南記粉麵 (中海日升中心)

營業中

休息中

今日買左幾份外賣拎走，返到公司先發現有好多份都執錯，打電話去，你地話要拎返落黎對單。都OK。但落返去，就被D 阿姐話，拎嘅時候又唔CHECK 清楚。我心諗，我買幾份，點會每一盒都打開黎睇，同埋究竟係我執錯，定你地執錯。其實，我都唔係責怪執錯，因為執錯成日都有架啦，但d 態度可以唔可以好少少呢。搞到好似我麻煩你地咁，事實上，你地唔執錯，就唔駛搞到大家都麻煩。其實，南記已經無以前咁好食，仲要有D 咁差嘅服務態度，唔會再食囉。

天氣熱辣辣，Lunch食粉麵開胃啲，呢間粉麵成日都要排隊，咁唔啱今日冇乜人即刻衝左入去快餐店形式，自己搵位!午餐有ABC餐,啱曬有選擇困難症嘅我！呢個餐仲有一大碟菜添，感覺良新推出有呢個凍飲仙草奶茶，跟餐加＄5好飲過好多台式店！另外春卷都係冇得輸!signature朋友叫咗呢個餐好大碟魚片頭食極都食唔晒選擇都算好多，午餐來講都算好抵食!

最近都要喺觀塘做嘢為咗每餐都係試吓一啲唔同嘅嘢食我哋決定再出去覓食最緊要梗係快靚正同埋平南記粉面有好多間分店最開心係嗰日係觀塘都search到發現都有分店觀塘分店距離觀塘地鐵站大約15分鐘比較近觀塘海濱因為想早d 食飯 6點幾去到 其實都唔使等位都有好多位一去到梗係要點我最鍾意食麻辣肥牛米線同事就點左大什錦河肥牛米線真係冇得彈每一次去到一定係點呢一樣因為覺得佢小小辣之餘亦都好鮮味加埋杯豆漿解下辣真係冇得彈唔食辣嘅朋友可以大什錦河份量都幾多魚皮餃同墨魚丸都幾好食而最鍾意食嘅就係春卷以後喺觀塘做嘢又多一個美食新選擇😍😍😍

今日上堂經開附近先知開左間南記好耐無食南記,,以前店鋪都係過海的地帶,依家係九龍區都有得食,, 一於食返次先餐廳位置算多, 乾淨~到左LUNCH時間, 但人流都唔多因樓上有另一間米線店, 地方更加大加上南記都要$40起, 所以係有對比叫左一個全日供應$56包一杯飲品個人覺得愈食愈差,, 招牌春卷係唯一賣點但都不如以前好食, 春卷唔夠彈牙冬菇夠大隻,但唔夠入味~魚片夠多, 但雪床味多過魚味整體黎講,,呢個價錢我會食返另一間米線好過佢~~

我食招牌春牛腩卷米線，同事話好食，我咪去試下，第一次去食食麻辣，根本一d辣都無，對我黎講我譚仔食勁辣既人黎講，我真係唔明有幾好食，仲要唔係平，第二次再俾個機會佢，再食返同一個招牌春卷牛腩米線，今次發現有一瓶辣椒醬同一瓶好似豆瓣醬嘅辣醬，唔知佢叫咩醬，橙橙地色，加左一匙落碗，發現係要加醬先好食，唔加醬真係唔洗錢都唔會食，加左兩匙醬落碗野到，成碗米線好食十倍；一點左右既時間去真係等好耐，平時叫外賣自取，可以先打個電話落去叫左再拎都得。

南記應該好多人都食過，而且南記仲好好食。特別愛佢個個麻辣湯。麻辣湯除咗麻之外，仲有辣嘅感覺，唔會淨係食完得麻嘅感覺。所以如果想條面入口，好大機會會嗆喉😂招牌春卷牛腩米線。麻辣湯牛腩大大舊，當你以為唔會入味時，其實啲麻辣汁已經入晒去了。我最喜愛都係個春卷，咬落去煙煙靭靭😋 好有飽肚感😎如果唔想排隊，又唔想等外賣，可以直接打電話去叫定，之後再預時間落去攞。咁就最prefect 😍題外話：半年前相同嘅米線$40，今日就要$42🙈 教我如果追通脹🙈不過 南記價錢都叫合理，而且質素對得起個價錢😍

