南島

營業中

休息中

難得約到朋友係港島區食飯，朋友極力推介呢間南島，話性價比超高。 睇落普通茶餐廳一間，會有咩咁特別? 不過又近朋友，就即管去食啦。Lunch time都幾多人，黎到要等一陣，但都好快有位。 地方睇落唔錯，好乾淨。見到餐牌好多選擇，主力係東南亞菜。 因為雖然涼返啲但晏畫都仲熱，我同朋友就叫左個香茅豬排撈板麵，同冰鎮鮑魚。 食得冇咁熱。 然黎試埋佢個桔仔話梅水同薏米水潤下。冰鎮鮑魚睇落冇咩特別，但原來個亮點係個醬。 鮑魚點汁食係超正，完全帶出到鮑魚既解味同清涼既感覺。香茅豬扒撈板麵都好出色。 一黎見咁大碟都有啲驚喜。 豬扒炸得好靚，夠熱又厚，真係冇諗過會咁大塊同咁多肉。 好好味，香脆又唔硬。 個麵似上海麵，仲要煮得剛剛好，配埋下面既青瓜絲同蟹柳線真係好襯，呢個天氣食一流。而2杯野飲微甜，足料。真係非常之好既介紹，值得入黎食。

餐廳好近地鐵站，一出只須行幾分鐘就到餐廳。餐廳燈火通明，座位舒適，整體都係乾淨衛生。因為星馬泰嘅菜式都有，所以餐牌選擇頗多，睇到眼花撩亂。難為左選擇困難嘅我。泰國柚子蝦沙律 ，份量十足，我地倆足夠分享到2小碗。 大蝦無咩鮮味，不過柚子味甜多汁，少少苦澀味都無，就算係當開胃菜定餐後水果都好fresh,好美味。泰式炸蝦餅，原本只以為係四小件，點知上枱見到有八小件，就知每件嘅size有幾大件啦。 熱辣辣上枱，炸到蝦肉脆卜卜，唔會滴哂油，而且彈牙，唔錯。軟殼蟹星洲喇沙，非常出色，材料豐富，有魚旦魚片，豆卜，特別讚下豆卜厚身吸汁，好味。雖然軟殼蟹偏細隻，但炸得香脆可口。而喇沙魅力在於湯底，湯底偏黃，但唔會太辣，反而帶點甜，仲有咖哩香同濃濃椰香味，非常喜歡。面線吸左好多湯，質地偏稔，所以唔好掛住講野唔食嘢，要食快啲先得啦。餐廳價錢親民，仲唔使加一，侍應主動加水，可以之後再安哥

今日係屋企附近嘅南島食海南雞飯，海南雞飯嘅醬料我最鍾意食，尤其是係又甜又酸嘅海南雞醬，同埋D薑蓉，同埋D雞豉油，🤤🤤🤤雞皮係黃色嘅，不太肥，但係都幾有雞味，加上冬瓜湯同埋飯，一個人做晚飯剛剛好，可以半價換咗一杯青檸梳打水。個晚餐都幾豐富！

今日途經西灣河筲箕灣大來大廈地下，有一間食星馬泰菜嘅南島餐廳，就同朋友一齊入去食嘢。呢度好多人都係食海南雞飯，雞係黃油雞，好有雞味，雞皮唔會太肥，醬料酸酸甜甜、還有薑蓉和醬油，好正宗。雞的份量都有好多，好食。😋😋😋朋友喜歡食泰式肉碎生菜包，肉碎裏面有蔥頭、有檸檬葉嘅味、香茅味，豬肉肥瘦適中，包住D生菜一齊食，好有風味。🤤🤤🤤每次去南島必食嘅係椰香咖央多士半熟蛋，雞蛋半生熟，剛剛好。多士香脆，好正。今次叫咗串燒，兩串雞兩串豬肉，連埋啲沙嗲醬一齊食，超級好食。青檸梳打清新。人均消費$130，抵食。

I’m Singaporean and I enjoyed their laksa! Tea set is pretty worth it and the Hainanese chicken thigh meat was tender and full of gelatin. It’s no 328 laksa (nor would I travel across the island just for this) but it’s good enough if you live around here - well balanced flavours (not too salty as a lot of laksas here tend to be) and generous portion. Plus it comes with a comforting cup of barley! Would do away with the shallots and kangkong though, but those don’t really impair the taste of the

