叠記咖喱麵食

當日去叠記試咗幾款招牌菜，真係驚喜連連！自選麵米線配滷水汁豬腸、蘿蔔牛肚，滷水香濃，豬腸乾淨冇異味，牛肚爽口彈牙，蘿蔔夠腍又入味，米線掛汁一流，配凍檸茶更添風味。三寶咖喱飯有牛腩、雞扒、豬扒，咖喱香辣適中，牛腩炆得腍滑，雞扒外脆內嫩，豬扒厚身夠咬口，送飯一流。仲有豬扒包，外脆內嫩，啱晒鍾意澳門風味嘅朋友，真係要嚟試吓！份量足，價錢合理，性價比高，值得一試！當日喺叠記試咗佢哋嘅自選麵米線，配滷水汁豬腸、蘿蔔同牛肚，味道相當出色。滷水汁香濃入味，豬腸處理得乾淨冇異味，牛肚爽口彈牙，蘿蔔煮得夠腍又入味，配埋米線啱晒口感。凍檸茶加$9，茶味濃郁，解膩一流。另外叫咗三寶咖喱飯，牛腩、雞扒、豬扒齊齊上陣，咖喱汁香辣適中，夠惹味。牛腩炆得腍滑，雞扒外脆內嫩，豬扒厚身有咬口，配飯一流。整體份量足，性價比高，值得一試！…查看更多

腩汁非常入味，咖喱汁非常鮮紅牛腩非常軟腍入味，價錢實惠，非常好味，位置方便，侍應友善有禮貌，效率高，米飯非常有溫馨的感覺，還贈送咖哩魚蛋5粒！！！！！！！！！！！…查看更多

咖哩夠香，辣味好食，牛腩夠軟身，唔係人人都接受到咁辣，但對愛食辣嘅人，就係恩物，我食過世界各地辣嘅菜色，依間真係唔錯，高水準之作，可以去食多幾次，試下其他食物。…查看更多

呢度最出名嘅係由第三代許柏汶先生傳𠄘嘅香辣惹味萄式咖哩汁。品牌經歷六十年代起推木頭車到澳門水塘馬路擺攤，至1984年由第2代接手，落腳澳門士多紐拜斯大馬路創始店。咖哩牛腩幼/粗麵或者河粉都十分之經典而且出名。另外一碗係豬頸肉飯，豬頸肉有成8-9 片咁多，絕對抵食又襟食。由1947 年叠記咖哩創辦人許叠和陳雙兩夫婦挑起扁擔沿街販賣咖哩牛腩河到今天2024 年進駐香港，幾經風雨仍然屹立不倒，更上一層樓，足見這個陪伴澳門人近80 載的本土味道的韌性與經典。…查看更多

辣味出色!疊記咖喱的咖喱風味濃郁，選用新鮮食材，令人垂涎。特製的咖喱醬搭配綿密的椰漿，口感滑順，香氣四溢。招牌的雞肉咖喱，肉質鮮嫩，與米飯相得益彰，讓人一試成主顧。店內環境舒適，服務熱情，是享受咖喱的好去處。值得一再光臨！…查看更多

咖喱牛腩面/饭：** 这是叠记最经典、必点的菜品。其咖喱汁浓郁香辣，味道层次丰富，并非日式或印度式咖喱，而是带有澳门本地特色的风味。牛腩炖得软烂入味，配上竹升面或米饭，非常美味。* **咖喱鸡、咖喱牛杂等：** 除了牛腩，其他用同样咖�汁烹制的食材也都非常出色。辣度：** 他们的咖喱以辣著称，如果不能吃辣，点餐时可以提醒店员“少辣”或“走辣”（不放辣）。* **搭配：** 很多人喜欢点一杯**冻奶茶**或**冻柠茶**来搭配辣咖喱，非常解辣过瘾。…查看更多

今次等朋友收工一齊食晚餐，帶了我去一間澳門著名的老字號餐廳- 叠記咖喱叠記咖喱有78年歷史，以其傳統的咖喱牛腩 和 橡筋麵 而聞名。來香港開業剛滿一周年，已開設三間店舖今次吃了 叠記咖喱三寶飯 $68三寶：豬扒，牛腩同埋雞扒，配搭埋叠記咖喱 ，非常滿足。值得一提，咖喱牛腩以原始祖傳秘方炮製，選用過百種香料熬製，咖喱辛辣與甘甜並存配搭埋，味道非常之獨特，一試難忘。如果食量較少嘅朋友，我建議同朋友一起分享，因為份量都較多澳門辣魚豬扒包這個辣魚豬扒包，使用叠記的 被澳門人稱為"澳門辣“的咖喱，使用最傳統的澳門做法，每日以人手炒製，咖喱味撲鼻而來大大杯檸檬茶我同好朋友一齊喝都喝不完，真係超大杯，好正，可以開心Share！如果都想試下這間澳門老字號餐廳的朋友，記得要預留時間，因為都多人選擇在這裏用餐呢😆…查看更多

啱啱喺澳門試咗間過江龍餐廳，主打咖喱薯仔雞翼🍛，因為我本身好鍾意咖喱，所以就決定一試～點知一食落去，辣度真係超乎想像🔥，辣到我要即刻飲咗兩杯水，感覺好似變咗小火龍咁！🥔薯仔好入味，雞翼口感都唔錯，唔會太乾，但整體辣度真係太高，如果可以揀辣度就完美啦～唔係人人都頂得住咁辣架！🍚我仲叫咗少量白飯，份量啱啱好，食得飽又唔會太滯～👍🥬通菜似係配咗腩汁，香味幾吸引，但菜葉唔夠嫩，有啲可惜～🧋飲品方面，我揀咗茶走，味道香滑但偏甜～不過因為係茶走，竟然唔可以揀凍飲，有啲confuse🤔，太辣配熱飲就差左d～🎶最正嘅係成餐飯期間都聽到謝霆鋒演唱會啲歌，感覺好似有鋒味陪住食飯咁～真係幾有氣氛🥰👨‍🍳服務員態度都幾好，令整個用餐過程更加舒服～雖然辣度爆表同通菜唔夠嫩係小小扣分，但整體體驗都唔錯，值得一試！下次可能會試下其他唔辣嘅菜式～😄…查看更多

