傢俬以木色為主! 感覺舒適, 仲有sofa 坐, 正!再加埋一塊大玻璃窗, 陽光影射入黎!  舒服呀! 仲要影相一流我order左個all day breakfast + 泡沫鮮奶chotolate!全日早餐既材料有松露炒蛋, 多士, 脆皮腸, 煙肉, 茄汁豆, 沙律菜!店員細心問我 唔通佢知我keepfit, haha!蛋炒得好滑! 松露味好重! 脆皮腸, 煙肉也不錯! 最緊要唔好油! 多士係最好味既!佢烘得好趣! 又有蜜糖! 我諗左好耐, 味道好熟 係邊食過呢! 諗反起原來係好似bbq燒麵包塗蜜糖果d味 超正呀!唯一唔好既係沙律菜帶酸, 多左小小醋! 但都可以接受既!泡沫鮮奶chotolate我叫少少少少奶! 因為我鐘意濃d! 黎到當然相機食先! 拉花好靚呀! 朱古力味道濃郁! 啱啱好唔會好重奶味! 贊呀!埋單係用ipad睇單, 好環保呀!下次同朋友會再黎既! 不錯既選擇!

星期五晚，是辛勞工作一週後的解放時間，當然要安排節目，好好慶祝輕鬆一下。跟朋友到The One 看電影，之前當然要先醫肚。想起之前在網上看過 只 的介紹，離 The One 不遠，一於試試。 只 是一間樓上Cafe，裝潢挺有格調，燈光柔和，座位寬敞舒適。桌上放有小裝飾，矛人輕鬆感覺。 玫瑰鮮奶綠茶 - 定價偏高，玫瑰味幽香，拿起來已經隱約傳來玫瑰香氣。反之綠茶味不太濃，但加入鮮奶質感香滑。 全日早餐 - 包有沙律菜、茄汁豆、松露炒蛋煙肉、多士、香腸，尚算豐富。沙律菜不算十分新鮮，沙律醋酸酸的使人開胃；多士不脆，塗上牛油蜜糖甜甜的；炒蛋松露味欠奉，值炒得軟滑；煙肉、香腸咸度適中，不會過咸。 "黑墨魚子" 海鮮蒜蓉炒意粉 - 咦！？黑墨魚子呢？向店員詢問，原來是菜單轉了，櫻花蝦取代了黑墨魚子，但點菜時店員並沒有告知。一心想試黑墨魚子的朋友十分失望，櫻花蝦是冷冰冰細細仔的，淡而無味。唯然灑上芝士粉卻香味不濃；主角蒜蓉味很香，意粉炒得很香，但意粉澱粉質過重。Cafe 環境舒適，店員態度殷勤，但上菜速度頗慢，食物質素也有改善空間。

於網上看到有人推介這家cafe 特意約友人一試位置有點偏僻難找 大廈入口位於人煙稀少的小巷 鹽燒明太子白茵蟹棒意粉($76) 醬汁味道恰到好處 雖然稍為乾身 但仍推介 一人份量剛好 香草南瓜咖哩燴雞($76) 可配薯角/意粉/意大利飯 抱著期望的心態點了意大利飯 結果甫上菜便讓人大失所望 以為南瓜咖哩燴雞的飯應當是黃色的完全融入 其實只是把咖哩雞草草淋於飯上 意大利飯的sauce也稍嫌稀身 沒有risotto的黏性 而且雞肉"鞋"身 整道草也吃不出南瓜味選配意大利飯實屬不智 是日甜點($18) 抹茶pound cake也是強差人意 不僅抹茶味 甜味欠奉 而且烘焙過度 pound cake應有的軟綿綿不見了 十分乾身 吃下去就像在吃咭紙一樣 令人失望 這杯抹茶牛奶Latte則是不錯 拉花十分精美 甜味也恰到好處 另外點了玫瑰 草莓果醬梳打($52) 頭一口喝下去不錯 甜甜的 但無以為繼 愈喝愈無味 性價比低總結 我和友人都沒有要回頭光顧的打算

係尖沙咀搵個可以放鬆既角落唔係咁易，只就完全可以俾一個放鬆既時刻。鹽燒蟹棒白菌明太子意粉 ($76)明太子意粉以忌廉汁拌上明太子，香膩滑溜，質地亦好creamy。面頭輕輕灑上海鹽，鹹香惹味。蟹棒蟹味濃郁，配料蘑菇都好夾。整體恰到好處，唔會太膩。Green tea latte ($56; 套餐+$16)只既抹茶飲品用上字治小山園抹茶。拉花拉出天鵝好精美，令人唔捨得飲呢。抹茶甘而不苦，清香怡人。奶令green tea latte好香滑，不過奶味有少少蓋過茶味，令抹茶唔夠突出。但整體都係一杯香滑順口既green tea latte。小店睇得出好有心機經營，環境亦好舒服，不過價錢定位過高，否則一定會有更多人賞識呢。

今晚約了個好友來到尖沙咀找好野食，大家異口同聲都話要找家好坐既，佢就帶我來到百樂酒店後面嘉蘭圍盡頭的一幢舊樓大堂，要禁4樓開閘的，真係無熟人帶你無可能會知道這裡會有家Cafe在樓上囉 入到去果然别有洞天，簡約的裝飾配上輕柔的音樂，又有幾張長Sofa, 好啱三五知己來hea hea, very nice there!!我地8點來都差唔多無位，清一式少女客人，個個都顯得好leisure感覺非常清新！原本要book的，我地無book但都剛剛有位給我地兩個，之後就Full House到尾喇！大家下次上來之前記得book定sofa位啦！Menu中見到我既favourite致愛黑松露寬條麵，就試試佢啦，加$35就可配埋餐湯同特飲，就來杯益力多乳酸吧首先來杯益力多乳酸，隻杯幾有型，好似個高版果Jam樽(可能佢地真係咁環保我都唔拘架)！不過味道就好淡，擺明唔夠糖漿。再來個磨菇湯.....你睇佢個忌簾拉花，唔錯唔錯!! 個湯好杰，我估佢應該落左唔少粘米來煲，見到有原隻磨菇片，好味，幾有誠意之作!唔覺唔覺飲完個湯就上main course野菌黑松露寬條麵，我估由order到送到來只係7-8分鐘左右，無

