南島

食物質素幾好，坐得舒服，唯獨一個男職待客態度不合格，每次到櫃檯埋單，我唔係話要有咩好待遇，用八達通付款，對方會話「得啦、OK」，文字上表達唔到佢嘅語氣，但覺得好似係我欠佢咁，唔緊要，咪當大家文化背景唔同（補充：只有佢一個係咁嘅態度）今朝遇到嘅「待遇」更甚，我行埋櫃枱放低bar code，當時佢手上整埋一叠單，我咪等佢整埋先，但佢沒有一句話「唔好意思，俾我執埋先」之類嘅說話，突然有另一個客問佢lunch menu，佢即刻放低手上嘅單，離開櫃台去攞menu俾呢個客人，回來才處理我張單，我忍唔住講咗句「咩態度」，佢凶狠喝我「咩話」，如果當時櫃枱唔係有其他客等埋單，恐防佢會追出嚟罵我，就算問你攞menu嘅係你嘅VIP，但我企咗喺到等你結賬，係咪應該處理咗我張單先呀，呢啲係基本嘢本人覺得呢間整體有85分以上，敗咗有呢個咁唔識禮貌、唔尊重人嘅人…查看更多

南島（西灣河店）早餐選擇豐富，以經典港式與星馬風味混合最為吸引。牛肉出前一丁上桌時湯底香濃，麵條彈牙，牛肉份量足且帶嫩，面上灑有蔥花更添美味。雙太陽蛋煎得恰到好處，蛋黃流心，配上烘得脆口的方包，是經典美味的港式早餐組合。熱檸檬茶味道濃郁，茶底厚實，配上一片新鮮檸檬，既清新又提神，搭配主食十分合拍。店內環境整潔光亮，用餐氣氛舒適，早上人流適中。服務人員親切有禮，點餐流程流暢。整體來說，南島（西灣河）無論出品或服務水準都相當不錯，是區內適合享用港式經典早餐和南洋風味美食的好地方。推薦牛肉麵配雙蛋多士，絕對令人滿足。…查看更多

此店具閒適雅緻的裝修，服務員非常親切有禮。有部份座位可望向街外，增添氣氛。推介海鮮喇沙米線和炸豬扒河粉，價格有點高，但食材是高質，性價比高。之前巳到過此店數次，仍保持水準。…查看更多

我嗌咗海南雞飯， 坦白講我要求已經唔高，但係啲雞真係‘’鞋‘’又冇雞味， 全碟全部雞胸得一舊雞翼。碗湯唔夠熱，杯嘢吹左3次，食完飯先嚟。朋友就叫咗生牛肉湯河， 湯底味道可以，湯底完全唔夠熱，蘿蔔係凍嘅，由於湯唔熱，生牛肉最尾都變唔到熟牛肉。間餐廳坐得係幾舒服，裝修好新，但呢兩個食物質素令人失望， 真係唔明白點解可以咁多好評 唯一係凍檸茶茶底好味及凍咖啡質素可以。西灣河選擇的確唔多， 但呢間如果想食泰國南亞菜就未必要去， 真心希望呢間餐廳可以改善下食物質素。…查看更多

呢間店開咗幾年，今日都係第一次食。環境非常乾淨，好多座位，兼有梳化位，裝修簡樸，睇落舒服加順眼。食物餐廳收19:30，下午茶餐牌竟然供應到19:00，太好喇！餐牌選擇非常多，有飯有麵，有乾有濕。由於約咗朋友18:15，大家都未係話非常肚餓，餐牌都有唔少輕食之選！T19 咖喱配烤蒜茸包 $38蒜茸包有4、5塊，熱辣辣，烘到好脆！咖哩係奶味比較重，唔係好辣，入面都有少少料，份量都非常夠。飲品加$3要咗青檸梳打，夠大杯，和味！T28 青咖哩雞配印度薄餅 $49呢個係跟隔離檯叫，清新之選～薄餅有四塊，同印度餐嘅NAAN唔同，但都好熱好香口，仲可以同朋友開心share～朋友加$3要了薏米水。服務大致上都係好有禮貌。最欣賞係延長下午茶，人人happy，好多早食的老友記幫襯，最緊要係平貴都有得大家選擇，輕食又得，想食得飽又得。…查看更多