南島

營業中

休息中

大隻仔今次覓食嘅店舖就係💥 南島 💥 筲箕灣真係好多美食，呢間新開幾個月嘅新加坡菜餐廳，新開張時見好多人排隊，成日爆場，今日大隻仔見餐廳冇乜人，就走入去食個靚下午茶。☺️☺️⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶餐 $58星洲肉骨茶 + 油飯 + 油條 + 飲品食物黎到時，碗邊沾滿肉骨茶，當時餐廳顧客10個唔夠，都唔係繁忙時段，大隻仔見到心諗員工咁求其，廚師都唔會好用心去煮食物，食物應該唔會好食。好彩，大隻仔發現，負責煮食物嘅係後廚房廚師，裝肉骨茶既係出餐嘅廚師，係不同崗位的。星洲肉骨茶 星加坡肉骨茶同馬來西亞肉骨茶分別在於新加坡偏重胡椒味，馬來西亞偏重中藥味。餐牌寫星洲肉骨茶但偏偏呢款肉骨茶偏重中藥味。🧐🧐味道好，味偏濃，不會淡而無味，大蒜頭🧄夠冧夠入味，好好食，肉排夠冧不會乾柴。味道比想像中出色，但覺得有落少量味精，食完比較口乾。油飯 味道足夠，飯粒粒分明，味道不錯。油條份量同餐牌相片相差太遠，只得三少件，夠脆不

早排屋企附近新開左呢間星馬泰菜，次次經過都好多人食，今日lunch唔想煮就行左去食，全日無加一，食物質素不錯，環境坐得舒服。無骨海南雞喇沙米線海南雞係分開碟上，份量多，海南雞肉質嫩滑，雞皮爽口，喇沙味道偏甜，唔算好辣，米線入口好滑。桔仔話梅水午市套餐有跟餐飲，我揀左凍桔仔話梅水，酸酸甜甜好開胃。椰香咖央多士配半熟蛋多士烘到外脆內軟，入面塗滿椰香咖央醬，再加一片牛油十分邪惡。招牌海南雞飯油飯充滿雞油香味，粒粒分明，三個醬汁同雞肉一齊食好惹味。

想起上次在家附近南島食過海南雞飯，忽然間好想再食一次，所以就嚟咗西灣河嘅南島。坐低已經聽到前邊同後邊嘅客人叫海南雞飯，我都叫咗一客海南雞飯，果然冇令我失望。海南雞飯嘅油飯食落去唔會太油，雞皮係黃色好吸引，雞肉嫩滑有雞味，雞肉分別用豉油、薑蓉同埋酸酸辣辣嘅海南雞醬油點嚟食，十分滋味。椰香咖央多士塊多士脆卜卜，裏面夾住嗰塊冰冰凍凍嘅牛油，甜甜嘅咖央醬，真係超好食。星馬泰食物一定要食串燒，今次叫咗雞肉同埋豬肉，大大串味道好，尤其是係嗰啲沙嗲醬花生味濃郁，好惹味。熱桔仔話梅水酸酸甜甜，粒話梅好正，好飲又特別，食海南雞飯套餐用半價嘅價錢就飲到喇。

看到新開張嘅餐廳，心郁郁就openrice外賣自取買左豬手飯同牛油果米紙卷。正當我番到屋企準備食，發覺餐廳俾左盒金邊粉我，無左個米紙卷。我本來都心諗算，好彩仲有個豬手飯。估唔到餐廳致電講解番，而且餐廳員工不但親自外送補番個米紙卷俾我，仲話個金邊粉請我食唔收番錢。雖然個金邊粉我未食，但係我有打開過，疫情期間我都唔好意思俾返佢哋，但佢哋都唔介意，佢哋既服務態度真係好好。

從店面裝修時已開始關注，得知店名為“南島”，仲以為係台灣風味。新店開業，方知係星馬料理，南洋味道！講真，一直比較抗拒那種濃烈的南洋香，肉骨茶，海南雞，香茅豬，巴東牛肉，咖喱，喇沙…統統都會挑戰我清淡的味蕾！今日，終於決定去試佢哋下午茶，二人各自order：1）巴東牛肉配印度酥餅+南洋南海咖啡 = HKD48.-牛肉量唔多，估計係下午茶餐減咗數量，牛肉重油重色重味，而印度酥餅本身也油淋淋，夾埋哋牛肉…..建議配普通的面餅或白飯2）生牛肉河粉 配 檳城白咖啡 HKD48.-香料味如假包換！大大碗河粉上，躺著幾枝香草🌿，香氣襲人！牛肉片很薄，浸在熱湯中，很快就變色了…..呢碗牛肉湯河絕對能拿高分！可惜南洋味不是我的flavour😛買單：HKD96.- 超值！必須說明：鍾意南洋風味的朋友，一定唔好錯過呢度，味道正，坐的舒服，服務也殷勤，值得來幫襯喔！👍

