口麻天辣

營業中

休息中

今日喺v walk行街，見到有間鋪頭以粉紅色做主題，勁colourful，睇睇原來係食麻辣野，見到有酸菜魚，水煮魚，麻辣燙等等，個價錢都唔算貴，就一於入去試吓。叫咗天花頂酸菜魚＆噴火水煮牛肉一人餐，都幾抵食，個餐仲配埋1個小食1個甜品。酸菜魚同水煮牛，份量都幾多，一大盤，細食d嘅人都應該食唔晒，酸菜魚味道幾好食，酸度適中，d魚片勁滑，d酸菜都好爽口。而水煮牛都好好食，牛肉淋滑，完全唔韌，個水煮汁好正，唔算太油，仲有薯粉，大豆芽菜配料。小食係鳳爪，個味道酸酸辣辣，非常開胃。甜品係紅糖糍粑，熱辣辣，外層脆卜卜，而入面軟淋淋，煙煙韌韌，配埋紅糖食，好好食。我地另外再叫多個彩虹冰粉，上碟非常靚，d配料砌到一層層，非常吸睛，椰汁自己鍾意落幾多都得，食落冰粉涼浸浸，加埋上面d配料一齊食，唔算太甜，好好味。另外仲叫埋飲品，手打檸檬茶同可樂，個檸檬茶味道幾特別，係用綠色皮嘅檸檬整，飲落有一種勁香嘅檸檬味，非常唔錯。