南海二號

營業中

休息中

世貿翻新咗之後都冇乜點嚟過今日適逢在附近做個walk-in 客殺了去先講環境：開陽，無敵海景裝修企理職員服務態度ok留意到呢度啲職員有幾款工服- 水手裝 (應該係傳送食物同埋執枱）- 藍色管理員衣服 (睇落似部長）- 全黑色 (帶位，傳送食物，執枱乜都做）幾萬能👍😂-灰色西裝(我覺得呢啲應該係經理）講吓啲食物：味道唔錯不過毫無誠意同埋都幾貴如果客人有$300 現金券就會平啲(消費滿$1000 可以用一張)叫左啲點心同埋燒味順便叫咗個蟹皇趐D 點心，非常普通牛肉冇乜味個蟹皇翅見唔到有翅似海鮮羹多啲個味道都唔錯啲燒味好普通叉燒切到好厚唔知係咪有什麼原因叉燒啲肉好多筋椒鹽炸魷魚好似洋蔥圈粉多個椒鹽味總結：要性價比高嘅朋友呢度唔適合你哋點心，同埋啲小食味道真係普通可能相對平啲，冇乜心機製作個趐同埋叉d味道到真係唔錯不過煮得好冇誠意有啲求其呢度得個景同埋啲茶好飲其他嘢非常一般性價比唔高😔佢哋應該2:30左右開始落場啲員工福食好似幾多選擇同埋個景都唔錯嗰段時間就冇乜人會招呼你

去咗世貿中心南海2號食午餐，兩個人叫咗四個點心兩個甜品，五佰蚊有找。開啟世貿中心嘅餐廳風景就不需至疑，通常都係無敵大海景送餐。今次去到南海2號餐牌轉咗，有幾樣想食嘅點心都冇。所以就食咗1）叉燒包 （因為冇菠蘿叉燒包）2）菜苗蝦餃 3）鮮蝦脆腸粉 ～有啲油炸鬼咁的脆脆包埋入面4）梨樣中間係沙嗲牛肉嘅鹹水角 👍🏻👍🏻5）杏仁茶6）蝶豆花涼粉👍🏻👍🏻前菜喺泰國嗰啲蝦片🍤點心質素其實都唔錯，但性價比就相對唔符合比例，如果計埋海景在內就正常嘅。

早前窩夫與閨蜜一行四人去銅鑼灣的「南海二號」慶生。原來「南海二號」有「你生日，我請客！」的套餐，優惠價每位580元，四人同行，當月生日的一位客人可享免費優惠。開飯前先吃蝦片。打頭陣是川芎天麻燉魚皇，非常足料，有些人很怕這款湯的藥材味，窩夫覺得這裡的味道不難接受。之後是兩個冷盤，陳皮話梅萵筍酸酸甜甜，清新開胃。冰鎮鮑魚的鮑魚夠腍，而且都切開了，方便進食，醬汁惹味得來又不會蓋過鮑魚的鮮味。避風塘斯里蘭卡蟹的辣椒比預期多，對窩夫來說味道偏辣。相對避風塘斯里蘭卡蟹，金榜醬煮大蝦(配饅頭)較合窩夫的口味，金榜醬跟窩夫喜歡的喇沙味道相似，大蝦爽口彈牙，炸饅頭當然要蘸金榜醬來吃，如果能多給一個饅頭就更好。完整的即燒片皮鴨要相機食先。片皮鴨有兩食，第一食是原隻片皮，皮脆肉嫩，不算太油膩。第二食是冶味鴨崧生菜盞，不用自己動手，生菜口感爽脆，中和了炒鴨崧的濃味。龍蝦湯泡貴妃飯十分出色，單是龍蝦湯的金黃色已夠吸引，味道鮮甜，厚度適中，脆米和飯粒加上蝦、菜粒和肉碎等，口感豐富。窩夫只嚐了一口香芒布甸，有很大的進步空間呢。

