南記粉麵 (寶明大廈)

營業中

休息中

今日中午又去咗熟口熟面嘅南記粉麵，呢間店一向出餐快、轉枱率高，啱晒午飯時間想快快食番餐嘅時候。今次點咗雙拼小窩，加咗豆卜魚餃，另外配咗凍飲和蔬菜，總共$68，價錢算合理。我揀咗墨丸同魚餃作主餸，魚餃彈牙，墨丸口感紮實帶鮮味，加埋豆卜吸湯特別惹味，配上熱辣辣嘅湯底，食落暖胃又滿足。蔬菜爽脆、冇煮過頭，味道清新。凍飲加$4，唔會過甜，飲落啱啱好。整體出品穩定，味道保持水準，南記一直都係我信得過嘅快餐選擇。唔花巧，但實在，適合繁忙中偷得浮生半小時嘅工作日午餐。

今晚晚餐揀咗南記粉麵，想快快手醫個肚。點咗雙餸米線，再加多兩款餸，總共四款配料：春卷、菜肉餃、魚皮餃同冬菇，連湯底共$68，價錢算合理。米線滑溜，湯底夠熱，唔會太鹹。春卷唔係炸嘅，應該係蒸款，食落軟腍帶菜香，清清地又唔油膩；菜肉餃同魚皮餃餡料飽滿，口感彈牙；冬菇厚肉多汁，吸晒湯汁後特別惹味。餸菜選擇多，配搭彈性高，滿足唔同口味。餐廳轉枱率高，即使晚市人多都唔使等太耐，出餐速度快，啱晒趕時間又想食熱辣辣一餐嘅人。整體環境雖然簡單，但企理乾淨。今餐快靚正，唔講求氣氛但想飽肚，南記依然係個穩陣之選。

今日係中秋翌日，好多餐廳都無開😮 原本打算吃個靚早餐再去搵朋友，依個情況就快快手吃個粉麵算。係香港仔好出名既粉麵，依加已經開到周圍都係，銅鑼灣依間更加係日日排隊，今朝無咩人就試下佢。早餐有好多唔同既餐可以選擇，我就揀左佢個"招牌米粉"。45蚊黎講都算好平，已經包左野飲。份量唔少，魚肉春卷依然好高質，有魚肉既彈牙同魚肉味，依個本人係非常中意食。丸亦無任何雪藏味，牛肉丸特別好吃，幾好。除左魚肉春卷外，佢既辣醬係一大亮點，又辣又香，好搭個粉，加埋一齊幾好味。

夜媽媽行到冇乜選擇，遠望大大個招牌很光猛，就衝過去夜晚八點幾都仲要排隊買嘢食好耐冇食喇而家都係出套餐，感覺上比起以前好平嘅南記已經唔同咗不過叫做乜嘢都有啲七十蚊，平過好多茶餐廳，而且感覺係乾淨嘅。

南記嘅單併小窩米線（春卷）轉蕃茄湯真係我嘅至愛，自從食過一次就返唔到轉頭，平靚正，性價比又高。因為唔食唔到辣嘅關係，一直都淨係可以食清湯，有朋友介紹話個蕃茄湯底好好食，咁就梗係要試下佢la,比多個選擇自己揀呀ma，一試就返唔到轉頭，個蕃茄湯好出色，仲要真係有一舊舊嘅蕃茄喺入面，好用心，好有誠意呀。至於，春卷永遠係我心目中嘅招牌，每次都淨係嗌春卷，真係太好食la。個湯即使外賣，拎到返去仲係熱辣辣，正。

食物份量是足夠的，但座位不多，由於靠近銅鑼灣，高峰時段仍然很擁擠。分店多，保持一貫水準，香港仔精神。麵條和食物都還可以，沒有太高的期望，未試過的朋友，可值得一試。總括來說，這個價錢在銅鑼灣區來說簡直是非常抵吃，份量夠飽，非常適合上班一族。