之前聽朋友講西灣河地鐵站附近近排開咗一間新嘅東南亞餐廳，性價比超高，呢一日同女朋友咁啱去開附近，就一於去try try啦餐廳門面裝修幾光鮮，店舖面積都好大，因為佢有上下兩層！我哋當日就坐喺下層，光線都幾充足舒服！餐牌嘅食物選擇好多：泰國、馬來西亞、星加坡、印尼等等嘅東南亞菜式都有！我哋當晚分別叫咗兩個主食同埋一個甜品：印尼炒貴刁一攞上嚟嘅時候熱辣辣，啲臘腸香氣撲鼻，而且唔會炒得好油，而且分量頗多！第二個主食係肉骨茶。曾經喺星加坡生活過嘅女朋友話呢度嘅肉骨茶質素值得一讚，除左因為排骨唔會話太肥之外，湯底應該真係用藥材去煲而唔係用味粉溝出黎，所以排骨食起上嚟幾入味！最後我哋用一道芒果糯米飯。可能因為季節唔係太啱嘅關係，所以啲芒果唔算好甜，不過佢嘅糯米飯係整得好好食嘅，椰香味好重總括嚟講，呢間新開嘅東南亞餐廳喺呢一區算係質素同埋性價比幾高嘅一間餐廳！

未入去食已經俾佢嘅門口吸引住上層落地玻璃採光十足 可以一路食一路睇街景平日時間就算餐廳有上下兩層都爆曬要等位Lunch set款式夠曬多 有20款可以揀星洲肉骨茶(一字骨)＋油條 ($72)Bak Kut Teh 5/5⭐️一字骨好入味同夠淋👍🏽👍🏽飯可以揀白飯或者油飯，今次就揀咗白飯送肉骨茶除左肉都有枝竹同菇等等既少量配料肉骨茶有Fine tune過既味符合香港人口味，無論lunch定dinner食都ok唔會太重口味招牌海南雞飯 ($78)Hainan Chicken Rice(Boneless) 4/5⭐️黎親東南亞餐廳又點會唔少得海南雞飯無骨雞啱晒懶人👍🏽👍🏽個秘制醬值得一讚兩個餐都揀咗跟青檸梳打，就算唔啱飲都有其他選擇無論係咪特飲都只係加$3😍甘香XO醬炒通菜 ($58) 4/5⭐️今次唔想食得咁熱氣，就改咗蒜蓉炒都夠晒鑊氣🤩不過相對而言就冇其他菜式咁高性價比總括而言，環境不錯Staff都好nice，性價比高👍🏽👍🏽

為咗慶祝一個月既地獄式訓練完結， 今日同朋友嚟咗西灣河一間叫南島嘅星馬餐廳，喺OPENRICE睇咗好耐，做足功課先決定過尼。雖然外表華麗， 燈光光猛，MENU價錢合理，沒有加一，但服務一流。 最重要係全部食物都超水準，性價比超高之選，絕對值得再幫襯。 最後既一張圖要出賣一下朋友， 我地坐左一張角落靠著落地大玻璃既位置，景觀開揚，座位舒適。🌟肉骨茶+油飯（$72）🌟超抵食之選。 肉骨茶基本材料，加上杞子同龍眼，好養生😋 而且味道絕對冇得彈， 完全吸收晒豬肉同蒜頭同肉骨茶包味道， 鮮甜唔澀。 個蒜頭整得好稔，好似豆腐既質感，而且非常之鮮甜，個湯最後比我地飲到渣到唔剩。 另外仲配送一份油炸鬼，有啲硬，係擺落個湯浸到稔晒就好好食，同肉骨茶嘅配搭天作之合。🌟炭燒豬頸肉（$68）🌟圖二可見豬頸肉油脂均勻，咬落爽口， 既有炭燒味道，又有蒜香味，可見師傅功力深厚。 而獨家自製醬汁, 帶一點薄荷茶同酸甜既泰式辣醬和魚露味道，更加將豬頸肉昇華到另一境界，令人食指大動。🌟泰式芒果糯米飯（$68）🌟次次黎都泰式餐廳必然會叫芒果糯米飯，作為飯後點心。 糯米煙韌,而且端上嚟嘅時候，仲帶一點餘溫。 但稍嫌椰汁味道不

