友義氣‧酸菜魚

營業中

休息中

店舖位於葵涌廣場附近，距離地鐵站大約五分鐘路程，非常容易到達。睇menu，呢度除咗主打重慶四川等菜式，亦有港式小炒，種類非常繁多。黃金蝦，$118。呢味餸係店舖嘅黃金系列，炸到金黃鬆脆，脆皮外層包住濃沃嘅鹹蛋香。裏面嘅蝦仍然爽口彈牙，經過油炸嘅蝦殼容易咬碎，連殼食更添美味。一碟有成八隻，性價比甚高。四川辣子雞，$98。呢味四川經典名菜，個人認為重點除咗要將外圍嘅辣椒炒得入味，雞粒本身亦要炒得乾身，呢度都可以將呢味菜煮得令人稱心滿意，用嚟佐酒一流。招牌酸菜魚，$188。呢度打住招牌魚好吃湯更好喝，個人認為不錯。魚肉入口嫩滑，酸菜魚湯用嚟拌飯一流。

以前我哋食酸菜魚大家都會諗到北上太二😂😂今日經過葵芳恆景商場見到有間類似茶餐廳（有義氣酸菜魚）我哋兩個人就入去試咗個酸菜魚（標準辣）除酸菜之外還有芽菜、金菇菜丶蓮藕片⋯等其他配料，店家還會在魚上面灑上菊花瓣丶酸辣中帶清新感魚肉嫩滑、入口啖啖肉，最啱怕食魚骨嘅我最後我哋加個白飯連湯底都唔放過

疫情期間在家call外賣上門。見圖片幾吸引，嗌了酸菜魚。極度後悔，可以話係我人生食過最難食既酸菜魚。。。唔係酸菜魚，而係酸菜＋魚＋水。。200幾300蚊既餐，得果幾塊肉，魚仲少過其他間午市套餐。簡直係無敵伏，非常失望。而且d配菜完全係無任何味道，又大舊，又好硬。真係好難食啊！！！！！！！！！！！！！！！！！！！！！！！！！！！！！忍不住特登開個account來寫呢篇食評。我而家要再嗌個麥當勞才能解決肚餓。

這店的炒粉麵飯都是即叫即煮的，每次光顧，都會聽到廚房的炒鑊聲響過不停，每次見到店員上俾客人的食物，我都會瞄一眼，感覺很夠鑊氣。正因為午市，即叫即炒，等待需時，老闆特意想了新的菜色，減少炒單，其中就是「花生炆豬手」。試第一口當然是汁啦！個汁不會太鹹，感覺特別調製，不只是一般的花椒八角，幾開胃。花生同豬手炆得合宜，豬手夠淋而非常入味，最緊要是層皮算乾淨，因為茶記許多時都有許多短毛哩，令人倒胃。但我覺得這食店有質素和要求，不是隨便上枱。加埋大大杯凍鴛鴦，都只是$42，邊度搵。希望老闆繼續努力，有更多好菜式予食客。樓面姐姐工作繁忙，但仍保持良好態度，要讚👍。

這店是我近來午市找食的好地方，因為選擇多，質素有保證，老闆及店員態度好，所以我也特意向同事們推介。今天唔想食飯，就選擇了「肥牛酸辣粉」，連熱飲只是$38，十分抵。很快店員便捧著一碗看似滿滿肥牛的酸辣粉，的確，翻了一下，肥牛真不少啊！感覺肥牛的肉質以$38來說，很不錯。這店選用了粗直身的紅糬粉，口感又幾好喎。粉質地彈牙，不過，這只屬輕食，如果大食就一定唔夠飽，如果粉的數量略加一點就好了，但是$38真的不能苛求😅。有一點是我最接受不了，就是花生是走了氣的，淋晒，絕不是浸淋，因為我第一口就是食花生的。除此以外，粉裏還有炸菜，切細條的，我唔太鍾意，食慣雪菜或酸菜。最後我叫了凍鴛鴦，真的很抵飲，大大杯。飲完，就飽了。好，下次又試其他。

今晚一個人食飯，所以去咗屋企附近呢間新開張無耐嘅食店試下😁自己本身好鍾意食小菜，所以今晚叫咗欖菜肉碎四季豆。一打開見到份量好多，而家味道好有鑊氣👍如果淡味少少會更加好😁 服務態度非常好👍👍👍值得推篤大家去幫襯👍👍😁下次多人食一定會試酸菜魚及其他小菜👍

食過好多間的酸菜魚，這間係我食過最好味的一間，必須寫一下，味道正 👍魚滑、鮮美，連湯我都飲晒值得推薦大家試吓！一坐低服務員超有禮貌的講解店里的美食，座位坐的舒服，環境也不錯

