叠記咖喱麵食

營業中

休息中

lunch 去到花園街見到呢間咖哩好似好吸引，入到去聞到好香咖哩味，環境就同普通麵檔差唔多。 menu 都好多吸引嘅選項，最終因為想食麵筋同魚蛋，就叫咗個咖哩五寶麵，兩個朋友就食咖哩雞中翼薯仔飯。 麵類有得揀橡筋粗同幼，店員姐姐話係比一般粗幼面硬，平時食幼麵我都會胃痛，所以今次就揀河粉。 河粉較粗，唔係幼身同滑身嗰隻。個湯底有咖哩味，比我想像中稀少少，但味道係足夠，辣度都適中。最驚喜係個牛心定，原來係連住牛心嘅血管，爽爽地幾特別。豬皮好入味，雞翼都不錯。反而本身最期待嘅魚蛋同麵筋就普通。 兩個朋友一致都話佢哋個飯好辣，薯仔唔夠入味同唔夠淋，即使佢個汁同餸已經分開上，佢哋都話好辣，食到鼻水都流埋。姐姐都有溫馨提示過佢哋個咖哩汁非同小可，唔食得辣可能要留意下。 最後提提大家凍飲要加9蚊，不過食得咖哩又好難唔加🤣

🍜 咖哩五寶麵（$63）佢有麵筋、豬皮、魚蛋，雞中翼同牛心定；成碗麵同餸嘅份量多，咖喱就咁聞落好香，不過食落口就淨係得個辣，而且咖哩係另上嘅，可以因應自己食到嘅辣度調節落幾多，豬皮同麵筋吸收哂咖喱汁，非常入味同好腍；魚蛋好彈牙，雞中翼大大隻仲好嫩滑；牛心定出面比較少見，食落去爽口，口感似象拔蚌；而麵方面我揀咗佢哋嘅招牌橡筋麵，食落口比較硬身彈牙，另外我亦加左$8要左枝玻璃枝裝可樂，好夠氣，順便解解辣

今日出開旺角，想食啲辣辣地嘅嘢，經過見到食咖喱就入去試吓。我叫咗個咖喱五寶麵，平時有食開辣嘅我，加咗中辣嘅辣汁。個麵一嚟到我已經覺得唔對路，聞落一啲都唔香，食落更加係一啲咖喱味都冇…除咗豬皮本身吸咗咖喱汁外，雞翼、魚蛋、連麵筋都勁淡，可以話原汁原味。至於個中辣嘛…連譚仔個10小辣都不如，得啲啲辣，好多枱都問阿姐拎咖喱汁加辣，拎到咁上下，阿姐直頭每碗麵都派多碗咖喱汁…但個咖喱汁好鬼出色！得辣油味，冇咖喱味！仲話喺澳門做咗幾十年…等我仲以為過江龍有幾勁…真係試一次就夠喇…

旺角區 有好多餐廳選擇下午茶時段做到40蚊有找真係唔多仲要 39蚊兩餸麵 加杯飲品豬軟骨 有五舊咁多不過軟骨比較硬 再配個通菜份量都好多 橡筋幼麵 非常彈牙爽口 重點個餐跟埋樽裝可樂 平時出面買一支都兩位數啦咁多樣都只係39蚊

咖喱牛腩面，賣相十足誘人，牛腩切得大小適中，望落去都幾吸引。咖喱嘅香、香料嘅辛、牛肉嘅鮮，完美融合。咖喱汁嘅味道濃郁，香料嘅味道層次分明，辣度都可以選擇，用嚟撈面就啱啱好。牛雜，牛雜嘅處理乾淨，冇乜異味。不過感覺炆煮嘅時間差咗啲火候，醬汁口感唔夠豐富。店員嘅服務態度都好親切，上菜速度快。

