口麻天辣

營業中

休息中

Moto mala ─ 南昌V walk度有一間粉色少女心嘅餐廳。除咗可愛嘅設計，佢嘅菜色亦十分吸引人。我試咗幾款菜式，全部都好滿意🫶🏻天花頂酸菜魚 (少辣) 🐟🌶️天花頂酸菜魚係佢地嘅招牌菜，魚肉新鮮，酸菜帶出一份爽口嘅味道。雖然少辣，但湯底鮮美，令人回味無窮。跟餐-是日涼菜：雞腳 🍗雞腳入味，彈牙多汁，十分開胃川味水煮魚 (少辣) 🌶️🐟川味水煮魚係傳統川菜，魚肉鮮嫩，湯汁香辣。少辣嘅版本仍然帶有一定嘅辣味，豆芽亦增添咗豐富嘅口感。炸雞翼外脆內嫩，香氣四溢，係一款十分美味嘅小食。紅糖米茲粑 🍡紅糖米茲粑炸到外脆內軟，淋上紅糖醬，更添食慾。作為甜品好適合。沙棘汁 🍹沙棘汁係一杯清涼飲品，酸甜解膩，帶有果香氣息，好適合消暑。紫米豆漿 ☕️紫米豆漿濃郁香滑，絕對係低糖又健康嘅飲品總括而言，Moto mala餐廳唔只有粉色少女心嘅設計，菜式亦係吸引人。天花頂酸菜魚同川味水煮魚都好出色，炸雞翼特別推薦。甜品方面，紅糖米茲粑帶來甜蜜滋味，最特別嘅係可以品嚐沙棘汁，消暑又解渴。整體而言，呢度係一個適合享受美食同放鬆心情嘅地方。👍

呢間以粉紅色做主色既口麻天辣其實一直都想試，今日因為工作原因黎到南昌V Walk , 估唔到無黎一排成個感覺唔同曬。黎到餐廳，馬不停蹄地落單試下個前菜「麻辣牛𦟌」同「香辣土豆絲」。「麻辣牛𦟌」份量雖然唔多，但係紅色既辣油好吸引，岩岩好既厚度，一口一塊都無難度！味道果然麻得黎唔搶喉，麻感後勁凌厲！「香辣土豆絲」講真呢個我麻麻地，因爲對薯仔除咖哩外都無太大興趣，不過估唔到切成絲，口感又幾過癮，好開胃。「天花頂酸菜魚」主軸當然係呢個酸菜魚，份量唔少夠兩個人食，魚香撲鼻，肉質鮮嫩，湯都值得試，酸辣帶清新，魚肉無泥味無腥味，叫小辣辣度岩岩好，酸菜味道搭魚肉一齊食，份外好食。「紅糖糍粑」傳統小食，外脆內軟，但稍微偏甜，個人黎講唔太鍾意，鍾意甜食既朋友應該覺得唔錯。總結黎講，餐廳環境唔錯，坐吧檯食酸菜雨感覺幾Chill ，唯一唔好就係鋪頭通道比較窄，但食物份量足夠，店員友善，值得一試口麻天辣深水埗深旺道28號V Walk 2樓127-128號舖 #hkfoodie #酸菜魚 #口麻天辣 #motamala #麻辣燙 #香港旅遊 #南昌 #深水埗 #粉紅色

今次同臭屁熊去左南昌個邊行街，第一次去V Walk商場，見到有間門面好PinkPink嘅餐廳，仲唔岩哂臭屁熊。行到過去先知原來係食酸菜魚，同平時啲酸菜魚餐廳好唔同，內外都裝修到好少女打卡風，不過鋪面整體唔大，座位唔多。見好多人排隊等外賣，一於去試吓提供一人前酸菜魚同麻辣燙套餐，除咗主菜之外，仲有小食同涼菜，再加一碗白飯，份量都多，都算抵食，野飲就要另外自己叫_➤天花頂酸菜魚套餐 $138酸菜魚用個港女打卡環送上泥，好似去high tea咁🤣，鱸魚片份量多，肉質嫩滑鮮甜冇骨，湯底濃郁，有好多酸菜，酸酸辣辣，送飯一流，好開胃，一定夠2個女仔Share 食，味道唔錯，小辣啱啱好➤海鮮麻辣燙 $88呢個可以比喻為「超多餸粉麵」，湯底可以揀麻辣湯或者藤椒湯，我地試左藤椒湯，味道椒麻，少辣。另選粉麵、三個唔同既葷菜同素菜我地揀左鱸魚片、 牛柏葉、豬肉片、豆腐卜、金針菇同芋絲，每樣餸份量都好足料。扺食，肌肉熊表示啲野多到挑戰到佢個食量😂 所有野都超大份，飽肚之選😂 寛薯粉好Q彈煙靭，吸哂湯汁，好食➤麻辣牛展 （跟餐）好好食，個辣味好開胃➤麻辣藕丁食落好爽口，微辣，好開胃➤炸雞翼（跟餐）炸得好香口，

