影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
我第一次食牛腩麵見到牛腩係斜切！斜切即係點？就嗰片牛腩頭尾兩邊會比較薄，而本身嗰篇牛腩都已經好薄，0.5cm都冇。佢個菜單上面加$20可以再加牛腩，其實預咗你加餸。因為本身佢係四分三個麵底再加幾片薄過豬頸肉嘅牛腩。唔知其他話性價比高嘅食客係點樣衡量，我食一個普通$45三餸車仔麵要用10分鐘，我食呢個麵只係用咗2分鐘。食完之後我仲係覺得好餓。其實大家當呢間嘢係食車仔麵啦，因為佢個菜單裏便可以加嘅嘢基本上都係車仔麵裏面可以選擇嘅嘢。只係佢有1-5個餸係固定左。
繼續閱讀
本人一向嗜辣，一般第一次試食只會食中辣。今次試這間亦試中辣。餸的味道不錯的，以車仔麵真係唔錯，除咗蘿蔔未煮夠身唔入味。但最想一提係跟粉麵另上的一碗咖喱汁，咖喱味道可以，但面有一層厚厚的辣油，一試，其實不算很辣，但辣到令人痛，連頭皮都痛，我旁邊位姐叫小辣都辣到食唔到。只用辣油調辣度的死辣，辣到令人唔舒服。如果有興趣一試，就算你可以食非常辣，點小辣或bb辣就好。
繼續閱讀
經過旺角原來開左間澳門歷史悠久嘅咖喱牛腩麵好少有澳門嘅餐廳會進駐香港😮決定試下佢！牛三代麵 ＄63（橡筋粗面）面嘅質地同口感都好特別！同平時出面食到個普通粗麵/幼麵都唔同，比較硬身少少同彈牙值得一試湯底揀左bb辣啱啱好咖喱牛腩同牛筋都好入味！平時食得辣嘅朋友仔必叫！煮得好淋好易就咬到唔韌好好食！牛肉片都係如珠如寶麵$53（米線）米線煮得啱啱好！唔會太硬而且腩汁做湯底調味都唔錯雲吞好有蝦味幾彈牙👍🏻水餃係木耳豬肉餡，少少似豬肉燒賣咁兩款口感比較紮實唔會一咬就散曬幾好食仲有魚片同魚蛋！芥蘭$18好新鮮，而且有埋腩汁點黎食都唔錯澳門最出名之一嘅豬扒包都有得食！$38（如果下午茶時間食的話包埋飲品豬扒紮實得黎唔會好乾又唔會太薄/太厚而且麵包都好鬆軟仲有搽埋牛油好香😍
繼續閱讀
今日係旺角，見到一間食咖哩既粉麵店就入去試下，揀左個卡位座，個時時間早，味有太多客，之後陸陸續續都坐滿咗。我叫左一碗豬軟骨同南乳豬手嘅米線跟左一支zero，牛骨湯底有啲重味，而豬軟骨炆得夠諗、夠入味，豬手都夠諗，同埋處理得乾淨，米線份量都足夠。而另一碗叫左豬頸肉同魷魚既幼麵跟一罐檸檬茶，依碗叫左秘製辣汁，但偏淡味，魷魚係水魷，唔入味，而豬頸肉普通，同埋唔夠爽口。再叫左一份牛三寶，牛三寶有牛腩、牛心頂及牛栢葉，仲有蘿蔔作為配菜，牛腩同牛心頂都唔錯，牛栢葉普通左啲，而佢配上既咖哩汁好濃味，點汁岩岩好，辣度係BB辣🤣
繼續閱讀
叠記咖喱，以其獨特的風味和豐富的選擇，加上幾代澳門人一代傳一代的人情味，融入了多元化的文化元素。在點餐時，服務員推薦了他們的招牌咖喱五寶麵，這道菜色澤誘人，香氣四溢。豬皮麵筋吸收晒咖喱嘅精華與濃郁的咖喱醬汁完美結合。牛心頂嘅口感彈牙爽脆，唔係度度都可以食到，咖喱的香料搭配得當，既有辣味又不失香甜，令人一口接著一口，欲罷不能。牛三寶性價比極高，牛腩炆得勁腍勁入味，牛柏葉亦都吸收了咖喱嘅日月精華，份量超多。腩汁豬頸肉，一口咬完下去，豬頸肉的口感真的很驚艷。肉質柔嫩，帶有適度的油脂，咀嚼時散發出濃郁的肉香。搭配上特製的腩汁，味道更是層次分明，既有微微的甜味，又有香料的香氣，整體嚟講，性價比高，地理位置方便。
繼續閱讀