喺銅鑼灣搵緊邊間餐廳食飯，見南海2號餐廳推出歡樂黃昏套餐，好抵食咁，於是訂咗試吓。喺OpenRice訂咗之後餐廳有打電話嚟confirm Booking。服務都好足夠，個個都好有禮貌。環境舒適，雖然冇窗口位坐但係卡位都好好傾偈。另外選咗帶子炒滑蛋，都好好食，啲蛋炒得一啲都唔油糖水係紫米露，裏面啲西米整到好似爆珠咁都幾好。茶都好好飲，小食係蝦片，都好脆好好味，呢個餐最抵食就係茶錢啊小食費啊加一都全包下次都想試吓其他美食但一定要再食呢個泡飯

銅鑼灣｜南海二號 . 南海一號分店, 南海二號終於進駐港島區. 同樣擇址於購物地帶, 銅鑼灣世貿中心裝修後環境更見氣派，行完街過來食飯就最對不過😎😎. 南海二號位於高層, 坐擁維港景色, 設有卡位, 廂房及大餐枱, 環境寬敞舒適，無論是二人浪費晚餐, 還是家庭朋友聚會也非常合適，置身其中享受晚餐, 完全是視覺跟味道享受😘😘 . 餐廳亦設有多款套餐, 由二人至12人大餐及單點食物都有, 任均選擇👍🏻.然後發現推出左「歡樂黃昏套餐」7:45pm 前結帳離開可享用$348/位套餐，原價$650，真係非常超值👍🏻 . 我當然選擇歡樂黃昏套餐，可以欣賞黃昏景色，而且非常豐富🤣 食完好飽🤣 . 歡樂黃昏套餐 $348/位. 🔺蜜汁叉燒蜜汁叉燒肉質軟腍，不會太肥, 有少少燶邊, 蜜味香甜, 豉油味混合蜜味更加完美 😍.🔺蜜糖脆芋絲芋絲炸得非常香脆可以, 面頭再淋上蜜糖 食落有啖啖蜜香, 不太甜, 亦沒有搶走芋香👍🏻.🔺椰子🥥雪耳煲雞湯湯底足料鮮甜，正宗明火靚湯，同屋企一樣，飲落順喉鮮味，濃跟椰子🥥香味，加上用雞同豬肉雪耳一齊煲，滋潤好味🤤. 🔺金榜醬大蝦 原隻大蝦🦐啖啖肉，配上餐廳秘利金榜醬，有少

It was an awesome night that i didn't expect to have such a welcome and warm service by NanHai CWB team when I just randomly picked a restaurant/bar to kill for a few hours.I was there around ~5pm, and planning for a light snack with a drink, while the host ( a very cute young girl ) with her warm greeting and sit me to the table with the best view of harbor even i ain't a regular customer nor had reservation.  Atmosphere was  great and the team always checked on my needs with nice approach. I w

在訂位後說我沒出席？？埋單$4xx。茶只有兩款，普洱茶及人參什麼茶，正常茶樓的香片呀，壽眉呀都沒有。座位是沒有景的，圓桌，食物份量少及迷你size. 蝦餃不是很新鮮，不爽的，正常味道，沒有像報導說得很突出

母親節食飯、已經預早訂位、訂餐、食到尾冇咗個龍蝦湯泡飯、求其炒個蛋白炒飯頂、又冇預早同我講、同服務員理論、仲要俾佢黑面、食到一肚氣⋯⋯以後唔會再幫襯、👎👎👎👎👎

好認真咁講，母親節餐飯晨早已經Book咗位，安排啲唔知咩位黎，景睇唔到都算，個位我估係全場最暗，同夜晚啲小夜燈咁嘅款。Ok，入正題，六個人坐落黎，大概隔咗五分鐘，即時上咗湯，望落啲湯渣真係熟口熟面，同平時大排檔188啲例湯係完全一樣嘅嘢，螺肉雞腳山藥湯，真係得啖笑。第二樣係兩樣嘢一齊上，一碟酸梅粉番石榴同冷盤鮑魚，我想講嘅係，冷盤呢啲唔係應該先上咩？咁就算啦，啲擺盤亂亂七八糟，連啲碟周圍啲汁都唔抹下，味道更加係毫無特色可言，最多就係切到一條條。第三樣係生菜包和牛粒，不功不過。第四樣全場最難食嘅涼瓜花膠，誇張到咩地步呢，係淨係想食入面嘅炒紅椒，其他都需要硬著頭皮去食。第五樣係乳鴿，同大排檔一樣嘅嘢，毫無記憶點。第六樣應該係全場唯一值錢嘅蟹，等咗唔知猴年馬月先到嘅菜，蟹腳還可以叫做鮮甜，下面燉蛋食唔出蟹味，總嘅黎講最貴就係呢區區幾條珊瑚蟹嘅腳。第七樣係泡飯，湯➕飯焦➕零零碎碎嘅肉菜，我想講六點入場，你八點先俾主食有邊間餐廳係咁上菜？成屋人一直係度等，最後啲服務員仲問返我地轉頭，仲差啲咩未上？？？第八樣真係唔提好過提，呢幾碗桃膠紅棗圓肉糖水就好似廚房賣曬啲精緻甜品，臨時緊急用材料煲出黎濫竽充