一路睇住呢個舖位裝修到開舖～終於約到朋友一齊黎食星馬泰菜👯‍♀️🥳望到個menu好多選擇😲😲 2個人好似餓左好耐咁😂😂忍唔住叫左好多野食😆侍應姐見我地點左咁多野食，見有4人枱都即時同我地轉枱，好識做😚東南亞菜式一定唔少得肉骨茶😋😋😋星洲肉骨茶配油飯， 上菜時仲配有油條～ 正飯都未食就即用油條浸上肉骨茶，油條浸完都仲脆同好香口👍🏾而且有淡淡肉骨茶的藥材香味油飯都大大碗～入口唔太油～幾香口泰式生菜包🥬啲肉碎混有檸檬葉， 好香好特別同好惹味🌶XO 醬炒貴妃苗值得再回味～ XO 醬唔太辣，並帶有豆瓣醬味味道～ 貴妃苗又炒得好爽脆，唔會淋bac bac 🙈🙈好味呀！明爐烏頭又係大大條😂😂所以野都大大份～ 好抵食😋烏頭肉質結實、有鮮味～ 一邊燒一邊淋上湯，啲湯帶有甜味又帶點青檸味～ 好特別😗

南島 (西灣河)好食度： 😋😋😋😋/5性價比： 😌😌😌😌/5回頭率： 🚶🏻🚶🏿🚶🏽🚶🏼/5價錢：HKD388 三主食兩小食係距離西灣地鐵站不遠嘅一個長期丟空嘅舖位終於有著落啦，就係開咗呢間食星馬泰菜嘅南島啦。就咁睇落個外觀裝修都幾靚嘅，間餐廳重有地庫添，不過港男就無落到去參觀啦。講返啲食物先，因為三個人去，所以每人叫咗樣主食先，然後再叫咗少少小食。咁港男就叫咗軟殼星洲喇沙，咁其他就有海南雞撈板麵同泰式豬手飯。至於小食就叫咗串燒分別有豬同雞同埋一品牛柳粒。咁港男食嘅軟殼蟹星洲喇沙都唔錯，個軟殼蟹炸得幾好，喇沙方面都大大碗好多料，味道就不過不失咁啦。然後港男有偷食幾舊海南雞，係去骨嘅，味道都唔錯，而且份量都好多呢。至於豬手港男就無試到嘅，不過聽返就話太腍身，唔太好食咁。然後小食方面啲串燒都唔錯，幾好味，不過牛柳粒就普通，唔會有太大驚喜，或者應該試返啲星馬泰菜式會好啲，有見到鄰枱嘅巴東牛肉好似幾靚仔咁，或者下次可以試試呢。———-//////————地址：西灣河筲箕灣道143-145號大來大廈地下B號舖及地庫電話：28278877～～～～～～～～～#堂食 #kongerguy #konger

今日行完太古城，慢慢步行去西灣河搵野食，行下行下見到間都幾新既餐廳叫南島，睇menu係食新加坡及泰國野為主，就決定入去試試。軟殼蟹星州喇沙米線米線既淋度同喇沙既辣度都適中，配料有豆卜、魚蛋、魚片同埋蛋等等，全部都好入喇沙味，最緊要既主角軟殼蟹大大隻而且炸到好脆口仲有d蟹膏超正，大滿足新加坡肉骨茶配飯有得揀油飯或者白飯，我當然揀有d味既油雞，肉骨茶有好濃既藥膳味，真材實料，冬菇、大蒜頭、腐竹都沽滿肉骨茶既味道，而豬骨都炆得好林，仲有3粒油炸鬼係點肉骨茶食，都幾正，推薦！泰式炸蝦餅4件蝦餅切開變8件，炸到好脆，而且好爽口，點埋佢提供既泰式甜醬一流！今晚食既幾款食物質素都唔錯，所以下次一定都會返黎再幫襯

