27
12
7
餐廳: 南記粉麵 (中海日升中心)
資訊:

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

餐廳: 南記粉麵 (中海日升中心)
資訊:

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
等級2
25
0
來自星星的你
2018-01-03 784 瀏覽
南記過咗海咁耐，卒之都開到嚟我附近，今日，特登過嚟一親香澤，呢間分店位於觀塘商業區既中心，午市人多就預咗架喇，不過毒的一個，都算易搵到位，雖然一個人去食南記譚仔呢類野個感覺更加毒，你一個人坐低食，個頭就好似即刻立咗咁，但係又唔想外賣，無計啦，焗砌。排隊嗌野食呢條隊大約廿幾人，由開始排到有得食都要成半個鐘鬆啲，太耐喇，不過又吹佢唔脹，條隊越排越多人，食完碗麵都排緊三四十lu。坐咗喺一張四人枱，旁邊有一對情侶，目測25歲左右，應該係啱啱一齊咗無幾耐，食食吓個女仔問個男仔有無食過南記，個男仔竟然答無，我個樣立即變成一個奇怪既問話符號，唔係掛，都敏俊都嚟食南記！？我相信喺香港要搵一個25歲既男人無食過南記，相信比起搵個25歲唔靠父蔭自己上到車既男人更加難，聽佢啲口音又唔似外國返嚟故喎，地球真係越嚟越危險喇。對上一次食旺角嗰間，個小鍋明顯跌咗watt，反而個清湯就間間都keep到，排隊嗰陣爭札咗好耐究竟要相對下三小之選既清湯好丫，定係重口味既小鍋湯好，最終魔鬼勝出，腦袋不敵小鍋湯嘅酸辣誘惑，嗌咗個招牌辣豬肉米線，唔知幾時開始，呢碗野由腩肉小鍋米線叫咗做招牌辣豬肉米線，唔通係商品說明條例？猶幸個腩
更多
南記過咗海咁耐，卒之都開到嚟我附近，今日，特登過嚟一親香澤，呢間分店位於觀塘商業區既中心，午市人多就預咗架喇，不過毒的一個，都算易搵到位，雖然一個人去食南記譚仔呢類野個感覺更加毒，你一個人坐低食，個頭就好似即刻立咗咁，但係又唔想外賣，無計啦，焗砌。

72 瀏覽
0 讚好
0 留言

排隊嗌野食呢條隊大約廿幾人，由開始排到有得食都要成半個鐘鬆啲，太耐喇，不過又吹佢唔脹，條隊越排越多人，食完碗麵都排緊三四十lu。

107 瀏覽
2 讚好
0 留言

坐咗喺一張四人枱，旁邊有一對情侶，目測25歲左右，應該係啱啱一齊咗無幾耐，食食吓個女仔問個男仔有無食過南記，個男仔竟然答無，我個樣立即變成一個奇怪既問話符號，唔係掛，都敏俊都嚟食南記！？我相信喺香港要搵一個25歲既男人無食過南記，相信比起搵個25歲唔靠父蔭自己上到車既男人更加難，聽佢啲口音又唔似外國返嚟故喎，地球真係越嚟越危險喇。

51 瀏覽
0 讚好
0 留言

對上一次食旺角嗰間，個小鍋明顯跌咗watt，反而個清湯就間間都keep到，排隊嗰陣爭札咗好耐究竟要相對下三小之選既清湯好丫，定係重口味既小鍋湯好，最終魔鬼勝出，腦袋不敵小鍋湯嘅酸辣誘惑，嗌咗個招牌辣豬肉米線，唔知幾時開始，呢碗野由腩肉小鍋米線叫咗做招牌辣豬肉米線，唔通係商品說明條例？猶幸個腩肉十幾年都無變，香辣酥軟兼備，同譚仔嗰個懶肉真係爭幾皮；而呢間個小鍋個湯keep到喎，嗰個溫和嘅辣味拌著啲酸菜芽菜韭菜一齊食，無敵；特別鐘意佢啲酸菜帶少少甜，係好味既。

食完特登走上樓上平時等位等好耐既譚仔，人流經已大幅減少，都係既，南記同譚仔個定位都差唔多，南記仲要開喺地鋪，自然搶走唔少客源，駿業街呢條戰線，譚仔輸哂；之不過，譚仔個重慶湯底，係久唔久都要掛住既。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
2 已推介
    張貼
    評分
    味道
    環境
    服務
    衛生
    抵食
    用餐途徑
    堂食