澳门这家老字号咖喱面始创于1947年终于开到香港家门口🤩·🏠:叠记咖喱 (旺角山东街)📍:旺角山东街55号🕑:11:30-19:00.💯菜品推荐:1⃣牛三代面味道微辣 很符合我的口味🌶选了面底橡筋幼面🍜很有嚼劲👍咖喱牛腩大块 炖的很入味还🈶牛筋和牛肉🥩味道不错～2⃣饺饺面满满一碗🈶鱼片+鱼蛋+水饺+云吞 简简单单又地道 每天吃都不会腻～鱼蛋Q弹 面条劲道🥢超级香！3⃣瑞士鸡中翼瑞士汁甜甜咸咸的 捞上瑞士汁的鸡翼劲惹味 肉质嫩滑 一咬就脱骨😋

我第一次食牛腩麵見到牛腩係斜切！斜切即係點？就嗰片牛腩頭尾兩邊會比較薄，而本身嗰篇牛腩都已經好薄，0.5cm都冇。佢個菜單上面加$20可以再加牛腩，其實預咗你加餸。因為本身佢係四分三個麵底再加幾片薄過豬頸肉嘅牛腩。唔知其他話性價比高嘅食客係點樣衡量，我食一個普通$45三餸車仔麵要用10分鐘，我食呢個麵只係用咗2分鐘。食完之後我仲係覺得好餓。其實大家當呢間嘢係食車仔麵啦，因為佢個菜單裏便可以加嘅嘢基本上都係車仔麵裏面可以選擇嘅嘢。只係佢有1-5個餸係固定左。

本人一向嗜辣，一般第一次試食只會食中辣。今次試這間亦試中辣。餸的味道不錯的，以車仔麵真係唔錯，除咗蘿蔔未煮夠身唔入味。但最想一提係跟粉麵另上的一碗咖喱汁，咖喱味道可以，但面有一層厚厚的辣油，一試，其實不算很辣，但辣到令人痛，連頭皮都痛，我旁邊位姐叫小辣都辣到食唔到。只用辣油調辣度的死辣，辣到令人唔舒服。如果有興趣一試，就算你可以食非常辣，點小辣或bb辣就好。

經過旺角原來開左間澳門歷史悠久嘅咖喱牛腩麵好少有澳門嘅餐廳會進駐香港😮決定試下佢！牛三代麵 ＄63（橡筋粗面）面嘅質地同口感都好特別！同平時出面食到個普通粗麵/幼麵都唔同，比較硬身少少同彈牙值得一試湯底揀左bb辣啱啱好咖喱牛腩同牛筋都好入味！平時食得辣嘅朋友仔必叫！煮得好淋好易就咬到唔韌好好食！牛肉片都係如珠如寶麵$53（米線）米線煮得啱啱好！唔會太硬而且腩汁做湯底調味都唔錯雲吞好有蝦味幾彈牙👍🏻水餃係木耳豬肉餡，少少似豬肉燒賣咁兩款口感比較紮實唔會一咬就散曬幾好食仲有魚片同魚蛋！芥蘭$18好新鮮，而且有埋腩汁點黎食都唔錯澳門最出名之一嘅豬扒包都有得食！$38（如果下午茶時間食的話包埋飲品豬扒紮實得黎唔會好乾又唔會太薄/太厚而且麵包都好鬆軟仲有搽埋牛油好香😍

 今日係旺角，見到一間食咖哩既粉麵店就入去試下，揀左個卡位座，個時時間早，味有太多客，之後陸陸續續都坐滿咗。我叫左一碗豬軟骨同南乳豬手嘅米線跟左一支zero，牛骨湯底有啲重味，而豬軟骨炆得夠諗、夠入味，豬手都夠諗，同埋處理得乾淨，米線份量都足夠。而另一碗叫左豬頸肉同魷魚既幼麵跟一罐檸檬茶，依碗叫左秘製辣汁，但偏淡味，魷魚係水魷，唔入味，而豬頸肉普通，同埋唔夠爽口。再叫左一份牛三寶，牛三寶有牛腩、牛心頂及牛栢葉，仲有蘿蔔作為配菜，牛腩同牛心頂都唔錯，牛栢葉普通左啲，而佢配上既咖哩汁好濃味，點汁岩岩好，辣度係BB辣🤣