之前已經很想嚐這招牌菜，終於一償所願。午市到來，立即落單招牌酸菜魚，走辣，配熱奶茶。因疫情限聚令，每枱限坐二人，但午市都是多人哩！但我最終等了二十分鐘，明白這店用意是想即叫即煮，夠新鮮，但午餐時間有限啊！令我食得非常趕急😅⋯⋯一上菜，食物的香氣撲鼻，賣相也相當吸眼，抵消了等的怨氣了。先嚐一口湯，清而不濁，感覺清淡但夠味啊！因為味過鹹或太濃，就像飲味精哩。翻看一下裏面，有多片看似滑滑的魚片，還有蓮藕片、似糬粉等。有時食店會做鯇魚片，講真，不滑同有骨，但這店的魚片完全沒有骨，而且很滑，不知用那種魚。除了我，我家人及同事食過也讚。不過，老闆要想想一個問題，就是如何盡量縮短等候的時間，現時有限聚，客人都不算最多，都要等成廿分鐘。這樣就可能影響一般打工仔光顧，始終只得1個鐘食飯。😅希望純粹今次咁慢啦！我下次又試下食其他先。

最近午餐都選擇這店，其中就是這店比茶餐廳舒適，食物質素也比茶餐廳出色，很夠鑊氣，但不會過油和過鹹。何以這食店的名稱都不是茶記，但我卻以茶記比較？因為我暫時只有午飯才到這店，而午市，它有多款的茶記食物，不像隔離食店廖廖可數。我點了味菜牛柳絲炒麵及凍鴛鴦，盛惠$56。雖然即炒，但今次顯然上菜速度快了。講真，午飯時間不多，若要久等，就真的食得趕急。我第一口當然先嚐味菜，我覺得一口後更想食下去，酸酸甜甜的，而且切得不會太大或厚。過往食過都會過鹹，但這卻是甜酸菜。牛肉的肉質比平時的嫩，不過有些切得碎碎的。最捧的就是炒麵😋⋯⋯它的獻汁配合得好，份量和稀稠度適中。因過多，會使麵很快變得淋淋的。但若太少，就會太乾和唔夠味。而且個麵餅炸得脆而不硬，食到尾還感香脆。不過，這店的鴛鴦的味道就次次略不同。記得第一次，淡而無味，後悔叫。第二次略有進步。今次啡味濃了一點，但仍未叫好飲，如果下次要加錢，我會選擇不叫也罷。我期待下次試吓酸菜魚先。

友義氣·酸菜魚！葵芳恆景商場友義氣酸菜魚是川粵兩菜系餐館，除了川菜菜粵菜、午餐時段亦有香港茶餐廳炒飯麵、香滑奶茶、香濃咖啡供應招牌酸菜魚：酸麻、辣度適中，魚肉無骨、肉質嫩滑，配料有芽菜、萵筍、青瓜、蓮藕、金菇、薯粉（超彈牙） 先食嫩滑魚片，再食配菜，連湯都飲埋。黑椒腰果牛柳粒鑊氣之選，聞到香味，牛柳粒外香肉嫩，配搭脆口腰果，非常惹味。友義氣·小炒皇傳統大排檔菜式，在小炒館必選，有韭菜花、蝦干、海鮮，炒得夠乾身有鑊氣，友人食曬蒜茸粉絲蒸元貝穏定菜式，新鮮好食

上星期試過雞飯，今天專登再來試其他。今次感覺多了選擇，除特選午餐，還有多款炒粉麵飯，還有京都骨飯、虎蝦伊麵等等。其實我很想試虎蝦伊麵，但相信需時，都係穩陣啲食星洲炒米。的確是即炒，廚房的炒鍋聲未停過。星洲炒米一大碟，看落不會過油或太濕。味道炒得均勻，夠味而不過鹹。蝦仁、火腿絲及配菜份量得宜。不過，起初食是不覺的，食下去，開始感覺米粉質地略略硬，有點鯁，如果可以軟點兒就更好。今天的凍鴦顯然遜色，沒有啡香，不太好。我下次想試虎蝦伊麵或者酸菜魚🤔⋯⋯

這店新開的，見到午餐有不同款式的選擇，如酸辣的粉麵、茶餐廳的炒河、烏冬、貴妃雞飯、酸菜魚等。。。客不多，一人可獨自坐卡位，當然是我選擇的原因。雖然樣樣都想試，最後揀了最保守的貴妃雞飯。很快便送來了，一來賣相真一點不吸引，比茶記更沒外內美，但是一嚐第一啖雞，都幾有雞味。感覺隻雞用足料炮製，有鮮味、雞的甜味。肉質也不錯，不會覺得「鞋口」。$42包埋大大杯凍鴛鴦，都好抵。不過，雞斬得碎了，令到骨都碎了，影響雞的評分。我都會再光顧，試埋其他菜式。