古琴雅苑 (QRE Plaza)

營業中

休息中

新年前食左團年套餐，明明一開始上野好快。食食下到個鴨肉炒飯就等左好耐。其他野凍晒先黎到。 但不得不承認個鴨好食！ 係因為塊膜夠薄！ 但重點係…之前會有人即場片比我影下相。今次冇左！！

我本來 book 咗今晚同啲舊同事慶祝新年，吃餐飯，下午3點會收到餐廳係 OpenRice booking, 寫 客人自己要求取消飯局，講真，你沒打電話黎做 confirm ， 我已經覺得奇怪，我都算啦，當餐廳職員比較忙！ 點之3點，check booking at OpenRice, 就剛剛發現寫了呢句，客人自己要求取消 booking! 講真，我真的好想好想知道原因，我沒手多多攪 OpenRice 嘅 booking,打電話去餐廳，沒有人回覆， WhatsApp 也沒有人回覆，會這樣奇怪！ 你不想做細 booking 便出聲，不用少家地取消人地 booking

聽聞古琴雅苑呢度嘅片皮鴨幾好味，今日過嚟試一試，覺得呢度環境都算舒適，闊落。果然不負眾望，無令到我哋失望，片皮鴨皮脆肉嫩，有鴨味，配上青瓜等，清爽可口，唔會覺得滯，可以點埋啲醬食，個人就唔鍾意點太多，少少地吊下味，咁就最正喇！揚州水晶肉，肉香細嫩，啫喱咁，都幾好味，仲有雞絲粉皮，都好yummy其他餸都可以啦，唔錯嘅。最後點埋個甜品-桂花糕，咁就差唔多喇，桂花糕嘅味道都唔差，不會太甜，清新桂花香，可以一試。

Have lunch there with family from overseas today and really enjoyed the food and services. Got good bench seats in the back as we reserved a week ago. Ordered 4 person Peking duck set and changed one dish without problem. Very busy for lunch but service was good. Definitely recommended. Dish size was average and food was good. We were not able to finish all of the food so ended up packing a lot of them home. Very reasonable price as well. HK$ 1400 : 3 starters, two seafood dishes, half Peking du

又到星期日，喺個要周圍搵食的日子。古琴雅苑嘅片皮鴨聞名已久，終於今晚齊人可以一起去試食。本來想去尖沙咀嗰間分店，但係book位時已經滿座，於是乎轉軚去灣仔呢間古琴雅苑食。全家人都鍾意食片皮鴨，為咗滿足食慾，我哋就嗌咗全隻。除此之外仲嗌咗四、五樣已經好耐冇食嘅京滬菜。烤北京填鴨（全隻）$388要全隻片皮鴨嘅決定做得一啲都冇錯。因為係全隻鴨，所以所有嘅配料同捲餅都打孖上，啲鴨肉亦都分別擺在兩隻鴨子造型的盤上，望落去覺得幾得意。因為係聞名已久，所以對佢有頗高期望。包好一份烤鴨一啖咬落去，嘩，真係名不虛傳，正啊！卷餅鬆軟，包住酥皮鴨肉，加上有哈密瓜在內嘅配料，食落口感清新，一啲都唔感到肥膩，仲非常有滿足感，係我哋喺香港食過最好味嘅北京烤鴨。無錫脆鱔 $98呢個無錫脆鱔係個功夫菜，以往食得太多炸咗出嚟變成黐埋一舊或一啲都唔脆嘅，呢度嘅師傅功夫好，將啲鱔炸得脆卜卜，加上味道調得適中，連平時唔食鱔嘅妹妹都讚話Ichi-ban!農家醬爆羊肉 $148呢碟餸师傅炒得夠火候。佢偏重口味，啲羊肉係鮮嫩嘅，同埋甜椒、木耳一齊炒，仲落埋鮮蝦（以前食呢味餸從來冇見過落蝦嘅）。可能係因為我哋冇嗌白飯，就咁食覺得稍為

之前食過尖沙咀，心諗灣仔呢間都唔會差得去邊啦，又見左呢間嘅評語同埋評分都好高同埋唔錯，點知出事，唔怪得知中午打去訂枱都仲有位啦。今日叫左八樣嘢1.無錫脆膳- 不過不失2.意大利黑醋骨- 雖然用咗好濃味嘅意大利陳醋，雖然用咗好濃味嘅意大利陳醋，但係掩蓋唔到冰鮮豬肉嘅雪味，好心就去咗啲雪品先煮啦3.揚洲水晶肉- 配上一碟醋點嚟食，味道不過不失4.烤北京填鴨(全）- 烤北京填鴨(全） 唔夠熱- （餐)鴨卷餅 皮係薄㗎，不過又係唔夠熱囉。但係啲皮薄得黎十塊有七塊裂開咗，包好啲醬走晒出嚟啦😪5.風味松子魚 -普普通通冇驚喜囉6.南翔小籠包（6件）-仲搞笑，醋都唔俾碟！問佢攞佢叫我用返水晶肉嗰碟醋喎！咩服務？正嘅小籠包應該係皮薄，搵筷子夾起上嚟都唔會話好易穿。但佢嘅小籠包個皮超好，搵筷子夾到穿哂呀。好差👎🏻👎🏻7.紅油抄手 （無影相）-紅油抄手搵唔到紅油又冇辣味反而有甜味，仲有肥豬肉添👎🏻8.涼瓜燜鴨架-味道可以接受嘅，不過涼瓜嘅份量就少啲囉，得幾舊應該唔會有下次，食物同服務都唔得👎🏻