行街經過見到餐牌相好吸引即刻入去，點知無河粉，落左澳門祖傳辣咖哩腩幼麵，加12紋咖哩牛筋。上台看到麵清湯寡水就知道出事了😥完全同係澳門食過既差十萬八千里⋯湯係鹼水味完全無咖哩味，牛筋小小硬但都可以咬到，牛腩一般都係無咖哩味，總之我食左一碗好似咖哩牛腩麵但嘴裡邊完全無咖哩味⋯⋯後記：餐廳的客人大多係遊客⋯下次係旺角擇野食大概知道點擇了😭😭…查看更多

檸茶大杯咖哩夠辣，服務態度好好，不過魷魚有少少凍很好即刻換，可以再嚟，希望日後再有改善，打卡就送咖哩魚蛋個咖哩都幾辣下食唔到辣唔好嚟食，真係要小心，牛腩正常都算夠淋…查看更多

澳門過江龍，本身唔多鍾意去澳門，但又想試呢間，行過見到就試下。一入去冷氣勁涼👍🏼👍🏼👍🏼👍🏼我哋坐廚房門口以為會熱啦，點知都勁涼，要讚👍🏼👍🏼👍🏼👍🏼嗌左個喱腩飯，三寶麵+牛什，麵嘅喱汁另上，首先嚟飯，腩同汁，咁我下意識咪以為兜汁係我，咁咪照食，點知碗麵嚟左食左一半，我老婆就話兜汁應該係佢，我先醒起係喎，但已經都冇左一半有多，點解會咁，因為我個腩係另外細碗上，裡面啲汁少得好誇張，得大約一湯匙咁上下，當我估錯，俾夠你2湯匙喇，咁我點撈飯食，定係將我個汁同老婆碗麵嘅汁2個份量一齊上？？？🤔咁就真係唔知喇……咖喱味道偏香辣嗰種，幾好嘅，腩都ok，唯獨汁勁少，之後見隔離2枱都另外要汁，咁我諗佢真係本身得咁少，呢樣要改進下，下下要我request，想慳汁？？？有冇下次……真係諗諗先…查看更多

同朋友行過肚餓就入去食服務態度好食物質素都ok嘅乾淨衛生如果係特登入嚟嘅話就唔使啦行過唔知食咩就可以接受唔會伏我就食牛腩飯 正正常常朋友食豬扒包 都幾好味 不過就有少少乾…查看更多

澳門叠記咖喱，開到來香港啦！香港有三間分店之前食過 好懷念嗰陣味依家終於唔洗過大海都食到啦1️⃣祖傳澳門辣腩橡筋幼麵 $52秘製辣汁有分唔同辣度我就揀咗BB辣 醬可以另上 免得太辣個湯飲落唔會口渴 加埋秘製辣汁 都幾惹味 橡筋幼麵好爽口 牛腩口感淋身 唔會痴牙2️⃣叠記咖喱三寶飯 $68呢個係香港限定meun咖喱汁都係揀咗另上有牛腩、豬扒、雞扒 啱晒鍾意食肉嘅朋友啲扒都煎得好嫩滑咖喱汁味道適中 無想像中咁辣飽肚之選另外跟餐叫咗杯凍檸茶 加$93️⃣瑞士汁豬頸肉$42好食😋豬頸肉好脆口 總結中意食咖喱嘅朋友可以試試佢獨有嘅澳葡風味！…查看更多

老公一向都想試呢一間，馳名咖喱牛腩。星期六下午一點入座，七成滿席。食物方面我點咗個雙拼麵，橡筋細加面爽啲，要秘製辣汁（中辣），餸方面要咗咖喱牛筋同水餃，一杯凍檸茶走甜。碗麵上枱，目測湯如白水，入口完全冇味道，要加上嗰一碗嘅秘製辣汁，秘製辣汁好稀，名副其實嘅辣汁一碗，一啲咖喱味都冇，只見一層好厚嘅辣油。入口搶辣，完全食唔到味道。唯一覺得個橡筋幼真係麵爽不彈牙。餸方面，咖喱牛筋，完全冇咖喱味嘅急凍牛筋， 如𡁻橡膠。水餃只可以講佢有豬肉同蝦，雲耳欠奉，味道唔似一般水餃。老公一心嚟想試吓佢嘅馳名咖喱牛腩，所以二話不說就點咗個咖喱牛腩飯。個咖喱牛腩一上枱，目測肉質非常之乾，入口乾柴有渣，完全冇咖喱味，皆因個咖喱牛腩係冇咖喱汁，要額外向侍應要求一碗咖喱汁，而嗰碗咖喱汁就係秘製辣汁。而薯仔方面，都非常淋同粉，最難得嘅係咖喱薯仔冇咖喱味。總括嚟講，成餐我哋兩個都覺得唔知食咗啲乜嘢，只係食到個刺辣感，完完全全唔覺得自己食緊咖喱食品。…查看更多

聞名已久，又話澳門過江龍，咁咪試下囉，點知道一試失望，咖哩汁似水咁浠，一點渣都沒有，更加無香味，得個辣字，牛腩柴，薯仔熟唔透又無走油，碟嘢咁細碟都食剩，無下次。…查看更多