「南記粉麵」Lunch time起觀塘搵食一D都吾易。12:30開始成個觀塘既打工仔都擁晒出嚟食飯真係到到都人山人海南記以前一直都起港島區分店係近年先過左九龍區，久久未食過。見人流去得比其他餐廳快。所以就入左去叫左個春卷小鍋米線🍜 $37好耐無食過，原來不知不覺加左好多價小鍋等待的時間比較長，大約要等10-15分鐘春卷依舊係4條，米線份量一樣足夠唯獨酸菜比起以前大粒。但春卷口感差了很多，沒有了以前的彈牙及魚香口感，粉了很多。失望還有湯底不夠熱。可能因為人流太多。來不及煮熱吧。

前幾日早收工, 未夠5點半, 於是走左去試南記個下午茶餐~我揀左春卷魚片酸辣小窩米線, 加2蚊轉麻辣湯底, 飲豆漿~跟廣告相一樣, 有4塊魚片, 2條春卷, 沒有照騙~ 味道同其他時段食一樣, 春卷好味總括嚟講食下午茶餐係抵啲既~ 食開南記既朋友仔, 咁啱2點半至5點半得閒, 可以去試下~

自己一個人成十二點都未食早餐 要喇喇臨食少少野之後趕番工 經過觀塘就諗住試下新開既南記觀塘分店既設計比起其他分店光猛同舒服好多 位置都幾寬闊 係面壁既排枱個邊仲有可以叉電既單人位 岩晒獨食既人一場黎到我都係例牌叫番個招牌河 ($27) 我都係揀左走青 個湯底唔錯 我最愛既春卷依然都係食開個隻味 好正 河粉好滑 份量對我黎講岩岩好 但係魚蛋就唔夠彈牙 牛丸都一般 無之前咁好味食完要自己拎番個枱盤去架車度 當我拎起個抬盤轉身既時候 已經有職員好殷勤咁接左個盤整體黎講 真係唔錯 咁低既價錢有咁既質素 好開心南記開到黎觀塘 等我自己一個個時可以去食 不過南記愈開愈多分店 竟然都淨係收現金 希望日後有更多既付款方式啦 至少起碼有八達通掛

南記分店愈來愈多，新分店亦重新rebrand, 地方寬敞乾淨又舒服。不過招牌春卷依舊係招牌菜，絕對不可不食。食大什錦河，自然有招牌春卷，仲有牛丸、魚蛋、墨丸、魚皮鮫，好多餸。🤗 河粉滑嫩，其他同平時一樣，唔係咩特別，只係亦解釋唔到點解招牌春卷好食，總之就係好食，又或係我個人喜好囉。清湯一般味精水，但勝在大大碗份量多，算係咁啦。可能蕃茄湯底好食D卦。咁應該要食多次😂除左食，rebrand 以愛食、香港之類一堆字主打。字型醜陋，但排法玩味重，同朋友玩左好耐，到底係「愛玩食香港仔」，「愛食香仔」，「玩港仔」...？ 勁多方法解讀 😂😂😂 唔知大家又會點讀呢？

放工了，想食餐簡簡單單，食個麵就最好。見到南記，之前喺銅鑼灣食過都幾好。所以見到佢响觀塘開左都開心可以多個選擇。但平時 lunch time 超多人，基本上冇機會食到。今天天時地利人和，一於試吓。餐牌響牆上面高高掛住，啲字都幾細隻。排隊都到我啦咁就求其是但叫一個招牌米缐算了。我叫左珍寶小窩米線，貪佢乜都有，可以一次過食晒佢所有野。原來價錢唔平喎，加個可樂都要成＄64。我 expect 佢真係要好味先得囉！轉個頭就有得拿了，都好多料吓！ 有招牌春卷、墨魚丸、魚皮餃、魚蛋及牛丸。D丸丸蛋蛋味道都 ok, 唯獨條春卷真係唔掂，無味同好乾。同銅鑼灣舖比較味道差很遠。另外個湯底太油太重手了。