真系好難搵到咁難食本來去銅鑼灣食榮記，一去到差不多10個人排隊，咁細鋪頭有排等，趕時間無辦法，所以就入隔離哩間，以為連鎖店差極有個譜，可惜太令人對香港餐廳跌眼鏡。牛魔王小鍋套餐（$66）1分- 賣相求其- 牛丸無彈力無牛味。- 牛腩最離譜，得一兩舊，無牛味，肉仲要又細又”鞋”又黐牙，表面塊根模根本咬吾開。- 最多牛份量就系肥牛，但從來未試過95%肥牛又鞋又無牛味又渣多的肥牛-番茄非常酸。-米線吾滑。- 豆漿得個甜字，無乜豆味。生菜（餐+$5）4分- 哩個就真系超值，而家通常加$9得三四條，哩度差不多半碗，味道亦吾差南記以前朋友話食魚蛋都OK，可能越開越多失控啦！

天氣轉涼，嚟到要食啲暖笠笠嘅熱辣辣南記米線，即刻黎個食評分享下畀大家👏！呢度嘅『胡椒豬肚湯•雞翼米線』真係撲鼻香，一啖湯入口已經暖哂心窩🥰。米線爽滑，同塊塊雞翼都煮得啱啱好，攞啖豬肚，哎呀！鮮嫩得黎味道重又唔會太刺激，胡椒味剛剛好，食落開胃又提神。簡直系推介必食嘅一道好菜！旋風豆腐串出面香脆入面滑嫩，啖啖豆香，正宗好味👍！辣爽爽豬肚嘅那種爽口勁辣感令人一試難忘，食完鼻尖仲留住個微微辣味，冬天食真係一流。最後一提，嗰杯香蘭葉桂圓茶好飲到不得了，暖心又解膩，簡直就係消食聖品。整體嚟講，南記呢個套餐食落有飽肚感又唔會太沉，得閒又要嚟試下其他款！正👌！

繼續係週末時間響銅鑼灣食嘢怕人多，所以都係行過叫外賣返上去室內地方食會舒服啲，經過波斯富街再試吓叫多次南記粉麵，睇吓今次會唔會漏咗嘢。食佢嘅其中一個原因都係靠近地鐵站經過就會見到。食物嘅水準亦都相對穩定嘅。今次叫咗個牛魔王小窩米線，加辣豬肉。上次就係加咗辣豬肉，但係佢唔記得比，有少少失望。今次終於冇漏到。牛魔王小麼米線嘅湯同埋份量都保持穩定。今次叫咗麻辣湯底，小辣嘅味道對我嚟講啱啱好，下次會試吓酸辣湯底。

仍然係銅鑼灣開完工之後因為緊接仲有嘢做，所以都係搵朋友快快脆脆睇吓邊度買外賣早上去人哋地方食會最好，朋友話上次食完南記覺得快靚正都幾好，所以再試多一次，睇吓佢哋水準搵唔搵定。同埋始終佢都唔算離開地鐵站好遠，路過行過去都幾方便，今次叫外賣亦都唔算等咗好耐。我叫咗個牛魔王小窩米線，要蕃茄湯底，加咗一份辣豬肉。牛魔王小窩米線水準同份量都好穩定，蕃茄湯底亦都保持到水準，不過今次攞到返嚟嘅時候佢唔記得咗我瞓辣豬肉，分量同味道方面保持到上次嘅水準，唯一就係比漏咗一份辣豬肉，所以要扣分。

又係去銅鑼灣工作時間，因為中間得好少時間可以食飯，仍然會係叫外賣覺得最方便，今次諗起好耐冇食過南記，而且佢嘅地點又比較近，地鐵站行過去都係5分鐘左右，應該響佢度叫嘢食會相對快，果然就算去到排隊都唔算好耐，好快就可以叫到外賣，同埋唔使等好耐就有。本身好想食牛肉，所以叫咗個牛魔王小窩米線改做河粉，再加埋個辣豬肉，今次轉左個湯底做返茄湯，因為記得佢個蕃茄湯都比較有酸甜啲嘅味道，感覺會開胃啲。但係講真個人覺得最好味都係佢嘅辣豬肉，仲有佢嘅蕃茄湯底都係比較穩定，多番啲酸甜味，不過呢部份比較偏向個人喜好為主，因為有啲鹹味嘅蕃茄湯，我覺得除咗顏色唔同之外，其實冇乜蕃茄味道，亦都冇乜大分別。所以南記算係做得比較好嘅一間。

