影片
以上資料只供參考, 請與餐廳確認詳情
ღ自家製海鮮X0醬肉眼豬扒飯一上枱就香氣撲鼻，豬扒有3塊，肉質夠嫩juicy，配上鹹香微辣的X0醬，味道濃郁，每一口都好惹味。ღ叉燒蝦仁雙拼日本滑蛋飯賣相好吸引🤩滑蛋又嫩又香，叉燒甜而不膩，蝦仁爽口彈牙，配飯一流每個飯嘅份量都好多，同朋友都食吾晒🤣🤣～～～～～～熱奶茶好濃郁，入口有啲苦澀😢朋友叫咗杯就好啲，下次我吾會叫熱嚟飲🤣🤣凍絲襪奶茶冰涼又順喉，奶香和茶味完美融合，飲完好滿足餐廳環境比較細，反而坐卡位會比較辛苦啲因為中間會有塊膠片格住同埋要快食ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ
繼續閱讀
❤️自家叉燒鮮忌廉豬骨湯意粉意粉係硬派，但係食起嚟好爽口，湯底好濃郁！好開胃👍🏻叉燒嘅份量都好多好大塊！upgrade咗奶油豬，外皮烘咗加上內裏塗咗牛油同煉奶嘅餡，好match！💜叉燒蝦仁滑蛋飯淋咗自家製嘅甜豉油，唔會太鹹，但係成個飯好多汁，濕潤，容易入口！雖然蝦仁有少少凍，但都可以接受！個飯仲有好多粟米粒，口感很好💙薑汁奶茶第一次飲有薑汁嘅奶茶，真係好特別啊！個薑味又唔會話太出，喧賓奪主，只係飲完之後會有少少薑嘅辣味的餘韻，推薦！
繼續閱讀
哩間餐廳真係無下次❌，野食普通，貼錢買難受😤💸。星期六下午去食，強迫兩個人生坐四人枱分左右🪑，到對面客人走咗，餐廳無人，一個侍應話可以調翻對面坐，好啦，到我地坐好晒，點知另一個侍應過嚟呼喝😡，話只準坐左右！當時我未拎好餐具，拎咗個餐盒到面前，佢一手就擺開✋，完全係乜都要跟佢安排，連餐具未拎都唔得🤬，服務態度差到爆燈💥！兩個人食咗滑蛋蝦仁叉燒飯🍚，味道一般啦，無乜期望，只係想食飽填肚。杯凍奶茶好夠冰，隻杯大半杯係冰🧊，我食完飯，有一半冰都未融曬，但紙飲管就融晒變軟晒🥳，不知所謂。真係完全破壞星期六心情😞，下次唔會再嚟！
繼續閱讀
員工服務態度差劣、做生意手法不良我地11:15排隊拎飛堂食，大約11:30獲安排入座。入到去唔可以叫早餐唔比叫午餐，餐牌明明寫明午餐11:30開始，之前都試過11:30就落得單，今日居然同我地講午餐要11:45先開始，要我地出返去等讓張枱比排我地後面嘅人。原來因為後面果兩個人想叫早餐，我早過佢地到又已經到咗午餐時間，咁都要趕我地出去，一心淨係諗住做埋後面張單。我地早咗嚟排就係因為趕時間想你賣午餐果陣就入席叫嘢食，完全冇顧及我地嘅感受，咁嘅做生意方法以後都唔會再嚟。
繼續閱讀
喺之前嘅早餐系列，都曾經出現過依間餐廳，印象中食物都幾好OK，所以今次去西灣河見到分店，就決定再食。叫完個餐，嚟咗杯嘢飲，個麵都未到就已經喺度係咁睇係咁望我走得未咁。雖然我都知嗰個時間係多人都要排隊，咁我都係排隊入嚟㗎嘛，唔使咁快想趕我走呀。係咁講嘢，俾啲說話啲客聽，好似係咁吹想個個快啲走唔好阻住佢做其他客生意，食都食得唔安樂，所以好快就走🫥早餐味道，個人覺得上環嗰間比較好，可能今日心情唔好，氣氛都唔好，胃口點會好吖？到最後埋單俾錢，唔好話多謝唔該都冇句，勁冇禮貌，勁乞人憎。其實其他員工冇乜嘢，係收銀嗰個特別衰😑
繼續閱讀
您可能會有興趣的...