觀塘開南記簡直是一大喜訊，其實都開了一段日子了!新束束的裝修，簡潔之餘也顯得很乾淨👍枱與枱之間的空間比其他分店的大。喜歡那2張長枱，坐得舒服。一如其他分店，需自己排隊點餐，之後就等叫號碼取餐。取餐處已預留很大的空間讓外賣食客等候👍醬油都有4種: 豆瓣醬，辣椒油，醋及魚露。今天不是太肚餓，點了個招牌清湯春卷河粉，一如以往的好味。春卷入面的餡料夠煙韌，河粉夠薄，湯夠熱👍見到餐盤張廣告紙話將軍澳寶林新都城中心都有，yeah🎉🎉南記的食物比以前更多完化，湯底都有5種選擇🎉最重要的是質量仍有保証👍👍仲要有火鍋料外賣，合我這懶人的心意🙌 總括而言，南記比以前坐得舒服好多及有系統。食物依然那麼好吃，份量多而我食得飽👍👍

平安夜到觀塘的海濱欣賞了音樂會，在離開時到這新間的南記要一個簡膳。朋友介紹一定要吃炸春卷，果然是招牌菜，名不虛傳。雖然叫炸，但因為放在湯內，少了一份熱氣的感覺。中間的魚肉也不錯，甜甜的，配合河粉正適合。

南記過咗海咁耐，卒之都開到嚟我附近，今日，特登過嚟一親香澤，呢間分店位於觀塘商業區既中心，午市人多就預咗架喇，不過毒的一個，都算易搵到位，雖然一個人去食南記譚仔呢類野個感覺更加毒，你一個人坐低食，個頭就好似即刻立咗咁，但係又唔想外賣，無計啦，焗砌。排隊嗌野食呢條隊大約廿幾人，由開始排到有得食都要成半個鐘鬆啲，太耐喇，不過又吹佢唔脹，條隊越排越多人，食完碗麵都排緊三四十lu。坐咗喺一張四人枱，旁邊有一對情侶，目測25歲左右，應該係啱啱一齊咗無幾耐，食食吓個女仔問個男仔有無食過南記，個男仔竟然答無，我個樣立即變成一個奇怪既問話符號，唔係掛，都敏俊都嚟食南記！？我相信喺香港要搵一個25歲既男人無食過南記，相信比起搵個25歲唔靠父蔭自己上到車既男人更加難，聽佢啲口音又唔似外國返嚟故喎，地球真係越嚟越危險喇。對上一次食旺角嗰間，個小鍋明顯跌咗watt，反而個清湯就間間都keep到，排隊嗰陣爭札咗好耐究竟要相對下三小之選既清湯好丫，定係重口味既小鍋湯好，最終魔鬼勝出，腦袋不敵小鍋湯嘅酸辣誘惑，嗌咗個招牌辣豬肉米線，唔知幾時開始，呢碗野由腩肉小鍋米線叫咗做招牌辣豬肉米線，唔通係商品說明條例？猶幸個腩

是咁的，ot從來唔係好事，但都想食好dd咁多安慰下自己，所以比平時去南記食招牌河再加個炸片頭啦。但係，期望總係令人失望......我自細就鍾意食炸片頭，唔講得係專家，但真係未食過凍嘅炸片頭，係煮咗但無滾返兩下先上碟嗰種凍.......嗰下見佢灑幾多椒鹽喺面都即刻失色......仲要椒鹽都無咩味咁.......招牌河就好正常嘅，不過我唔食牛，如果可以魚蛋如春卷平均d, 3vs3件就仲正，但依家嘅配搭都可以接受嘅。