成間鋪裝修到充滿少女心咁，以為係特色cafe，望真d原來食辣野! 哩個反差吸引左我試試佢先🌶️哩度出品價錢公道，叫左兩個餐包埋小食前菜野飲都係人均百幾蚊，另外賣相都有用心擺盤，望落真係似cafe🤣小食同埋涼菜分別係酥肉同埋麻辣鳳爪，前者香口後者酸辣開胃👍🏻另外加既香辣豬扒串串，啖啖肉加埋面頭有d調味粉，幾好食。噴火水煮牛肉，小辣岩岩好，有齊咸香辣，牛肉係滑牛所以都好嫩滑👍🏻但今晚最中意同驚喜既係哩個獨門秘製麻辣豬手，首先豬手都有成5-7隻，漲卜卜口感Q彈，膠質豐富既感覺，然後係個麻辣醬汁調得好香好惹味，撈飯一流!!!!

買的番茄魚外賣，結果吃到一半吃出了一根和粉絲混在一起的繩子，絕了。不知道下次還能吃出什麼，喔，不對，不會有下次了。連繩子都一起放進鍋裡煮，有充分理由相信他們的其他食物的質素都可能存在問題。

成日喺v walk行過見到粉紅色裝潢嘅都覺得幾特別，於是今次就嚟試試佢。一入去已經覺得個女店員啲態度差差哋，放低點菜QR code張單同啲碗碟嘅時候都係木無表情，一句嘢都唔講。而我哋用餐期間佢喺度執嘢都係冰拎嘭躝咁，感覺上有啲趕客。我哋叫咗一個天花頂酸菜魚同埋獨家秘製麻辣豬手，有前菜同白飯跟埋嘅。兩款餸嘅味道都過得去，但係最敗筆係酸菜魚竟然有骨😓 另外，兩個碟架嘅底都分別有一舊蠟燭，應該係作保溫嘅用途，不過都係冇點着嘅😂本身想飲紫米豆漿，但係見佢已經售罄，最後嗌咗個五穀豆漿，非常一般。而且隻杯本身已經細，仲要得七成滿，使唔使咁慳⋯⋯仲要，後來聽到個女店員問格離嗰張枱個小朋友飲唔飲紫米豆漿，憑對話聽得出佢哋係本身相識嘅。因為個女店員由頭到尾落枱落任何嘢都係咩都唔講，就咁掉落枱，對住格離枱就好多嘢講，識得笑。但係紫米豆漿喺網站上面明明顯示售罄⋯⋯用餐差唔多尾聲，枱面一張紙巾都冇提供，於是問佢攞紙巾。佢就黑晒面咁，手都唔抹一抹，攞咗兩張污糟紙巾俾我哋，見到紙巾上面嗰啲漬，真係無言⋯⋯整個用餐體驗都好差，無論係食物品質定係服務質素，所以更加諗唔明點解會零負評。

今日同一家人一齊黎影貓貓展覽同阿囡黎玩下影下相，見到這間粉紅系餐廳好特別，細細間但設計好靚，又有得意公仔及好特別的金色擺架，所以同家人一齊試下午餐。佢的選擇都幾多，有午餐套餐（雞、牛、魚），有辣有唔辣，有飯有粉麵，也有不同飲品及甜品點心。我哋點了3個套餐、一個點心及一個甜品，還有2杯飲品。飲品有健康米漿、豆漿、手功檸檬茶、汽水等，我哋點了手功凍雙檸茶（檸檬及青檸的味道都好好，清新又開胃）及黑豆豆漿（唔會好甜，豆味香濃又健康）前菜（今日是麻辣涼拌蓮藕粒）爽脆帶絲的蓮藕粒，咬口一流，麻辣香口，令客人忍不住一粒一粒咁食，我阿囡都不斷食完再話要食😂😂😂套餐：1. 麻辣口水雞每份上菜都好靚，用金架擺好，口水雞辣度可自行解決，我哋選了少辣（如果怕辣，走辣也可以）雞份量好多，雞肉雞味濃又嫩滑，啖啖肉，唔肥又入味2. 水煮牛肉這個好惹味，有不同辣度選擇，我哋選了少辣，金架上枱還有蠟燭熱住，好貼心！牛肉好嫩好腍又入味，配上彈牙煙韌寬粉及大豆芽，好好好火辣美味3. 酸甜清新番茄魚這個唔辣酸酸甜甜番茄魚，爐魚片好薄無骨肉香軟，番茄汁開胃酸甜剛好，番茄肉配有粉絲，一流😍😍我哋點了脆炸鮮奶（外脆皮、內牛奶香甜軟