同阿女去西灣河探表姨媽，佢帶我哋去咗一間叫南島嘅餐廳食飯。餐廳裝修設計得好時尚好靚，座位寬敞又舒服。海南雞飯：海南雞已去骨，雞肉夠新鮮，皮香柔滑，肉質嫩滑不韌。配上三種醬汁，味道更提升。飯亦係粒粒分明又夠乾身!另外重有碗湯，好清甜！軟殻蝦星洲喇沙：軟殼蝦來自沙巴，蝦味十分濃厚、口感極佳，喇沙湯底超濃郁，椰奶味極香，帶微微辣味十分開胃，配料又豐富，有豆卜、蛋、魚旦、魚片和菜。豆卜吸收湯汁，食落香甜美味！魚旦魚片都好彈牙。泰式炸蝦餅：香脆彈牙的蝦餅配上酸酸甜甜的泰式醬汁，令人一件又一件，停不了口！

行落西灣河，本來諗住去東大街醫下肚，見到一間”南島”，應該係新店。見既然係食新加坡菜，裝修都幾新蔟，決定入去試下，然後同大家開心分享下食”南島”既感受。好野就一定要分享下，呢間價錢都相宜，D食物都幾靚，有質素。啱啱午市，個場好多人，好熱鬧，好有食野既氣氛。入到去同侍應要左個卡位。叫左個L9”香茅豬扒撈板麵"，L2"無骨海南雞喇沙米線"，"椰香咖央多士配半熟蛋"，另加一杯”凍薏米水"同"熱冬薑茶"。主加推介下個椰香咖央多士配半熟蛋，不係太多地方有得食，而且整得好好食，多士脆身不會軟，牛油比例做得好好，暖哄哄旣包同新鮮牛油，反差的感覺太完美。再加埋半熟蛋，功夫到位。無骨海南雞分碟另上，抵讚。喇沙湯令人開胃，蛋，魚片，豆卜，都是水準之作。海南雞肉滑嫩，配搭得宜。份量足，好飽肚。最重要，侍應好有禮貌。各方面都好照顧到客人。

閒日傍晚時分去咗南島，食咗個晚餐。 南島位於西灣河站距離地鐵站大概 5分鐘路程就到 ，十分方便 。餐廳地方闊落 ，環境乾淨清潔， 職員都好有十分友善。食物方面叫咗串燒， total有4串，可選擇豬牛雞，三選二。我就叫咗 雞同牛， 串燒燒到香噴噴每串個size都好唔小。 肉質燒到 唔會好乾身，剛剛好， 再配埋個沙爹醬， 唔錯。之後再叫咗個泰式炸蝦餅，有四件 ，一分為二total有八小件 。蝦餅炸得非常香脆， 肉質彈牙， 再配埋個泰式醬泰式辣醬，正！最後叫多咗個大蝦米紙卷， 大蝦米紙卷皮非常之薄，裏面包住 大蝦同一些爽口嘅 甘筍條 椰菜條等等，令到成個口感非常fresh, 再配埋有一個芒果醬, 簡直係非常開胃。其實餐廳除咗呢啲小食之外，仲有好多唔同特色嘅星馬泰菜式， 適合大棚人。