叠記咖喱，以其獨特的風味和豐富的選擇，加上幾代澳門人一代傳一代的人情味，融入了多元化的文化元素。在點餐時，服務員推薦了他們的招牌咖喱五寶麵，這道菜色澤誘人，香氣四溢。豬皮麵筋吸收晒咖喱嘅精華與濃郁的咖喱醬汁完美結合。牛心頂嘅口感彈牙爽脆，唔係度度都可以食到，咖喱的香料搭配得當，既有辣味又不失香甜，令人一口接著一口，欲罷不能。牛三寶性價比極高，牛腩炆得勁腍勁入味，牛柏葉亦都吸收了咖喱嘅日月精華，份量超多。腩汁豬頸肉，一口咬完下去，豬頸肉的口感真的很驚艷。肉質柔嫩，帶有適度的油脂，咀嚼時散發出濃郁的肉香。搭配上特製的腩汁，味道更是層次分明，既有微微的甜味，又有香料的香氣，整體嚟講，性價比高，地理位置方便。

又到咗每一個月嘅月尾可以食好東西慰勞自己，今次同朋友去旺角食咖喱，佢係一間小店，座位非常寬敞而且服務質素亦都好好，我哋一行二人點咗秘製腩汁豬頸肉配白飯，菜心同埋咖喱三寶，我朋友點咗咖喱車仔麵，豬頸肉非常爽口，加上秘製醬汁配白飯用嚟撈飯簡直冇得彈，咖喱三寶會有雞翼豬皮魚蛋同埋牛柏葉，咖喱嘅醬汁非常香口，而且唔會太辣，啱晒我呢啲唔食辣嘅人，車仔麵我哋揀咗幾個餸，味道還好，而且每食一啖都包住咖喱汁嘅味道，如果咖喱汁唔夠可以叫職員額外比一碗你，下次可以同屋企人再嚟試吓。

講明疊記咖喱，咁梗係一定要食咖喱啦～ 呢日就係要嚟挑戰咖喱呀！ 係咪唔得先？ 不過食過至知原來滷水先係寶～ 完全係被咖喱耽誤了～～ 我哋點咗咖喱五寶，雙餸湯米線 同 估佢唔到出奇好食嘅滷水撈麵！咖喱五寶五寶有素麵筋、豬皮、牛心定、魚蛋、雞翼～ 豬皮好入味 😋 牛心定夠爽～ 魚蛋巧多粒，抵👍🏻滷水撈麵撈麵配牛腩牛筋，基本嘢，都係平靚正～ 滷水幾出色，牛筋腩份量又多，絕對性價比～ 雙餸湯米線白雞翼同雲吞做雙餸～ 米線勁彈牙，同知名米線店食到嘅完全唔一樣，會有另一番體驗～ 白雞翼，咪睇白雪雪滑捋捋以為佢冇味，其實係用咗白滷水煮過，所以滷水真係值得一食！

原來疊記咖喱喺旺角都有分店，所以今日出去旺角就去食吓lunch 😙😙……..幸好個咖喱汁是分開另外上，所以可以自己調校辣度🤭🤭因為小小已經很辣不過佢個咖喱好香濃⋯⋯辣得或都好惹味🤪🤪牛腩都好入味夠腍不錯👍👍疊記咖喱的粗麵有兩款一款係叫做橡筋粗麵好彈牙真係好似橡筋咁都幾有咬感！幼麵也有兩款…橡筋幼麵好彈牙真係好似橡筋🤣🤣小食點咗四寶珠牛骨湯個湯底都好濃郁，而家咖喱都好好食佢個豬軟骨好好食，因為好腍好入味！

呢一間麵店係澳門馳名🇲🇴，見佢嘅咖哩麵好出名，所以今日就專程嚟試下啦🥳牛三代麵 $63牛三代即係牛肉、牛筋、牛腩🌟，特別要讚牛筋好軟身同入味。而咖哩汁好濃郁，同牛肉好夾😝雙拼麵 $45呢碗麵選擇左南乳豬手、豬軟骨😍，我好鍾意呢度嘅豬軟骨口感同味道都一流，加左腩汁同咖哩汁好搭配👅瑞士雞中翼 $21瑞士汁好香濃，而且雞中翼夠晒入味😙通菜 $18最後當然要食翻少少蔬菜，通菜好爽口，加左腩汁味道更加好👍