來V walk 逛街見到新開了間食店，店面的裝潢很少女都是粉紅色，就這樣就吸引了我進去，裡面不是很大也不多座位，原來這家是吃酸菜魚的，是我喜歡吃的。這個是海鮮藤椒湯可以自選配料，我選了蝦、魚片、肥牛還有萵筍片、豆干條。我喜歡這個湯底酸麻剛好很鮮甜，我連湯底都渴了，寬粉軟韌適中。另外再加天花頂酸菜魚，這個就比藤椒的辣一點，魚片很嫩滑，這個是套餐配有飯還有小菜酥肉，蓮藕粒。這個麻辣蓮藕夠爽脆。這個麻辣牛展很麻香。最後加個甜品彩虹冰粉，吃了感覺可以中和之前重口味的菜式。

今日喺v walk行街，見到有間鋪頭以粉紅色做主題，勁colourful，睇睇原來係食麻辣野，見到有酸菜魚，水煮魚，麻辣燙等等，個價錢都唔算貴，就一於入去試吓。叫咗天花頂酸菜魚＆噴火水煮牛肉一人餐，都幾抵食，個餐仲配埋1個小食1個甜品。酸菜魚同水煮牛，份量都幾多，一大盤，細食d嘅人都應該食唔晒，酸菜魚味道幾好食，酸度適中，d魚片勁滑，d酸菜都好爽口。而水煮牛都好好食，牛肉淋滑，完全唔韌，個水煮汁好正，唔算太油，仲有薯粉，大豆芽菜配料。小食係鳳爪，個味道酸酸辣辣，非常開胃。甜品係紅糖糍粑，熱辣辣，外層脆卜卜，而入面軟淋淋，煙煙韌韌，配埋紅糖食，好好食。我地另外再叫多個彩虹冰粉，上碟非常靚，d配料砌到一層層，非常吸睛，椰汁自己鍾意落幾多都得，食落冰粉涼浸浸，加埋上面d配料一齊食，唔算太甜，好好味。另外仲叫埋飲品，手打檸檬茶同可樂，個檸檬茶味道幾特別，係用綠色皮嘅檸檬整，飲落有一種勁香嘅檸檬味，非常唔錯。

南昌Vwalk 商場的moto 店是一家以酸菜魚聞名的餐廳。我最近有幸造訪了這家店，酸菜麻辣手打麵絕對是一道美味的佳餚。手打麵本身有著彈牙的口感，搭配店家特調的麻辣湯底，味道鮮香辣勁十足。湯底的辣度和麻感非常適中，不會過於刺激，但同時又能帶來一種舒爽的辣味。這碗絕對能夠滿足辣愛好者的味蕾。配菜選擇：在這家酸菜魚店，你可以根據個人口味選擇幾款配菜，包括魚、蝦、牛百葉和金菇。這些配菜都是店家新鮮準備的，品質上乘。魚片肉質鮮嫩，沒有腥味。它們切得很薄，煮熟後搭配米線更加美味。魚片與麻辣湯底的結合，讓整個餐點更加豐富多樣。蝦：店裡的蝦子新鮮大口，肉質鮮嫩，煮熟後保持了彈牙口感。蝦的鮮甜與湯底的辣味形成了很好的對比，為麻辣米線增添了更多層次的風味。牛百葉：牛百葉是一種薄片狀的牛肉製品，口感爽滑，非常適合搭配辣味的米線。它能夠吸收湯底的味道，並為整個餐點帶來豐富的肉香。

唔知係唔係逢係女仔都對酸菜有特別既愛好，而且仲係粉紅控。呢一間Moto Mala 口麻天辣係深水埗新開既餐廳，裝修全粉紅色超少女心。女友一見就唔理好唔好食都會沖住去，呢一間餐廳集團仲有其他分佔係粉籃色的。如果你唔係粉紅控都仲有男仔頭啲既粉籃控，同樣有好靚既裝修格局！餐廳要讚既係佢個一人餐，只係100幾蚊就可以食到酸菜魚，仲要有兩款小食，飯同飲品。晚餐食好少少價錢相當抵！仲有得打卡岩哂女仔。我地就叫左三個一人餐，變左小食有好多款，多到食唔哂要主動同侍應cut。第一個叫小辣酸菜魚，唔夠食再叫一個加辣，可惜叫加辣都係唔夠辣。所以中意食辣既人要注意！天花頂酸菜魚 含白飯加兩款小食茶水 $138秘製口水雞 含白飯加兩款小食茶水 $118

