南記粉麵 (寶明大廈)

營業中

休息中

究竟有幾鐘意芫茜先可以由麵食到餸再到飲品 全部都係芫茜南記粉麵 最近推岀嘅芫茜蓉湯底米線套餐好過癮 所以真心想試下當中炸豬扒芫茜丸皮蛋芫茜蓉湯底米線湯底非常濃味 連顏色都係芫茜綠入口更加係啖啖芫茜味當中炸豬扒香脆可口 同濃郁芫茜湯底成鮮明對比芫茜丸浸滿湯汁配上芫茜的靈魂伴侶皮蛋成件事又幾match 🤣你以為咁就完？錯！仲有杯創新特飲芫茜「可口可樂」估唔到又唔會奇怪 食落有芫茜味又有可樂味每一口米線都充滿芫茜香氣芫茜控絕對要試下🍜🍜

呢幾日天氣又凍咗啲❄️想秋冬暖胃，煲胡椒豬肚湯飲就岩哂🔥南記全新推出『 胡椒豬肚湯•雞翼米線  』🍜身邊好友試過都大讚好入味😋今日lunch time一於試吓先🍴『 胡椒豬肚湯•雞翼米線  』套餐✨有齊「旋風豆腐串」同「香蘭葉桂圓茶」😻仲可以套餐價加配「辣爽爽豬肚」，滋味滿分🎉胡椒豬肚湯湯底以特級白胡椒、豬肚及雞熬製💡配料有爽脆花生芽、嫩滑胡椒雞翼同索滿胡椒湯精華既旋風豆腐串🌟辣爽爽豬肚小食辛辣又爽脆，嗜辣者必試❣️最後飲返杯補氣益血既香蘭葉桂圓茶☕成個人暖笠笠，驅風散寒一流💝

12月14日，見到仲有張南記coupon喺度，所以就去咗食個下午茶,44蚊雙拼酸辣米線,我揀咗魚腐同埋春捲,魚腐吸收曬嗰啲酸辣湯十分之好味,加埋佢杯凍檸茶冬天食完之後即刻暖笠笠！

12月8日,又係銅鑼灣返工，見到有優惠券所以去咗食南記嘅下午茶,40蚊有米線加凍檸茶真係抵食,一如既往有我最鍾意食嘅春捲又有新鮮嘅魚片,加埋嘢味嘅酸辣湯底！食一次之後真係好容易上癮！

叫外賣自取 去到拎果時問清楚佢係咪一袋, 係咪齊, 個阿姐就話 貼住張紙果份就係返到去發現少左叫佢送返上黎, 話係我自己拎少左, 問左你兩聲係咪一袋, 唔係問你係咪齊, 阿姐聽完俾個阿叔個阿叔仲問我邊個阿姐覆我係依袋, 問我個阿姐叫咩名? 我識佢老鼠? 個阿叔仲話要自己Check齊唔齊, 唔通我碗碗打開睇下岩唔岩先可以走? 果陣放住3個袋, 都問佢係咪1袋, 又話係仲叫我自己行返去拎 痴根豪俾你 永不光顧 

網上外賣自取只接受信用卡不方便。希望改善，因見鋪頭已接受多種付款方式，例如Alipay, Wechatpay等。用信用卡網購容易發生被盜用情況。在鋪頭購買也排長龍，而且鋪頭不夠冷氣。

究竟幾耐冇食過南極😂😂每次經過南記都聞到陣味⋯因為多咗消費卷 今次特登用入面滿$50 減$5嘅優惠結果係呃人㗎！根本冇優惠到⋯唔應該俾佢影響食慾所以我一路食一路enjoy香港人嘅味道哩碗牛魔皇套餐，我覺得最易入口嘅係肥牛。其次到牛丸，肉咬兩啖會起渣😂但個湯底👍👍👍👍

叫左外賣自取本身都好鐘意食，食物質數吾太差但發現外賣比漏野，職員仲堅持有比！要求檢查已出既外賣。Ok!拎左返去發現真係冇，一句對吾住或吾好意思都冇！仲話而家補返比你啦。呢個係咩態度？職員真係好有問題！！好冇禮貌😡😡

難得去銅鑼灣就去南記 ，掛住南記春卷之後同老公去左食，叫左腩肉加春卷醋辣米線好正，有四條春卷，好味，不過個酸辣湯我覺得麻麻地，無咩酸味，無以前咁好食，米線比出面幼身啲，易入口不過下次我哋都會再去食

番工放lunch 只想要一個快靚正既食物就選擇左「南記」單拼，春卷河$29質素感覺不及以前咁好個春卷太乾河粉又太淋身湯底唔夠鮮甜不過唯一有樣好既係出餐速度依舊快😉岩哂番工放lunch 食個快飯

曾幾何時，我食南記都會叫嗰啲咩酸辣小窩米線，然後曾經有日，見到一個食評，話其實佢啲辣椒醬先正。於是，我就開始叫清湯米線，然後點辣椒醬食。一試之後真係不得了，我就冇再試過要小窩米線啦。今次我叫咗個春卷清湯米線，只係20幾蚊，有四條春卷，米線略嫌細碗咗少少，但飲多幾啖水都勉強夠飽嘅。個辣椒醬真係不得了，夠辣，正。南記嘅春卷就真係無可取代，啲魚肉真係不得了，好好食。食極都唔厭。另外我仲特登買咗樽辣椒醬返屋企，咁我就可以自己煮麵嗰陣都食到南記辣椒醬，開心。

好耐好耐冇食過南記啦，聽朋友提起就放工即刻去食，叫咗個B餐，好抵食，有辣豬肉、春卷、冬菇、魚片四樣嘢，仲有埋嘢飲都係50幾，味道都如以前，米線煮得啱啱好，麻辣味道濃郁，有啲似老干媽味，啲餸好好味，料足！

早上來到銅鑼灣看電影，旁邊有一家南記於是入去吃早餐。原本想吃粉麵，但居然看到早餐有提供糯米雞二話不說馬上點了。而且還有魚皮餃生菜湯和咖啡才28元，性價比實在太高。可能是疫情期間早上人客還不多。糯米雞超大份，裏面有臘腸和雞翼配料還算豐富。而且重點是糯米飯不像外面餐廳做得那麼硬，飯質非常彈牙柔軟。魚皮餃生菜湯湯底很好，我幾乎全部喝光。生菜泡在湯底滲透了湯底的味道很好吃。咖啡就不過不失吧。整體第一次在南記吃非粉麵的食物原來質素還不錯。

天氣炎熱🥵，胃口唔係好大，喺銅鑼灣有咩好選擇，於是揀左價錢較平靚正的粉麵—南記。自選套餐之一清湯系列，餸當然揀了招牌春卷，無得輸😆，由於魚蛋售罄，唯有食魚皮餃，一樣咁好食，身旁呢個西生菜🥬才嚇我一跳，本以為是一碟，結果是一大碗🤣，加埋杯附送汽水🥤（可揀豆漿），真係超抵食👍🏻逆市的求生

一日早餐，真係好重要，一定要好好對自己！不是每間南記也提供早餐，有些分店可能也有早餐時段，但不見供應腸粉， 只有粉面提供！這裏的牛腩汁腸粉，真係好好味，會加一2⃣️嚿牛腩，加芽菜，再跟一碗粉面，簡直飽到下午茶也不會肚餓！ 喜歡的話可以飲奶茶咖啡水準也不錯，想食馳名春卷河粉亦都可以， 比起單調嘅炒蛋多士火腿通粉，南記，多謝你用心去演繹一個美味的早晨！