近年港島都多咗好多好高質嘅東南亞嘅餐廳，每次食完都幾滿意，今次都唔例外。有晚行經西灣河發覺有間裝修幾新潮嘅餐廳就入去試吓，記得以前呢個位係一間好殘好舊嘅茶餐廳，翻新咗之後感覺完全唔同，舖頭分咗上下兩層，7點入去嘅時候唔使等位。坐低咗之後展開餐枱發覺到有好多東南亞必試菜式，今次就試咗東巴牛肉肉骨茶同埋軟殼蟹喇沙。先講吓個東巴牛肉，個牛肉鬆軟小筋食落好有牛味，加埋個汁又開胃，好啱撈飯。個肉骨茶都幾足料有杞子同埋黨成個蒜頭，差唔多到飲咗大半碗湯。肉排揀咗肥瘦適中嘅位置，一咬落去啲骨同肉好易分開但係又唔會煲得太淋冇晒咬口，再配埋佢個油飯真係一絕。本人就非常之鍾意食喇沙湯底，呢個喇沙湯底煲得非常好，椰奶唔會太搶個湯底嘅味道，仲有啲乾蔥同洋蔥吊咗個湯底嘅鮮味出嚟，呢個個喇沙都算係必試item! 另外個軟殼蟹亦做得幾出色通常平時啲餐廳一係就浸咗落去個湯度，一係就炸完之後擺到個殼林晒先上枱。呢間一上到黎個軟殼蟹熱辣辣,咬落脆口Juicy，鍾意食炸野自己嘅朋友可以一試。最後三個餸埋單都係二百零蚊，相當高性價比

返工悶悶地要搵d新野食下，行下見到呢間餐廳幾光猛舒服就入去試下，間餐廳係食星馬泰食品，餐修簡潔舒適既。食晏有lunch set, 都有唔少既選擇，飯同粉麵都有，我同同事就各自揀左海南雞喇沙米線同雞絲雞卷板麵，仲加左個炒通菜😆😆😆😆佢個餐牌都有其他唔同既野食，睇落都唔錯咁。同事個海南雞喇沙米線，都好有椰奶既香味，份量都唔少，同事話d雞都好滑。仲係去哂骨，啖啖肉。我就叫左雞絲雞卷板麵，餸既份量都唔少，個麵既質感不俗。雞卷都係真材實料既炸雞肉。 仲有個炒通菜，唔會炒到好油，都ok。仲有2杯青檸梳打水，好解渴。豐富既一餐lunch。

新界牛牛因為上堂第1次黎到西灣河地鐵站上行咗1，2個街口見到南島光亮亮睇睇餐牌好多選擇，樣樣都想試叫咗海南雞喇沙（米線底）咁樣可以食到海南雞又試喇沙一舉兩得，呵呵～仲叫咗江魚仔炒肥仔芽菜同埋椰青1個海南雞2層幾大份，雞皮彈口，肉嫰嫰的唔鞋而碗喇沙有魚片豆卜溏心蛋，試咗啖喇沙湯底好濃郁惹味帶少少少椰香，令人不禁想飲多啖，正！米線口感軟糯，個人喜歡而肥仔芽菜比平時見到嘅短身又肥啲，因為肥啲口感爽脆多汁，入面有加咗甘筍絲、韮菜一齊炒，味道比其他馬拉盞或者XO醬炒菜黎得清新啲，唔想食濃味想食清啲，可以揀肥仔芽菜試吓椰青新鮮，清甜，好似好搶手咁，食到一半聽到隔離枱上椰青時店員話係最後1個啦….同時發現幾多街坊黎食，邊食聽到“坐低咗啦樓下嗰間呀，你快啲落黎”選擇多，食物幾大份，價錢合理

舒適寫意的南洋風味餐廳偶然經過，在這間街角的餐廳， 白色餐廳加金色招牌， 感覺到他的簡潔及舒適， 餐廳內光線非常光猛， 侍應生們統一著著整齊的馬拉風味衣服， 令人感覺非常有活力。我和老公點了兩份招牌菜， 肉骨茶及海南雞套餐， 另加咖央多加半熟蛋。肉骨茶 平常我們吃肉骨茶有兩種，一種是新加坡肉骨茶，胡椒味會偏重，而今天我們吃的肉骨茶屬於馬來西亞風味的， 所以藥材味偏重，味道濃郁， 胡椒味不太濃。排骨是用一字骨， 有四大嚿， 肉質非常軟淋， 每一舊排骨都啖啖肉 。油炸鬼不會太硬， 浸不超過一秒， 既附到湯味又有少少脆口， 油飯亦非常出色， 油飯除了雞油外還有很重的香料味道。海南雞沒有一丁點骨， 可見餐廳非常用心處理食材， 雖然有雞胸， 但一點也不鞋口， 肉質非常軟滑和有豐厚的肉汁， 屬於這間店的招牌菜， 而海南雞的 三種醬料屬於正常水準。咖央多加半熟蛋咖央多加半熟蛋是新加坡傳統早餐，烘過的麵包， 脆而不焦， 內層抹上了厚厚咖央醬，再夾入切成薄片的牛油， 滋味之極。溫泉蛋加入少許醬油， 味道有些甜中帶鹹 ，鮮味非常濃郁。值得推介