今日同朋友行到西灣河，見到大家有一間新開嘅泰、星、馬餐廳😋裝修精美的餐廳，而且坐得好舒服，店舖距離地鐵只係5分鐘，十分方便。海南雞飯 $72油雞飯好香，而且配埋大大碟既油雞真係好好食，d雞好嫩好滑😍配埋三隻醬汁👍🏻勁夾，加埋冬瓜湯🤣一點也不油膩新加坡肉骨茶 $72新加坡肉骨茶性價比較高😊肉骨茶好濃味，好香，同新加坡嘅肉骨茶一樣咁地道😍好有驚喜，而且仲有好多排骨食🥰泰式炸蝦餅 $68 蝦餅送到上枱熱辣辣，仲好脆口，份量都多🌿🌿🌿🌿🌿🌿🌿🌿🌿🌿🌿南島 (西灣河)西灣河筲箕灣道143-145號大來大廈地下B號舖及地庫🌿🌿🌿🌿🌿🌿🌿🌿🌿🌿

個阿姐侍應唔比我同我坐窗口位，話係三人位囉但最過份係我地非lunch hour去，而且當時餐廳冇乜人 d大卡位三四個吉既就叫我地坐牆邊二人位，坐低之後我話餐廳冇乜人，嗰d位都冇人坐，佢都唔俾，最多安排去一個格攝既二人枱細位然後我地食完飯都仲係未多人，d卡位一直冇人坐真係多餘

在西灣河地鐵過少少，海晏街轉角位，一間高大英俊，光鮮亮麗的餐廳，非常吸睛，👀原來是食東南亞菜，正合我們心❤意，中午時間都幾多人，霸左個位先。🥳🥳中午套餐都好多選擇，有十幾個餐，平均七十幾文一個，粉面飯酥餅任君挑選。行街行到好攰好肚餓，要食多D先夠。😋😋超值餐一🌷💥💥無骨海南雞🐔喇沙米線大碟無骨海南雞，皮脆肉嫩，配三色醬汁，大碗喇沙米線，有爽爽魚🐠片， 索曬啲湯味嘅豆卜，可愛的肥芽菜，香鮮味美的喇沙湯，食到停唔到。😋😋👍超值餐二🌷巴東牛🐮腩配印度酥餅燜得軟糯濃香的牛🐮腩，巴東特殊的香料，令牛腩的味道升至雲端。☁️印度酥餅熱辣辣，酥軟香脆，層層麵香，點D巴東汁，食到舐舐脷。😋😋😋😋😋超值餐三🌷沙爹肥牛🐮超靚靚芥蘭🥬雖說是肥牛，但見不到肥膏，食落非常肥美鮮嫩，粗粗的芥蘭，選了最嫩的部分，配上香濃的沙爹汁，成碟菜全是最精華食材，超值超值超超值。💯👍😋套餐還送飲品，香濃咖啡☕奶茶各一杯，坐在光亮寬敞的卡座，想著下次幾時再來。🤣🤣

呢排食🐥海南雞同🥘喇沙就好似上咗癮咁😳 今次試呢間係係西灣河嘅餐廳。🥘午市套餐-🦐軟殼蝦星洲喇沙米線 $78大大碗嘅星洲米線配上三隻🦐 軟殼蝦。喇沙椰汁味都濃，辣度適中，我鐘意配米線多過油麵/米粉😳。配料除咗😋軟殻蝦外，還有🐟魚蛋、🐟魚片、🥚雞蛋、豆卜、通菜和🧅洋蔥，十分足料。🦐軟殼蝦其實也不用剝殼☺️懶人都啱食！🐥 午市套餐- 招牌海南雞飯 $78配上🍚油飯和冬瓜湯。天氣仲咁熱，飲冬瓜湯消暑都係不錯的選擇。海南雞已經去骨，啖啖肉，配上我最愛嘅甜醬油😋 油飯也做到粒粒分明。🍢串燒（四串，🐮牛🐥雞各二） $68食材本身已經帶有微微咖喱味，配埋沙嗲醬就更加香口。飲品：南洋海南咖啡/Coke Zero☕️咖啡味道較淡，不苦澀～環境：4/5採光度好好（多窗），亦有好多sofa 位提供。餐廳好似有兩層，見到有樓梯通往下層。亦不用等位。服務：4.2/5一坐低已經準備好兩杯水，另外上菜姐姐十分殷勤，亦十分有禮貌。食物：4/5份量足，味道不俗，比較推薦喇沙米線🙌🏼Revisit: Yes if pass by Sai Wan Ho