南海一號吃過好幾遍，份屬同一集團、位於對面岸的南海二號，開業數個月，我仍未有機會到訪。幸慶在忙到九彩既日子，也可跟久未露面的朋友夾到時間，來到這店子一聚。這裡與對岸的南海一號同樣有著豐富的粵菜選擇，不過是夜更加特別，因為我們遇上了期間限定，只做到本月尾的斯里蘭卡特色菜，包括我超級喜歡的斯里蘭卡蟹。難得碰面，加上食啖啖肉既巨蟹，定必要開枝酒盡興一番。高檔次的中餐館自會有待酒師推介恰當既美酒，佢今次介紹左枝澳洲嘢，粗略既個性與巨蟹真的匹配。先來幾款富當地風情的前菜，分別有斯里蘭卡香葉沙律、椰子沙律、秋葵咖喱，與及黃扁豆咖喱。我個人吃法，是將四款的東西撈埋香蒜飯，又香又惹味，分不清你我的美味，很是吸引。有時不用分得那麼細的。接下來是兩款小菜，乾咖喱羊肉，感覺與印尼的巴東羊，頗為相近。還有醒胃的甜酸蝦，除了平日嚐到的酸甜味外，再多一份像錫蘭茶的香氣，當然蝦肉本身亦是夠大隻，又爽彈。蟹有份大和珍寶Size，完全不用猶疑，肯定係珍寶蟹吧！糾結左好耐，最終都係要左兩隻，分別係咖喱，與及香蒜辣椒的做法。蟹鉗一人一隻唔好爭，朋友的是香蒜辣椒，而我分到的蟹鉗，係咖喱。咖喱惹味之餘，亦唔會過份地辣，沒有搶去

想不到要改幾次時間至約到呢餐飯，朋友好介紹，諗住係尖沙咀南海一號，不過呢間係南海二號。上到嚟環境優雅，門口就放咗隻船，特別嘅中餐裝修有個酒吧。除咗無敵維港海景，今次差啲可以睇埋怡和禮炮。講返點心想食幾款，無跟套餐個貴妃飯。先嚟筍尖鮮蝦餃、帶子燒賣皇，燒賣來者不拒，朋友戒蝦我食埋。花膠竹笙灌湯餃足料，夠熱好味道。怕唔夠飽叫咗酥皮焗菠蘿叉燒包、雜菌荔芋酥、蜜汁叉燒腸粉，感覺中規中矩。斑肉魚湯西施粉出色，分碗上份量啱啱好。同朋友一齊試埋甜品，蝶豆花冰涼粉唔好食都好睇，楊枝甘露丸子正常，我點咗冰花蛋球就等咗好耐，不過無投訴。後記小插曲，上西施粉期間跌筷子，識睇朋友臉色一沉，半情急打圓場問佢：「黑褸、藍色、黑白間條上衣同紫色制服嘅職員咁多有咩唔同？」佢答分別係經理、主任、部長同傳菜員咁話喎。最後，大家如果有需要記得問職員要濕紙巾，佢俾咗一包我哋。仲要提佢用蝦片茗茶感覺幾好，夠茶味，蝦片無乜油嘅，好開心增見識