香茅豬扒撈板麵 $72 香茅豬扒整得好香脆，份量都好多，肉質厚實，亦都唔會好多肥膏🥶最鍾意係佢加咗青瓜蟹柳絲同粟米，色彩豐富左，亦都多咗口感😍有啲菜都健康啲嘅咁 🤣招牌海南雞飯 $78海南雞望落去嘅色水都唔錯🤓食落去雞肉都幾滑唔會好鞋，油飯亦都香口，好貼心咁陪咗三款醬料等你去食海南雞～午餐呢個價錢來講都算唔錯啦！套餐送熱飲，加$3就有凍飲，怕唔夠食仲嗌多個小食🤓香脆酥餅配咖喱 $38$38有4件酥餅😝好抵食 咖喱偏向椰香嘅味道，唔會好辣！比較特別係雖然係茶餐廳嘅類型同價錢，但係裝修都幾靚，都好闊落，甚至有上下層，所以用餐嘅時候都唔會特別迫夾，坐得幾舒服🤣

間唔中都會嚟西灣河食下嘢，最鍾意就係去太安樓掃街。今日約咗朋友嚟呢邊食晏，本來打算過去食車仔麵，點知友人話搵到間新食肆，想同我去試下。餐廳主打星馬泰美食，而午市就有 Lunch Set 供應，選擇都幾多，足足有成 20 款，而且定價合理，絕對係街坊之選。我哋每人揀咗個餐：香草炒豬肉碎、煎蛋配白飯 ($78) 同 砂煲老鼠粉 ($78)，另外再加咗份小食。椰香咖央多士配半熟蛋 ($38)  多士烘得很香脆，咬落咔嚓作響。麵包入面塗滿了咖央醬，入口有好重椰香味，配埋中間嘅半溶牛油，味道一流。至於兩隻半熟蛋，水準亦很不錯，烹調時間控制得啱啱好，加入黑醬油，吃起來滿有蛋香，如果可以配少許胡椒粉，就更添美味。肉碎飯味道亦唔錯，豬肉碎加咗豆角、辣椒同香葉嚟炒，入口辣中帶鮮、鹹香味濃，超惹味。米飯粒粒分明，配埋隻脆邊嘅煎蛋一齊食，真係無得輸。第一次食呢款老鼠粉，用砂煲上，好有份量。原來老鼠粉即係銀針粉，入面嘅材料好豐富，有櫻花蝦、魚乾、肉碎、花生、半隻蛋、菜甫同蔥花等，撈勻一齊食，粉條滑溜彈牙 ，濕潤又帶陣陣豉油香，絕對值得一試。跟餐飲品點咗杯凍桔仔話梅水 (+$3)，味道酸酸鹹鹹，生津解渴，好爽！

前幾天經過南島，見到好多人排隊等候入坐，莫非出品真係好？🤔終於今天有機會嚟認證係唔係好食，入到餐廳環境幾舒服乾淨，見到其他食客枱上，都有點海南雞飯，一於跟 肯定係無錯！🤫等了一會兒，我哋點的餐來了先嚟到青檸梳打，青檸夠曬醒胃！大蝦米紙卷入面餡料有蝦肉、青瓜絲、沙律菜、紅蘿蔔絲、再配上新鮮芒果醬汁，真係清新絕配，不失頭盤首選！😎海南雞飯賣相好吸引，還有三種醬料分別有薑蓉甜酸醬黑豉油，雞油飯係粒粒分明，湯是熱的，😝我用筷子夾起件雞髀肉，點了薑蓉，放入口裏肉質鮮嫩幼滑好有雞味，果然出色佳作，怪不得好多客人都不能決少海南雞飯，飯是有味的軟硬適中我最鍾意這種口感！😏燒沙巴軟殼蝦上枱的時候，熱辣辣香噴噴，由於蝦殼係軟的所以連殼一齊食，味道鮮美無比好好食，南島是值得推介朋友嚟品嚐。