已經不知道是第幾次來光顧了，烤鴨大滿足，環境優雅，很適合小家庭聚會或者四五人聚餐。之前帶美國老闆來品嚐，他也非常喜歡。侍者很貼心，會提醒你點多了等等，贈送的甜品也不錯。

好味指數：👅👅👅👅👅抵食指數：⭐️⭐️⭐️⭐️回頭率指數：⭐️⭐️⭐️⭐️⭐️古琴雅苑一直都聽人講啲片皮鴨好好食，今次終於去試下，結果冇令我失望！絕對會返去再食🫶🏻烤北京填鴨（一隻）$368 👍🏻👍🏻👍🏻👍🏻👍🏻片皮鴨帶肉，皮脆，帶少少油脂同烤嘅香味，好出色👍🏻片皮鴨份量好足夠👍🏻啲醬料味道啦唔會太鹹，配料好多，可refill, 仲要有蜜瓜，非常解油膩🤩👍🏻啲皮唔太厚，大細剛好，但係太少，我自己比$45加左多盤片🤨啲片好快凍，雖然一上台好熱辣辣，但好快凍令啲皮變硬，好似紙咁上海炒年糕 $89👍🏻👍🏻👍🏻👍🏻👍🏻👍🏻🥹🥹 可能係我食過最好食嘅上海炒年糕，冇諗過可以咁好食，連啲菜都好好食👍🏻 啲汁唔會太鹹，年糕好掛汁👍🏻年糕厚度合適，煙靭有咬口，但又唔會過硬👍🏻份量足夠小籠包 $68 5隻 👍🏻👍🏻👍🏻👍🏻👍🏻（太快食完相都帶影🤣🤣）👍🏻 皮薄餡靚👍🏻入面好多湯👍🏻我成日都食小籠包，呢間嘅小籠包絕對係我top 3總括嚟講，想食上海野嘅你真係要試下，價錢合理，食物高質👍🏻🥹 寫完食評已經想再去食多次💓

古琴雅苑今次book左呢間慶祝中秋節一定要book位先可以食到Book左8點去食叫左4人餐唔係太餓就只係叫左半隻片皮鴨好好食！鴨肉同啲小菜好夾其他餸都好出色！個炒飯出奇地好好食！好有鑊氣！埋單$1600 /4人作為中秋飯都幾抵！

本人第一次寫食評、因為今次呢一間真係實在太差、味道非常差，樣樣食物都好鹹、服務態度差、我哋投訴個湯非常鹹、經理完全不理會我哋嘅說話、環境嘈吵、好似去咗街市食飯咁😣一定唔會再去

古琴雅苑素以招牌片皮鴨而廣為人知，今晚相約咗家人來到灣仔 QRE Plaza店， 由於係為家人慶祝生日， 所以只有預訂今日日子， 但因為太多人預訂關係， 頭輪已經預約滿， 故仔好預訂第二輪， 但準時嚟到還是要等十分鐘左右才可安排入座。見到餐牌有個四人餐好吸引， 同家人商議一輪後決定叫呢個餐。首先上檯係雞絲粉皮同松花皮蛋豆腐， 雞絲粉皮醬汁夠曬多， 撈勻之後食好好味，至於個皮蛋豆腐賣相都 ok，豆腐都好滑，唔錯。香菜鮮魚羹，味道一般般。農家醬爆牛肉，牛肉用農家醬爆炒後好惹味，不過味道稍鹹。醬香雞用冬笋同冬菇炆，收汁做得幾好，味道唔錯。烤北京填鴨，鴨烤好後由師傅切出口感鬆脆嘅鴨胸皮（一口酥），有五片用碟仔奉上，蘸上砂糖/黃梅醬同吃入口油香四溢，其餘部份皮同肉比例恰到好處，烤鴨皮脆肉嫩，配上醬料、京蔥、青瓜同哈蜜瓜同吃，口感豐富，令人回味！風味松子魚，師傅刀功一流，醬汁酸酸甜甜，好醒胃，魚炸過後都仲好嫩滑，值得一讚！乾煸四季豆，四季豆拉油後用欖菜同肉碎再爆炒，好夠鑊氣又夠乾身！古琴咸肉炒飯，本來已經好飽，但見到個賣相都幾好，忍唔住試咗兩啖，又幾好味喎！最後還有腰果露同桂花糕，個腰果露就麻麻

