南島

營業中

休息中

終於都可以一試新餐廳位於西灣河食肆競爭激烈的地方。首先不看食評，點了海南雞🐓喇沙和巴東牛🐂肉飯作小試，鷄尚做得不錯，有雞味爽皮不硬；但喇沙麵過煮，湯與麵比例可以專業小小。置於巴東牛肉做得出色，肉霖與汁恰到好處，棘味似乎相就了本地食客，未能發揮印尼🇮🇩出名的特色棘，但係仍然可口，整體來講少味精，比較其他是做得不錯。價錢方面在現今通漲比下去，收費是合理的；自煮是不能夠做這個$。服務態度可以反映人工薪酬待遇；希望老細思考下，提升員工士氣禮貌，可作更好的招來，其實服務態度好是一種專業，有禮是一種修養；在用廳時候總會聽到顧客說吾該，服務員反應是不專業亦是負面個人的修養，希望看到這食評能為自己提升，到最好的互相尊重；食得開心、做工也愉快😚

落雨唔想煮飯，和媽媽去筲箕灣道新開的南島吃星馬泰午餐。午餐時段店生意好，多街坊和附近的辦工人士幫襯。午市套餐選擇多，有20款，由$72至$78，包主食和飲品，凍飲加$3，不用加一。我們選了海南雞飯和香茅豬扒牛骨湯河，還加多一碟沙茶肥牛芥蘭。午市套餐質量俱佳，算抵食。海南雞飯不錯。冬瓜湯甜。黃油雞去了骨方便食，雞肉淋滑，雞皮與雞肉中間有層jelly, 正! 點埋醬油薑蓉辣醬更好味。油飯大大碗夾味，食落香香地不油膩。如飯量少可叫少飯免浪費。香茅豬扒牛骨湯河大大碗，河粉滑，牛骨湯和白蘿蔔清甜，還有可口的洋葱和青葱。香茅豬扒厚身，炸得香，調味適中不咸。沙茶肥牛芥蘭好食，芥蘭甜，肥牛惹味，愛濃味者首選。餐飲有十多種選擇。檳城白咖啡和文冬薑茶都不錯。吃飽飽兩個人共$208，抵食。店環境整潔光猛，店員有禮，服務有效率。

一句到尾唔做偶像派，實力派，我係行動派，記住你既心態，決定境界。由柴灣角街食到新界，唔洗出深水埗，唔洗出離島，係南島一樣照嘆平靚正東南菜式，呢d咪rockstar囉！👇📌主 食 -▪️ 海 南 雞 星 洲 喇 沙 - $72 ▫️ 必食呢個「海南雞·星洲喇沙」，麵底有油麵同米粉兩種，口感煙韌有咬口，加上湯底濃香得黎，調味岩岩好，唔會太鹹，加上海南雞幼滑入味，整體唔錯。▪️ 新 加 坡 肉 骨 茶 配 油 飯 - $72▫️ 第二道「新加坡肉骨茶配油飯」一入口藥材味夠重，係好舒服，感覺好滋補，加上排骨煮到非常腍滑，一咬就離骨，配搭油飯一流，旁邊仲有油炸鬼一齊上，幾特別。📌菜 類 -▪️ 蒜 蓉 炒 貴 妃 苗 - $58 ▫️ 最後整埋個「蒜蓉炒·貴妃苗」就最正啦，賣相睇落非常翠綠，有少少似豆苗咁，不過口感再嫩滑，火侯亦岩岩好，加埋蒜香清爽又惹味！

真係唔係一般，係一般以下，喇沙係淡到黃色水咁，好少地方咁難食，米線質感都唔好。 海南雞飯無咩特別，不過貴囉有個態度極差既呀姐，餐牌都無寫係米線，我咪問佢係咩面，極度不耐煩咁樣完全唔想答。比錢果時，又係同一個呀姐，正常唔係講一聲多謝架咩，唔講都算，唔緊要，都唔洗咁西面，都係三張銀紙姐，唔洗續張數到咁專心既。總之又貴又難食又態度差，裝修洗咁多錢，不如搞到d野食好過啦，差差差差差差差！仲有個餐牌，整番好小小啦

經過前幾日食完海南雞,今日 專登過嚟試過香葉肉碎蛋飯,肉碎蛋飯飯賣相ok接受,如果可以落多少少辣,重好味,但我覺得ok啦味道算唔錯。服務衛生都ok,新開算係甘。員工都親切。

今日去到西灣河搵朋友,經過西灣河地鐵站附近,有間新開嘅南島東南亞餐廳,由於好肚餓行入去試下先,咁我坐低叫左個下午茶餐海南雞飯,跟一杯凍咖啡,雞嚟到肉質ok可以接受飯就唔夠香,再香少少就好,如果以價錢61蚊嚟講絕對合理可以一試。

下午茶時段試，價錢都不平，期待味道，結果叫左兩個下午茶，海南雞飯一般，雞不滑得幾件，但都58大元，豬扒撈一丁算惹味，全部忘記比餐具，無比海南雞醬。。。😫😫😫

西灣河港鐵站附近最近開左間新野，通常新野都會吸引一班街坊去食。所以都預左要排隊等位。星期六中午時段都等左超過15分鐘。😋軟殼蝦星洲喇沙米線 $78 都算好大碗，兩隻燒蝦係另外上碟的，都算新鮮，又唔會太細隻。一般喇沙既材料有魚旦，魚片，豆卜，糖心蛋，米線係超多既。湯底都係好味既，但係又唔會好有驚喜，話好好味，但又唔係難食咁。平平冇奇咁囉。😋招牌海南雞飯 $78都係一般海南雞既滑，但又未係好特別，不過份量係比較少同細舊就係真既。個油飯就唔合格，偏硬同埋冇乜香味。所以都冇乜好講。😋桔仔話梅水 （跟餐+$3）不過不失，最好味係粒話梅。個人黎講都覺得偏甜。叫做係哩頭冇乜坐得舒服既餐廳，裝修係ok既。但要排好耐就可能未必值得，都係一般貨仔，但都可以一試。⭐️⭐️⭐️/5星滿南島 (西灣河)西灣河筲箕灣道143-145號大來大廈地下B號舖及地庫#飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #西灣河美食 #喇沙 #海南雞飯 #南島 #東南亞美食 #yummy #hongkong #hongkongfoodie #hkfoodie #hkfoodblogger #dinn