今日同個朋友行街，見到一間幾特別既餐廳，全部粉紅色佈置，原來係食酸菜魚😋，地方唔算好大，不過環境不錯不錯。我同朋友叫左個天花頂酸菜魚，秘製口水雞套餐仲配左埋涼菜（蓮藕粒）餐前小食（鹽酥雞）雖然我哋叫咗小辣，夠辣，都幾夠味，幾好味😋魚肉好滑呀，重點無魚骨，我怕好多魚骨既人，雞肉份量都幾大份。我哋另外叫咗一個涼拌萵筍絲，醋香蘿蔔好爽口呀！最啱一路吹水一路食，又開胃🤤最後叫左兩杯手打檸檬茶，檸檬有啲似金橘味。我哋飽住個肚仔走。

近排粉紅色真係大熱！放工後順應依股熱潮，去到V Walk嘅MOTO MALA，全粉紅色嘅餐廳，好似一個可愛嘅粉紅盒子，主打麻辣川菜！川味水煮魚(特盛一人前) $138————————————依個餐真係超抵食，除咗主菜外，仲有是日小食、是日涼菜同白飯，而且主菜份量都係好大份。麻辣嘅香氣令人垂涎三尺，配上乾辣椒🌶️炸蒜等等令到香味更加昇華，仲有寬粉，非常滿足。是日涼菜係麻辣牛𦟌，非常開胃，小食就有炸雞翼。海鮮麻辣燙(清新藤椒湯) $88————————————又係超抵食，又大大盤！我點咗大蝦、嫩牛肉同埋巴掌肥牛，仲有萵荀片、金針菇、鮮豆皮，麵底就揀咗手打麵，藤椒帶出嘅麻味真係愈食愈過癮。彩虹冰粉 $38————————————食完麻辣，食返個冰粉清清味蕾，撈埋花生碎、紅豆、黑芝麻等等材料，豐富。

第一次去V walk 食野因為去參觀先途經這個商場今次剛好有同事想食辣野（其實我一般食得辣）我點左個少辣的的酸菜魚，朋友點左一個辣的水煮牛酸菜魚味道唔算太辣，但魚嘅份量超多比平日食多。個湯可以撈飯食而且酸菜都好好味。水煮牛我試過一塊，比酸菜魚辣得到，可能因為花椒份量教較多。牛嘅份量好多而且仲有薯粉做配料。因為太辣所以我同朋友都點左一個冰粉去解辣，食完冰粉即刻有一個透心涼嘅感覺而且個口會覺得仲係咁麻。而且仲有小食，但食物都較重口味，所以點一杯嘢飲會較好

最近VWalk 新開了一間川菜，原來是超有名的「姚姚酸菜魚」品牌開的，主打香港少有的一人前酸菜魚及麻辣湯套餐。一到餐廳，全店都是以粉紅色設計作主調，由裝修到餐碗餐具都是粉紅色的🌸立刻少女心爆發🌸💕餐廳是QR code下單，我們點了川味水煮魚和噴火水煮牛肉，一人前套餐包含小食、涼菜和白飯。首先店員會先上小食和涼菜，款式每天都不同。今天的是椒麻鳳爪和香炸脆奶，鳳爪麻辣味很足，麻辣中帶點甜味。香炸脆奶，炸粉薄薄一層，表面脆口內裡軟熟，甜甜的很清新，而且奶味很濃，很喜歡💕重頭劇開始來了，川味水煮魚及噴火水煮牛肉。光是擺盤就很吸引眼球了，金色的架子，底盤有蠟燭一直暖著主菜，店家很細心。川味水煮魚加了秘製辣椒油及紅油鋪面，顏色奪目，而且麻辣味很香。魚肉很結實，而且超級滑嫩！！紅油底下還有很Q彈的薯粉，薯粉很吸湯汁，愈吃愈過癮。噴火水煮牛肉，牛肉很新鮮，而且嫩滑有韌勁，沒有有雪藏味。一口牛肉夾住麻辣紅油湯，很刺激味蕾！！吃完麻辣盛宴之後，我們點了甜品中和一下。點了彩虹冰粉，當中有黑芝麻、花生碎等，甜品不過不失，份量也不少。飲品上，手打檸檬茶和紫米豆漿也不錯，特別是手打檸檬茶，味道上不像港式檸檬茶，加