影片
更多
2015-12-06
935 瀏覽
又到中午搵食時間，上網見到呢間餐廳好近公司，於是決定同同事一齊去「食只」。餐廳位於一幢工廈既四樓，細細間，裝修簡單雅致，感覺幾舒服。午餐時間，連我地只有四枱客，坐唔滿(好彩咋，陣間解釋點解)。打開午餐餐牌，選擇都算唔少，價錢由$74至$84不等，如果要轉餐同加甜品都要另外加錢，唔算平，但是日本座生日，利利是是要食蛋糕，冀求響openrice食家排行榜步步高升，就豪俾佢，加餐兼加件綠茶蛋糕。我點左「香草南瓜咖喱燴雞配燒薯角」，同事點左「黑墨魚子海鮮蒜蓉炒意粉」，得四枱人，由一點二落單，等到一點十先有野食，我地同隔籬枱你眼望我眼，個肚餓到打鼓。個蛋糕仔仲大鑊，用家用焗爐即焗，店員知我地OL趕時間返公司，已經特登調校過蛋糕size(整細D)，希望快D焗完，但都等到兩點幾先出到爐。遲到係肯定架啦，但到底好無食呢？先黎餐湯同麵包。今日餐湯係紫薯忌廉湯，堅有紫薯味，甜甜地，奶味濃，都幾好味(我唔like奶味，如可減少奶味更佳)；麵包係法包(改蒜蓉包又係要加錢，哪有錢呀？)，都焗得好香脆，我同事好喜歡。黑墨魚子海鮮蒜蓉炒意粉，蒜蓉炒得夠香，幾惹味；黑魚子脆卜卜，令意粉更有口感，可惜係淡口左D，如加番
餐廳位於一幢工廈既四樓，細細間，裝修簡單雅致，感覺幾舒服。午餐時間，連我地只有四枱客，坐唔滿(好彩咋，陣間解釋點解)。
打開午餐餐牌，選擇都算唔少，價錢由$74至$84不等，如果要轉餐同加甜品都要另外加錢，唔算平，但是日本座生日，利利是是要食蛋糕，冀求響openrice食家排行榜步步高升，就豪俾佢，加餐兼加件綠茶蛋糕。
我點左「香草南瓜咖喱燴雞配燒薯角」，同事點左「黑墨魚子海鮮蒜蓉炒意粉」，得四枱人，由一點二落單，等到一點十先有野食，我地同隔籬枱你眼望我眼，個肚餓到打鼓。個蛋糕仔仲大鑊，用家用焗爐即焗，店員知我地OL趕時間返公司，已經特登調校過蛋糕size(整細D)，希望快D焗完，但都等到兩點幾先出到爐。遲到係肯定架啦，但到底好無食呢？
先黎餐湯同麵包。今日餐湯係紫薯忌廉湯，堅有紫薯味，甜甜地，奶味濃，都幾好味(我唔like奶味，如可減少奶味更佳)；麵包係法包(改蒜蓉包又係要加錢，哪有錢呀？)，都焗得好香脆，我同事好喜歡。
黑墨魚子海鮮蒜蓉炒意粉，蒜蓉炒得夠香，幾惹味；黑魚子脆卜卜，令意粉更有口感，可惜係淡口左D，如加番鹹D更好味。
香草南瓜咖喱燴雞配燒薯角，個汁做得幾好，南瓜同咖喱好夾，少少甜，有咖喱香，不過D雞……好嚡又有雪味，都幾難食下，而且數埋得幾粒，食完唔飽……
最後係綠茶蛋糕，因為即叫即焗，上枱時蛋糕外層仲係好脆，好濃綠茶味，而且好有homemade感覺，呢個我buy，真係唔錯。最後埋單，計番條數，每人要百幾蚊，好貴呀；我地返到公司再計呀計，點解條數唔啱既，原來舖頭計錯，收貴左，要放工返去拎番收多既錢……不過，最後我都食左$140，lunch咋。
我覺得「只」有俾心機做，店員有禮，不過店員+廚師加埋只得兩個人，午市根本做唔切，除非你係老細，否則想lunch黎試，都真係要諗清楚。
張貼