和同事們在灣仔公司上完堂，放學後當然要一齊食餐飯聯誼下，大家都想食北京填鴨，一於去古琴雅苑嘆吓！店子環境開揚，佈置簡潔而有格調，座位舒適， 是朋友相聚的好地方。片皮鴨肉油香滑，鴨肉味香濃。片皮鴨一口酥十分酥脆，用來點砂糖好好味。烤北京填鴨(半)$195~烤鴨配料有青瓜，哈密瓜，大蔥 ，糖和片皮鴨醬 ，以熱騰騰， 口感煙韌的鴨卷餅包片皮鴨，再配上烤鴨配料一起吃，真是美味極了。至尊拼盤$198~共有5款涼菜，有雞絲粉皮，花雕醉雞，揚州水晶肉，拍開揚黃瓜和四喜烤麩。四喜烤麩~ 烤麩炆得非常入味和軟腍，配 毛豆，木耳 ，冬菇和荀，很滋味。揚州水晶肉~ 鹵凍晶瑩通透，肉香細膩，入口軟嫩。雞絲粉皮~ 粉皮又薄又滑， 還有青瓜絲和雞絲，配 花生醬，正！南翔小籠包$78~皮薄，餡肉香甜多汁，很美味！麻婆豆腐$99~豆腐口感滑㜜，配肉碎和辣椒，集麻辣香於一身，伴飯一流。古琴酸菜魚$288~ 魚的肉質很白和嫩滑， 配菜有粉皮，木耳，辣椒和酸菜，酸酸辣辣很惹味。

我一向都好鍾意食片皮鴨🦆，不過想喺香港食好味嘅片皮鴨真係唔多，近日朋友介紹咗一間食片皮鴨好出名嘅餐廳- 古琴雅苑，餐廳位於灣仔QRE plaza，佢嘅烤北京填鴨師承北京「全聚德」，「全聚德」大家應該唔會陌生，餐廳選用上乘北京填鴨，以傳統掛爐烤製，烤鴨新鮮出爐，烤鴨師傅亦會大展刀工即席片鴨。 客人可以透過玻璃望到晒師傅嘅刀工同埋廚房環境，非常乾淨衛生。 第一時間即刻點個招牌嘅北京填鴨先，上檯嘅時候，職員分開咗兩碟，一碟只係得幾塊，佢係填鴨頸部位置，屬於最酥脆嘅部位，加上黃梅醬或砂糖襯熱食，非常滋味🤤。 熱辣辣鬆軟嘅餅皮，包住香脆又充滿油香嘅鴨皮同埋嫩滑嘅鴨肉，配上清新嘅青瓜🥒、京蔥同哈蜜瓜，加埋香甜嘅醬汁真係冇得輸，既可以解除油膩感之餘，口感層次亦相當豐富。花雕醉雞雞肉嫩滑入味，皮肉間有水晶般剔透膠質，酒香撲鼻芬芳，肉質色澤動人，餐前小食最好不過。 意大利黑醋骨肉質肥厚稔滑，酸酸甜甜，非常開胃，夏天送飯一流👍🥵。 上海粗炒都炒得好香，唔會太過油。

𝓟𝓮𝓴𝓲𝓷𝓰 𝓓𝓾𝓬𝓴★烤北京填鴨（半隻）$188配料種類豐富，有香蔥，哈密瓜、青瓜、白砂糖、甜酸醬、甜醬。而且有別於坊間的北京填鴨，配料可以免費添加。填鴨油脂香濃。★蟹粉撈麵 $168金黃色的蟹粉足料香濃，唯獨麵條欠缺彈性。★雞絲粉皮 $75雞絲嫩滑，麻醬味道濃郁，非常適合夏天進食。 ★乾煸四季豆 $79四季豆夠乾身，不會過油。肉沫非常鹹香惹味，適合配白飯。★高力豆沙香蕉 $58豆沙甜度適中，配上濃味的香蕉，是完美無瑕的組合。★腰果露 $34（經Openrice預訂座位，兩位以上贈送)香滑滋潤，但對我來說稍為過甜。

真係超級失望，咩事個片皮鴨可以咁難食。我地叫一隻片皮鴨，落左個時個侍應話烤鴨要等15至20分鐘，唔夠5分鐘，北京填鴨已上檯，但點解咁少？ 得一碟？ 我地叫一隻喎。侍應話另外個半邊仲切緊，要等陣上。當時已經心知不妙，一食落去，皮係淋晒，已經唔熱。問佢點解，佢話片皮鴨唔會熱，問我地明唔明？ 唔明呀，就係唔明先問你點解，你問返我明唔明？ 真係我食過最難食既片皮鴨，仲話出名？ 到底話好食個d 人， 係以咩準則？成碟片皮鴨肉又硬，痴線。真係好難食。