昨夜再訪南海二號因為我跟好友要啟航去斯里蘭卡，吃我最喜歡的斯里蘭卡大肉蟹，還有超多款斯里蘭卡的特色菜，大家準備好未我們一起出發。如果上次沒有看過我來午餐文章不打緊，我再為大家介紹多一次這兒的特色和靚景，南海二號位於銅鑼灣世貿中心12樓，打開升降機門便見到極具代表性的帆船。然後這個星空下的靚靚美景，絕對是來南海二號必打卡的地方，大家來捧場的同時千萬別錯過啊！步入主用餐區地方非常寬敞，更有一列落地玻璃窗將無敵海景盡收眼底。還有海洋一般Cool的標準酒吧，喜歡輕酌的朋友來到必定會很滿意，皆因這兒有經驗豐富的Sommelier為客人侍酒。我們這夜便是衝著大廚精心炮製的斯里蘭卡特色菜而來，一於來過斯里蘭卡菜之夜。侍酒師先為我們送上Cava Augustí Torelló Mata "Reserva"＄480，用Sparkling Wine來配前菜享用非常適合。我們將餐牌內四款前菜盡點了上檯，每一款都各有特色口味感覺像到了馬爾代夫一樣。第一款是斯里蘭卡香葉沙津＄138，香菜加上椰子蓉及少許辣椒，便成就出這個沙律前菜，可以淨吃亦可配特色飯或其它菜式一起品嚐。然後是香氣滿盈的椰子沙津＄138，材料有椰

許多年前曾到斯里蘭卡旅行，自此便對斯里蘭卡的咖喱菜式念念不忘，特別是咖喱蟹！沒想到竟在一中菜廳品嚐得到真正的斯里蘭卡蟹，而每隻蟹均由斯里蘭卡空運到港，厚肉又多汁，配合斯里蘭卡的烹調風格，集鮮味與惹味共冶一爐，水準的確是很不俗，多謝友人的好介紹！坐上「南海二號」，穿過星光大道及兩旁的圓桌和卡座，繼續向前進發。便來到猶如海景船艙的用餐區。我們預訂的海景餐檯，桌上早備有兩籃蝦片。有香脆蝦片，總不能沒有酒吧！於是乎要來了「南海二號」專為配搭斯里蘭卡菜而挑選的 Cava Augusti Torello Mata"Reserva" HK$480/支，讓輕柔跳脫的氣泡打開胃納。斯里蘭卡美食巡禮主題下，備有散叫和套餐的選擇，考慮到蟹癡們的龐大需求，我們決定散叫，以蟹為主！以上是四款前菜，每款一小碟、份量不多！斯里蘭卡香葉沙律 HK$138椰子沙律 HK$138黃扁豆咖喱 HK$138秋葵咖喱 HK$138斯里蘭卡香葉沙律和椰子沙律口味清爽，當中不乏斯里蘭卡菜香料運用的一大特點！兩款沙律用來平衡其他菜式或拌飯便剛剛好！而我則較喜歡黃扁豆咖喱及秋葵咖喱，兩款前菜帶有咖喱香氣，調味不算太濃，光吃不配飯，也甚

今日3月13日中午请内地客人食饭，大家3年冇见，諗住食好啲，订咗南海2号V 3包厢，一行13人，点咗鱼翅套餐580/位，结果令人大跌眼镜、大失所望，冇一个人食得满意。食物味道好一般，唔是太甜就是太咸，食物质素不佳就算了，服务生态度质素更差，一开始就漏单，冇人来服务，直到我发现后主动揾经理先落单，为咗冇俾客人傻等，又散点咗几个点心食住等，等咗差不多一个小时、期间我出去追咗几次，竟然冇一个人主动来同我解释，等咗好耐啲餸来咗，啲野又难食，剩低2个餸基本冇食，大家食得差唔多准备走啦，出来房门口见到一大碗糖水在枱面，服务员行过嚟话仲有糖水没上，我话你哋服务员咁少、冇时间上，留俾你哋食啦，讲完走人。这就是我今日花了9500港币请客出人意料的经历，出街食饭几十年，从来冇写过评论，价格贵唔紧要，服务和食物起码有一样俾人感觉好啲，唔该改善一下啦。

服務真係一流，幾位中年服務生，態度親切，見到他們主動細心詢問鄰桌2位先到來的老人家，未入座的小朋友幾多歲，主動設計，如何擺設小朋友座位♥️週末好多客人，但他們非常有耐性。另一桌說不吃辣，但又想吃炒米粉，服務生立即介紹一款，然後話幫你走辣，上菜後，仲主動問隔離枱客人，廚房有冇走辣，好貼心