屋企有人病咗，食粥食得多有啲悶。於是就係南記買咗魚肉春捲米線 。雖然都係有啲油，不過就好過食白粥既。南記最平就係呢個單拼米線，呢個魚肉春捲就係最有性價比 ，味道都尚算可以

首先，米線的質地略為硬身。米線未能融合了湯汁和調味料的風味。米線需要煮得既不軟爛也不過分彈牙，才給人一種令人愉悅的口感。不過這𥚃的酸辣口味絕對是整個菜品的亮點之一。酸味來自醋和某些醬料的結合，以其清爽的味道平衡了辣味的強烈。辣味則來自辣椒和辣椒油的添加，它們為整個菜品帶來了一種醇厚而濃烈的辣味。這種辣味讓我不禁喝了一口湯，立刻感受到一股辣辣的熱量從口腔傳遞到喉嚨。最後，這碗酸辣米線的湯汁非常美味。湯汁濃郁而清爽，充滿了各種調味料的香氣。每一口湯汁都能帶來滿滿的鮮味，配上辣味豬肉和味菜讓人一口接一口。湯汁的酸辣味與米線的融合非常完美，讓整個菜品的味道更加豐富多樣。總之，這碗酸辣米線絕對是一道令人回味無窮的美食。如果麵線能彈牙一點便完美。

南記在香港已經有四十多年歷史，現時全港有數十間分店，其中以魚肉春捲最廣為人知，價錢相宜，由其是下午茶，相信是不少打工仔最喜愛餐廳之一。-___________🏖餐廳狀況🏖___________ 差不多有一年沒有光顧南記了，當時時間大約是八時半，雖然餐廳九半關門，但內裏顧客還有不少，幸好等待食物的時間並不長。☺️- _____________🍽食物🍽_____________🫂招牌清湯河粉套餐 $45推介指數 ■■■□□這個餐點是下午茶的首選，因為只需要大約2x元，現在晚餐套餐要45元，材料有魚肉春捲、牛丸、白魚蛋，是最經典的配搭，味道不過不失。河粉熟度剛剛好不會過淋，怕清湯比較淡的話，可以自行加醋和辣椒油去調配。-🐷 招牌滋選小鍋套餐(酸辣) $65推介指數 ■■■■□酸辣是辣椒紙最喜歡的湯頭，小鍋米線有很多的配料，例如：酸菜、芽菜、腐皮、蔥.....而且南記的酸辣是偏酸酸甜甜，辣味不太重，非常開胃😊💓 滋選小鍋米線有：魚肉春捲、冬菇、辣豬腩肉、魚片……非常夠飽。-🥬 生菜 +$5推介指數 ■■■□□正正常常的一碟生菜，略嫌蠔油味道太重🫠-🥠 春脆Shake脆 +$16推介指數 ■■■■

收工係銅鑼灣利舞臺附近🥰🥰心思思想食米線🍜🍜🍜以前喺香港仔返工成日都會食南記，今日難得順路經過❤️就決定買返屋企食啦😙😙蕃茄春卷牛腩米線蕃茄湯底酸酸甜甜超開胃🍅🍅🍅加上招牌春卷，🐮🐮牛腩又唔會太硬，米線煮到岩岩好夾埋一齊食超有風味😋😋 唯一係牛腩有d太碎，完整d就更加好😝😝酸辣肥牛小窩米線激量肥牛分量十足🤤🤤🤤加埋酸辣惹味湯底🔥🔥 酸酸辣辣又開胃🤩 作為晚餐嚟講份量真係啱啱好😙😙