約左班團契既朋友一齊聚下傾下計咁傾計就梗係要搵個靜靜地又可以慢慢坐既地方啦見到openrice呢間樓上coffee shop地點又幾方便就揀左呢到All Day Breakfast $80(松露炒蛋，多士，腸，煙肉，焗豆，沙律)整體黎講不過不失全部野都係好Standard多士係最有驚喜既上面搽左小小蜜糖再烘食落有少少似脆豬而且其他野食，好似腸同煙肉都係咸有d甜野平衡下，唔錯!Soup of the day紫薯湯 +$35叫main可以+$35 加飲品同餐湯是日餐湯竟然係紫薯湯咁唔駛諗當然要試下先味道好特別，未飲過咁得意嘅湯似係咸嘅甜品(哈哈)個味其實有d似紫米露但又唔係完全甜，又有少少咸味跟湯個法包好脆真係好特別同好有創意芝士焗薯條 $50因為我想像中係好多溶左既芝士醬係上面點知係成片芝士放左係上面咁焗睇落好似有d hea咁…味道就無咩特別反而塊芝士因為蓋住左d薯條令到d薯條變淋左可能整個芝士sauce放係side食先淋上面會唔會好d呢?日式炸魷魚鬚 $50其實係魷魚圈不過唔知點解menu係魷魚鬚魷魚炸得幾好，唔會好難咬同埋都唔多油不過有少少失望，因為當時係想食鬚多d而且份量都幾少，我

朋友派帖，約左係只食飯，地點係尖沙咀鬧市中既內街，方便又唔糟雜，特別一提係餐廳歡迎貓狗，難得難得！上網睇到話餐廳係80後夫妻檔，相信佈置上應該會花一番工夫。果然一入去就感受到好有屋企 warm 既感覺，用上深色木作傢私，加上有一面牆造就石灰粗糙感，隨心得黎感覺一致、整潔又溫暖。店內亦有好多花心思擺設，大家上去可以慢慢欣賞。 叫野食時見到鋪頭用 iPad 落單，好鬼先進其實用 iPad 都慳到好多 cost, 而家科技都幫到唔少小商戶。我叫左鹽燒蟹棒白箘明太子意粉，加左錢轉餐。蘑菇湯幾靚，靚到唔想飲 lol菇味煮到出黎，加上 cream 帶滑，唔錯。法包有點乾身，喜歡香脆的朋友會喜愛啲。 蟹棒燒得幾好，鹽燒帶出蟹肉鮮味。意粉我覺得煮耐左少少，但都仲係可接受程度內，白箘味唔太覺但明太子個汁好香，可以話係碟粉既靈魂。如果洋蔥可以炒耐啲至透明，加埋牛油炒香菌類到少許焦啡色，味道層次可以更多。 Green tea latte 睇見到開心，木杯墊印上餐廳名字，杯中 latte 拉花都吸引，成杯飲品藝術品一樣。奶多，入口順滑，抹茶餘韻蕩漾，飲完好溫暖好舒服，唔會太甜，飲完

又到中午搵食時間，上網見到呢間餐廳好近公司，於是決定同同事一齊去「食只」。餐廳位於一幢工廈既四樓，細細間，裝修簡單雅致，感覺幾舒服。午餐時間，連我地只有四枱客，坐唔滿(好彩咋，陣間解釋點解)。打開午餐餐牌，選擇都算唔少，價錢由$74至$84不等，如果要轉餐同加甜品都要另外加錢，唔算平，但是日本座生日，利利是是要食蛋糕，冀求響openrice食家排行榜步步高升，就豪俾佢，加餐兼加件綠茶蛋糕。我點左「香草南瓜咖喱燴雞配燒薯角」，同事點左「黑墨魚子海鮮蒜蓉炒意粉」，得四枱人，由一點二落單，等到一點十先有野食，我地同隔籬枱你眼望我眼，個肚餓到打鼓。個蛋糕仔仲大鑊，用家用焗爐即焗，店員知我地OL趕時間返公司，已經特登調校過蛋糕size(整細D)，希望快D焗完，但都等到兩點幾先出到爐。遲到係肯定架啦，但到底好無食呢？先黎餐湯同麵包。今日餐湯係紫薯忌廉湯，堅有紫薯味，甜甜地，奶味濃，都幾好味(我唔like奶味，如可減少奶味更佳)；麵包係法包(改蒜蓉包又係要加錢，哪有錢呀？)，都焗得好香脆，我同事好喜歡。黑墨魚子海鮮蒜蓉炒意粉，蒜蓉炒得夠香，幾惹味；黑魚子脆卜卜，令意粉更有口感，可惜係淡口左D，如加番

琴日同我阿媽去試下呢一間只ZiCafe食下午茶,叫左一個綠茶焦糖布甸伴豆腐雪糕,一杯棉花糖朱古力同埋一杯凍嘅蜂蜜綠茶.綠茶焦糖布甸唔係太甜,岩哂我,綠茶味又濃!豆腐雪糕都好正,好有豆味!杯朱古力粒棉花糖仲燒過添,外脆內軟,朱古力味都好濃,蜂蜜綠茶最正,清淡得黎又有綠茶味!爽!環境都好寧靜,又有wifi同差電位!!!一個字,正!!!!