影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
平日中午想食米線，於是想起附近既南記米線，當然唔少個最出名既招牌春卷。 麻辣招牌春卷牛腩米線$51：春卷食材新鮮，肉質彈牙果然名不墟傳。牛腩亦煮得淋軟，麻辣湯底叫左小辣，但對食開10小辣既人黎講，就相對辣啲，但5味道好過癮。 四寶招牌紫菜米線$57：入面有牛丸，紫菜，墨魚丸，魚蛋，招牌春卷，紫菜份量多，湯底亦鲜甜，米線煮得唔會過淋的，韌度適中。 麻辣招牌春卷腐皮米線$51：腐皮索哂啲麻辣汁，好夾亦好味! 總括而言，呢間餐廳既米線值得推薦。
繼續閱讀
上次外賣米線已經俾少左肥牛，成碗野只有米線+湯。今次外賣係一個小鍋牛腩春卷蕃茄米線 ， 另一個係酸辣肥牛米線。拎到返屋企打開，牛腩春卷同湯底無錯呀，但米線變河粉；好啦，另一個本來係肥牛酸辣湯底，可能包外賣個人想我地食清啲啦，俾左一個魚旦魚片牛丸清湯底，再搵下個袋，無米線無河粉。由於佢唔係第一次啦，次次都係咁，於是打電話落去叫佢全份退錢，野食俾返晒佢。上來睇食評啦，原來咁多街坊瀨過野，可以black list了！
繼續閱讀
今日午餐叫咗一碗雙餸麫，我叫咗墨魚丸加魚餃米線，有三粒墨魚丸及三粒魚餃，湯底有點鹹，加上天氣熱，所以我都冇將麪擺落個湯底度食，淨係肉汁撈埋d麫食已經夠味。生菜也有少少。
繼續閱讀
食南記就係想食佢嘅春卷，以前都試過堂食，第一次買佢嘅外賣，下午茶$36餐，春卷+炸魚片頭+公仔麵+汽水返到屋企一打開只有一碗公仔麵，一碗炸魚片頭，汽水。春卷不翼而飛。睇返啲評論原來佢唔喺第一次，點解要做到咁，其實係唔小心定係有心，唔通要我次次買外賣都打開黎睇下有冇齊哂野先走最想食春卷點知冇得食，真係冇下次😠
繼續閱讀
喺附近返工 嘗試下一個另類啲嘅減肥法🤣🤣決定挑戰連續30個工作天 午餐食南記😛😛希望30日之後會有瘦到 哈哈通常去食 ~招牌米粉走青 配生菜走蠔油會落少少 醋 魚露 辣椒油渣(會分一條春卷俾同事 一條80卡🥲)有時會加$8 要紫菜 有啲新鮮感之餘 又卡路里唔高👍🏻👍🏻飲品，通常就凍檸茶走甜少冰//熱豆漿不過豆漿好多糖🤢🤢~其實好想食河粉 不過河粉肥過米粉好多🤣🤣🤣，感覺好似冇咁抵 叫夠個餸仲好 哈哈~~~
繼續閱讀