今日又同妹妹去試新嘢，又去食我哋最鍾意食嘅海南雞飯😋😋😋😋😋跟一般的海南雞飯一樣都係配返嗰三種醬，醬汁冇乜特色，海南雞都尚可以，比較滑。妹妹叫了香茅豬扒喇沙米線，米線話唔到湯，湯底味比較濃，炸豬扒完全冇味😔😔😔😔試過一次就算了

開場白講下經😼Lunch Time對打工仔嚟講一向係重中之重畢竟成個朝早忙到冇停手終於等到1個鐘嘅食飯時間2022年7月初，天氣好熱今次去呢間位於西灣河嘅「南島」優點💯夏日冷氣充足🌀用餐環境舒適🤓食物飲品味道ok👍🏻等位☘️⛈🍁❄️入店後，主動問店員拎號碼籌嘆住冷氣等大約10分鐘就入到座用餐🍱🍵🍱主食: 星洲肉骨茶(一字骨)配油飯＋油條_$72- 肉骨茶藥材味足，一字骨份量少，但湯量搭救- 油飯大碗and油條脆身，合格🍵飲品: 凍桔仔話梅水_$3(跟餐)- 桔仔話梅出味，冰量正常，但略為過甜收費💵主食: 星洲肉骨茶(一字骨)配油飯＋油條_$72飲品: 凍桔仔話梅水_$3(跟餐)加一: 沒有總數: $75

試業期間營業時間0700-1800。位置是荒廢十多年的舖位，雖然是地面鋪，入內要上幾級樓梯就座或落幾級到地庫座位。對行動困難食客可能不太適合。員工穿上色彩繽紛製服提供茶記服務。可能因為試業中，感覺生手及有點亂。早餐$38起，不算太親民。點了 T1 咖吔多士配炒滑蛋及 T9 星洲肉骨茶出前一丁配煎蛋丹麥多士。食物賣相及味道不差，可惜咖吔醬有點吝嗇，肉骨茶藥材味濃但湯只是室温不夠熱，影響整體品質。值得一提是肉骨茶用細細粒排骨粒，算是少見。

今日去試了早/下午茶，很多人等，味道不錯，價錢比普通茶餐廳貴少少，但也很合理，裝修都要錢㗎，我不介意俾多少少錢，或者環境的舒服坐，畢竟坐低品嚐食物，慢慢享受食品品質的感覺，日式嘅環境配合，才得開心，食品多款選擇，比普通茶餐廳咁有特色，環境很舒適，裏面用木裝修，感覺很舒服，很喜歡，因為木接近大自然的感覺，吃了午餐及下午茶，牛角包也很好吃，公仔雞卷雞肉撈noodle 雞卷很入味，很好吃，下次要試吓他的蝦卷，

T9 星洲肉骨茶出前一丁配煎蛋丹麥多士（$45)賣相：🐧🐧🐧味道：🐧🐧🐧出前一丁跟配料包裝在普通膠兜內，有分湯另上，避免麵身浸冧。丹麥多士直接跟兩隻煎蛋放在同一膠盒內，多士已沾滿蛋汁而變冧變軟，不太理想。味道方面，肉骨茶湯底味道濃郁，藥材味非常重，跟出前一丁的麻油湯底搭配，味道十分濃烈，喜好清淡人士慎選。出前一丁口感彈牙，不會過冧，配搭湯底非常入味。排骨粒骨與肉比例合理，不會過肥，入口軟硬適中，調味一般。煎蛋不會過熟或過油，火喉剛好。丹麥多士麵包柔軟有層次感，可惜因被蛋汁浸冧，失去了外皮香脆質感。熱奶茶（跟餐）賣相：🐧🐧🐧味道：🐧奶茶以普通紙杯裝載，色澤偏暗淡，茶色較重。味道方面，茶味偏濃，有苦澀味，奶味不足，欠香滑口感，令人失望。外賣等候時間：🐧🐧🐧🐧在早上10點左右購買，無需排隊輪候。點餐後，約需等候10分鐘取單。🐧❤️結語：肉骨茶湯底十分特別，喜好人士不妨一試。

同太太去筲箕灣百利食早餐，但忘記百利星期四休息，咁啱係出面撞到個好朋友，佢指我哋去呢間，話新開張，唔錯喎。坐在窗口卡位，望下街景，幾寫意。火腿通粉配丹麥炒蛋多士：通粉煮得軟硬適中，湯底濃郁，加咗啲菜心粒。炒蛋有水準，炒到好滑，丹麥多士加咗唔少分。肉骨茶出前一丁配丹麥煎蛋多士：肉骨茶湯底配一丁幾特別，煎蛋及丹麥多士都好食，另外凍檸茶及凍啡都好飲。整體坐得舒服，環境舒適，食物美味，以後去筲箕灣食早餐又多個好選擇👍👍